DOWLLO 20
20
Masidonia leh Akhaja Tha
1Vawngklum mdown dok diltha, Poul li siikhu rek tumra mii siida, ungu ksop lamthida mmaan hinki kurlouda Masidonia kira sun chda. 2Mma ngi hava marveel ki klaanda ungu kdung ngi ksop chlam thida, Kris tha arvangda. 3Ava tha thla kdum amda, ungu Jihudia miirekki mma raal kpii ngi mkurthlon in thungta, mma ngi Syria kira arkuwng ktuwng slii ngi Masidonia klaanda mdil kinle nuwmda. 4Beria ki Pirhas chapa Sepater; ungu Thessalonikia ki Aristarkas leh Sekandas; ungta Derbe ki Gajas leh Timothia; ungu Asia miirek, Titikas leh Trophimas, mmaanni mdil ṭoi nuwm lamda. 5Hava mmaanni vang lamda Troas thung ngi marda daat inda, 6pdainu thowl ktaak thenpen nit rek diltha arkuwng tuwng innu Philippia ki sun innu, ungta nii parnga thung ngi Troas tha arvang innu, ava tha nii tikheu kcheeng innu.
Poul li Mṭutna relki Troas mdo Vel
7Hapta ki mnii khatna thok nitti, thenpen kupkuira neenni kthuw kurku in thungta, mupduk niingi msun nuwm leiji, Poul li pausaamda; ungta thanṭim kveiji mma ngi pauda. 8Neen kukurku naan tuwn knung reep innka thungva meila knempok lengda. 9Ungta mmiing Eutikas mdodit ksenao ava khirki bengi ku ongda; Poul li ksaang ngi mpau slii arlaanni iip dokda; ki iippi mdo pngam leiji, inn kchuwng mukdum na thungki arjung tlada ungu kdiyouvi chom lamda. 10Pdainu Poul li jungṭumda mleen tpeeda, ungu arpom mer thida theda, “Plung pja maan, mleija mma thung ngi rinkhu ka am daatta.” 11Ungta hangkal da thenpen khuida, ungu kmaal dok inle, roi ksotti khuw mtlei du khim khai pauda, ungta kurlouda sunda. 12Ungta mmaanni ksenao ava kring ngi ṭhi lamda, ungu muplung ngam inna kṭowm tekka kurthuwk me.
Troas kingi Miletia Tha
13Pdainu neenni kpanma betti Assos kira arkuwng tuwng innu, ava tha Poul lou nuwm innu, mleija mma mdaksaa ngi laan tha chet nuwmda. 14Ungta neenni Assos thung ngi kukurdut in thungta, neenni tuwnṭhi innu Miletia tha arvang innu. 15Ungta hanto howl innu ava thungki mupduk niingi Khias tha arvang innu; mupduk nii nowlli Samia nowr thiinnu; adai niingi Miletia tha arvang innu. 16Mleija Poul li Asia tha makcheen ma nra Ephisia kaklaan arkuwng tuwng nuwmda, mleija mrot khim khai thu mma ngi Pentikos nitti Jerusalem tha ma am nra knotda.
Poul li Ephisia ki Kver rek hin mdo Thaan chaak
17Ungta Miletia ki Ephisia tha mii sida, ungu rinlop ki kverrek mma ngi ownda. 18Ungu mmaan mthlen in thungta, mma ngi mhin inni theda,
“Neiji Asia thung ngi kal kikhiin daatki kupṭhunni, neiji naan arlakki tak heppi ka am ping tdit mpha ktai thu naan adaksaanni ado dee in, 19plung kdowng arthli kbu, ungta Jihudia rek karsin chaakna ngi kja kcha tu kilṭhi ngi Mukpu sok kdolo chaak; 20neiji do khat lee kṭheek kma naan akukthow ngi, miirek leh innbung ktai thu, 21Jihudia rek leh Grikrek mikniing hin sakhi piinu Isowr hin plungren mdo hur nraan ungta nenki Mukpu Jisu Khrista hin mdo rin chaak nraan paryaamnu kdo purchu naanni ado dee in. 22Ungta tunva, asuwn, pthla dobowlli neia Jerusalem tha kuhung imping, ava tha nei kleenni tak kthuwk rang tdit dei chmaang. 23Hava daat ditta khuwpii ktai thung ngi rownginn leh kja kakhammi mdo tardat daat, ava pthla kchiir ri sakhi mhai pii chda. 24Pdainu neiki knong leh neiji Mukpu Jisu hinki kdo arlaan chaak knong tlot ava Isowr wonsatki kṭha paumin sakhi ngi kpurkhum chaakbi, nei krin khua mman kluva bin chmaang. 25Ungta tunva, asuwn, neiji naan arlakki tlowngnu Kruwngpaam kdo paryaamna naan akheng inni nei kmai dei kurnowl chni maanti. 26Ava ngi mlei kurthuwkda, naan akheng inki hii thung ngi neia kparmak pmaang dinu snii ngi sakhi kpiik chaakka. 27Mleija Isowr dobin mkheng ava kṭheek liit kma ado kthe pik dok in. 28Isowr mdak katki Chapa hii ngi mdo ren dok rinlop tuk ado sut nraan naan adaksaa in leh jao lop mkheng tuk ado sut nraan pthla kchiir ri ado tpiik chaak dok in. 29Nei ksun diltha tkei kraang thleng donle jao loprek ṭheek nime tdit neiji kdea; 30ungta naan asingreel kat in thungki mmaan dil kṭoi rangki siikhu rek ava ngi ahuwn chaak in donle kpau lamra. 31Ava ngi mlei kurthuwkda kum kdum lik thung ngi suwn jaan knai kma naan miipum ktai hin arthli kbu ngi kdown liik kma ado kpurchu in ava abin phaak inra cheek asin chaan. 32Ungta tunva naanna neiji Isowr hin thang leh Mma plungnee ki pauna hin aksil naanna, naan akpunchoi raan ungu kpinchel dok naan akheng in thung ngi alrou ado tpiik chaak dok in. 33Neiji ku khat lee hinki thiir kpowl mdit mata jeering mdit mata dona chang ptlaak maang. 34Hava kukhut knii ngi nei kdaksaa leh kmiiṭhi rek kdo purdon chaak nra nong kdolo ava naan adak kat inni adodee in. 35Do mkheng nga neiji ado ktidet dok, mleija Mukpu Jisu pauna kbin phaakki, kdung nong klouvi ksowl khatta ksowl kma khatti mdo bom nrangki, tak heppi Mma ngi mthe, ‘Karlaang cha hin va kpii cha ngi kheel sii ngi msuwkṭha.’ ”
36Ungta mma ngi hava the dok thida, tardiilda mmaan mkheng tu kilṭhi ngi ṭhil chda. 37Ungta mmaan mkheng ngi ṭap lamda Poul arpom lamda ungu put lamda, 38mleija mmaanni mmai dei kurnowl lam nime dida mma ngi pauna mdo the dok leiji mii mkheng plung kurkhol da. Ungta mmaanni arkuwngpii kpha dekki da chlamda.
Currently Selected:
DOWLLO 20: LAMKBSI
Highlight
Share
Copy
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.
DOWLLO 20
20
Masidonia leh Akhaja Tha
1Vawngklum mdown dok diltha, Poul li siikhu rek tumra mii siida, ungu ksop lamthida mmaan hinki kurlouda Masidonia kira sun chda. 2Mma ngi hava marveel ki klaanda ungu kdung ngi ksop chlam thida, Kris tha arvangda. 3Ava tha thla kdum amda, ungu Jihudia miirekki mma raal kpii ngi mkurthlon in thungta, mma ngi Syria kira arkuwng ktuwng slii ngi Masidonia klaanda mdil kinle nuwmda. 4Beria ki Pirhas chapa Sepater; ungu Thessalonikia ki Aristarkas leh Sekandas; ungta Derbe ki Gajas leh Timothia; ungu Asia miirek, Titikas leh Trophimas, mmaanni mdil ṭoi nuwm lamda. 5Hava mmaanni vang lamda Troas thung ngi marda daat inda, 6pdainu thowl ktaak thenpen nit rek diltha arkuwng tuwng innu Philippia ki sun innu, ungta nii parnga thung ngi Troas tha arvang innu, ava tha nii tikheu kcheeng innu.
Poul li Mṭutna relki Troas mdo Vel
7Hapta ki mnii khatna thok nitti, thenpen kupkuira neenni kthuw kurku in thungta, mupduk niingi msun nuwm leiji, Poul li pausaamda; ungta thanṭim kveiji mma ngi pauda. 8Neen kukurku naan tuwn knung reep innka thungva meila knempok lengda. 9Ungta mmiing Eutikas mdodit ksenao ava khirki bengi ku ongda; Poul li ksaang ngi mpau slii arlaanni iip dokda; ki iippi mdo pngam leiji, inn kchuwng mukdum na thungki arjung tlada ungu kdiyouvi chom lamda. 10Pdainu Poul li jungṭumda mleen tpeeda, ungu arpom mer thida theda, “Plung pja maan, mleija mma thung ngi rinkhu ka am daatta.” 11Ungta hangkal da thenpen khuida, ungu kmaal dok inle, roi ksotti khuw mtlei du khim khai pauda, ungta kurlouda sunda. 12Ungta mmaanni ksenao ava kring ngi ṭhi lamda, ungu muplung ngam inna kṭowm tekka kurthuwk me.
Troas kingi Miletia Tha
13Pdainu neenni kpanma betti Assos kira arkuwng tuwng innu, ava tha Poul lou nuwm innu, mleija mma mdaksaa ngi laan tha chet nuwmda. 14Ungta neenni Assos thung ngi kukurdut in thungta, neenni tuwnṭhi innu Miletia tha arvang innu. 15Ungta hanto howl innu ava thungki mupduk niingi Khias tha arvang innu; mupduk nii nowlli Samia nowr thiinnu; adai niingi Miletia tha arvang innu. 16Mleija Poul li Asia tha makcheen ma nra Ephisia kaklaan arkuwng tuwng nuwmda, mleija mrot khim khai thu mma ngi Pentikos nitti Jerusalem tha ma am nra knotda.
Poul li Ephisia ki Kver rek hin mdo Thaan chaak
17Ungta Miletia ki Ephisia tha mii sida, ungu rinlop ki kverrek mma ngi ownda. 18Ungu mmaan mthlen in thungta, mma ngi mhin inni theda,
“Neiji Asia thung ngi kal kikhiin daatki kupṭhunni, neiji naan arlakki tak heppi ka am ping tdit mpha ktai thu naan adaksaanni ado dee in, 19plung kdowng arthli kbu, ungta Jihudia rek karsin chaakna ngi kja kcha tu kilṭhi ngi Mukpu sok kdolo chaak; 20neiji do khat lee kṭheek kma naan akukthow ngi, miirek leh innbung ktai thu, 21Jihudia rek leh Grikrek mikniing hin sakhi piinu Isowr hin plungren mdo hur nraan ungta nenki Mukpu Jisu Khrista hin mdo rin chaak nraan paryaamnu kdo purchu naanni ado dee in. 22Ungta tunva, asuwn, pthla dobowlli neia Jerusalem tha kuhung imping, ava tha nei kleenni tak kthuwk rang tdit dei chmaang. 23Hava daat ditta khuwpii ktai thung ngi rownginn leh kja kakhammi mdo tardat daat, ava pthla kchiir ri sakhi mhai pii chda. 24Pdainu neiki knong leh neiji Mukpu Jisu hinki kdo arlaan chaak knong tlot ava Isowr wonsatki kṭha paumin sakhi ngi kpurkhum chaakbi, nei krin khua mman kluva bin chmaang. 25Ungta tunva, asuwn, neiji naan arlakki tlowngnu Kruwngpaam kdo paryaamna naan akheng inni nei kmai dei kurnowl chni maanti. 26Ava ngi mlei kurthuwkda, naan akheng inki hii thung ngi neia kparmak pmaang dinu snii ngi sakhi kpiik chaakka. 27Mleija Isowr dobin mkheng ava kṭheek liit kma ado kthe pik dok in. 28Isowr mdak katki Chapa hii ngi mdo ren dok rinlop tuk ado sut nraan naan adaksaa in leh jao lop mkheng tuk ado sut nraan pthla kchiir ri ado tpiik chaak dok in. 29Nei ksun diltha tkei kraang thleng donle jao loprek ṭheek nime tdit neiji kdea; 30ungta naan asingreel kat in thungki mmaan dil kṭoi rangki siikhu rek ava ngi ahuwn chaak in donle kpau lamra. 31Ava ngi mlei kurthuwkda kum kdum lik thung ngi suwn jaan knai kma naan miipum ktai hin arthli kbu ngi kdown liik kma ado kpurchu in ava abin phaak inra cheek asin chaan. 32Ungta tunva naanna neiji Isowr hin thang leh Mma plungnee ki pauna hin aksil naanna, naan akpunchoi raan ungu kpinchel dok naan akheng in thung ngi alrou ado tpiik chaak dok in. 33Neiji ku khat lee hinki thiir kpowl mdit mata jeering mdit mata dona chang ptlaak maang. 34Hava kukhut knii ngi nei kdaksaa leh kmiiṭhi rek kdo purdon chaak nra nong kdolo ava naan adak kat inni adodee in. 35Do mkheng nga neiji ado ktidet dok, mleija Mukpu Jisu pauna kbin phaakki, kdung nong klouvi ksowl khatta ksowl kma khatti mdo bom nrangki, tak heppi Mma ngi mthe, ‘Karlaang cha hin va kpii cha ngi kheel sii ngi msuwkṭha.’ ”
36Ungta mma ngi hava the dok thida, tardiilda mmaan mkheng tu kilṭhi ngi ṭhil chda. 37Ungta mmaan mkheng ngi ṭap lamda Poul arpom lamda ungu put lamda, 38mleija mmaanni mmai dei kurnowl lam nime dida mma ngi pauna mdo the dok leiji mii mkheng plung kurkhol da. Ungta mmaanni arkuwngpii kpha dekki da chlamda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.