THILSIEMBUL 48
48
Ephraim leh Manasseh Vangsakna
1Chun, zie nung chun hiti hi ahi a, Joseph kawmah “Ngaitie, na pa a dam puoi,” ti’n a hilh u a. Khutichun a chapa te nih Manasseh leh Ephraim chuh a pui a, Jakob en ding chun a chieh tau a. 2Jakob chuh, “Na chapa Joseph chuh nang hun en dingin a hung hi,” tih a hilh phet u chun, theihtawp suoh in zâlkhun chung achun a hung chudawk a. 3Jakob chun Joseph kawmah, “Pathien Bangkim hihtheipa chuh Kanaan gama Luz khuo achun ka kawmah a kilak a, ei vangsak ta a.#Tsb 28.13-14 4Ka kawmah, ‘Chi tamtak hun sepsak ing ka ting, hun supung ing ka ting na suonte chuh nam tamtak hung hiu in tin; zie gam hi na suonte kawmah a kumkhuo go dingun pie’ng ka,’ ei tih ahi,” a ti a.
5Jakob chun a gen zawm zel a, “Joseph, na chapate nih, Ephraim leh Manasseh, zie taka ka hung ma a Aigupta gama na neih te hih Reuben leh Simeon kei a a hih mah bang un ka chapate ahiu hi. 6Zie nung a chapa na neih kitte vang chuh kei a guola ngaih theih hi ta puou intin, a goluoh ding u chuh Ephraim leh Manasseh apat in hi ta’n a. 7Zie hih na nu Rachel zieka ka hin ahi. Ka lungkham na ding dingin, Mesopotamia gama pata ka vaihkit lai in Ephrath apat a gamla lo chah Kanaan gam achun ei thihsan ta a. Ephrath zawtna lamlien pang achun ka vui tai,” a ti a. (Ephrath chuh tu a Bethlehem kiti hi ahi).#Tsb 35.16-19
8Chun, Israel chun Joseph chapate chuh a muh in, “Ziehaw hi kuote ahiu a?” a ti a.
9Joseph chun a pa kawmah, “Ziehaw hi ka chapate, Pathien in Aigupta gama ei piekte ahiu hi,” a ti a. Jakob chun, “Lungsiet takin ka kawm ahin hun pui nai in, tichun amau haw chuh ana vangsak ing ka,” a ti a. 10Israel chuh a upat tâk ziekin a mit chuh a thim a, a muchien thei ta puoh a. Joseph chun a pui a, amah chun a na châwp a, a na pawm a. 11Chun, Israel chun Joseph kawmah, “Na mel muh hi kinem talo ka hi a, himahlele, Pathien in na suonte mel tieng le ei muhsak ahi ta hi,” a ti a. 12Joseph in amau chuh a pa khûp kal apat chun a kaidawk a, a maia leisi’n a bawkkhup a.
13Chun, Joseph chun a nih u chun a kai a Ephraim chuh a khut changlam in Israel khut veilam pang ah a kai a Manasseh chuh a khut veilam in Israel khut changlam pang ah a kai a, a hun pui naia. 14Himahleh Israel chun a khut a thun kalh a, a khut changlam chuh Ephraim, a naupangzaw lu chung achun a nga a; a khut veilam chuh a upazaw Manasseh lu chung achun a nga ta a. 15Zie chun Joseph chuh a vangsak a, “Ei suonte Abraham leh Isak in a na a sep sek uh Pathien, zie naupangte hi vang pien! 16Gitlohna chengcheng apat a ei hukdawk sek vânsâwlchâk chun, naupangte hi vangsak hen! Chun, ka min leh ei suonte Abraham leh Isak min chuh zie naupangte chung ahin um zing hen! chun, khawvel lailung ah mipi nasa tak hiding in hung pung u hen,” a ti a.
17A pa’n a khut changlam Ephraim luzâng a a ngak chuh Joseph in a muh phetin a ki-awi ta puoh a; tichun, a pa khut chuh Ephraim luzâng apat a Manasseh luzâng a chawn dingin a dawm kâng a. 18Chun, Joseph in a pa kawmah, “Hepa, khuti ding chuh ahi puoi: cha lutîl chuh zie hih ahi, na khut changlam hi a luzâng ahin nga zawh,” a ti a. 19Himahlele, a pa chuh a ut puoh a, “Ka hêi, ka chapa, ka hêi. Manasseh suonte hi nam lopitak hung hi ding ahiu hi. Amahvang chuh a suohpih naupangzaw chuh amah sangin hung lopi zaw’n tin, chun, a suonte chuh nam lopitak hung hi ding ahiu hi,” a ti a. 20Khutichun zie ni chun vang a pie ta a, “Israel chate chun vangsakna thu a sam tieng u leh na min un sâm in au, ‘Ephraim leh Manasseh guolin Pathien in hun siem hen,’ ti’n au,” ti’n a gen a, zie guol hin Jakob chun Ephraim chuh Manasseh masang achun a kawih ta a.#Heb 11.21
21Chun, Israel chun Joseph kawmah, “Ngaitie, thi ding ka hi ta a, himahlele, Pathien chuh na kawmah um intin, na pilepute gam ahin hun puikit in a. 22Zielo chule, na suohpihte chanvo sangin chan khatin ka hun pie tam zawi, ka chemzâm leh ka thalphel Amor te khuta pat ka lâksak ngêi khah,” a ti a.
Currently Selected:
THILSIEMBUL 48: GANGBSI
Highlight
Share
Copy
Want to have your highlights saved across all your devices? Sign up or sign in
Gangte Holy Bible - PATHIEN LEKHABU THIENGTHO
Copyright © Bible Society of India, 2010.
Used by permission. All rights reserved worldwide.
THILSIEMBUL 48
48
Ephraim leh Manasseh Vangsakna
1Chun, zie nung chun hiti hi ahi a, Joseph kawmah “Ngaitie, na pa a dam puoi,” ti’n a hilh u a. Khutichun a chapa te nih Manasseh leh Ephraim chuh a pui a, Jakob en ding chun a chieh tau a. 2Jakob chuh, “Na chapa Joseph chuh nang hun en dingin a hung hi,” tih a hilh phet u chun, theihtawp suoh in zâlkhun chung achun a hung chudawk a. 3Jakob chun Joseph kawmah, “Pathien Bangkim hihtheipa chuh Kanaan gama Luz khuo achun ka kawmah a kilak a, ei vangsak ta a.#Tsb 28.13-14 4Ka kawmah, ‘Chi tamtak hun sepsak ing ka ting, hun supung ing ka ting na suonte chuh nam tamtak hung hiu in tin; zie gam hi na suonte kawmah a kumkhuo go dingun pie’ng ka,’ ei tih ahi,” a ti a.
5Jakob chun a gen zawm zel a, “Joseph, na chapate nih, Ephraim leh Manasseh, zie taka ka hung ma a Aigupta gama na neih te hih Reuben leh Simeon kei a a hih mah bang un ka chapate ahiu hi. 6Zie nung a chapa na neih kitte vang chuh kei a guola ngaih theih hi ta puou intin, a goluoh ding u chuh Ephraim leh Manasseh apat in hi ta’n a. 7Zie hih na nu Rachel zieka ka hin ahi. Ka lungkham na ding dingin, Mesopotamia gama pata ka vaihkit lai in Ephrath apat a gamla lo chah Kanaan gam achun ei thihsan ta a. Ephrath zawtna lamlien pang achun ka vui tai,” a ti a. (Ephrath chuh tu a Bethlehem kiti hi ahi).#Tsb 35.16-19
8Chun, Israel chun Joseph chapate chuh a muh in, “Ziehaw hi kuote ahiu a?” a ti a.
9Joseph chun a pa kawmah, “Ziehaw hi ka chapate, Pathien in Aigupta gama ei piekte ahiu hi,” a ti a. Jakob chun, “Lungsiet takin ka kawm ahin hun pui nai in, tichun amau haw chuh ana vangsak ing ka,” a ti a. 10Israel chuh a upat tâk ziekin a mit chuh a thim a, a muchien thei ta puoh a. Joseph chun a pui a, amah chun a na châwp a, a na pawm a. 11Chun, Israel chun Joseph kawmah, “Na mel muh hi kinem talo ka hi a, himahlele, Pathien in na suonte mel tieng le ei muhsak ahi ta hi,” a ti a. 12Joseph in amau chuh a pa khûp kal apat chun a kaidawk a, a maia leisi’n a bawkkhup a.
13Chun, Joseph chun a nih u chun a kai a Ephraim chuh a khut changlam in Israel khut veilam pang ah a kai a Manasseh chuh a khut veilam in Israel khut changlam pang ah a kai a, a hun pui naia. 14Himahleh Israel chun a khut a thun kalh a, a khut changlam chuh Ephraim, a naupangzaw lu chung achun a nga a; a khut veilam chuh a upazaw Manasseh lu chung achun a nga ta a. 15Zie chun Joseph chuh a vangsak a, “Ei suonte Abraham leh Isak in a na a sep sek uh Pathien, zie naupangte hi vang pien! 16Gitlohna chengcheng apat a ei hukdawk sek vânsâwlchâk chun, naupangte hi vangsak hen! Chun, ka min leh ei suonte Abraham leh Isak min chuh zie naupangte chung ahin um zing hen! chun, khawvel lailung ah mipi nasa tak hiding in hung pung u hen,” a ti a.
17A pa’n a khut changlam Ephraim luzâng a a ngak chuh Joseph in a muh phetin a ki-awi ta puoh a; tichun, a pa khut chuh Ephraim luzâng apat a Manasseh luzâng a chawn dingin a dawm kâng a. 18Chun, Joseph in a pa kawmah, “Hepa, khuti ding chuh ahi puoi: cha lutîl chuh zie hih ahi, na khut changlam hi a luzâng ahin nga zawh,” a ti a. 19Himahlele, a pa chuh a ut puoh a, “Ka hêi, ka chapa, ka hêi. Manasseh suonte hi nam lopitak hung hi ding ahiu hi. Amahvang chuh a suohpih naupangzaw chuh amah sangin hung lopi zaw’n tin, chun, a suonte chuh nam lopitak hung hi ding ahiu hi,” a ti a. 20Khutichun zie ni chun vang a pie ta a, “Israel chate chun vangsakna thu a sam tieng u leh na min un sâm in au, ‘Ephraim leh Manasseh guolin Pathien in hun siem hen,’ ti’n au,” ti’n a gen a, zie guol hin Jakob chun Ephraim chuh Manasseh masang achun a kawih ta a.#Heb 11.21
21Chun, Israel chun Joseph kawmah, “Ngaitie, thi ding ka hi ta a, himahlele, Pathien chuh na kawmah um intin, na pilepute gam ahin hun puikit in a. 22Zielo chule, na suohpihte chanvo sangin chan khatin ka hun pie tam zawi, ka chemzâm leh ka thalphel Amor te khuta pat ka lâksak ngêi khah,” a ti a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gangte Holy Bible - PATHIEN LEKHABU THIENGTHO
Copyright © Bible Society of India, 2010.
Used by permission. All rights reserved worldwide.