GENESIS 35

Bethel-ah Pathianin Jakoba mal a sâwm

1Pathianin Jakoba hnênah, “Bethel-ah kal la, han awm rawh. I u Esauva i tlânbosan laia i hnêna inlâr Pathian kha maichâm siamsak ang che,” a ti a.#Gen. 28:11-17. 2Jakoba chuan a chhûngte leh an zînga awm zawng zawng chu a hrilh a. “Pathian dang lim in kawlte chu paih bo rawh u. Inthian thianghlim ula, silhfên thar inbel ang che u. 3Bethel-ah kan kal dâwn a, ka mangan laia min ngaihventu Pathian tân maichâm ka siam dâwn a ni; ani chuan ka kalna apiangah min awmpui ṭhîn,” a ti a. 4An zînga pathian dang lim awm zawng zawng chu Jakoba an pe a, an bengbehte pawh an pe a; Sekem sasaw thing hnuaiah an phûm a. 5An chhuak ta a, chûng lai hmuna awmte chu hlauhna nasa#35:5 Heb. ‘Pathian hlauhna’ tih a ni. Mizo zîngah chawm hmuh chu thih loh pawhin lu kawlh râwta natna an ti ṭhîn, an hlauh êm vâng a ni. Hetianga hlauhna danglam kan neih ṭhin ang hi an sawina a ni. takin a man a, Jakoba hote chu an ûmzui ngam lo.

6Jakoba chuan Kanan ram Luz khua tih ṭhin Bethel chu a mite nên chuan an thleng ta a. 7Tah chuan maichâm a siam a, a u a tlân bosan laia chumi hmuna a hnêna Pathian a rawn inlâr avângin chu hmun chu El-bethel#35:7 ‘Pathian in Pathian’ tihna. a vuah a.

8Tin, Rakili awmtu Debori chu a thi a, Bethel chuan hnuai sasaw bulah an phûm a, chu hmun chu Alon-bakut#35:8 ‘ṭahna sasaw thing hmun’ tihna. an vuah a.

9Padan-aram aṭanga Jakoba a lo hâwn khân a hnênah Pathian a inlâr a, mal a sâwm a. 10Pathian chuan a hnênah:

“I hming Jakoba a ni a,

Jakoba ka ti tawh lo vang che,

I hming chu Israela a ni tawh ang,” a ti a.

Chuvângin, Israela tih a ni ta a. #Gen. 32:28.

11Pathian chuan a hnênah:

“El-Sadaia ka ni,

I chi ṭha sela, pung duah duah ang che,

Hnam, pung khâwm tih tham zet

I thlah dâwn a ni.

I ṭhâlbe aṭang tein lalte an lo chhuak ang. #Gen. 17:4-8.

12Abrahama leh Isaka ka pêk ram chu

Tûnah ka pe a che,

I thlah lo la awm tûrte tân

He ram hi ka pe che a ni,” a ti a.

13A biakna hmun ata chu Pathian chuan a kalsan a. 14Jakoba chuan Pathianin a biakna hmunah chuan lung a phun a, inthawina uain a bun a, hriak a leih a.#Gen. 28:18,19. 15Pathianin a rawn biakna hmun chu Jakoba chuan Bethel a vuah a.

Rakili thih thu

16Bethel aṭang chuan an chhuak a, Efratha khaw thlen hma deuh chuan Rakili chuan nau a vei a, a na hle a. 17A nau vei nat vânglai chuan nau chhartu chuan, “Thlaphâng suh, fapa i nei leh dâwn e,” a ti a.

18A thi a ni ta mai a, a ṭawng hnuhnûngah a fa hmingah chuan Benoni#35:18 Benoni tih hi ‘ka mangan fa’ tihna a ni. a ti a. A pa erawh chuan a hmingah Benjamina#35:18 Benjamin tih hi ‘ding lam fapa’ tihna a ni, chu chu ‘fapa vânnei tûr’ tihna a ni. a sa a. 19Rakili chu a thi ta a, Efratha khaw kawngah chuan an phûm a, Efratha chu Bethlehem an tih tâk hi a ni. 20A thlânah chuan Jakoban hriatrengna lung a phun a, chu chu tûn thlengin Rakili thlânah chuan a la awm a ni.

21Israela chu a kal zêl a, Mig-dal-eder#35:21 Mig-dal-eder, Bethlehem khaw bulah berâm leh kêl vêngtuten an ran an thlîrna tûr in sâng a awm, ‘ran rual in sâng’ tihna a ni. piahah bûk a khuar a, 22heta a awm lai hian Reubenan a pa hmei Bilhaii a lo mutpui a, Israela chuan chu chu a hria.#35:22 LXX lamah ‘Jakoba chu a thin a ur hle a,’ tih a tel. #Gen. 49:4.

Jakoba thlahte

Jakoba chuan fapa sâwm leh pahnih a nei a. 23Leaii hrinte: Jakoba fa u ber chu Reubena a ni a; a dawttu chu Simona te, Levia te, Juda te, Isakara leh Zebuluna te an ni. 24Rakili hrinte: Josefa leh Benjamina. 25Rakili bawih Bilhaii hrinte: Dana leh Naftalia. 26Leaii bawih Zilpaii hrinte: Gada leh Asera. Khîng khi Jakoba fa, Padan-aram-a a awm laia piangte chu an ni.

Isaka a thi

27Kiriat-arba, Hebron an tih tâk rama Mamre khua, a pa Isaka awmna chu, Jakoba chuan a thleng ta a. Chu hmun chu a ni Abrahama leh Isaka mikhualna hmun chu. #Gen. 13:18. 28Isaka chu kum za leh sawmriata upa a ni a. 29A hnuk a chat a, tarkûn khûp bihin a thi ta a; a laichînte hnênah hruai a ni a. A fapa Esauva leh Jakoba chuan an phûm a.

Currently Selected:

GENESIS 35: MIZCLBSI

Highlight

Copy