LUK 5
5
Jesu ing Ahaarpa Sebok Aateer
(Met 4.18-22; Mk 1.16-20)
1 #
Met 13.1,2; Mk 3.9,10; 4.1 Nikhehna Jesu buumna mee inempak ing athaminchu isiinii khaena entheng raenche ama ing Genesaret chiiding kuurna ngiirsa. 2Changlaenche chiiding kuurna ruwkuwng asae ynniimeh omchu ama ing amupa; changvakonchu ngaklah mee aenche ruwkuwng tanii jung-chum aeka engachak enchaampa. 3Ruwkuwng ynniimeh omnache Simon ruwkuwngchu vepuwhka aningnache taangtanii topoh vehuurla achii. Amana Jesu ing ruwkuwng nache ongka mee vakhae ae ningnache thaminchu atongpa.
4Jesu ing ichong amanchinuwna Simon ningna ariir, “Nga nensuwrnii inche ruwkuwng vehuur nuwna chiirik ithuwh tingse nengachak vedeengruw.”
5 #
Jhn 21.3
Amana Simon ing abasang, “Aafhuw, kenuw ing jaenchim ipha ing kendeengsah ingkho yntanga suwrmah ung! Changvakonchu Aafhuw nang nachongzeer inuwzii ing ki ing ichak i vedeeng sakata.” 6#Jhn 21.6Changche taka avedeeng tahnache nga inempak engkhumpa; amana engachakchu ynsiih vachii ing omsa, 7Chukhaenache engarang ensifhuw ae ruwkuwng sungna ong ae ningnache ibomnii khaena huungruw ta aeka engkik ing envejaappa. Amana enuwkho theng aeka, ruwkuwng ynniimeh nache ngachu enthintah nache sipka ruw-kuwngchu arup ynthongpa. 8Amachu Simon Pitar ing amutah nache Jesu akhee derna jukiimka athamsahpa, “Aafhuw, ibathensara, ki isii icherpak mee ping.”
9Akhaechuve enuw ing inempak nga ensuwr nache atak ynvae ing eng-kheng ingik ae; 10amavaangche Simon aarang ae, Zebedee sapa ae, Jems vokhehkho Johon enuwkho ingik ae. Amana Jesu ing Simon ningna ariir, “Ynchik mahra, atanii basen naka nang i meesuwr ynsuwh vanata.”
11Jesu achong aanuwnache enuw ing ruwkuwngchu taangting henga-dom aeka vokhehkho aangkheng bathenchir aeka aanuwchu enjiipa.
Jesu ing ina mee yngkheh Amandam
(Met 8.1-4; Mk 1.4-45)
12Jesu ing khuwruung yngkhehna aonglae ahakchaang ynchor pasar yngkheh inche Jesu chu amutah nache vakhupka aningna athamsah, “Aafhuw, namanden ynsuwh nave ki mandamcheh sachii achii.”
13Jesu ing ataklina akik ing parka ariir, “Ki ing karupa; nang man-thiingla.” Aphachak nache ynchorchu vadamsa. 14Amana Jesu ing aningna ariir, “Achuw ningnakho riirmah dehra taka chong atahpa; changvakonchu sinana nataksah ing jaethiim ningna mandangla, amanche atii nang ynthiing naphachu mee ae ningna saarkhii aomnii ing, Mosi chonghak inuwzii ing ipeehfhuwchu vapira.”
15Changvakonchu Jesu khaena chongchu thang sehsehsa; amatah nache isiinii khaena vokhehkho idam phanii khaenache mee aenche aning tingche vaksae. 16Changvakonchu ama ing paamfhuw ting sika athamsahpa.
Jesu ing ahakchaang ithiipoh pasar yngkheh Amandam
(Met 9.1-8; Mk 2.1-12)
17Inii nikheh nache Jesu ing mee aechu amanchuw raenche Galili tanii vokhehkho Judia khuw tanii ae amanche Jerusalem tanii itheng ae Pharisi ae, vokhehkho thiimthang aenche abuumna ongsae; changlaenche Jesu chuve ina ae damnii Thangnang ruwrengchu aningna om. 18Amana mee aenche ahakchaang ithiipoh ina yngkheh toraena vedom aeka een sungting vemanruwhnii khaena, vokhehkho Jesu maana isiihnii khaenache emanjongpa; 19Changvakonchu mee nemlamthika envemanruwh chehmah tahnache, enuw ing phuchung ting hangkar aeka amana phuchungchu iseh aeka ina ajaarnii thohche abuum nache enjebabuwpa. 20Jesu ing enthachachu amutah nache ina ningna ariir, “O pasarpa, nang ing isii icher nareen vakhae kakuhpeeh pachii.”
21Changlae thiimthang aere Pharisi aeng chong isii basen aeka enriir, “Thangnang taklina ithipak ing ichong havi achuwva! Akhaechuve Thangnang mahnaka achuw ing isii kuhchehva takhang!”
22Enuw embarungriirchu Jesu ing amanghuw tahnache eningna ariir, “Nenuw ing nenbarungriirna changche ichii ing ynchii khaena nemandenva? 23Nataklina isii omchu kakuhpeeh pachii ichiire, ‘Hangiir nana sira ichii chong i ukha ingkhe ilaehakva’? 24Mee Sapa inche laaruw paamna isii vakhae akuhcheh chirnii ruwreng omna ichii nenuw ing nemanghuwnii khaena mandang kata.” Chukhaenache ahakchaang ithiipoh ina ningnache ariir, “Ki ing naningna kariirnah, hangiir nana najaarniikha chira, amanche na eenting yngkaera.”
25Aphachak nache ama ing ajaar-niichu jekika mee ae maekung nache hangiirsa amanche Thangnang chu manpahsaka a-eenting yngkaesa. 26Havana ruwriimnii i enuw vakhae ing emutahna embarungriir aasumpa, chutahnache enuw ing Thangnang chu emanpahsahpa; vokhehkho enuw ing “Atanii inuw ing vokheh tangakho ymmumahri ymmupa ta aeka enriir.”
Jesu ing Levi A-een
(Met 9.9-13; Mk 2.13-17)
27Havi aanuwdehna Jesu ing vasika ree khuumnii kaaroh nache ong Levi ichii ree ikhuum mee yngkhehchu muka aningna ariir, “Kaanuw ijiira.” 28Ama ing anongtuchu bathenka Jesu anuwchu ajiipa.
29Aanuwnache Levi ing Jesu khaena iruungpak ing thaemin thoraang tuka a-eenna maarsae, changlae itheng ree ikhuum ae, reentaang mee upa vakhaekho theng aeka ong ae. 30#Luk 15.1,2Changlae enruwr tanii Pharisi aere thiimthang aenche Jesu asebok ae taklina chong enriir, “Ynchii khaena nenuw ing ree ikhuum aere isii icher aethoh imaarpoh vachuw?”
31Jesu ing enuwchu abasang, “Hakchaang isa ae ningna chembe ithiim ikanii omah, changvakonchu ina ae khaena chembe ikaniina. 32Ki ichum ynthiing mee aechu eennii khaena ijuwng mahping, changva-konchu isii icher aechu embarungriir huungnii khaenava.”
Maaru Itong khaena Chong Ensii
(Met 9.14-17; Mk 2.18-22)
33Enuw ing aningnache enriir, “Johon asebok aenche maaru tongchak aeka enthamsah chaknah, amanche Pharisi ae sebok ae ingkho changche entunah, changvakonchu nasebok ae inchembe ensah enginnah.”
34Jesu ing eningna abasang, “Songpa ing rakhiiniina itheng ae thohche aong raenche enuwchu maaru mantongva taekhang? 35Changvakonchu ening tanii songpachu jekivaang naka, enuw ing maaru tongva enchii iniichu thengpeh vaata.”
36Jesu ing eningna ynghuwnii thamin havikho atong: “Achuw ingkho ithar peen arakheh inche baruw peenchu iberniimah; ibernii nave ithar peen anbernii chukho ynsiih vaata, amanche ithar peen arakheh inche baruw peenchu ibernii nave ynlehmahnii. 37Achuw ingkho baruw shavin thuungfhuw nache ithar vomrip chii thinchakmah, thinnave ithar vomrip chii inche shavin thuungfhuwchu bakhii vaata; amanche achii chukho ynta vaata, vokhehkho athinnii shavin thuungfhuw chukho maangvaata. 38Chukhaenache ithar shavin thuungfhuw nache ithar vomrip chiichu thinvaan chiiva. 39Vokhehkho baruwchu in manuwve, itharchu achuw ingkho inningka tamah; akhaechuve baruw ing inempak chiihakna.”
Currently Selected:
LUK 5: MOYO
Highlight
Share
Copy
Want to have your highlights saved across all your devices? Sign up or sign in
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.
LUK 5
5
Jesu ing Ahaarpa Sebok Aateer
(Met 4.18-22; Mk 1.16-20)
1 #
Met 13.1,2; Mk 3.9,10; 4.1 Nikhehna Jesu buumna mee inempak ing athaminchu isiinii khaena entheng raenche ama ing Genesaret chiiding kuurna ngiirsa. 2Changlaenche chiiding kuurna ruwkuwng asae ynniimeh omchu ama ing amupa; changvakonchu ngaklah mee aenche ruwkuwng tanii jung-chum aeka engachak enchaampa. 3Ruwkuwng ynniimeh omnache Simon ruwkuwngchu vepuwhka aningnache taangtanii topoh vehuurla achii. Amana Jesu ing ruwkuwng nache ongka mee vakhae ae ningnache thaminchu atongpa.
4Jesu ing ichong amanchinuwna Simon ningna ariir, “Nga nensuwrnii inche ruwkuwng vehuur nuwna chiirik ithuwh tingse nengachak vedeengruw.”
5 #
Jhn 21.3
Amana Simon ing abasang, “Aafhuw, kenuw ing jaenchim ipha ing kendeengsah ingkho yntanga suwrmah ung! Changvakonchu Aafhuw nang nachongzeer inuwzii ing ki ing ichak i vedeeng sakata.” 6#Jhn 21.6Changche taka avedeeng tahnache nga inempak engkhumpa; amana engachakchu ynsiih vachii ing omsa, 7Chukhaenache engarang ensifhuw ae ruwkuwng sungna ong ae ningnache ibomnii khaena huungruw ta aeka engkik ing envejaappa. Amana enuwkho theng aeka, ruwkuwng ynniimeh nache ngachu enthintah nache sipka ruw-kuwngchu arup ynthongpa. 8Amachu Simon Pitar ing amutah nache Jesu akhee derna jukiimka athamsahpa, “Aafhuw, ibathensara, ki isii icherpak mee ping.”
9Akhaechuve enuw ing inempak nga ensuwr nache atak ynvae ing eng-kheng ingik ae; 10amavaangche Simon aarang ae, Zebedee sapa ae, Jems vokhehkho Johon enuwkho ingik ae. Amana Jesu ing Simon ningna ariir, “Ynchik mahra, atanii basen naka nang i meesuwr ynsuwh vanata.”
11Jesu achong aanuwnache enuw ing ruwkuwngchu taangting henga-dom aeka vokhehkho aangkheng bathenchir aeka aanuwchu enjiipa.
Jesu ing ina mee yngkheh Amandam
(Met 8.1-4; Mk 1.4-45)
12Jesu ing khuwruung yngkhehna aonglae ahakchaang ynchor pasar yngkheh inche Jesu chu amutah nache vakhupka aningna athamsah, “Aafhuw, namanden ynsuwh nave ki mandamcheh sachii achii.”
13Jesu ing ataklina akik ing parka ariir, “Ki ing karupa; nang man-thiingla.” Aphachak nache ynchorchu vadamsa. 14Amana Jesu ing aningna ariir, “Achuw ningnakho riirmah dehra taka chong atahpa; changvakonchu sinana nataksah ing jaethiim ningna mandangla, amanche atii nang ynthiing naphachu mee ae ningna saarkhii aomnii ing, Mosi chonghak inuwzii ing ipeehfhuwchu vapira.”
15Changvakonchu Jesu khaena chongchu thang sehsehsa; amatah nache isiinii khaena vokhehkho idam phanii khaenache mee aenche aning tingche vaksae. 16Changvakonchu ama ing paamfhuw ting sika athamsahpa.
Jesu ing ahakchaang ithiipoh pasar yngkheh Amandam
(Met 9.1-8; Mk 2.1-12)
17Inii nikheh nache Jesu ing mee aechu amanchuw raenche Galili tanii vokhehkho Judia khuw tanii ae amanche Jerusalem tanii itheng ae Pharisi ae, vokhehkho thiimthang aenche abuumna ongsae; changlaenche Jesu chuve ina ae damnii Thangnang ruwrengchu aningna om. 18Amana mee aenche ahakchaang ithiipoh ina yngkheh toraena vedom aeka een sungting vemanruwhnii khaena, vokhehkho Jesu maana isiihnii khaenache emanjongpa; 19Changvakonchu mee nemlamthika envemanruwh chehmah tahnache, enuw ing phuchung ting hangkar aeka amana phuchungchu iseh aeka ina ajaarnii thohche abuum nache enjebabuwpa. 20Jesu ing enthachachu amutah nache ina ningna ariir, “O pasarpa, nang ing isii icher nareen vakhae kakuhpeeh pachii.”
21Changlae thiimthang aere Pharisi aeng chong isii basen aeka enriir, “Thangnang taklina ithipak ing ichong havi achuwva! Akhaechuve Thangnang mahnaka achuw ing isii kuhchehva takhang!”
22Enuw embarungriirchu Jesu ing amanghuw tahnache eningna ariir, “Nenuw ing nenbarungriirna changche ichii ing ynchii khaena nemandenva? 23Nataklina isii omchu kakuhpeeh pachii ichiire, ‘Hangiir nana sira ichii chong i ukha ingkhe ilaehakva’? 24Mee Sapa inche laaruw paamna isii vakhae akuhcheh chirnii ruwreng omna ichii nenuw ing nemanghuwnii khaena mandang kata.” Chukhaenache ahakchaang ithiipoh ina ningnache ariir, “Ki ing naningna kariirnah, hangiir nana najaarniikha chira, amanche na eenting yngkaera.”
25Aphachak nache ama ing ajaar-niichu jekika mee ae maekung nache hangiirsa amanche Thangnang chu manpahsaka a-eenting yngkaesa. 26Havana ruwriimnii i enuw vakhae ing emutahna embarungriir aasumpa, chutahnache enuw ing Thangnang chu emanpahsahpa; vokhehkho enuw ing “Atanii inuw ing vokheh tangakho ymmumahri ymmupa ta aeka enriir.”
Jesu ing Levi A-een
(Met 9.9-13; Mk 2.13-17)
27Havi aanuwdehna Jesu ing vasika ree khuumnii kaaroh nache ong Levi ichii ree ikhuum mee yngkhehchu muka aningna ariir, “Kaanuw ijiira.” 28Ama ing anongtuchu bathenka Jesu anuwchu ajiipa.
29Aanuwnache Levi ing Jesu khaena iruungpak ing thaemin thoraang tuka a-eenna maarsae, changlae itheng ree ikhuum ae, reentaang mee upa vakhaekho theng aeka ong ae. 30#Luk 15.1,2Changlae enruwr tanii Pharisi aere thiimthang aenche Jesu asebok ae taklina chong enriir, “Ynchii khaena nenuw ing ree ikhuum aere isii icher aethoh imaarpoh vachuw?”
31Jesu ing enuwchu abasang, “Hakchaang isa ae ningna chembe ithiim ikanii omah, changvakonchu ina ae khaena chembe ikaniina. 32Ki ichum ynthiing mee aechu eennii khaena ijuwng mahping, changva-konchu isii icher aechu embarungriir huungnii khaenava.”
Maaru Itong khaena Chong Ensii
(Met 9.14-17; Mk 2.18-22)
33Enuw ing aningnache enriir, “Johon asebok aenche maaru tongchak aeka enthamsah chaknah, amanche Pharisi ae sebok ae ingkho changche entunah, changvakonchu nasebok ae inchembe ensah enginnah.”
34Jesu ing eningna abasang, “Songpa ing rakhiiniina itheng ae thohche aong raenche enuwchu maaru mantongva taekhang? 35Changvakonchu ening tanii songpachu jekivaang naka, enuw ing maaru tongva enchii iniichu thengpeh vaata.”
36Jesu ing eningna ynghuwnii thamin havikho atong: “Achuw ingkho ithar peen arakheh inche baruw peenchu iberniimah; ibernii nave ithar peen anbernii chukho ynsiih vaata, amanche ithar peen arakheh inche baruw peenchu ibernii nave ynlehmahnii. 37Achuw ingkho baruw shavin thuungfhuw nache ithar vomrip chii thinchakmah, thinnave ithar vomrip chii inche shavin thuungfhuwchu bakhii vaata; amanche achii chukho ynta vaata, vokhehkho athinnii shavin thuungfhuw chukho maangvaata. 38Chukhaenache ithar shavin thuungfhuw nache ithar vomrip chiichu thinvaan chiiva. 39Vokhehkho baruwchu in manuwve, itharchu achuw ingkho inningka tamah; akhaechuve baruw ing inempak chiihakna.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.