IRPHUTNA 32
32
Jakoba’n Esaua irtokpui hranga irsiam
1Khan Jakoba chu a fe zêla, Pathian vântirtônhaiin an le’rtokpuia. 2Jakoba’n a hmuhaiin chu, “Hi kêng hi Pathian ihruaihai pâl an ni hi te,” a tia: khanchu kha hmun irhming kha Mahanaim#32.2: Mahanaim ti omzia chu Hebrai chongin “Kul inhni” tihna a ni. a ti tâka.
3Khan Jakoba chu, Seir rama, Edom phâia a upa Esaua kuanga mi a lei tîrhai baka, 4an kuang khan, “Ki rêngpa Esaua kuang khan hiang hin nin iti hrang a ni, ni sinthotu Jakoba’n hiang hin a ti: Labana kuang ata chu ki hong zôk tâka, hi hmun hin ki bingin ki om ta; 5ki sial, ki sakuartung le ki belrahai, ki suaknu le suakpahai khom neiin ki om ta; khanchu ni mit ki tung theina hrangin, nang ki rêngpa hril hrangin mi ki hong itîrhai an ni,” tiin.
6Khanchu a mi tîrhai chu Jakoba kuang an hong kîr nôka, “Ni upa Esaua kuang kin va tunga, ama khom mi irzaminli tuangin nang irtongpui hrangin a hong,” iti thu an hrila. 7Khanchu Jakoba chu a sate’n a lei chia, chardong a le’rlâka: khanchu a kôla mi a iompuihai kha pâl hniin a lei semhaia, a kêl, sakuartung le belrahai khom buk hniin a lei siahai tâka; 8Esaua’n buk khat a hmua a that khoma buk khat an zôk theina hrangin a tia. 9Khan Jakoba ngêtin, “Ka pu Abrahama Pathian, ka pa Isaka Pathian, o Rengpa ni omna rama le ni sûngsuakhai tianga fe hranga ni tîrtu le nin thâ loi hranga ni hriltu, 10kei ni sinthotu chunga hin ni thudik murdi le lungkhamna inlangtir ngai, ki’rchonhai chunga hin, a chînte khom hi hmu inruk ni ma ung; hi Jordan dung hi, ki khianghrol leh vai ki’rkâna; atûn chu pâl hnia sema inpungin ki om tâk. 11Khasikin lungkham takin ka upa Esaua kut ata hi, ni saninzôk ro; nu le nâihai kin rênga ni that hrang chu ki chipuihai sikin. 12#Irp 27.17 Nangin nang siam insa ngêt ki ta, nir chihai khom tuipuia chiai tam anga tep zoi loi nêka tamin nang siam ki ti, ni tia,” a tia.
13-15Khan, kha ni zân chu kha hmuna khan a riaka; a’rchonhai chu kêlpui irzahni le kêlchal sômhni, kêlbelrapui irzahni le belrachal sômhni, saringsei dût sôm lai a tê le sômthum, sehrâtpui sômminli le sehrâtchal sômkhat, sakuartung pui sômhni le a tê sômkhat, a upa Esaua lômna hrangin a bingin a siahaia. 16Khan a papâlin a zêkhaia; a siahlohai kha an hôltirhaia; an kuanga khan, “Ki maton tiang fe unglân, a pa pâlin nin kâr irhla vi viatin,” a tia. 17Khan maton taka fe kuang khan, “Ka upa Esaua leh nin irtoka, tu mi mo ni ini? kho tianga fe hrang mo ni ni? ni kôla omhai hi tu ta mo an ini? tia nang a’rdonin chu, 18ni sangpa Jakoba ta an ni; ka pu Esaua, nangma nang lômna hranga nang a hong ithon an ni; ama khom kin hnunga son a om; ti ro,” tiin thu a pêka. 19A hnunga la omhai khom a sial, kêl hôltuhai kuanga khan, “Esaua nin hmu’n chu, khaang khan nin iti hrang a ni. 20Ni sinthotu Jakoba chu kin hnunga son a om ti ving roi” a tia. Lômman ki ipêk hin a lôm theina hrangin, kha zoi le a hmêl la hmu rong, khanchu a raifân thei ngêt a ti, iti an sâp a ni. 21Khaang khan an fe tâka; kha ni zân chu kha hmuna khan a riaka.
Peniel hmuna Jakoba’n mi leh an irbuan
22Khan, zâna chu a thoia, a dôngmahai ruai le a siahlonuhai ruai le a nâihai sômhleikhathai a hruaihaia, Jabok tui irkânpuihai hrangin. 23Annihai a hruaihaia, a neinun murdi leh tui a’rkânpuihai tâka.
24 #
Hos 12.3-4
Khan Jakoba chu a bingin a om lai takin, mi inkhat a honga, a’rbuanpui a’rbuanpuia, khovâr mân chu. 25kha mi khan inhnê ma ung ti an hriatin chu, Jakoba malru a sômkhoi pea, a’rbuanpui laiin Jakoba malpui ru chu a koi pe tâka, a’rloru a’rphêt tâka. 26kha mi khan, “Nin tha ta ro; khua a vâr tâk,” a tia. “Nang intha viat no ning sat ni ni vur mâka chu,” a tia. 27Khan, kha mipa khan Jakoba kuang, “Imo nir hming nin hril ro?” a tia. “Ki’rhming chu Jakoba a ni,” a tia. 28#Irp 35.10 Khan kha mi khan, “Ni’rhming khom Jakoba nang ti ta no nihaia; Israel#32.28: Israel ti chu Pathianin enkol ri se, tiin an irngaia, Pathian leh irbuan tihna a ni. nang ti ta an ti; Pathian le mihriam nir buanpuia, nin hnê tâk sikin,” a tia. 29Khan Jakoba’n ama chu hiang hin a’rdona, “Lungkham takin nir hming nin hril ro,” a tia. “Khan kha mipa khan i lo hrang mo ki’rhming ni ni irdon?” a tia. Khanchu kha mi khan sat a vur tâka. 30Khanchu Jakoba’n kha hmun irhming hrangin Peniel#32.30: Peniel ti omzia chu ‘Pathian hmêl’ tihna a ni. ni ri se, a tia: Pathian chu hmâi irsongin ki hmua, ki hringna a ni hôi pe sikin, a iti a ni. 31Khanchu Peniel hmun a khêlin chu misa a hong suaka, misa’n a hong êlin chu, a malpui koi sikin a ke an bâi tâka. 32#Roi 13.17-18 Khasikin atûn ten hin Israel irchihaiin chu malpui irlo ru inbâi hme fa ngai mahai. Jakoba malpui ru sa lai tak a siat pe sikin.
Currently Selected:
IRPHUTNA 32: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
