LUK 6
6
Deennii khaena Chong Ensii
(Met 12.1-8; Mk 2.23-28)
1Deennii inii nache Jesu ing ruwchimna avasi raenche asebok aenche sabarchu chim aeka engkik bajaana chiaeka ensahpa. 2Chutah-nache Pharisi aenche enriir, “Deennii iniina vajeer chonghak ing arumah iser nong nenuw ing yngkhaena nentuva?”
3Jesu ing eningna abasang, “Devit ing aanruwfhuw aethoh enven achaam-rae ynchii atu, 4ama ing Thangnang eenna ynsaangkhe varuwhka, jaethiim ae mahnaka isah aruthang thaangmah tarchu ama ing rika asahva, changpang mahka ama ing aanruwfhuw ae chukho amansah ae ichii ynthiing thiimziihna ynthinchu nenuw pamahchuw?” 5Amana Jesu ing eningna ariir, “Mee Sapa inge Deennii Aafhuw va.”
Akik Ithiipoh Pasar Yngkheh
(Met 12.9-14; Mk 3.1-6)
6Nikhehna Jesu ing Deennii inii nache meekongnii eenting varuwhka amanchuw ae, engkaar nache akik tachang baen ithiipoh mee yngkheh heong. 7Amana thiimthang aere Pharisi aeng Jesu chu emanraarnii ijongnii khaena Deennii iniine ina mansakva tamo ta aeka manchuwm aeka engenjaehpa, 8changvakonchu Jesu ing emandenchu amanghuwtah nache akik tachang baen ithiipoh ningnache ariir, “Hanene huungnana ngiirla.” Ama ing hangiirka ngiirsa. 9Amana Jesu ing eningna ariir, “ki ing neningna chong yngkheh kasiinah-chuw, Deennii iniine isa iture isamah itu, amanche ringkum ikarpeeh re imaangchu vajeer chonghak ing ukha ingkhe ruvaate?” 10Aanuwnache Jesu ing enuw vakhaechu enka ina ningnache ariir, “Nakik kha ithohra.” Akikchu aathohtah nache damsa. 11Changvakonchu enuw embarung isii inche Jesu takline ynchiikha itu ing isava ta aeka yngkheh yngkheh ynsiisae.
Jesu ing Sebok Suum Ariinii Aateer
(Met 10.1-4; Mk 3.13-19)
12Changlaenche Jesu ing bungting ithamsah sisa; amana jaenpumche Thangnang ting athamsahpa. 13Amana khuw ahungvaar thoh Jesu ing asebok aechu eenka engkaar nache mee suum ariinii aateerpa, vokhehkho enuwchu chongthang ae taka ruming akhiingpa; 14enuw enruming chuve, Pitar kho enchii Simon, ama anaepa Andriu, Jakop, Johon, Philip, Bartholomiu, 15amanche Methiu, Thomas, Arphius asapa Jakop, amanche Zilot enchii Simon, 16amanche Jakop sapa Judas, vokhehkho mee irensah hunginsuwh Iskariot Judas, enuw ae iva.
Jesu ing Manchuw aeka Vokhehkho Amandam ae
(Met 4.23-25)
17Jesu ing achongthang ae thohche bung tanii jungchumka idaam nache ngiirsa. Amanache asebok ae inempak aethoh vokhehkho Judia paam taniichaap, Jerusalem tanii, amanche Taire re Sidon chifhuw laartanii, Jesu thaminchu isiinii khaena vokhehkho ina vakhaechu mandamnii khaenache mee inempak vathengsae; 18amanche ynthiingmah laetha ing entaklina ijachaam apeeh vakhae chukho theng aeka amandampeeh chirpae. 19Chukhaenache mee inempak aenche atakchu iparnii khaena enjongpa, akhaechuve aningtanii ruwrengchu hungsuwhka mee aechu amandampa.
Rotharoh re Ijachaam
(Met 5.1-12)
20Amana Jesu ing asebok aechu enka ariir:
“Sara ae nenuw bor nenphava;
Thangnang iruwngpaamchu nentavaata!
21Atarae venchaam chiilaar nenpha ae nenuw bor nenphava;
nenuw bavava nenta!
“Atarae bakhik chuwka ichapchu nenuw bor nenphava;
nenuw maniiva nenta!
22 #
1 Pit 4.14
“Mee Sapa khaena mee ae ing ibatir ae naka, ynrumah ae, ningjak ympiae, vokhehkho nenrumingchu thang mansii ae nave, nenuw bor nenphava!” 23#Nong 7.52Changchii inii nache nen-rotha manrohruw, vokhehkho ynthoh nuwna nungaeruw, thangbaenna nenphafhuw nongmen iruungpak omna; ajaenkho jinge ichii ing empa aenche jaephar ae taklina entuva.
24“Chukhaenache savang ae neningna chembe ijaniisapa;
akhaechuve aaniing omah nungaechu nenphapa!
25“Atarae nenven ynva ae neningna chembe ijaniisapa;
akhaechuve nenuw venchaam ing itheh vaata!
“Atarae nemanii inja neningna chembe aajaehmeh ijaaniivaate;
akhaechuve nenuw ichap ichuw phava nenta!
26“Nentaklina mee vakhae ing isapak ing ichong ae nengkhaena ijaniisapa, akhaechuve empa aenche ichummah jaephar ae ningnache entu vasahva.
Eejeehnii Aechu Ningmansiihnii
(Met 5.38-48; 7.12)
27“Kachong aasii neningna kariir-nah: Eejeehnii mee aechu nening mansiih aeruw; nenuwchu ymbatir mee ae taklinache isachu turuw, 28Nentaklina siraap ympi aechu bor piaeruw, amanche nenuwchu ynjuum mee ae khaenache thampeeh aeruw. 29Achuw yngkheh ing naabeengna eebeeng nave, paangkheh tingkho dura; amanche napeen ari mee inche narungop kho rinave khaammahra. 30Naningna ynniih vakhae ningnache pira; vokhehkho napeeh nachae ari meechu athar nang ing siingmahra. 31#Met 7.12Nentaklina mee ing tunaka nenchii nemandenchu, nenuw ingkho ening-nache turuw.
32“Nenuwchu aning ymmansiih taklina chenpang nenuw ingkho nening mansiih tanuwcha ynchii isuur-sahnii omkhang! Isii icher mee aerap ingkho enuwchu ening emansiih mee ae chupang ening emansiihnah ae. 33Amanche neningna isa yntupeeh ae ningna nenuw ingkho isachu tupeeh ae tanuwve, neningna ynchii ympahfhuw omkhang! Akhaechuve isii icher aengkho changche entunah. 34Amanche nenuw ing phava kenta ichii ing nemanden mee ae ningnache piae tanuwcha ynchii ympahfhuw omkhang! Isii icher mee aengkho athar iphanii khaenache isii icher ae ningna empinah. 35Changvakonchu eejeehnii mee aechu nening mansiihruw amanche isa chukho tupeeh aeruw, vokhehkho nenbarungriir sungna fhuwm ynvaerudeh in athar phareehva kata ichii mandenru ing mamfhuwh aeruw, amanche nenongmen inempak ruungvaata, amanche nenuw ing aanchungseh sitichu ynsuwhva nenta; akhaechuve mee ing atupeeh amang-huwmah mee ae, vokhehkho isamah mee ae taklinakho Aafhuw ingkho aning amansiihnah. 36Nenuw vakhae nenpa ing ningchuwh omvaang, nenuwkho ningchuwhchu omruw.
Reentaang taklina Vajeer Itu
(Met 7.1-5)
37“Mee ae taklina vajeer tumahruw amanche nentakli nakho vajeer itumahnii; mee ae taklina manraar mahruw amanache Thangnang ingkho nening nache imanraar mahnii; kuhpeehruw amanche nenuw chukho ikuhpeeh vaata; 38piruw, amanche nening nakho ipivaata. Isapak achaang inae ing namnaka, inuk naka, ynriimjor inche nengkikna nenchicheh vakhae ipivaata. Nenuw ing nenguur inuwzii inche neningna athar Thangnang ing uurvaata.”
39 #
Met 15.14
Jesu ing eningna ynghuwnii thamin ariir: “Mikchu inche mikchu yngkhehchu ruwchehva takhang? Enuw enganii ing yngkuwng ting bukmah ae niikhang? 40#Met 10.24,25; Jhn 13.16; 15.20Sebok ing aanchuwmee chungna ynchungseh mahva, machang ing atam mee vakhae inche aanchuwmee vaang hungtavaata.
41“Chukhaenache namikna ibuwr omcha kharmah chiika, nauw nanae mikna ibuwr omchu ynchii khaena nabuwrva? 42Nataksah mik narap thing yngkhangka omchu muruchii ing, ynchii khaena nauw nanae mikna ibuwr omchu ripeeh kachii nachiichehva? Isachaang itu nang amaensana namikna om thing yng-khangkha rijapla, aanuw nache nauw nanae mikna ibuwr omchu ynthiingkiir ing mupeh vaanta.
Thingbur re Aanla
(Met 7.16-20; 12.33-35)
43“Isa thingbur inche isamah ing ynlamah, vokhehkho isamah thingbur inche isa ing ynla chehmah; 44#Met 12.33amachuve thing vakhaechu aanla inuwzii ing ymmanghuw chehsa. Mee ing utaraenkho iringbur nache thachang iriih mahchak, vokhehkho iringbur nache vomrip aanla iriih mahchak. 45#Met 12.34Isa mee inche abarungriir tanii isachu amandangnah amanche isamah mee inche abarungriir tanii isamahchu ahemandangnah; akhaechuve abarungriir sungna ynthin inuwzii inche hangchongna.
Een Itu Meenii
(Met 7.24-27)
46“Neningna kariir chucha turuchuw ing ynchii khaena nenuw ing Aafhuw, Aafhuw, tachuwka yngeen vachuw? 47Kaningna itheng chaap ing kachong vakhaechu siika nong ing atu mee chaapchu ynsaangkhe tane ichiichu neningna mandang kata: 48Ama mee chuve eenphamburchu ithuwhpak ing chuwka rung taklina een amangiir mee yngkheh thohche aanghakna; amana eenchu chii iriim inche ajensuktah nache manlaapcheh mahsa, akhaechuve ama ing rung taklina amangiirpa. 49Changvakonchu isiicha siika atumah mee chuve, eenphambur ichah ing ruwruw taklina een amangiir thohche aanghakna; chukhaenache chii iriim inche ajensuktah nache eenchu kiichirsa, amanche anikung narapche tiihsa vokhehkho eenchu amasak ithipak ing maangsa.”
Currently Selected:
LUK 6: MOYO
Highlight
Share
Copy
Want to have your highlights saved across all your devices? Sign up or sign in
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.
LUK 6
6
Deennii khaena Chong Ensii
(Met 12.1-8; Mk 2.23-28)
1Deennii inii nache Jesu ing ruwchimna avasi raenche asebok aenche sabarchu chim aeka engkik bajaana chiaeka ensahpa. 2Chutah-nache Pharisi aenche enriir, “Deennii iniina vajeer chonghak ing arumah iser nong nenuw ing yngkhaena nentuva?”
3Jesu ing eningna abasang, “Devit ing aanruwfhuw aethoh enven achaam-rae ynchii atu, 4ama ing Thangnang eenna ynsaangkhe varuwhka, jaethiim ae mahnaka isah aruthang thaangmah tarchu ama ing rika asahva, changpang mahka ama ing aanruwfhuw ae chukho amansah ae ichii ynthiing thiimziihna ynthinchu nenuw pamahchuw?” 5Amana Jesu ing eningna ariir, “Mee Sapa inge Deennii Aafhuw va.”
Akik Ithiipoh Pasar Yngkheh
(Met 12.9-14; Mk 3.1-6)
6Nikhehna Jesu ing Deennii inii nache meekongnii eenting varuwhka amanchuw ae, engkaar nache akik tachang baen ithiipoh mee yngkheh heong. 7Amana thiimthang aere Pharisi aeng Jesu chu emanraarnii ijongnii khaena Deennii iniine ina mansakva tamo ta aeka manchuwm aeka engenjaehpa, 8changvakonchu Jesu ing emandenchu amanghuwtah nache akik tachang baen ithiipoh ningnache ariir, “Hanene huungnana ngiirla.” Ama ing hangiirka ngiirsa. 9Amana Jesu ing eningna ariir, “ki ing neningna chong yngkheh kasiinah-chuw, Deennii iniine isa iture isamah itu, amanche ringkum ikarpeeh re imaangchu vajeer chonghak ing ukha ingkhe ruvaate?” 10Aanuwnache Jesu ing enuw vakhaechu enka ina ningnache ariir, “Nakik kha ithohra.” Akikchu aathohtah nache damsa. 11Changvakonchu enuw embarung isii inche Jesu takline ynchiikha itu ing isava ta aeka yngkheh yngkheh ynsiisae.
Jesu ing Sebok Suum Ariinii Aateer
(Met 10.1-4; Mk 3.13-19)
12Changlaenche Jesu ing bungting ithamsah sisa; amana jaenpumche Thangnang ting athamsahpa. 13Amana khuw ahungvaar thoh Jesu ing asebok aechu eenka engkaar nache mee suum ariinii aateerpa, vokhehkho enuwchu chongthang ae taka ruming akhiingpa; 14enuw enruming chuve, Pitar kho enchii Simon, ama anaepa Andriu, Jakop, Johon, Philip, Bartholomiu, 15amanche Methiu, Thomas, Arphius asapa Jakop, amanche Zilot enchii Simon, 16amanche Jakop sapa Judas, vokhehkho mee irensah hunginsuwh Iskariot Judas, enuw ae iva.
Jesu ing Manchuw aeka Vokhehkho Amandam ae
(Met 4.23-25)
17Jesu ing achongthang ae thohche bung tanii jungchumka idaam nache ngiirsa. Amanache asebok ae inempak aethoh vokhehkho Judia paam taniichaap, Jerusalem tanii, amanche Taire re Sidon chifhuw laartanii, Jesu thaminchu isiinii khaena vokhehkho ina vakhaechu mandamnii khaenache mee inempak vathengsae; 18amanche ynthiingmah laetha ing entaklina ijachaam apeeh vakhae chukho theng aeka amandampeeh chirpae. 19Chukhaenache mee inempak aenche atakchu iparnii khaena enjongpa, akhaechuve aningtanii ruwrengchu hungsuwhka mee aechu amandampa.
Rotharoh re Ijachaam
(Met 5.1-12)
20Amana Jesu ing asebok aechu enka ariir:
“Sara ae nenuw bor nenphava;
Thangnang iruwngpaamchu nentavaata!
21Atarae venchaam chiilaar nenpha ae nenuw bor nenphava;
nenuw bavava nenta!
“Atarae bakhik chuwka ichapchu nenuw bor nenphava;
nenuw maniiva nenta!
22 #
1 Pit 4.14
“Mee Sapa khaena mee ae ing ibatir ae naka, ynrumah ae, ningjak ympiae, vokhehkho nenrumingchu thang mansii ae nave, nenuw bor nenphava!” 23#Nong 7.52Changchii inii nache nen-rotha manrohruw, vokhehkho ynthoh nuwna nungaeruw, thangbaenna nenphafhuw nongmen iruungpak omna; ajaenkho jinge ichii ing empa aenche jaephar ae taklina entuva.
24“Chukhaenache savang ae neningna chembe ijaniisapa;
akhaechuve aaniing omah nungaechu nenphapa!
25“Atarae nenven ynva ae neningna chembe ijaniisapa;
akhaechuve nenuw venchaam ing itheh vaata!
“Atarae nemanii inja neningna chembe aajaehmeh ijaaniivaate;
akhaechuve nenuw ichap ichuw phava nenta!
26“Nentaklina mee vakhae ing isapak ing ichong ae nengkhaena ijaniisapa, akhaechuve empa aenche ichummah jaephar ae ningnache entu vasahva.
Eejeehnii Aechu Ningmansiihnii
(Met 5.38-48; 7.12)
27“Kachong aasii neningna kariir-nah: Eejeehnii mee aechu nening mansiih aeruw; nenuwchu ymbatir mee ae taklinache isachu turuw, 28Nentaklina siraap ympi aechu bor piaeruw, amanche nenuwchu ynjuum mee ae khaenache thampeeh aeruw. 29Achuw yngkheh ing naabeengna eebeeng nave, paangkheh tingkho dura; amanche napeen ari mee inche narungop kho rinave khaammahra. 30Naningna ynniih vakhae ningnache pira; vokhehkho napeeh nachae ari meechu athar nang ing siingmahra. 31#Met 7.12Nentaklina mee ing tunaka nenchii nemandenchu, nenuw ingkho ening-nache turuw.
32“Nenuwchu aning ymmansiih taklina chenpang nenuw ingkho nening mansiih tanuwcha ynchii isuur-sahnii omkhang! Isii icher mee aerap ingkho enuwchu ening emansiih mee ae chupang ening emansiihnah ae. 33Amanche neningna isa yntupeeh ae ningna nenuw ingkho isachu tupeeh ae tanuwve, neningna ynchii ympahfhuw omkhang! Akhaechuve isii icher aengkho changche entunah. 34Amanche nenuw ing phava kenta ichii ing nemanden mee ae ningnache piae tanuwcha ynchii ympahfhuw omkhang! Isii icher mee aengkho athar iphanii khaenache isii icher ae ningna empinah. 35Changvakonchu eejeehnii mee aechu nening mansiihruw amanche isa chukho tupeeh aeruw, vokhehkho nenbarungriir sungna fhuwm ynvaerudeh in athar phareehva kata ichii mandenru ing mamfhuwh aeruw, amanche nenongmen inempak ruungvaata, amanche nenuw ing aanchungseh sitichu ynsuwhva nenta; akhaechuve mee ing atupeeh amang-huwmah mee ae, vokhehkho isamah mee ae taklinakho Aafhuw ingkho aning amansiihnah. 36Nenuw vakhae nenpa ing ningchuwh omvaang, nenuwkho ningchuwhchu omruw.
Reentaang taklina Vajeer Itu
(Met 7.1-5)
37“Mee ae taklina vajeer tumahruw amanche nentakli nakho vajeer itumahnii; mee ae taklina manraar mahruw amanache Thangnang ingkho nening nache imanraar mahnii; kuhpeehruw amanche nenuw chukho ikuhpeeh vaata; 38piruw, amanche nening nakho ipivaata. Isapak achaang inae ing namnaka, inuk naka, ynriimjor inche nengkikna nenchicheh vakhae ipivaata. Nenuw ing nenguur inuwzii inche neningna athar Thangnang ing uurvaata.”
39 #
Met 15.14
Jesu ing eningna ynghuwnii thamin ariir: “Mikchu inche mikchu yngkhehchu ruwchehva takhang? Enuw enganii ing yngkuwng ting bukmah ae niikhang? 40#Met 10.24,25; Jhn 13.16; 15.20Sebok ing aanchuwmee chungna ynchungseh mahva, machang ing atam mee vakhae inche aanchuwmee vaang hungtavaata.
41“Chukhaenache namikna ibuwr omcha kharmah chiika, nauw nanae mikna ibuwr omchu ynchii khaena nabuwrva? 42Nataksah mik narap thing yngkhangka omchu muruchii ing, ynchii khaena nauw nanae mikna ibuwr omchu ripeeh kachii nachiichehva? Isachaang itu nang amaensana namikna om thing yng-khangkha rijapla, aanuw nache nauw nanae mikna ibuwr omchu ynthiingkiir ing mupeh vaanta.
Thingbur re Aanla
(Met 7.16-20; 12.33-35)
43“Isa thingbur inche isamah ing ynlamah, vokhehkho isamah thingbur inche isa ing ynla chehmah; 44#Met 12.33amachuve thing vakhaechu aanla inuwzii ing ymmanghuw chehsa. Mee ing utaraenkho iringbur nache thachang iriih mahchak, vokhehkho iringbur nache vomrip aanla iriih mahchak. 45#Met 12.34Isa mee inche abarungriir tanii isachu amandangnah amanche isamah mee inche abarungriir tanii isamahchu ahemandangnah; akhaechuve abarungriir sungna ynthin inuwzii inche hangchongna.
Een Itu Meenii
(Met 7.24-27)
46“Neningna kariir chucha turuchuw ing ynchii khaena nenuw ing Aafhuw, Aafhuw, tachuwka yngeen vachuw? 47Kaningna itheng chaap ing kachong vakhaechu siika nong ing atu mee chaapchu ynsaangkhe tane ichiichu neningna mandang kata: 48Ama mee chuve eenphamburchu ithuwhpak ing chuwka rung taklina een amangiir mee yngkheh thohche aanghakna; amana eenchu chii iriim inche ajensuktah nache manlaapcheh mahsa, akhaechuve ama ing rung taklina amangiirpa. 49Changvakonchu isiicha siika atumah mee chuve, eenphambur ichah ing ruwruw taklina een amangiir thohche aanghakna; chukhaenache chii iriim inche ajensuktah nache eenchu kiichirsa, amanche anikung narapche tiihsa vokhehkho eenchu amasak ithipak ing maangsa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.