THILSIEMBUL 47
47
Joseph Inkawte Pharaoh Ang ah
1Chun, Joseph chuh Pharaoh kawmah a va chieh a, a kawmah “Ka pa leh ka suohpihte cheng leh a belamteu, a bâwngguol teu tawh a neih cheng u tawh a hung u a, tuhin Gosen gam ah a um ui,” a ti a. 2Chun, a suohpihte laka mi nga a pui a Pharaoh chuh a hetsak a. 3Chun, Pharaoh chun a kawm u ah, “Bang nasem na hiu hi?” ti’n a dawng a. Amau chun a kawmah, “Na suokte hi ei suonteu a kipatin belamching mi ka hiu hi,” a tiu a. 4Amau mah chun Pharaoh kawmah, “Kanaan gama kiel a nasat bêk ziek leh ka ganchateu dinga nek ding hampa a umloh ziekin zie gam ahi chêng dinga hung ka hiu hi. Lungsiet takin Gosen gama chênna ding phalna ei pie’n,” a tiu a. 5Chun Pharaoh chun Joseph kawmah, “Tuhin na pa leh na suohpihte chuh a hungtung tau a, 6Aigupta gam chuh a um diei duoi hila, gam phatna mun pên Gosen gam a chun umsak in. A lak u a mi mat theih dinga um vang chun kei gancha cheng chunga lawipa’n kawih in,” a ti a.
7Chun, Joseph in a pa Jakob chuh a puilut a, Pharaoh ma achun a dinsak a: tichun, Jakob in Pharaoh chuh vang a pie ta a. 8Chun, Pharaoh chun Jakob kawmah, “Kum bang zat na hi ta?” a ti a.
9Jakob chun Pharaoh kawmah, “Ka khuolzin kum zat chuh kum za leh sawmthum ahi a: ka damsung kum haw hi a tawm in a gimtheih um hi, ei suonte khuolzin laia a damsung kum kimkhat le ahi puoi,” a ti a. 10Tichun, Jakob in Pharaoh chuh a vangsak kit a, a kawm apat chun a pawt ta a. 11Tichun, Joseph chun a pa leh a suohpihte chuh Aigupta gam achun a chensak ta a, Rameses khawpi kienga Aigupta a gam phapen leh neihlelamte chuh Pharao’n thu a piek bang chun a pie ta a. 12Chun, Joseph in a pa leh a suohpihte leh a pa inkawte chengcheng a neupen chanin nek ding a pie a, a vak ta a.
Kiel Kiekna
13Tichun, zie gama kiel chuh a huoisiet bêk ziekin buh umna mun himhim a um ta puoh a, Aigupta gama mite leh Kanaan gama mite chuh kiel in a chau zo tau a. 14Joseph in a buh chawknau man Aigupta gam leh Kanaan gam a dangka chengcheng chuh a lakhawm a, Pharaoh In achun a chawi ta a. 15Chun, Aigupta gam leh Kanaan gama dangka chengcheng a mat zawh phet u chun, Aigupta mi chengcheng chuh Joseph kawmah a hung u a, “Nek ding ei pie’n; na ma a hih thi mai ding ka hiu em? Dangka lah a um ta puoh ngâl a,” a tiu a.
16Joseph chun, “Na gancha hawu hun pie mai un; dangka a um takloh leh na ganchau man in nek ding hun pie’ng ka,” a ti a. 17Tichun a ganchateu chuh Joseph kawmah a pieu a: chun, Joseph in zie sakawl haw, belam hawn haw man, bâwng hawn haw man, sabiltung haw man chun nek ding a pie zel a: zie kum chun a ganchateu man chun nek ding a pie a, a vak ta a.
18Chun, zie kum chuh a hung tawp a, kum hung thak kit achun a kawmah, “Ka dangka chengcheng uh ka mat zawh tâk zieu leh, ka ganhawn teu nanga a hih tâk zie hi, na kawm ahin îm puo’ng kau; hepu, na mitmuh ahin ka sapum u leh ka gam hawu mai tihloh chuh bangmah a um ta hiel puoi. 19Na ma ahin kei u leh ka gam u hi mangthai mai ding ka hiu em? Kei u leh ka gam u hi nek dingin ei chaw’n, tichun, kei u leh ka gam u hi Pharaoh suokte himai ing kau: chun, thilo a hingledam a ka um theihna dingun leh, gam hi a hawma a um lohna dingin, buhchi ei pie’n,” a tiu a.
20Tichun Joseph in Pharaoh a dingin Aigupta gam chengcheng chuh a châwksak ta a; kiel chuh a huoisiet bêk ziekin Aigupta mite chun a lo hawu a zuok chiet tau a: tichun gam chuh Pharaoh a ahi suok tai. 21Tichun, mihingte chuh Aigupta gamgi lehlam tâwp apat a lehlam tâwp chanin a kichawn lut sak a. 22Thiempu haw umna gam mai chuh châwk loh a a kawihna chu ahi. A gam u chuh a zawk loh dinguh ahi, a ziek chuh lengpa’n a chanvo ding u a a piek ahih ziekin. 23Zie nung chun Joseph in mihaw kawm achun, “Ngaiun, tuni hin nang uh haw hi na gam u pum in Pharaoh a dinga ka hun châwk na hi tau a: zie hin nang uh dingin buhchi a um hi, zie gam ahin ching un. 24Chun, buh ât phat leh, Pharaoh chuh mun nga a khen mun khat zel pieu inla, a hawp li chuh nang uh a ding ahi, zie chuh lo a tuh kit ding leh, nangmau haw leh na inkawteu nek dingin leh, na cha neucha chau haw nek dingin hi’n a,” a ti a. 25Amau chun, “Nangin ka hinnau hi na hukdawk ta a: ka puu in ei lungsiet henla, Pharaoh suokte himai ing kau,” a tiu a. 26Tichun, Joseph in Pharao’n mun nga a khen mun khat a chan ding thu hi, Aigupta gama dân in a siem ta a; thiempute gam haw mai chuh ahi Pharaoh a dinga piek loh chu.
Jakob Thuvaithak Nunung pên
27Israel te chun Aigupta gam a, Gosen gam achun ummun a khuol tau a; zie chun a cheng det u a, chi tamtak a suong u a; nasa takin a pung tau hi. 28Jakob chuh Aigupta gam achun kum sawmlesagih a um a; khutichun Jakob damsung chuh kum za leh kum sawmli leh sagih ahi tai. 29Chun, Israel chuh a thih hun a hung nai ta a: tichun, a chapa Joseph chuh a sama a kawmah, “Na mit ka tun chun lungsiet takin na khut kha ka malpi nuoi ah gawlh inla, Aigupta gama hi ei vui lo dingin kihâksiel in.#Tsb 49.29-32; 50.6 30Ei suonte kawma ka ihmut tieng leh nangin Aigupta gam apat ahi ei zawn dawk in, amau haw kivuihna muna chuh nei vuih zawk ding ahi ei puodawk inla, amau haw kivuihna achun ei vui in,” a ti a. Joseph chun, “Na gen guol chun hun hih ing ka,” a ti a. 31Jakob chun, “Hih ngêi dingin kipautiem a leh,” a ti a. Tichun a kipautiem ta a, Jakob chun a zâlkhun chung achun kipahthu a gen ta a.
Currently Selected:
THILSIEMBUL 47: GANGBSI
Highlight
Share
Copy
Want to have your highlights saved across all your devices? Sign up or sign in
Gangte Holy Bible - PATHIEN LEKHABU THIENGTHO
Copyright © Bible Society of India, 2010.
Used by permission. All rights reserved worldwide.
THILSIEMBUL 47
47
Joseph Inkawte Pharaoh Ang ah
1Chun, Joseph chuh Pharaoh kawmah a va chieh a, a kawmah “Ka pa leh ka suohpihte cheng leh a belamteu, a bâwngguol teu tawh a neih cheng u tawh a hung u a, tuhin Gosen gam ah a um ui,” a ti a. 2Chun, a suohpihte laka mi nga a pui a Pharaoh chuh a hetsak a. 3Chun, Pharaoh chun a kawm u ah, “Bang nasem na hiu hi?” ti’n a dawng a. Amau chun a kawmah, “Na suokte hi ei suonteu a kipatin belamching mi ka hiu hi,” a tiu a. 4Amau mah chun Pharaoh kawmah, “Kanaan gama kiel a nasat bêk ziek leh ka ganchateu dinga nek ding hampa a umloh ziekin zie gam ahi chêng dinga hung ka hiu hi. Lungsiet takin Gosen gama chênna ding phalna ei pie’n,” a tiu a. 5Chun Pharaoh chun Joseph kawmah, “Tuhin na pa leh na suohpihte chuh a hungtung tau a, 6Aigupta gam chuh a um diei duoi hila, gam phatna mun pên Gosen gam a chun umsak in. A lak u a mi mat theih dinga um vang chun kei gancha cheng chunga lawipa’n kawih in,” a ti a.
7Chun, Joseph in a pa Jakob chuh a puilut a, Pharaoh ma achun a dinsak a: tichun, Jakob in Pharaoh chuh vang a pie ta a. 8Chun, Pharaoh chun Jakob kawmah, “Kum bang zat na hi ta?” a ti a.
9Jakob chun Pharaoh kawmah, “Ka khuolzin kum zat chuh kum za leh sawmthum ahi a: ka damsung kum haw hi a tawm in a gimtheih um hi, ei suonte khuolzin laia a damsung kum kimkhat le ahi puoi,” a ti a. 10Tichun, Jakob in Pharaoh chuh a vangsak kit a, a kawm apat chun a pawt ta a. 11Tichun, Joseph chun a pa leh a suohpihte chuh Aigupta gam achun a chensak ta a, Rameses khawpi kienga Aigupta a gam phapen leh neihlelamte chuh Pharao’n thu a piek bang chun a pie ta a. 12Chun, Joseph in a pa leh a suohpihte leh a pa inkawte chengcheng a neupen chanin nek ding a pie a, a vak ta a.
Kiel Kiekna
13Tichun, zie gama kiel chuh a huoisiet bêk ziekin buh umna mun himhim a um ta puoh a, Aigupta gama mite leh Kanaan gama mite chuh kiel in a chau zo tau a. 14Joseph in a buh chawknau man Aigupta gam leh Kanaan gam a dangka chengcheng chuh a lakhawm a, Pharaoh In achun a chawi ta a. 15Chun, Aigupta gam leh Kanaan gama dangka chengcheng a mat zawh phet u chun, Aigupta mi chengcheng chuh Joseph kawmah a hung u a, “Nek ding ei pie’n; na ma a hih thi mai ding ka hiu em? Dangka lah a um ta puoh ngâl a,” a tiu a.
16Joseph chun, “Na gancha hawu hun pie mai un; dangka a um takloh leh na ganchau man in nek ding hun pie’ng ka,” a ti a. 17Tichun a ganchateu chuh Joseph kawmah a pieu a: chun, Joseph in zie sakawl haw, belam hawn haw man, bâwng hawn haw man, sabiltung haw man chun nek ding a pie zel a: zie kum chun a ganchateu man chun nek ding a pie a, a vak ta a.
18Chun, zie kum chuh a hung tawp a, kum hung thak kit achun a kawmah, “Ka dangka chengcheng uh ka mat zawh tâk zieu leh, ka ganhawn teu nanga a hih tâk zie hi, na kawm ahin îm puo’ng kau; hepu, na mitmuh ahin ka sapum u leh ka gam hawu mai tihloh chuh bangmah a um ta hiel puoi. 19Na ma ahin kei u leh ka gam u hi mangthai mai ding ka hiu em? Kei u leh ka gam u hi nek dingin ei chaw’n, tichun, kei u leh ka gam u hi Pharaoh suokte himai ing kau: chun, thilo a hingledam a ka um theihna dingun leh, gam hi a hawma a um lohna dingin, buhchi ei pie’n,” a tiu a.
20Tichun Joseph in Pharaoh a dingin Aigupta gam chengcheng chuh a châwksak ta a; kiel chuh a huoisiet bêk ziekin Aigupta mite chun a lo hawu a zuok chiet tau a: tichun gam chuh Pharaoh a ahi suok tai. 21Tichun, mihingte chuh Aigupta gamgi lehlam tâwp apat a lehlam tâwp chanin a kichawn lut sak a. 22Thiempu haw umna gam mai chuh châwk loh a a kawihna chu ahi. A gam u chuh a zawk loh dinguh ahi, a ziek chuh lengpa’n a chanvo ding u a a piek ahih ziekin. 23Zie nung chun Joseph in mihaw kawm achun, “Ngaiun, tuni hin nang uh haw hi na gam u pum in Pharaoh a dinga ka hun châwk na hi tau a: zie hin nang uh dingin buhchi a um hi, zie gam ahin ching un. 24Chun, buh ât phat leh, Pharaoh chuh mun nga a khen mun khat zel pieu inla, a hawp li chuh nang uh a ding ahi, zie chuh lo a tuh kit ding leh, nangmau haw leh na inkawteu nek dingin leh, na cha neucha chau haw nek dingin hi’n a,” a ti a. 25Amau chun, “Nangin ka hinnau hi na hukdawk ta a: ka puu in ei lungsiet henla, Pharaoh suokte himai ing kau,” a tiu a. 26Tichun, Joseph in Pharao’n mun nga a khen mun khat a chan ding thu hi, Aigupta gama dân in a siem ta a; thiempute gam haw mai chuh ahi Pharaoh a dinga piek loh chu.
Jakob Thuvaithak Nunung pên
27Israel te chun Aigupta gam a, Gosen gam achun ummun a khuol tau a; zie chun a cheng det u a, chi tamtak a suong u a; nasa takin a pung tau hi. 28Jakob chuh Aigupta gam achun kum sawmlesagih a um a; khutichun Jakob damsung chuh kum za leh kum sawmli leh sagih ahi tai. 29Chun, Israel chuh a thih hun a hung nai ta a: tichun, a chapa Joseph chuh a sama a kawmah, “Na mit ka tun chun lungsiet takin na khut kha ka malpi nuoi ah gawlh inla, Aigupta gama hi ei vui lo dingin kihâksiel in.#Tsb 49.29-32; 50.6 30Ei suonte kawma ka ihmut tieng leh nangin Aigupta gam apat ahi ei zawn dawk in, amau haw kivuihna muna chuh nei vuih zawk ding ahi ei puodawk inla, amau haw kivuihna achun ei vui in,” a ti a. Joseph chun, “Na gen guol chun hun hih ing ka,” a ti a. 31Jakob chun, “Hih ngêi dingin kipautiem a leh,” a ti a. Tichun a kipautiem ta a, Jakob chun a zâlkhun chung achun kipahthu a gen ta a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gangte Holy Bible - PATHIEN LEKHABU THIENGTHO
Copyright © Bible Society of India, 2010.
Used by permission. All rights reserved worldwide.