THILSIEMBUL 15
15
Abram Kawma Pathien Thuthun
1Zie thil haw nung chun, Lalpa thu chuh Abram kawmah vaulam in a hung tung a, “Abram, lau kih, kei hi na phaw ka hi a, na kipahman chuh lopi tak hiding ahi” ti’n 2Himahleh, Abram chun “Aw Lalpa Pathien, banga nei piek ding, cha neilo in ka um zinga, ka goluoh ding chuh Damaska khuo a Eliezer hi himai ding ahim?” a ti a. 3Chun, Abram mah in, “Ngaiin, suon himhim la nei neihsak puoh ngâl a; ka In a pieng, ka suokte laka khat hi ka goluoh ding chuh ahi,” a ti a.
4Chun, ngaitie Lalpa thu a kawmah ahung tunga “Zie na suokpa hih na goluoh ding hi puo’n tin, nangmah chapa ngêi chun na go luoh ina,” ti’n. 5Chun, amah chuh pawlam ah a puidawk a, “Van lam khu en in la, aksihaw khu na sim theih chun sim in: na suonte chuh khuti zat khu hung hi’n au,” a ti a.#Rom 4.18; Heb 11.12
6Chun, amah chun Lalpa chuh a gingcha a; tichun amah chun zie chuh a diktat na’n a sânsak ta a.#Rom 4.3; Gal 3.6; Jak 2.23
7Chun, Lalpa’n a kawmah, “Zie gam hi luoh dinga hun pie dinga Kaldai haw gama Ur apat a hun puidawkpa Lalpa khah ka hi,” a ti a.
8Himahleh, amah chun, “Aw Lalpa Pathien, luoh ding ka hi tih bangti’n a ka het theih ding?” a ti a.
9Amah chun a kawmah, “Bâwngla kum thuma upa leh kelpi kum thuma upa, belamchal kum thuma upa leh vakhu leh vapalno ei hun chawih sak in,” a ti a. 10Tichun ziehaw chengcheng chuh a hun chawih sak a, akim tak ah a phelsuoh chiet a, a phel khat chuh a phel lehlam zawn achun a kawih chiet a; vacha haw chu vang a phelsuoh puoi. 11Chun, sasiel ne vacha haw chuh saluong haw chung achun a va chu sek u a, Abram chun a na nawhdawk zel a.
12Chun, nisa a hung tum dungzui chun Abram chuh a na ipmu ta mai a; chun, ngaitie, thim huoisie tak leh lauh-um tak chun ahun khuh ta a.#Job 4.13, 14 13Chun, Lalpa chun Abram kawmah, “Na suonte chuh mi gam ah malzin in hung um untin: suok in um un tin, kum zali sung chuh sugimthei un au tih he’n;#Pdn 1.1-14; Nas 7.6 14Himahleh, suok a hun nei namte chung achun ken vaihawm ing ka ting; zie nung chuleh neih leh lam tamtak nei in hung pawt un au.#Pdn 12.40-41; Nas 7.7 15Nang vang chuh a hun suonte kawmah thamuong takin chieh in na tin; na luzâng a kelsam kek in hun vui unau 16Chun, a khang lina achun na suonte chuh zie gam ahin hungkit in au; a ziek chuh Amor mite gitlohna chuh a tungkim tadih puoh ngâl a,” a ti a.
17Chun, ni a tum a, khuo a hung thim phet chun, ngaitie, hâlmang meikhu vutvut leh saphel haw kikal achun meisel kuong puotpuot a kitawl vielviel hi a um a. 18Zie ni chun Lalpa’n “Zie gam hi Aigupta lui apat a lui lien, Euphrates lui chanin na suonte ka pie tai:#Nas 7.5 19Ken mite, Keniz mite, Kadmon mite, 20Hit mite, Periz mite, Rephraim mite, 21Amor mite, Kanaan mite, Girgash mite, Jebus mite haw hi tawh ka pie tai,” ti’n Abram kawm achun thuthun a siem ta a.
Currently Selected:
THILSIEMBUL 15: GANGBSI
Highlight
Share
Copy
Want to have your highlights saved across all your devices? Sign up or sign in
Gangte Holy Bible - PATHIEN LEKHABU THIENGTHO
Copyright © Bible Society of India, 2010.
Used by permission. All rights reserved worldwide.
