DOWLLO 21
21
Jerusalem tha Poul Mhan
1Ungta neenni mmaan kinṭhen ṭhi innu arkuwngpii leen tuwng innu, Kos kpha rangki lam kthi ring kṭoi in thungta, mupduk niingi Rhodes pha innu ava thungki ngi Patara pha innu. 2Ungta klaanda Phonikia kpha rangki arkuwngpii khat tun tuwng innu neenni sun innu. 3Kupras kandan na kphaak in thungta, malee ktongtha lep innu, Syria ktong kitha tuwng innu Tyr thlung innu, mleija ava tha arkuwngpii tunki dona kupṭum ra kurthuwkda. 4Ungta siikhu rek pha chaannu, ava tha nii tikheu kcheeng innu. Jerusalem tha Poul mhan ma nra mmaanni pthla ngi the chlamda. 5Ungta neenki niikhu sot dokda, neenni sun innu hanto kche slii in thungta, mkheng inni mnumei in leh mnaoleen ṭhi lamda, khuwpii duwn kpha dekki mda chaanda; ungu diibiing ngi tardiil innu ṭhil chthiinnu, khat leh khat karthaan innu. 6Ava dilli neenni arkuwngpii tuwng innu sun chaannu, ungu mmaan ruk mi inn thaanni kinle chlamda.
7Neenni Tyr ki diilam kchet kupṭut dok inle, Ptolemia thlung innu; ungta ku u knao in arvui innu nii khat kcheen ṭhi chaannu. 8Mupduk niingi sun innu Kaisaria thlung chaannu, tikheu thungki miilai khat, paumin ksi Philip inn tha lut innu amṭhiinnu. 9Ungta pau kphuwng mchanu rek miilai plii mma ngi thloida. 10Neenni ka am bong arlaan inni Judia ki Agabas mdodit khulpu khat arjungda. 11Ungta mma ngi kihin thaanni thlengda, Poul dona louda ungu mkhut mkhu ktuda, ungu theda, “Pthla kchiir ri hanto theda, ‘Hava dona kpu miilai ava Jerusalem thungki Jihudia miirekki ktu donle ungu ktlok chati rek khut thung ngi kparlaan pthiira.’ ” 12Neenni hava pauna rek karyaak in thungta, neen leh miirek ava ngi mma Jerusalem tha mhan ma nra ktham chaannu. 13Ava dilli Poul li arthawngda, “Tak leiji ṭap inti kuplung apkui inna? Mleija neia rownginn thung ngi mdo tkhum rang daat kma, pdainu Mukpu Jisu miing ngi Jerusalem thung ngi kdiyou kpha thu kurthlong dok ping.” 14Ungta kthlot mapchaan ma raan thungta, neenni ma pthiinnu, “Mukpu poibin kurthuwk so,” diinnu.
15Hava nit rek diltha neenni kurthlong innu Jeruselem tha hang innu. 16Ungta neentu kilṭhi ngi Kaisaria ki siikhurek angṭhe hanṭhi innu, mmaanni neen kthlun nraan kupras ki mii Mnason mdodit chodu ki siikhu khat inn thu mṭhi chaanda.
Poul li Jeems mdo Vel
17Neenni Jerusalem kthlun in thungta, ku u knaorek inni kanpa kanpa ngi mkowl chaanda. 18Mupduk nii ngi Poul li neen mṭhiin da Jeems hintha vada; ungta kver rek mkheng nga am lamda. 19Neenni kurvui chaak in diltha, mma nongtlot thung ngi ktlok chati rek arlakki Isowr dotlot ava khat khatti saamda. 20Ungu mmaanni ava maryaak in thungta Isowr punlor chlamda. Ungta mmaanni mhin the lamda, “Neenki ku u knao in nang ngi ado dee, Jihudia rek arlakki krin kcha mii pun knempok ka am, mmaan mkheng ngi Nowlam thu plung plut lamme, 21ungu mmaanni nah mlei thung ngi the lamda, mleija nang ngi ktlok chati rek arlakki ka am Jihudia miirekki mnaoleen vunmor mdo reen ma nra mata nopa mdo dan ma nraan, mmaanni Mousi mdo maak pthii nraan athe pi dilamda. 22Ava mkurthutbi, tatlot rang nga talu da? Nah athlenna mmaanni karyaa mun lamra. 23Ava ngi mlei kurthuwkda, neen kdothe ava atlo. Paukreel dok miilai plii ka am lam; 24hava miirek aṭhira ungu mmaan tu kilṭhi ngi nah adaksaa kartleu cha, ungta mmaanni mluw mdo ngeu chaak nraan, mman apii chlam, hanto ngi nah mlei thung ngi mpau theen ava anto pme pdainu nah adak kat rukva Nowlam adanna tdit mkheng inni kdeira. 25Pdainu krin kcha ktlok chati rek tumva, khut do sak pthla hin tlaai kdown thungki, hii thungki, kakraak you saa, ungu pang turkuiji kturkui thungki, hava mkheng mmaanni mdo kdaan nraan, neenni kṭewl innu chethi kdo pthlat dok in. 26Ava dilli poul li miirek ṭhida, ungu mupduk niingi mdaksaa kpartleuda, mmaan mii pum ktaiji tlaai mdo down in kpha thu, kartleu nit rek ava tden kurkhum rang tdit kdeira, mmaan ṭhida luwbuk Inn tha hangda.
Luwbuk Inn Thu Poul mdo Kjown in
27Mnii tikheuna mṭut tiing tiingle, Asia ki Jihudia rekki luwbuk Inn thung ngi ma am deida, kurtuwl miiluwng mkheng vawngplum lamda, mma kjowng lamda, 28owng lamda, “Isreel miirek mhaibom chaan! Hava miilaiji mmun kteen thu miirek ungta Nowlam ungu hava mun rukka mraal kpiingi purchukda; ava daat kma, luwbuk Inn thu Grik miirek luṭhida, ungta mma ngi hava mmun kchiir ava kchou krepda.” 29Mleija chodu ngi khuwpii thu mma ngi Ephisia ki Trophimas mdoṭhi dei lamda, ungta mma ava Poul li luwbuk Inn thu mdolu ṭhi kdingi bin lamda. 30Ava dilli khuwpii mkheng nga vawnglum chechu daatda, ungta miirekki chen kurkuk lamda; luwbuk Inn thungki Poul kjowng lamda, ungu koknotti paltong rekka sul pthii lamda. 31Ungta mmaanni ke eayoura mkirsim slii arlaanni, Jerusalem mkheng nga plung chei karche chowppa kdingi Romia rawlmii klin sii hin pauna thlengda. 32Koknotti mma ngi rawlmiirek leh rawlmii berksu rek ṭhida juchen lamda; ungta mmaanni rawlmii klin sii leh rawlmii rek mdee in thungta, Poul mdo bun inna down lamda. 33Ava dilli rawlmii klin sii ngi mma ava han kjowngda, ungta thiirri knii ngi mdobowl nraan paupṭum da. Mma kuda ungta tak mtlot tdit mhin pau khewlda. 34Kurtuwl miirek thungki mii angṭhe ngi paukhat, ungu angṭhe ngi pau msik khat the lamda, owng lamda; ungta mpau inni vawng mlum reen thungta, mlei kat ava mmaanni dei mda, rawlmii innpii thung ngi mdo thiik nraan mma ngi paupṭum da. 35Ungta mma ngi kal khat mkhiin thungta, kurtuwl miirekki marhai jaam reen leiji, mma ava rawlmii rekki kdomda; 36mleija kurtuwl miiluwng rekki mdil ṭoida, “A eayou dok in,” kdingi owng lamda.
Poul li Mkarthe Loi
37Poul la rawlmii innpii thung ngi kṭhi rangki mkurthlon slii arlaan inni, mma ngi rawlmii klin sii hin theda, “Nah hin pau khat the chnik mo?” Ungbi mma ngi theda, “Grik pau adee mo? 38Ava mkurthuttu, haarvai knai tekki mii pun plii ṭhida nowm miira kbowk laiji kchet Egypt ki mii ava nang kma ptimo?” 39Poul li arthawngda, “Neia Silisia thungki Tarsas ki Jihudia miilai ping, kthok sii khuwpii ki ping; akaktham chaakka, miirek hin pau chlap ni.” 40Ungu mma ngi mrot pik thungta, Poul li kalṭum tunni ripda, miirek hin mkhut haida; rim kdi ma am in thungta, Hebru pauvi pauda, mma ngi mhin inni theda:
Currently Selected:
DOWLLO 21: LAMKBSI
Highlight
Share
Copy
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.
DOWLLO 21
21
Jerusalem tha Poul Mhan
1Ungta neenni mmaan kinṭhen ṭhi innu arkuwngpii leen tuwng innu, Kos kpha rangki lam kthi ring kṭoi in thungta, mupduk niingi Rhodes pha innu ava thungki ngi Patara pha innu. 2Ungta klaanda Phonikia kpha rangki arkuwngpii khat tun tuwng innu neenni sun innu. 3Kupras kandan na kphaak in thungta, malee ktongtha lep innu, Syria ktong kitha tuwng innu Tyr thlung innu, mleija ava tha arkuwngpii tunki dona kupṭum ra kurthuwkda. 4Ungta siikhu rek pha chaannu, ava tha nii tikheu kcheeng innu. Jerusalem tha Poul mhan ma nra mmaanni pthla ngi the chlamda. 5Ungta neenki niikhu sot dokda, neenni sun innu hanto kche slii in thungta, mkheng inni mnumei in leh mnaoleen ṭhi lamda, khuwpii duwn kpha dekki mda chaanda; ungu diibiing ngi tardiil innu ṭhil chthiinnu, khat leh khat karthaan innu. 6Ava dilli neenni arkuwngpii tuwng innu sun chaannu, ungu mmaan ruk mi inn thaanni kinle chlamda.
7Neenni Tyr ki diilam kchet kupṭut dok inle, Ptolemia thlung innu; ungta ku u knao in arvui innu nii khat kcheen ṭhi chaannu. 8Mupduk niingi sun innu Kaisaria thlung chaannu, tikheu thungki miilai khat, paumin ksi Philip inn tha lut innu amṭhiinnu. 9Ungta pau kphuwng mchanu rek miilai plii mma ngi thloida. 10Neenni ka am bong arlaan inni Judia ki Agabas mdodit khulpu khat arjungda. 11Ungta mma ngi kihin thaanni thlengda, Poul dona louda ungu mkhut mkhu ktuda, ungu theda, “Pthla kchiir ri hanto theda, ‘Hava dona kpu miilai ava Jerusalem thungki Jihudia miirekki ktu donle ungu ktlok chati rek khut thung ngi kparlaan pthiira.’ ” 12Neenni hava pauna rek karyaak in thungta, neen leh miirek ava ngi mma Jerusalem tha mhan ma nra ktham chaannu. 13Ava dilli Poul li arthawngda, “Tak leiji ṭap inti kuplung apkui inna? Mleija neia rownginn thung ngi mdo tkhum rang daat kma, pdainu Mukpu Jisu miing ngi Jerusalem thung ngi kdiyou kpha thu kurthlong dok ping.” 14Ungta kthlot mapchaan ma raan thungta, neenni ma pthiinnu, “Mukpu poibin kurthuwk so,” diinnu.
15Hava nit rek diltha neenni kurthlong innu Jeruselem tha hang innu. 16Ungta neentu kilṭhi ngi Kaisaria ki siikhurek angṭhe hanṭhi innu, mmaanni neen kthlun nraan kupras ki mii Mnason mdodit chodu ki siikhu khat inn thu mṭhi chaanda.
Poul li Jeems mdo Vel
17Neenni Jerusalem kthlun in thungta, ku u knaorek inni kanpa kanpa ngi mkowl chaanda. 18Mupduk nii ngi Poul li neen mṭhiin da Jeems hintha vada; ungta kver rek mkheng nga am lamda. 19Neenni kurvui chaak in diltha, mma nongtlot thung ngi ktlok chati rek arlakki Isowr dotlot ava khat khatti saamda. 20Ungu mmaanni ava maryaak in thungta Isowr punlor chlamda. Ungta mmaanni mhin the lamda, “Neenki ku u knao in nang ngi ado dee, Jihudia rek arlakki krin kcha mii pun knempok ka am, mmaan mkheng ngi Nowlam thu plung plut lamme, 21ungu mmaanni nah mlei thung ngi the lamda, mleija nang ngi ktlok chati rek arlakki ka am Jihudia miirekki mnaoleen vunmor mdo reen ma nra mata nopa mdo dan ma nraan, mmaanni Mousi mdo maak pthii nraan athe pi dilamda. 22Ava mkurthutbi, tatlot rang nga talu da? Nah athlenna mmaanni karyaa mun lamra. 23Ava ngi mlei kurthuwkda, neen kdothe ava atlo. Paukreel dok miilai plii ka am lam; 24hava miirek aṭhira ungu mmaan tu kilṭhi ngi nah adaksaa kartleu cha, ungta mmaanni mluw mdo ngeu chaak nraan, mman apii chlam, hanto ngi nah mlei thung ngi mpau theen ava anto pme pdainu nah adak kat rukva Nowlam adanna tdit mkheng inni kdeira. 25Pdainu krin kcha ktlok chati rek tumva, khut do sak pthla hin tlaai kdown thungki, hii thungki, kakraak you saa, ungu pang turkuiji kturkui thungki, hava mkheng mmaanni mdo kdaan nraan, neenni kṭewl innu chethi kdo pthlat dok in. 26Ava dilli poul li miirek ṭhida, ungu mupduk niingi mdaksaa kpartleuda, mmaan mii pum ktaiji tlaai mdo down in kpha thu, kartleu nit rek ava tden kurkhum rang tdit kdeira, mmaan ṭhida luwbuk Inn tha hangda.
Luwbuk Inn Thu Poul mdo Kjown in
27Mnii tikheuna mṭut tiing tiingle, Asia ki Jihudia rekki luwbuk Inn thung ngi ma am deida, kurtuwl miiluwng mkheng vawngplum lamda, mma kjowng lamda, 28owng lamda, “Isreel miirek mhaibom chaan! Hava miilaiji mmun kteen thu miirek ungta Nowlam ungu hava mun rukka mraal kpiingi purchukda; ava daat kma, luwbuk Inn thu Grik miirek luṭhida, ungta mma ngi hava mmun kchiir ava kchou krepda.” 29Mleija chodu ngi khuwpii thu mma ngi Ephisia ki Trophimas mdoṭhi dei lamda, ungta mma ava Poul li luwbuk Inn thu mdolu ṭhi kdingi bin lamda. 30Ava dilli khuwpii mkheng nga vawnglum chechu daatda, ungta miirekki chen kurkuk lamda; luwbuk Inn thungki Poul kjowng lamda, ungu koknotti paltong rekka sul pthii lamda. 31Ungta mmaanni ke eayoura mkirsim slii arlaanni, Jerusalem mkheng nga plung chei karche chowppa kdingi Romia rawlmii klin sii hin pauna thlengda. 32Koknotti mma ngi rawlmiirek leh rawlmii berksu rek ṭhida juchen lamda; ungta mmaanni rawlmii klin sii leh rawlmii rek mdee in thungta, Poul mdo bun inna down lamda. 33Ava dilli rawlmii klin sii ngi mma ava han kjowngda, ungta thiirri knii ngi mdobowl nraan paupṭum da. Mma kuda ungta tak mtlot tdit mhin pau khewlda. 34Kurtuwl miirek thungki mii angṭhe ngi paukhat, ungu angṭhe ngi pau msik khat the lamda, owng lamda; ungta mpau inni vawng mlum reen thungta, mlei kat ava mmaanni dei mda, rawlmii innpii thung ngi mdo thiik nraan mma ngi paupṭum da. 35Ungta mma ngi kal khat mkhiin thungta, kurtuwl miirekki marhai jaam reen leiji, mma ava rawlmii rekki kdomda; 36mleija kurtuwl miiluwng rekki mdil ṭoida, “A eayou dok in,” kdingi owng lamda.
Poul li Mkarthe Loi
37Poul la rawlmii innpii thung ngi kṭhi rangki mkurthlon slii arlaan inni, mma ngi rawlmii klin sii hin theda, “Nah hin pau khat the chnik mo?” Ungbi mma ngi theda, “Grik pau adee mo? 38Ava mkurthuttu, haarvai knai tekki mii pun plii ṭhida nowm miira kbowk laiji kchet Egypt ki mii ava nang kma ptimo?” 39Poul li arthawngda, “Neia Silisia thungki Tarsas ki Jihudia miilai ping, kthok sii khuwpii ki ping; akaktham chaakka, miirek hin pau chlap ni.” 40Ungu mma ngi mrot pik thungta, Poul li kalṭum tunni ripda, miirek hin mkhut haida; rim kdi ma am in thungta, Hebru pauvi pauda, mma ngi mhin inni theda:
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.