DOWLLO 22
22
1“Ku u knaorek leh kpahle, tun neiji naan amaiṭhuwm inni kdo the loi chaak ra ava mhai aryaak pik chaan.”
2Ungta mmaanni Hebru pauvi mhin thaanni mpau maryaak in thungta, kheel betti rim kdi am lamda. Ungu mma ngi theda, 3“Neia Silisia ki Tarsas thu kṭou Jihudia miilai khat ping, pdainu hava khuwpii Gamaliel khu ther ri klin ksaang, nenki npahle Nowlam dil kṭoiji kurchuk kcha miilai ping, snii ki naan alulu inni Isowr tummi plung klut cha ping. 4Pselrek ungu snurek mikniing bowlnu rownginn thu parlaannu, kdiyou kpha thu neiji suwk pthuwk lamnu, 5thiimpu kparthaang leh kver rekka neiki sakhi kurthuwk lam. Neiji Ku u knaorek hinkira, mmaan hinki chethi arlaangnu, Damaskas tha ka amrek suwk kupthuwk rangki, ungta bowlda Jerusalem kpha kdo ṭhilam nrangki ava tha kchet ping.
Poul li Plungren Mdohurna mdo The
6Neiji hanto chetnu Damaskas kphaak tiing tiingle, kunthun ṭim arveelli parwaanki mar awng klin langlang khat tun kat daatti lengda. 7Ungta neia dul tun tluwnu, ungu krowl khatti, ‘Soul, Soul, talu leiji Neia atapjat chaakka,’ dida mdo the aryaa nu. 8Ungta neiji arthawngnu, ‘Nah ku ptida, Mukpu?’ Ungta Mma ngi kihin theda, ‘Neia nah dopjat slii Nasareth ki Jisu ping.’ 9Tunva nei kmiiṭhi rekva mar awng nga deilam da, pdainu nei kihin kpau slii krowl khat ava aryaa lamme. 10Ungta neiji thenu, ‘Neiji tak tlo nikda, Mukpu?’ Ungta Mukpu ngi kihin theda, ‘Kardelra Damaskas tha va, ungu ava tha anong tlot ra mdo purthlon mkheng nga akthe pikra.’ 11Ungta mar awng kleng reen ava ngi khuw kdee ma thungta, kmiiṭhi rekki kukhut tha mṭhi lamda, ungu Damaskas thu valut innu.
12“Ungta hava tha ka am Jihudia rek mii mkheng ngi kunton siingi mpau naan, Nowlam dil kṭoiji plung klut miilai khat Anania ngi, 13kihin thlengda, kbetha krip daatti theda, ‘Ku u knao Soul, kvaar adei cha,’ Ungta ṭhang ava kat thung ngi khuw deinu ungu mma ava dei chnu. 14Ungta mma ngi theda, ‘Nenki npahle ki Isowr ri Mma dongei adodee nra atukchol khiinna, kindit Mma deida, ungu Mma ner thungki krowl khat ado aryaak nra; 15mleija mii mkheng hinni adodee leh ado aryaak ava sakhi pii nadi. 16Ungta tunva talu leiji ardat daatta? Erip rang ngi baptis atlo, ungta apnu tonrek alṭhu pthii thira, Mma miing a own cha.
Ktlok Chatirek hin Kparyaamra Poul mdo Own
17Neiji Jerusalem tha kdil kinle nu, ungu luwbuk Inn thu kṭhil chaak slii thungta, mik kleng ngi 18neiji Mma deinu, ungu kihin theda, ‘Kbeiji ungta kuknotti Jerusalem thungki thuwk dok, mleija Neiki rinpaumin thu mmaanni aju arlaan pik nime.’ 19Ungta neiji thenu, ‘Mukpu, Nah akrin cha miirekka synagog khim khai thungki kjowngnu rowng inn thu daalnu kdobun lam tdit mmaan mdaksaan katti mdodee in. 20Ungta Stiphan hii mthuw mpha thu, nei rukka rip daatnu, ungu mma ke eayou rek dona neiji kdo arkhiik.’ 21Ungta Mma ngi kihin theda, ‘Sun dok; mleija ktlok chati rek hin lamkla ngi Neiji asii nikdi.’ ”
22Mmaanni mma pauna ava hava kpha lim aryaa lamda; ava dilli mmaanni krowl khdaatti owng lamda ungu the lamda, “Hava dultipaam thungki antolu hep kdu miilai ava a eayou in! Mleija mma ava mrin rang pme.” 23Ungta mmaanni owng lamda, mdona in suwt lamda ungu vaiphul mpunthowm in thungta; 24rawlmii klin sii ngi rawlmii innpii thu, mdo arvan ṭhi nraan paureenda, ungta mraal kpii ngi tak lei ku owng lam tdit mdodee nrangki bunraida mdo parsin nraan paupṭumda. 25Pdainu mmaanni saavun ringi mbowl in thungta, Poul li mma bengi krip daat rawlmii berksu hin theda, “Romia miilai khat ava kekṭewl kma pava kbun krai ava Nowlam dorot mo?” 26Rawlmii berksu ngi ava maryaak thungta, mma ngi rawlmii klin sii hin vangda ungu mhin theda, “Nah tak ktlora kurthlong pti? Mleija hava miilaija Romia.” 27Ava leiji rawlmii klin siingi arvangda ungu mhin theda, “Ki hin athe, nah Romia miilai khat ptimo?” Ungbi Poul li theda, “Oji.” 28Rawlmii klin siingi arthawngda, “Neiva Romia mii kukurthut nra sum knempok kdo piik ma.” Poul li theda, “Pdainu neia Romia miingi kṭou ping.” 29Ava leiji mma kparsin nrangki kurthlong rekka, kankai tir chlamda; ungu rawlmii klin sii rukka mma ngi Romia miilai khat mdobowl leiji ṭi chda.
Karseel Lop Maiṭhuwmki Poul
30Pdainu mupduk niingi, Jihudia rekva tak leiji mma mdo plaal in tdit mkindit deinuwmda, mma ava parthlet pthiida, ungta thiimpu kinreel rek leh karseel lop mkheng mkurku nra paureenda, mma ngi Poul la ṭhida mmaiṭhuwm inni tipripda.
Currently Selected:
DOWLLO 22: LAMKBSI
Highlight
Share
Copy
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.
DOWLLO 22
22
1“Ku u knaorek leh kpahle, tun neiji naan amaiṭhuwm inni kdo the loi chaak ra ava mhai aryaak pik chaan.”
2Ungta mmaanni Hebru pauvi mhin thaanni mpau maryaak in thungta, kheel betti rim kdi am lamda. Ungu mma ngi theda, 3“Neia Silisia ki Tarsas thu kṭou Jihudia miilai khat ping, pdainu hava khuwpii Gamaliel khu ther ri klin ksaang, nenki npahle Nowlam dil kṭoiji kurchuk kcha miilai ping, snii ki naan alulu inni Isowr tummi plung klut cha ping. 4Pselrek ungu snurek mikniing bowlnu rownginn thu parlaannu, kdiyou kpha thu neiji suwk pthuwk lamnu, 5thiimpu kparthaang leh kver rekka neiki sakhi kurthuwk lam. Neiji Ku u knaorek hinkira, mmaan hinki chethi arlaangnu, Damaskas tha ka amrek suwk kupthuwk rangki, ungta bowlda Jerusalem kpha kdo ṭhilam nrangki ava tha kchet ping.
Poul li Plungren Mdohurna mdo The
6Neiji hanto chetnu Damaskas kphaak tiing tiingle, kunthun ṭim arveelli parwaanki mar awng klin langlang khat tun kat daatti lengda. 7Ungta neia dul tun tluwnu, ungu krowl khatti, ‘Soul, Soul, talu leiji Neia atapjat chaakka,’ dida mdo the aryaa nu. 8Ungta neiji arthawngnu, ‘Nah ku ptida, Mukpu?’ Ungta Mma ngi kihin theda, ‘Neia nah dopjat slii Nasareth ki Jisu ping.’ 9Tunva nei kmiiṭhi rekva mar awng nga deilam da, pdainu nei kihin kpau slii krowl khat ava aryaa lamme. 10Ungta neiji thenu, ‘Neiji tak tlo nikda, Mukpu?’ Ungta Mukpu ngi kihin theda, ‘Kardelra Damaskas tha va, ungu ava tha anong tlot ra mdo purthlon mkheng nga akthe pikra.’ 11Ungta mar awng kleng reen ava ngi khuw kdee ma thungta, kmiiṭhi rekki kukhut tha mṭhi lamda, ungu Damaskas thu valut innu.
12“Ungta hava tha ka am Jihudia rek mii mkheng ngi kunton siingi mpau naan, Nowlam dil kṭoiji plung klut miilai khat Anania ngi, 13kihin thlengda, kbetha krip daatti theda, ‘Ku u knao Soul, kvaar adei cha,’ Ungta ṭhang ava kat thung ngi khuw deinu ungu mma ava dei chnu. 14Ungta mma ngi theda, ‘Nenki npahle ki Isowr ri Mma dongei adodee nra atukchol khiinna, kindit Mma deida, ungu Mma ner thungki krowl khat ado aryaak nra; 15mleija mii mkheng hinni adodee leh ado aryaak ava sakhi pii nadi. 16Ungta tunva talu leiji ardat daatta? Erip rang ngi baptis atlo, ungta apnu tonrek alṭhu pthii thira, Mma miing a own cha.
Ktlok Chatirek hin Kparyaamra Poul mdo Own
17Neiji Jerusalem tha kdil kinle nu, ungu luwbuk Inn thu kṭhil chaak slii thungta, mik kleng ngi 18neiji Mma deinu, ungu kihin theda, ‘Kbeiji ungta kuknotti Jerusalem thungki thuwk dok, mleija Neiki rinpaumin thu mmaanni aju arlaan pik nime.’ 19Ungta neiji thenu, ‘Mukpu, Nah akrin cha miirekka synagog khim khai thungki kjowngnu rowng inn thu daalnu kdobun lam tdit mmaan mdaksaan katti mdodee in. 20Ungta Stiphan hii mthuw mpha thu, nei rukka rip daatnu, ungu mma ke eayou rek dona neiji kdo arkhiik.’ 21Ungta Mma ngi kihin theda, ‘Sun dok; mleija ktlok chati rek hin lamkla ngi Neiji asii nikdi.’ ”
22Mmaanni mma pauna ava hava kpha lim aryaa lamda; ava dilli mmaanni krowl khdaatti owng lamda ungu the lamda, “Hava dultipaam thungki antolu hep kdu miilai ava a eayou in! Mleija mma ava mrin rang pme.” 23Ungta mmaanni owng lamda, mdona in suwt lamda ungu vaiphul mpunthowm in thungta; 24rawlmii klin sii ngi rawlmii innpii thu, mdo arvan ṭhi nraan paureenda, ungta mraal kpii ngi tak lei ku owng lam tdit mdodee nrangki bunraida mdo parsin nraan paupṭumda. 25Pdainu mmaanni saavun ringi mbowl in thungta, Poul li mma bengi krip daat rawlmii berksu hin theda, “Romia miilai khat ava kekṭewl kma pava kbun krai ava Nowlam dorot mo?” 26Rawlmii berksu ngi ava maryaak thungta, mma ngi rawlmii klin sii hin vangda ungu mhin theda, “Nah tak ktlora kurthlong pti? Mleija hava miilaija Romia.” 27Ava leiji rawlmii klin siingi arvangda ungu mhin theda, “Ki hin athe, nah Romia miilai khat ptimo?” Ungbi Poul li theda, “Oji.” 28Rawlmii klin siingi arthawngda, “Neiva Romia mii kukurthut nra sum knempok kdo piik ma.” Poul li theda, “Pdainu neia Romia miingi kṭou ping.” 29Ava leiji mma kparsin nrangki kurthlong rekka, kankai tir chlamda; ungu rawlmii klin sii rukka mma ngi Romia miilai khat mdobowl leiji ṭi chda.
Karseel Lop Maiṭhuwmki Poul
30Pdainu mupduk niingi, Jihudia rekva tak leiji mma mdo plaal in tdit mkindit deinuwmda, mma ava parthlet pthiida, ungta thiimpu kinreel rek leh karseel lop mkheng mkurku nra paureenda, mma ngi Poul la ṭhida mmaiṭhuwm inni tipripda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.