GENESIS 21

Isaka pian thu

1 Lalpa chuan Sari chu a zu kan a. Lalpa chuan a tiam tawh ang khân Sari chu a tihsak ta a. 2Sari chuan nau a pai ta a, Pathianin a sawi hun takah khân Abrahama chu, pa upa tak a nih hnuin, fapa a hrinsak ta a.#Heb. 11:11. 3Abrahaman Sarin fapa a hrinsak hmingah chuan Isaka a sa a. 4Pathianin thu a pêk angin a ni riat ni chuan Abrahama chuan a fapa Isaka serh chu a tansak ta a. #Gen. 17:12; Tirh. 7:8. 5A fapa Isaka a pian chuan Abrahama chu kum zaa upa a ni. 6Sari chuan:

“Pathianin min nuihtîr#21:6 ‘Pathianin nuihna (Isaka) min pêk hi’ tih theih bawk a ni. tâk hi,

A hria apiangin min nuihpui ang,” a ti a.

7“Abrahama hnênah,

‘Sarin nau hnute a pe ang,’ tu nge tih nachâng hria ang? Mahse, a tar hnuin fapa ka hrinsak hi,” a ti bawk a.

8Nau chu a ṭhang lian a, hnute hnêk bântîr a lo hun ta a. Chumi ni chuan Abrahaman ruai ropui tak a ṭheh a.

Hagari leh Ismaela hnawh chhuah

9Aigupta mi Hagarin Abrahama fapa a hrinsak khân a fapa Isaka chu a chhaih#21:9 ‘nui’ tihna chi ṭawng bawk a ni. ṭhenkhat chuan ‘nuihzat’ tihna niin an ngai, lai Sari chuan a hmuhin, 10Abrahama hnênah, “He bawihnu hi, a fapa nên hnawt chhuak rawh. He bawih fa hian ka fapa Isaka hi ro a luahpui tûr a ni lo,” a ti a. #Gal. 4:28-30. 11Chu chuan Abrahama rilru a tihrehawm hle a, a fapa a ni ve bawk si. 12Mahse, Pathian chuan Abrahama hnênah, “Naupang chungchâng leh i bawihnu chungchâng hi lunglovah la suh. Sari sawi ang chu zâwm rawh, Isaka-ah hian a ni i thlahte chhui a nih dâwn.#Rom. 9:7; Heb. 11:18. 13Bawihnu fapa pawh nangma thlah ngei a nih avângin hnam ropui takah ka din tho dâwn a ni,” a ti a.

14A tûk zîngah Abrahama chuan Hagari pêk tûr chhang leh savun tuithâwl tuia khat a la a, a phurhtîr a, a fapa nên chuan a tîr bo ta a, Beer-seba thlalêrah chuan kalna chin tûr hre lovin a vâk a vâk a. 15Savun tuithâwla tui chu an in zawh chuan naupang chu hnimbuk hnuaiah a dah a, hla fe, thal kah phâk tâwkah a kal a, a ṭhu a, 16“Naupang thi lai ka hmu ngam lo,” a ti a ni. Hla takah chuan a ṭhu a, a ṭap a. 17Naupang au râwl chu Pathianin a lo hria a, Pathian Vântirhkoh chuan vân aṭangin Hagari chu a au va, ‘Hagar, eng i ti nge ni? Thlaphâng suh, a awmna hmuna naupang râwl chu Pathianin a hria asin, 18ti rawh, naupang chu kaitho la, thlêm rawh, hnam ropui takah ka din dâwn a ni,” a ti a. 19Pathian chuan a mit a tihvârsak a, tuichhunchhuah a hmu ta a. A va pan a, tuithâwl chu a thâl khat a, naupang chu a intîr a. 20Naupang chu a lo ṭhang lian a, Pathianin a awmpui zêl a, thal kah a thiam êm êm a. 21Paran thlalêrah awmhmun a khuar a, Aigupta ram aṭangin a nu chuan nupui a neihsak a.

Abrahama leh Abimeleka inbiakremna

22Chutih hun vêl chuan Abimeleka chu a sipai hotu Fikola nên Abrahama hnênah an lo kal a, “I thiltih apiangah Pathianin a awmpui che hi.#Gen. 26:26. 23Chuvângin, ka tu leh fate chungah emaw, ka chungah emaw thil ṭha lo ti lo tûrin Pathian hming chhâlin chhia chham rawh. I chunga ka ṭhat ang bawkin ka chungah leh i chênna ram chungah hian ṭhat chhuah tiam rawh,” a ti a. 24Abrahama chuan, “Tiam e a,” a ti a.

25Abimeleka chhiahhlawhte chuan Abrahama tuichhunchhuah an chhuhsak a; chumi chungchângah chuan Abimeleka chu a khak a. 26Abimeleka chuan, “Chu, tu tih nge ka hre ve hlei nêm; min va hrilh lo ve, tûnah chauh a ni ka hriat,” a ti a.

27Abrahama chuan berâm leh bâwngpa a la a, Abimeleka chu a pe a, an pahnih chuan thu an thlung ta a. 28Abrahama chuan, berâm rual zînga mi berâmla pasarih pawh a dah hrang a. 29Abimeleka chuan, “Engtizia nge berâmla pasarih hi i dah hran le?” a ti a. 30“He tuichhunchhuah hi ka laih ngei a ni tih hriat nân hêng berâmla pasarih hi nei ang che,” a ti a. 31Chuvâng chuan, chu hmun chuan Beer-seba#21:31 ‘chhechhama thutiamna tuikhur’ tihna a ni. Tuikhur pasarih tihna a ni bawk (26:33). hming a pu ta a ni, an pahnihin thu an intiam tâk avângin. 32Thu an thlun zawh chuan Abimeleka chu a sipai hotu Fikola nên, an chhuak a, Filistia ramah an haw ta a.

33Abrahama chuan Beer-seba-ah chuan Esel#21:33 Heb. ‘Esel’ thing. Thlarau awm duhna thing nia an ngaih a ni. thing a phun a, Lalpa chatuan Pathian hming chu a lam a. 34Abrahama chu Filistia ramah kum tam fe a awm ta a.

Currently Selected:

GENESIS 21: MIZCLBSI

Highlight

Copy