SHURAI 15
15
Ramai nou Abram ye Koa Vo Souyu
1Haina thaisü, Abram zho kounou haibüa Mapao nou puh hi paoe, “Ngaopiso, Abram! Enou nevei rüh soupeilai, alia nevei buusü dushoa peilai.” 2Ana Abram nou chila peie, “Oh Ramai Mapaowo, nenou ahisü daili peilai, Esü nahmai ali-a hae, ae akaa thaoresü Damaskas#15.2 akaa thaore sü Damaskas; Hebrew Baibel hi haina hai sheesha timoe. hi Eliezer baimowu? 3Zhukhaio, nenou Eye nahmai peimoe, akikha hinou nalouyu aqila maili nou akaa sü thaoloua bailai.”
4Süthaisü Mapao nou puh hi haibüa paoe, “Ne qila Eliezer nou nekaa sü thaolai moe, lah nevei nahpoutu alinou nevei kaa nasü thao-a bailai.” 5Mapao nou puhye vakou sapaloua paoe, “Teipei zhukhaio, nenou cholousüe toulouzü teihi vuhtao chokhaio, nevei tyaonah khesü panou taizhoulai.”
6Abram nou Mapao ye loucheloue; alia süna vanou Mapao nou puhye acheche mai-e tea poloue.
7Süthaisü Mapao nou puh hi paoe, “E hai Khaldean mai dei Ur tea kuyu nuh nahinou neye dei haina peilai tea sapa peiyu Ramai nasüe.”
8Ana Abram nou paoe, “Oh Mapao, haina hai avei soulai touyu kabüa Enou süloulai?”
9Ramai nou puh hi chila peie, “Eye po asü payu cholou ali, nghitu ali, ae zhaotu ali alia khao ali ae rahou ali pove peikhaio.” 10Abram nou sütaosü Ramai hi pove peie alia daode ahai hai souloua buh kukua khaipeire, ana raohou ahaisü puhnou daode moe. 11Rashopeiki khenou athai phaotao hisü kou toure, ana Abram nou sütaosü hulaiwure.
12Teinghi loutayu thai Abram nou zhai shishoa zhitei tare; ae süphaki puh hisü ngaopiyu ae zhiteiyu hali puh hi vere. 13Süthaisü Mapao nou puh hi paoe, “Ne tyaonah khesü vakou maivei teidei hinou shetumai ali soulai, ae mai qila soua mainou taidei-a po 400 hrülai. 14Ana puletaoye souveayu tyahrü na peisü Enou chikulai ae puletao nou teidei süna thaowua tapayu phaki kini alao poa panou tapa loulai. 15Alia neye hrücheyu thainou kaona-a panou thailoulai, ae kaolu soua neye panou povuh peilai. 16Maiphao adai thainou netyaonah khesü buh haina hi dakhai velai, daiolouzü Amormai hai Enou tudee laiyu hashi souche loumoa buhie.”
17Teinghi louta-a tei mailouyu thai, meikhao khaoyu meibvü ali ae meikei ali nou soutao phao ko hisü tahao-a bure. 18Süzhou teithe hinou Mapao nou Abram hi vo soua paoe, “Nevei tyaonah hisü dei haitao peilai, süolouzü Ejipt mai deirai hinou poa Euphratis rei koute, 19Kenmai, Kenizmai, Kadmon mai, 20Hit mai, Periz mai, Rephai mai, 21Amor mai, Kanaan mai, Girgash mai alia Jebus mai haitao vei teidei teitei-a loua nou peilai.”
Currently Selected:
SHURAI 15: POUMBSI
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
SHURAI 15
15
Ramai nou Abram ye Koa Vo Souyu
1Haina thaisü, Abram zho kounou haibüa Mapao nou puh hi paoe, “Ngaopiso, Abram! Enou nevei rüh soupeilai, alia nevei buusü dushoa peilai.” 2Ana Abram nou chila peie, “Oh Ramai Mapaowo, nenou ahisü daili peilai, Esü nahmai ali-a hae, ae akaa thaoresü Damaskas#15.2 akaa thaore sü Damaskas; Hebrew Baibel hi haina hai sheesha timoe. hi Eliezer baimowu? 3Zhukhaio, nenou Eye nahmai peimoe, akikha hinou nalouyu aqila maili nou akaa sü thaoloua bailai.”
4Süthaisü Mapao nou puh hi haibüa paoe, “Ne qila Eliezer nou nekaa sü thaolai moe, lah nevei nahpoutu alinou nevei kaa nasü thao-a bailai.” 5Mapao nou puhye vakou sapaloua paoe, “Teipei zhukhaio, nenou cholousüe toulouzü teihi vuhtao chokhaio, nevei tyaonah khesü panou taizhoulai.”
6Abram nou Mapao ye loucheloue; alia süna vanou Mapao nou puhye acheche mai-e tea poloue.
7Süthaisü Mapao nou puh hi paoe, “E hai Khaldean mai dei Ur tea kuyu nuh nahinou neye dei haina peilai tea sapa peiyu Ramai nasüe.”
8Ana Abram nou paoe, “Oh Mapao, haina hai avei soulai touyu kabüa Enou süloulai?”
9Ramai nou puh hi chila peie, “Eye po asü payu cholou ali, nghitu ali, ae zhaotu ali alia khao ali ae rahou ali pove peikhaio.” 10Abram nou sütaosü Ramai hi pove peie alia daode ahai hai souloua buh kukua khaipeire, ana raohou ahaisü puhnou daode moe. 11Rashopeiki khenou athai phaotao hisü kou toure, ana Abram nou sütaosü hulaiwure.
12Teinghi loutayu thai Abram nou zhai shishoa zhitei tare; ae süphaki puh hisü ngaopiyu ae zhiteiyu hali puh hi vere. 13Süthaisü Mapao nou puh hi paoe, “Ne tyaonah khesü vakou maivei teidei hinou shetumai ali soulai, ae mai qila soua mainou taidei-a po 400 hrülai. 14Ana puletaoye souveayu tyahrü na peisü Enou chikulai ae puletao nou teidei süna thaowua tapayu phaki kini alao poa panou tapa loulai. 15Alia neye hrücheyu thainou kaona-a panou thailoulai, ae kaolu soua neye panou povuh peilai. 16Maiphao adai thainou netyaonah khesü buh haina hi dakhai velai, daiolouzü Amormai hai Enou tudee laiyu hashi souche loumoa buhie.”
17Teinghi louta-a tei mailouyu thai, meikhao khaoyu meibvü ali ae meikei ali nou soutao phao ko hisü tahao-a bure. 18Süzhou teithe hinou Mapao nou Abram hi vo soua paoe, “Nevei tyaonah hisü dei haitao peilai, süolouzü Ejipt mai deirai hinou poa Euphratis rei koute, 19Kenmai, Kenizmai, Kadmon mai, 20Hit mai, Periz mai, Rephai mai, 21Amor mai, Kanaan mai, Girgash mai alia Jebus mai haitao vei teidei teitei-a loua nou peilai.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.