MATHI 17
17
Rungchen Karthleng
1Ungta nii truk dil tha Jisu ngi Pitor leh Jeems ungu mnaopa Johon ṭhida, ktliing ngi lown kparthaang leen hang lamda. 2Ungta Mma ava mmaan maiṭhuwm mi mrungchen karthleng da, ungu mmai ava kniw heppi lengda, ungta mdo mna ava mar awng heppi powl da. 3Ungta asuwn, ava thu Mousi leh Elijah ngi ktarddet lamda, Mma tu karbii meek lam da. 4Ungu Pitor ri Jisu hin theda, “Mukpu hava thung ngi ta am daat inna kdung ngi kṭha a; Nang ngi arot rang ta, hava thu neiji buw inn kdum esa chni, Nah atum ra khat, Mousi tumra khat, ungu Elijah tumra khat.” 5Mma ngi anto mpau slii arlaanni, asuwn armei kepleu vi arjiil dok lamda, ungu armei thungki krowl khatti theda, “Hava Nei kwonsat lo Kchapa, Mma hin kning kthlung nga; Mma hin aryaan.” 6Siikhu rekki ava maryaak in thungta, mmai in kuhuwm lamda tpee tir chlam da, ungta kdung ngi ṭi chlam da. 7Pdainu Jisu ngi arvangda kmei lamda, theda, “Hanrip in, ṭi maan.” 8Ungta mmaanni kin awn lamda khuw mhan sut in thungta,Jisu kma donle ku mii khat lee dei lamme.
9Ungta mmaanni lown leen ki murjun ṭum slii arlaan inni, Jisu ngi mhin inni, Mii Chapa ava ngi kdiyou dok thungki mrin kardel du khim khai, ku mii khat lee hin mik kleng mdo dee inna mdo son ma nraan paureen da. 10Ungta siikhu rekki Mhin pau khewl chlam da, “Talu leiji Nowlam chukpu rek va ru kri ngi Elijah kurjung rang pi mdo dit in da?” 11Mma ngi arthawng da, “Do mkheng kpinjiir ra Elijah ava kurjung; 12pdainu Neiji akthe pik inna, Elijah ava kurjung dok, ungta mmaanni dei chlamme, pdainu mdo ngei in khim khai mhin tlo lamda. Ava leiji Mii Chapa rukka mmaan khut thung ngikja kakham kphara.” 13Ava dilli baptis kuptlot Johon mdo thena tdit siikhu rekki dei pindi ro lamda.
Jisu ngi Tarnam Khat Doṭhi Pselnao Khat mdo Pdam
14Ungu mmaanni kurtuwl mii rek hin murjun in thungta, miilai khatti Mhin hangda, mmaiṭhuwm mi pkhuppi tardiil da theda, 15“Mukpu kchapa ava wonsat mhailo pik cha, mleija arngol arveida, ungu kdung reenni jakham chda; mleija maknem thung ngi mei thu tluw da, ungu dii thung ngi tla da. 16Ungta neiji Nah siikhu rek hin karhai ṭhi chaak na, mmaanva pdam pchaang lam mda.” 17Ungbi Jisu ngi arthawng da, “O krin dei kma karmak charuwl rek, tija pang roi ksotti Neiva aṭhi nikaan da? Tija pang roi ksotti Nei va adiil ṭhi ni kaan da? Nei kihin arvan ṭhiin.” 18Ungta Jisu ngi mhin raida, ungu mma thungki tarnam arvan thuwk da, ungta mpha ava kat thung ngi pselnao ava dam chda. 19Ava dilli siikhu rekki sipar jikki Mhin arva lamda the lamda, “Talu leiji neenva rei pthii pchaang maan ring da?” 20Mma ngi mhin inni theda, “Mleija mruk suwnni ado rin chaak lei in. Mleija kinditti Neiji ahin thaanni kthea, naanni anruwng muw khat di pang ngi arin chaak inbi, hava lown ava ‘Hava thungki va tha kurlou dok,’ dida atheenbi, kurlou dok ra; ungu naan hin kthuwk kma ra do khat lee amni me.” 21(Pdainu then ngowlda kṭhil cha kma donle hava lua kthuwk lu pme.)
Jisu ngi Veikhat nowlli Mdiyo nra Mlei thung ngi mdo The
22Mmaanni Galil thung ngi mkurku slii arlaan ni, Jisu ngi mhin inni theda, “Mii Chapa ava mii rek khut thung ngi kparlaan pthii ra, 23Ungta mmaanni ke eayou ra, ungu nii kdum diltha kring kinle ra.” Ungbi mmaanna kdung reenni muplung in ja chda.
Luwbuk Inn Khasna Kpii
24Mmaanni Kaparnahum marvan in thungta, luwbuk Inn khasna klou rekki Pitor hin hang lamda ungu mhin the lamda, “Naan ki Chukpu va khasna mtai dok mo?” 25Mma ngi theda, “Oji.” Ungu mma ngi inn tha marvan thungta, Jisu chodu ngi mhin pauda, theda, “Simon nangva talu abinna? Dultipaam ki kruwng rek va ku hinki khasna mdit mata lampaal ava mlo in da? Mchapa hinki mo ktlok rek hin ki da?” 26Ungu mma ngi “ktlok rek hinki” dida mthe thungta, Jisu ngi mhin theda, “Ava mkurthut bi mchapa le va pii nime. 27Talu talu kurthuwk daat joso mmaan kro kma tkurthut ma nraan, ju rang ngi truwn thung ngi tuwlva ava kuikin avar psuk, ungta ru kri ki tuwlva ado kjown ava alou, ungu nang ngi mner alaibi mthung ngi thiir sum khat pha nadi; ava alou ra Nei ktum rang leh naan atum raan apii lam.”
Currently Selected:
MATHI 17: LAMKBSI
Highlight
Share
Copy
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.
MATHI 17
17
Rungchen Karthleng
1Ungta nii truk dil tha Jisu ngi Pitor leh Jeems ungu mnaopa Johon ṭhida, ktliing ngi lown kparthaang leen hang lamda. 2Ungta Mma ava mmaan maiṭhuwm mi mrungchen karthleng da, ungu mmai ava kniw heppi lengda, ungta mdo mna ava mar awng heppi powl da. 3Ungta asuwn, ava thu Mousi leh Elijah ngi ktarddet lamda, Mma tu karbii meek lam da. 4Ungu Pitor ri Jisu hin theda, “Mukpu hava thung ngi ta am daat inna kdung ngi kṭha a; Nang ngi arot rang ta, hava thu neiji buw inn kdum esa chni, Nah atum ra khat, Mousi tumra khat, ungu Elijah tumra khat.” 5Mma ngi anto mpau slii arlaanni, asuwn armei kepleu vi arjiil dok lamda, ungu armei thungki krowl khatti theda, “Hava Nei kwonsat lo Kchapa, Mma hin kning kthlung nga; Mma hin aryaan.” 6Siikhu rekki ava maryaak in thungta, mmai in kuhuwm lamda tpee tir chlam da, ungta kdung ngi ṭi chlam da. 7Pdainu Jisu ngi arvangda kmei lamda, theda, “Hanrip in, ṭi maan.” 8Ungta mmaanni kin awn lamda khuw mhan sut in thungta,Jisu kma donle ku mii khat lee dei lamme.
9Ungta mmaanni lown leen ki murjun ṭum slii arlaan inni, Jisu ngi mhin inni, Mii Chapa ava ngi kdiyou dok thungki mrin kardel du khim khai, ku mii khat lee hin mik kleng mdo dee inna mdo son ma nraan paureen da. 10Ungta siikhu rekki Mhin pau khewl chlam da, “Talu leiji Nowlam chukpu rek va ru kri ngi Elijah kurjung rang pi mdo dit in da?” 11Mma ngi arthawng da, “Do mkheng kpinjiir ra Elijah ava kurjung; 12pdainu Neiji akthe pik inna, Elijah ava kurjung dok, ungta mmaanni dei chlamme, pdainu mdo ngei in khim khai mhin tlo lamda. Ava leiji Mii Chapa rukka mmaan khut thung ngikja kakham kphara.” 13Ava dilli baptis kuptlot Johon mdo thena tdit siikhu rekki dei pindi ro lamda.
Jisu ngi Tarnam Khat Doṭhi Pselnao Khat mdo Pdam
14Ungu mmaanni kurtuwl mii rek hin murjun in thungta, miilai khatti Mhin hangda, mmaiṭhuwm mi pkhuppi tardiil da theda, 15“Mukpu kchapa ava wonsat mhailo pik cha, mleija arngol arveida, ungu kdung reenni jakham chda; mleija maknem thung ngi mei thu tluw da, ungu dii thung ngi tla da. 16Ungta neiji Nah siikhu rek hin karhai ṭhi chaak na, mmaanva pdam pchaang lam mda.” 17Ungbi Jisu ngi arthawng da, “O krin dei kma karmak charuwl rek, tija pang roi ksotti Neiva aṭhi nikaan da? Tija pang roi ksotti Nei va adiil ṭhi ni kaan da? Nei kihin arvan ṭhiin.” 18Ungta Jisu ngi mhin raida, ungu mma thungki tarnam arvan thuwk da, ungta mpha ava kat thung ngi pselnao ava dam chda. 19Ava dilli siikhu rekki sipar jikki Mhin arva lamda the lamda, “Talu leiji neenva rei pthii pchaang maan ring da?” 20Mma ngi mhin inni theda, “Mleija mruk suwnni ado rin chaak lei in. Mleija kinditti Neiji ahin thaanni kthea, naanni anruwng muw khat di pang ngi arin chaak inbi, hava lown ava ‘Hava thungki va tha kurlou dok,’ dida atheenbi, kurlou dok ra; ungu naan hin kthuwk kma ra do khat lee amni me.” 21(Pdainu then ngowlda kṭhil cha kma donle hava lua kthuwk lu pme.)
Jisu ngi Veikhat nowlli Mdiyo nra Mlei thung ngi mdo The
22Mmaanni Galil thung ngi mkurku slii arlaan ni, Jisu ngi mhin inni theda, “Mii Chapa ava mii rek khut thung ngi kparlaan pthii ra, 23Ungta mmaanni ke eayou ra, ungu nii kdum diltha kring kinle ra.” Ungbi mmaanna kdung reenni muplung in ja chda.
Luwbuk Inn Khasna Kpii
24Mmaanni Kaparnahum marvan in thungta, luwbuk Inn khasna klou rekki Pitor hin hang lamda ungu mhin the lamda, “Naan ki Chukpu va khasna mtai dok mo?” 25Mma ngi theda, “Oji.” Ungu mma ngi inn tha marvan thungta, Jisu chodu ngi mhin pauda, theda, “Simon nangva talu abinna? Dultipaam ki kruwng rek va ku hinki khasna mdit mata lampaal ava mlo in da? Mchapa hinki mo ktlok rek hin ki da?” 26Ungu mma ngi “ktlok rek hinki” dida mthe thungta, Jisu ngi mhin theda, “Ava mkurthut bi mchapa le va pii nime. 27Talu talu kurthuwk daat joso mmaan kro kma tkurthut ma nraan, ju rang ngi truwn thung ngi tuwlva ava kuikin avar psuk, ungta ru kri ki tuwlva ado kjown ava alou, ungu nang ngi mner alaibi mthung ngi thiir sum khat pha nadi; ava alou ra Nei ktum rang leh naan atum raan apii lam.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.