IRPHUTNA 30
30
1Khan Rakili’n chu Jakoba leh nâi nei thei loiin an om ti an hriat suakin chu, a unu a hnarsa tâka; Jakoba kuang khan, “Nâi ni pe ro, khano’nchu, ki ithi hrang kêng,” a tia. 2Khanchu Jakoba chu voikhat zelin Rakili chunga a ning an mur pea; “Ni rîla ra phal loitu Pathian mo ni ni sôn?” a tia. 3“En ro, ki siahlonu Bilhaii hi irpôlpuiin lân, khan kêng nâi nei a ta, ama ata nâi ki nei theina hrangin ki malchunga hin nâi a inei hrang a ni,” a tia. 4Khanchu a siahlonu Bilhaii chu a dôngma hrangin a phala, khan Jakoba’n a’rpôlpuia. 5Khan Bilhaii khan Jakoba leh nâipasal an nei ta. 6Khan Rakili’n, “Pathianin a ni ngaituaa, ki’rhâi inhriatin nâipasal a ni ipêk a ni,” a tia: khasikin a’rhming khom Dana#30.6: Dana ti hi “sataka roirêl” tihna a ni. a tia. 7Khan Rakili suaknu Bilhaii chu an râi nôka, Jakoba kha nâipasal dang a neipui nôka, 8khan Rakili’n, “Pathian irbuanpui angin ka unu ki’rbuanpuia, kin hnê ta,” a tia. Khanchu a’rhming khom Naftalia#30.8: Naftalia ti hi “doi” tihna a ni. a ti ta. 9Khan Leaii chu nâi dang khom nei ual loiin a la om mai iti a’rhriat suaka, a siahlonu Zilpaii chu a hruaia Jakoba dôngma hrangin a pêk nôka. 10Khanchu Leaii siahlonu Zilpaii leh nâi an nei nôka. 11Khan Leaii chu “A sân ki dormu a sa!” a tia: a’rhming khom Gada#30.11: Gada ti hi “Vânnei/dormu sa” tihna a ni. a phua ta. 12Khan Leaii suaknu Zilpaii khan Jakoba leh nâipasal dang a neipui nôka, 13khan Leaii chu “A sate’n ar iama, nupanghaiin a sân ar iam ta ni ti an ti,” a tia; a’rhming khom Asera#30.13: Asera ti chu “raifân/ir-iam” tihna a ni. a phua ta.
14Khan bu ât laitakin Reubena’n an loia khan Zolaidi a hmua, a nu Leaii a pêka; khanchu Rakili’n, Leaii kuang khan, “Lungkham takin ni nâipa Zolaidi ni sem ro,” a tia. (Zolaidi omzia chu hloi chi khat, irnêng insatirna le hur, nghalna’n, an hmang ngai a ni.) 15Khan a kuang khan, “Ki pasal ni ni irchupui lua hi a tôm mo ni insit? ki nâipa Zolaidi khom hi mo nir chupui ni la itum?” a tia. Khan Rakili khan, “khano’nchu, ni nâipa Zolaidi irthûl hin a vuan zân nang zâlpui nôk a ti,” a tia. 16Khan khohloi tiang chu Jakoba loi hong tung chu Leaii’n a va dona, “A vuan zân ni ni irpôlpui hrang kêng ki nâipa Zolaidi leh nang ki’rchôk tâk,” a tia. Khanchu zâna chu hmunkhatin an zâl suam tâka. 17Khan Pathianin Leaii chongchaina chu a sâma, an râi nôka, Jakoba nâi ringana a neipui nôk ta. 18Khan Leaii’n chu “Ki siahlonu chu ki pasal kuang ki pêk sikin, Pathianin lômman a ni ipêk a ni ta,” a tia: khanchu a’rhming khom Isakara#30.18: Isakara ti chu ‘irhloa lômman hmu hrang’ tihna a ni. a phua ta. 19Khan Leaii chu an râi nôka, Jakoba chu nâipasal kiruk a neipui nôka, 20khan Leaii’n, “Pathianin irchonhlu a ni ipêk a nih a tia; atûn ata chu nâipasal kiruk ki neipui tâk sikin ki pasal khom ki kôla om nuam ta a ti,” a tia. Khanchu a’rhming khom Zebulun#30.20: Zebulun ti hi ‘thilpêk dong’ tihna a ni. a tia. 21Kha zoiin chu nâinupang a nei nôka, a’rhming chu Dinaii a phua ta.
22Khan Pathianin Rakili chu an hriat maia, khanchu a chongchaina a sâm pea, a sul an hong pe tâka; 23khanchu an râia, nâipasal a neia: khan, “Pathianin keima irhming sâmin a ni ipêk a ni ta,” a tia. 24Khan, “Rengpa’n, nâipasal dang ni pe nôk ri se,” a tia. Khanchu a’rhming khom Josefa#30.24: Josefa ti omzia chu ‘Pe nôk ri se mani, a lâkpai’ mani, tihna a ni. a phua ta.
Jakoba le Labana irdôrna
25Khan, hiang hi a nia, Rakili khan Josefa a nei zoiin chu, Jakoba’n Labana kuang khan, “Ki omna hmun ngêta, kin ram tiang nin fetir ta ro, a tia: 26ni sin ki thôna man ki dôngma le ki nâihai ni pe’n lân, nin fetir ta ro, ni sin ki itho lam laka nin hriat tâka,” a tia. 27Khanchu, Labana’n a kuang khan, “Lung nin khamin lân ni la ompui ual ro ba: Rengpa’n nangma zâra sat a ni vur ti tasânin kin hriat kêng,” a tia. 28Khan ama ngêtin, “Ni hlo hrang bîk inkungin lân, ni hril ro, khanchu nang pe ki ti,” a tia. 29Khan ama’n a kuang khan, “Itin mo ni sin ki itho, itina mo ni’rchon sial, kêlhai ki kuang an om ti ni inhriat; 30ki hong mân khan chu a tômte kêng ni inei, atûn chu a sate’n an hong punga, an tam tâk hi te: ki fena hmun tina Rengpa’n satvurin a inpung mai a ni: khannisianlân itika mo keima in sûngkua ta hrangin ki la isin ta hrang?” a tia. 31Khan ama khomin, “Imo nang ki ipêk hrang?” a tia. Khan Jakoba’n, “Ni sial, kêlhai khom nang enkol pe mai ki ti, hi ki thil indit ni zôm nuamin chu, a tia. 32A vuan chu ni kêl le belrahai va enhai ki ta, belrahai laia a duk murdi le a râng murdi, le kêl laia khom a duk le a râng murdi a bingin zêkhai ki ta; kha hnung, atûn ata chu hianga duk le a râng irzir murdi chu ki ta ni hrangin keima hlo hrang chu ni ri se, a tia. 33Khasikin atûn ata ni mithmua ki ihlo le ki thu zômna chu ki hlo chukna ni ihmu hrang a ni. Belra mo kêl mo a duk loi mo a râng loi mo ni hmu’n chu, ni ta kin rûkin nin tum ro,” a tia.
34Khan, Labana’n, “Irngai ro, ni iti ang takin ni ta ri se,” a tia. 35Khanchu hi nî sûna hin chu kêl duk le a râng murdi, belra duk le a râng murdihai chu a bingin an hruai indanglamhaia, a nâipa kuta enkol hrangin a pêka; 36khanchu, ama le Jakoba kâra sûn thum fena lam hlataka an omtirhaia. Khan Jakoba’n Labana kêlhai chu an thâhai tâka.
37Khan, Jakoba’n theikung le thingkung irzar chi khianghrol hring a lâka, a hmor irzumin khianghrol chu irtêk langin a siama. 38Khan khianghrol a isunna, kêlhai tui hong inna ngai khêng, tui luangna kôlhaia khan tui in hrangin an hongin chu an inrâi ngaia. 39Khanchu kêlhai kha inrâiin an têhai chu chial rekruk le râng bekbukin an suaka. 40Khan Jakoba’n kêltehai kha a bingin a siahaia, khan kêl têhai chu Labana kêl hranga irhoi murdi a duk le a rânghai irhmu theiin, a bingin ama ta hai a siahaia, Labana kêl leh irzêltir loiin. 41Khan hiang hi a hong nia, kêl a hrât ualhai pâl an fâk hrang rikipa, khianghrol omna hmun tiang a hôlhaia; Jakoba’n tui luangna hmun, kêlhai irhmu theina hrang hmuna a khianghrol a sia ngaia. 42Khannisianlân kêl irchi sarak loihai kôla chu sia nuam ma: khasikin a sa ok loihai kha Labana ta an nia. A sa, a hrâthai chu Jakoba ta an ni. 43Khanchu Jakoba kêl chu a sate zelin an pung pea, kêl rual, satak tak hai, suaknu, suakpa, saringsei le sakuartunghai a nei tâk a ni.
Currently Selected:
IRPHUTNA 30: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
