IRPHUTNA 49
49
Jakoba chong hnungkhôn
1Khan Jakoba’n a nâihai chu a koihaia, “Sûn hnungkhôn tianga nin chunga thil hong tung hrang nangni ki hril theina hrangin irkoibuk roi,” a tia.
2Nangni Jakoba nâihai irbuk unglân irngai roi;
nin pa Israel thuhril hi irngai roi.
3Reubena nang ki nâilutîr, ki sintho theina,
ki hrât lai taka ra maton tak ni ni.
A’rsângtak le thuneitak nina chu ni ta a ni.
4Khannisianlân tui anga det loi ni ni sikin,
a’rsângtak nina chu chang no chi ni.
Ni pa zâlhmun ni kâi sikin,
ni iporinchetir a ni kha.
5Simeona le Levi hi ulenâi an nia.
An chemhai chu thisen suakna hriamhrei a ni.
6O, ki’rtha anni ngaitua angin om no ro,
kin lalnahai hi, anni ruai irkopna hmuna om no’n lân.
Ningmurin mi an thata,
lungrîl saloiin sehrâtchal an thata.
7An ningmurna chu khosâl tongin om ri sehai;
nun saloitak an ni sikin.
Jakoba-hai leh khom irkop no ri sehai.
Israelhai ata khom sem indarin om an ti.
8Juda ni urênghaiin nan pâk an ti.
Ni kut chu ni idoihai chunga irnghat ni ta;
ni pa nâihaiin ni makunga chubai nang mûk an ti.
9 #
Nam 24.9; Thup 5.5 Juda hi kâmkeibaknei nâi ang a ni.
Ki nâipa ni sa sê chu ni mâksan ta.
A kûna, kâmkeibaknei angin an boka;
kâmkeibakneinu angin tu’n mo nang a kai thoi ngam hrang?
10Reng khianghrol chu Juda kuang ata irsam no nia;
roirêltu khianghrol khom a ke kâr ata irsam no ni.
Nam tinin ama thu la zôm an ti.
11A sakor te chu grep hruia khit a ta,
A sakuartung tê chu grep kung sataka thung a ti.
A tukfam khom uain tui leh irsu a ta;
a puan chu grep thisen leh irsu a ti,
A mihai khom uain thisen angin om an ti.
12A hahai khom dût anga invârin om a ti.
13Zebulun hin tuipui kôla omhmun khuar a ta,
Irkuang irngamna hmun ni a ti.
A ramri khom Sidon ni a ti.
14Isakara hi sakuartung hrât tak, kêlbelra pâl kâra kual thei a ti.
15Irngam chu a sa ti an hriata,
a ram hoi lam khom an hriata.
Khanchu puak pêl hrang zongin a oma.
Khanchu sintho hrangin mihaiin an hmang ta.
16Dana hin a mihai chu roirêl pehai a ti,
Israel nam inkhat anga bêin,
17Dana hi chu lampui kôla mirûl ang a ni.
Mirûl tûr hrât lampuia irkhang ngai ang a ni.
Sakor ke inchuk invûngtirtu ang hi ni a ti.
18Khasikin Rengpa ni saninzôkna ki nghâk mai.
Gada hi râlin doi an ta.
19Khannisianlân ama’n khom an ke ârtui tiang doihai a ti.
20Asera hi a fâk chu satak ni a ta,
Renghai ifâk nuam lam siamtheitu ni a ti.
21Naftalia hi sazuk a nuam taka lêng ang hi ni a ti.
Thu satak takhai hrildoktu a ni.
22Josefa hi a ôn ra nuam tak a ni.
Tuikuang kôla thing ra nuamtak ang kha;
a ôn irzâmnahai khan lung danghai irkhûhai a ti.
23Thal kâp mihaiin a sate’n dengintheitir an ti,
kâp an ta an nuamin an isoisak ang khan.
24Khannisianlân a thalngul chu ite châng viat no ni.
A kuthai khom irnak songin hrât tak ni a ti.
Jakoba mi hrât kut sinthotheina khan (kha khan chu belra hrungtu,
Israel lampui a lei oma).
25Ni pa Pathian, nangma nang changpui hranga Itinrêngthotheiin,
chung tianga vân satvurnahai,
hnuai tianga satvurnahai,
dûttui le rîla ra satvurnahai,
Nangma satvur hranga inhrâtin a oma.
26Ni pa satvurnahai hin,
Ki’rchibul satvurnahai khom kumkhontuangin sipin om a ta.
Hihai murdi hi Josefa lu chunga om a ta,
A urênghai nêka danglamin om a ti.
27Benjamina hi Inê inchar a ni.
Zînga chu a sa that kha fa a ta,
khohloia chu a ihlo dok chu sem suak a ti,” a tia.
28Hihai murdi hi Israel nam sômhleihnihai chu a ni. An sika satvurna an irphulam ang takin an pa khan a vurhai ving a ni.
Jakoba thina le phûma omna
29Khanchu a nâihai thu a pêkin an thâhaia, “Kei chu ki’rchipuihai kuanga hruaiin om hrang ki ni ta: Hit mi Efrona loia khur, Kanaan rama Mamre irdîna. 30#Irp 23.3-20 Makpela loia khur Abrahama phûmna hmun irchon hranga a irchôk Efrona kôla khan ni phûm roi: 31#Irp 25.9-10; 35.29 kha hmun khan Abrahama le a dôngma Sari an phûma; kha hmuna khan Isaka le a dôngma Rebeki an phûma: kha hmun ngêta khan Leaii ki phûma; 32loi le a sûnga khur om leh khan Hit mihai ata irchôk sai a ni,” a tia. 33#Tîr 7.5 Khanchu Jakoba’n a nâihai kuang kha thu a bêhai zoiin chu, a ke chu zâlhmuna a bânga, a’rtha khan a mâka, a’rchipuihai kuang hruaiin a om ta.
Currently Selected:
IRPHUTNA 49: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
