JOHANA 5

Dîla damlo tihdam

1Chumi hnu chuan Juda-te kût pakhat a awm a, Isua pawh Jerusalem-ah a han kal ve a. 2Jerusalem-ah chuan berâm kawngkhâr bulah dîl pakhat, Hebrai ṭawnga Beth-zatha an tih chu a awm a;#5:2 Mss ṭhenkhatah, ‘Berâm dîl bulah hmun pakhat... Bethesda’ tih a ni. hulhliap panga a nei a. #Neh. 3:7; 12:39. 3Chutah chuan dam lo tam tak, mitdel te, kebai te, zeng te an awm hlawm a.#5:3 Mss ṭhenkhatah, ‘Tui phûl hun an nghâk a ni. 4 Lalpa tirh vântirhkohvin tui a zuk tiphûl ṭhîn a. Tui a phûl hnua dîla zuang thla hmasa ber chu eng natna vei pawh ni se an dam zêl avângin, tui phûl nghâkin an awm a ni,’ tih a tel. 5Mi pakhat, kum sawmthum leh kum riat damlo tawh pawh a lo awm a. 6Isuan chuta a mu chu a hmu a, rei tak dam lovin a awm tawh tih a hria a, a hnênah, “Dam i duh em?” a ti a. 7Damlo chuan, “Ka pu, tui a phûl huna dîla mi dah thlatu tu mah ka nei ve si lo va, luh ka tum chhûngin mi dangin mi luh khalh zêl a ni,” a ti a. 8Isuan, “Tho la, i mutphah la la, kein kal rawh,” a ti a. #Mt. 9:6; Mk. 2:11; Lk. 5:24. 9Chu mi chu thâwklehkhatah a lo dam ta mai a; a mutphah chu a la a, kein a kal ta a. Chumi ni chu sabat a ni a.

10Juda-te chuan lo dam ta-a hnênah, “Sabat ni a nih hi; kan dânah i mutphah i ken a thiang lo ve,” an ti a. #Neh. 13:19; Jn. 7:23; 9:6; Mk. 2:24. 11Ani chuan a chhâng a, “Mi tidamtu ngeiin, ‘I mutphah la la, kein kal rawh,’ mi ti alâwm,” a ti a. 12Anni chuan, “ ‘I mutphah la la, kein kal rawh,’ titu chu tu nge ni?” an ti a. 13Damlo tihdama chuan tu nge a nih a hre si lo; chutah chuan mipui tam tak an awm a, Isua lah chu a kal bo ta mai si a.

14Chumi hnu chuan Isuan Tempulah a hmu a, a hnênah, “Hei, i lo dam tâk hi; sual leh tawh suh, chutilo zawng, i chungah thil ṭha lo lehzual a lo thleng dah ang e,” a ti a. 15Chu mi chuan amah tidamtu chu Isua a ni tih Juda-te chu a va hrilh ta a. 16Chumi avâng chuan Juda-te chuan Isua an tinawmnah ṭan ta a, sabat nia mi a tihdam avângin. 17Isuan anniho chu a chhâng a, “Tûn thlengin ka Pa chuan hna a thawk reng a, kei pawhin amah angin ka thawk zêl a ni,” a ti a.#Gen. 2:3. 18Chuvâng chuan, Juda-te chuan amah tihhlum an tum lehzual sauh va, sabat a bawhchhia chauh pawh ni lovin, Pathian chu, ‘Ka Pa a ni,’ tia Pathian tluka a insiam avângin. #Fil. 2:16.

Isua thuneihna

19Isuan anni chu a chhâng a, “Thu dik tak ka hrilh che u hi, Fapain ama thuin eng mah a ti thei lo; Pa tih a hmuh chauh loh chu; Pa tih ang chu Fapa pawhin a ti ve a ni. #Jn. 5:30; 8:38; 14:10. 20Pain Fapa a hmangaih a, a thiltih engkim a entîr si a. Hêng aia thil ropui zâwk hi a la entîr ang, mak in tih atân. 21Pain mitthite a kai tho va, a tinung ang bawkin, Fapa pawhin a duh apiang a tinung ṭhîn. 22Pain tu chungthu mah a rêlsak lo, Fapa hnênah rorêlna chu a hlân vek a ni; 23mi zawng zawngin Pa an zah angin Fapa an zahna tûrin. Tu pawh Fapa zah lo chuan amah tîrtu Pa pawh a zah lo va ni. #Lk. 10:16.

24“Thu dik tak ka hrilh a che u, tu pawh ka thu hriaa, mi tîrtu ring chuan chatuan nun a nei tawh, thiam loh changin a awm lo vang a, thihna ata nunnaah a lût tawh zâwk a ni. #Jn. 3:18. 25Thu dik tak ka hrilh a che u, a hun a thleng dâwn, tûnah pawh a thleng tawh mêk; mitthiten Pathian Fapa aw an hriat hun chuan, a hriate chu an nung ang. 26Pa chu nunna hnâr a ni ang bawkin, Fapa pawh chu nunna hnâr nihna a pe a. 27Mihring Fapa a nih avângin rorêl theihna a pe bawk a.

28“Chu chu mak ti suh u, thlâna mitthi zawng zawngin a aw an hriat hun a lo thleng dâwn si a; 29tin, thlân aṭangin an lo chhuak ang, thil ṭha titute chu nun nei tûrin an tho leh ang a, thil ṭha lo titute erawh chu thiam loh chang tûrin an tho leh ang. #Dan. 12:2; Mt. 25:46; Jn. 11:24; Tirh. 24:15; 1 Kor. 15:52.

Isua thuhretu

30“Keimah maiin eng mah ka ti thei lo; Pathianin mi hrilh ang zêlin ro ka rêl a, ka rorêl pawh a dik a ni, keima duhzâwng tih tum lova, mi tîrtu duhzâwng chauh tih ka tum zâwk avângin. 31Mahni chanchin hriattîr ni ila, ka thu hriattîr chu a dik lo vang.#Jn. 8:14-18. 32Nimahsela, mi dang, ka thu hriattîrtu a awm, ka thu a hriattîr chu a dik tih pawh ka#5:32 Mss ṭhenkhatah ‘in’ tih a ni. hria. 33Johana hnênah mi in tîr a, ani chuan thutak a lo hriattîr a. #Jn. 1:19-27; 3:27-30. 34Mihring hriatpui ka ngai lo ve; amaherawhchu, chhandama in awm theih nân chûng chu ka sawi a ni. 35Johana chu khâwnvâr alh êng tak ang a ni a, a ênga hlim taka han awm rih pawh in duh a. 36Nimahsela, Johana thu hriatpuina aia hriatpuitu pawimawh zâwk ka nei, Pain hna thawh zawh tûra mi pêk te, tûna ka thiltih laite hian Pain kei mi tîr ngei tih a hriattîr a ni. #Jn. 10:25; 14:11; 15:24. 37Pa mi tîrtu ngei pawh chuan ka thu a hriattîr bawk a ni, a aw in hre ngai lo, a hmêl in hmu ngai hek lo. #Mt. 3:17; Mk. 1:11; Lk. 3:22. 38A thu pawh in thinlungah in vawng reng lo, a mi tirha hi in rin loh avângin. 39Lehkha Thu ngun takin in zir ṭhîn, a chhûngah chatuan nun awma in rin avângin. Chu chu ka thu hriattîrtu a ni si a. 40Chuti chung pawhin nun nei tûrin ka hnênah in lo kal duh si lo.#Tirh. 13:27.

41“Mihring chawimawina ka zawng lo, 42nangni erawh chu ka hria a che u, in thinlungah Pathian hmangaihna rêng in nei lo tih ka hria e. 43Ka pa thuin ka lo kal a; nimahsela, mi lo lâwm si lo; mahni thuin tu emaw lo kal sela in lo lâwm si ang. 44Pathian tak awm chhun fak hlawh tum si lovin, infak tawn in lâwm a, engtin nge in rin theih ang? 45Ka Pa hnêna ka hêk che u ring suh u. A hêktu tûr che u chu Mosia a ni, in innghahna bera kha. 46Mosia chu ring ni ula kei pawh mi ring tûr, ka chanchin asin a ziak ni. 47A thu ziak chu in rin miau si loh chuan, ka thu sawi engtin nge in rin theih ang?” a ti a.

Currently Selected:

JOHANA 5: MIZCLBSI

Highlight

Copy