EXODUS 2

Mosia pian thu

1Levia chia mi tlangvâl pakhatin Levia chi#2:1 6:20 lamah Mosia nu leh pa hming a lang, en rawh. bawk nula nupuiah a nei a. 2Hmeichhia chuan nau a pai a, fapa a hring a. Nau duhawm tak a nih avângin thla thum chhûng chu a thukru a.#Tirh. 7:20; Heb. 11:23. 3A thuhrûk reng theih tâk loh hnuah chuan rairuang bâwm a la a, hlum a bel a, alkatra-in a zût phui a, a chhûngah chuan nau chu a dah a, luipui kama rairuang buk zîngah chuan a dah a. 4Engtin nge a awm zêl tih thlîrin hla fêah a farnu chu a ding reng a. 5Farawa fanu chu a ṭhuihruaite nên inbual tûrin luiah chuan an chhuk a, lui kamah chuan an kal a, rairuang zînga bâwm dah chu a hmu a; a chhiahhlawh nula chu a lâktîr a. 6A han hawng a, nautê a lo ni a; nausên chu a ṭap ta a. A khawngaih ta êm êm a, “Hebrai mi fa a ni phawt mai,” a ti a. 7A farnu chuan Farawa fanu hnênah chuan, “Hebrai hmeichhia, nau awm thiam ka va kohsak ang che chu, a awmsak dâwn che nia,” a ti a. 8Farawa fanu chuan, “Va ko ta che,” a ti a. Hmeichhe naupang chuan naute nu chu a ko va. 9Farawa fanu chuan hetiang hian a lo ti a, “He naute hi hâwn la, min pawmtlei sak rawh; hlawh ka pe ang che,” a ti a. Chu nu chuan nausên chu a la a, a pawm ta a. 10Nau chu a lo ṭhang lian a, Farawa fanu hnênah chuan a hruai a; ani chuan fapaah a lo nei ta a, “Tui aṭanga ka lâk chhuah a nih hi,” tiin a hmingah Mosia a sa a.#Tirh. 7:21.

Midian ramah Mosia a tlân

11Mosia chu a lo tlangvâl ta a. Ni khat chu a unaute hnênah a va lêng a, an thawh rimzia chu a va hmu a; a unau zînga Hebrai mi pakhat Aigupta miin a lo vua chu a hmu a. #Heb. 11:24. 12Lehlam lehlam a han hawi a, tu mahin an hmu lo nia a hriat chuan Aigupta mi chu a that a, ṭiau vaivutah a phûm ta a.

13A tûkah chuan a va kal leh a, Hebrai mi pahnih hi an lo insual a. A tisual hmasa zâwktu hnênah chuan, “Engtizia nge i unaupa i sual mai le?” a ti a. 14Ani chuan, “Tu nge kan chunga rorêla thuneitu atân ruat che? Aigupta mi i thah ang khân min thah i tum elo?” a ti a. Mosia chuan a hlauthâwng ta hle a. “Mi an lo hria a ni phawt mai,” a ti a.#Tirh. 7:23-28. 15Faraw-an a lo hriat chuan Mosia chu thah a tum ta a. Farawa hmuh loh tûrin Mosia chu a tlân bo ta a; Midian mite ram a va thleng a, tuichhunchhuah bulah a ṭhu chawt a. #Tirh. 7:29; Heb. 11:27.

16Midian puithiam chuan fanu pasarih a nei a; tui an rawn chawi a, an pa berâm rual in tûr ran tuikuangah an chhûng khat ṭhîn a. 17Berâmpu dang an lo kal a, an rawn hnawt a. Mosia chuan a lo chhan a; an berâmte chu tui a intîr ta a. 18An pa Reuela#2:18 Hebrai lamah ‘Reuela’ tih a ni, hmun dangah chuan ‘Jethroa’ tih a ni bawk. hnên an thlen chuan, “Vawiin chu engtizia nge in va lo thleng hma ve,” a lo ti a. 19Anni chuan, “Aigupta mi, mi pakhatin Berâmpuho lakah min chhan a, amah ngeiin tui a chawi a, rante chu tui a pe atin a ni,” an ti a. 20A fanute hnênah chuan, “Khawiah nge a awm tâk? Engtizia nge in kalsan mai le? Va ko teh u, chaw te ei ve teh se,” a ti a. 21Chu mi hnêna awm chu Mosia chuan a remti ta a. Mosia chu a fanu Zipori nupuiah a neihtîr a. 22Ani chuan fapa a hrinsak a, “Mikhual, ram dang mi ka nih hi,” tiin a hmingah Gersoma a sa a.

23Rei fe hnuah chuan Aigupta lal chu a thi a; Israel fate chu bawih nihna phurrit avâng chuan an rûm a, ṭanpui dila an au thâwm chu Pathian hnênah a han thleng a. 24Pathian chuan an rûm chu a lo hria a; Abrahama te, Isaka te, Jakoba te hnêna a thuthlung kha a la hre reng a,#Gen. 15:13,14. 25Pathian chuan Israel fate dinhmun chu a hmu#2:25 LXX lamah chuan ‘an hnênah a inlâr a’ tih a ni. a, a ngaihsak hle a.

Currently Selected:

EXODUS 2: MIZCLBSI

Highlight

Copy