SHURAI 16
16
Hagar ae Ishmael
1Abram chapfü Sarai nou puhye nahmai lia napei moe, ana Sarai hai Ejipt maipfü Hagar tea kuyu qila ali bue. 2Südonou Sarai nou Abram hisü paoe, “Zhukhaio Mapao nou Eye nahmai ngaoloure hai khuwure; ne aqilapai hi talou zülo, honapai hinou E-a nahmai ngaoloua malae.” Abram hai Sarai nou paoyu chi züloure. 3Südonou puhnou Kanaan hi po kirou hrüyu thai, puh chapfü Sarai nou Ejipt pfüpai Hagarye puh chapfü ali souloure donou Abram hi peiwure. 4Puhnou Hagar ye koa züloure, alia honapai nou nahmai hrüloure touyu sülou khaie, khaosou tare ae puh paopaiye sü ngaoba loure.
5Süthaisü Sarai nou Abram hi paoe, “Hagar nou Eye ngaophou moyu hai ne mah vanou baie. Enou aqila pfüpaiye sü ne hi peie alia puhnou nahmai hrüloure touyu sülou khaie puhnou Eye ngaoba tare. Ahai ko hisü Mapao panou chiku peitheo.”
6Ana Abram nou Sarai hi paoe, “Zhukhaio, ne qila pfüpai sü ne bah hi bubaie, puh hisü ne lah nedo soulo.” Süthaisü Sarai nou Hagarye souchoro tare, ae honapai sü puh hinou tutare.
7 Mapao vei rakivamai nou Hagar ye Shur hi taloure ludu deiki hinou dzünghou ali buyu hinou ngaoloua, 8puh hi paoe, “Sarai qilapai Hagar, ne daiki nou vewe alia daiki talai?”
Honapai nou chila peie, “E avei paopai Sarai hinou tuta-e.”
9Rakivamai nanou paoe, “Nevei paopai hisü dakhai veloua puh khakhe hinou buloua baio. 10Enou neye tyaonah chosha louhosoua peilai. 11Zhukhaio, ne sü poupfüre alia ne nahpoutu ali nalai; nenou puh zhihsü Ishmael tea salo; daiolouzü nenou vea-a krayu paisü Mapao nou süloure. 12Ana ne nahpoutu nahai rekou nou rheisüh büa hrülai, puhsü mai hrülai nou bayu soulai alia mai hrülai nou puhye aetou laimoe. Puh hai kityarai mai hrülaiye haia hrülai.”
13Hagar nou lah puhye haibüa nou-e, “E cheche vuzünou Ramai ye zhingaowu alia zhingao louyu thai-a haibüa panou paolai hi tea hria buhiwu?” Südonou puhnou puhye chayu Ramai ye sü “Ne hai zhingaoyu Ramaie” tea kuloue. 14Südonou dzükhao nasü “Beerlahairoi” (Eye ngaoyu Ahri navei dzükhao) tea saloue; haina hai Kadesh ae Bered ko hinou bue.
15Hagar nou Abram ye nahpoutu ali napeie alia puhnou puh zhih sü Ishmael tea sapeie. 16Abram hi Hagar nou Ishmael napeiyu phaki puh hai po raicharou pare.
Currently Selected:
SHURAI 16: POUMBSI
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
SHURAI 16
16
Hagar ae Ishmael
1Abram chapfü Sarai nou puhye nahmai lia napei moe, ana Sarai hai Ejipt maipfü Hagar tea kuyu qila ali bue. 2Südonou Sarai nou Abram hisü paoe, “Zhukhaio Mapao nou Eye nahmai ngaoloure hai khuwure; ne aqilapai hi talou zülo, honapai hinou E-a nahmai ngaoloua malae.” Abram hai Sarai nou paoyu chi züloure. 3Südonou puhnou Kanaan hi po kirou hrüyu thai, puh chapfü Sarai nou Ejipt pfüpai Hagarye puh chapfü ali souloure donou Abram hi peiwure. 4Puhnou Hagar ye koa züloure, alia honapai nou nahmai hrüloure touyu sülou khaie, khaosou tare ae puh paopaiye sü ngaoba loure.
5Süthaisü Sarai nou Abram hi paoe, “Hagar nou Eye ngaophou moyu hai ne mah vanou baie. Enou aqila pfüpaiye sü ne hi peie alia puhnou nahmai hrüloure touyu sülou khaie puhnou Eye ngaoba tare. Ahai ko hisü Mapao panou chiku peitheo.”
6Ana Abram nou Sarai hi paoe, “Zhukhaio, ne qila pfüpai sü ne bah hi bubaie, puh hisü ne lah nedo soulo.” Süthaisü Sarai nou Hagarye souchoro tare, ae honapai sü puh hinou tutare.
7 Mapao vei rakivamai nou Hagar ye Shur hi taloure ludu deiki hinou dzünghou ali buyu hinou ngaoloua, 8puh hi paoe, “Sarai qilapai Hagar, ne daiki nou vewe alia daiki talai?”
Honapai nou chila peie, “E avei paopai Sarai hinou tuta-e.”
9Rakivamai nanou paoe, “Nevei paopai hisü dakhai veloua puh khakhe hinou buloua baio. 10Enou neye tyaonah chosha louhosoua peilai. 11Zhukhaio, ne sü poupfüre alia ne nahpoutu ali nalai; nenou puh zhihsü Ishmael tea salo; daiolouzü nenou vea-a krayu paisü Mapao nou süloure. 12Ana ne nahpoutu nahai rekou nou rheisüh büa hrülai, puhsü mai hrülai nou bayu soulai alia mai hrülai nou puhye aetou laimoe. Puh hai kityarai mai hrülaiye haia hrülai.”
13Hagar nou lah puhye haibüa nou-e, “E cheche vuzünou Ramai ye zhingaowu alia zhingao louyu thai-a haibüa panou paolai hi tea hria buhiwu?” Südonou puhnou puhye chayu Ramai ye sü “Ne hai zhingaoyu Ramaie” tea kuloue. 14Südonou dzükhao nasü “Beerlahairoi” (Eye ngaoyu Ahri navei dzükhao) tea saloue; haina hai Kadesh ae Bered ko hinou bue.
15Hagar nou Abram ye nahpoutu ali napeie alia puhnou puh zhih sü Ishmael tea sapeie. 16Abram hi Hagar nou Ishmael napeiyu phaki puh hai po raicharou pare.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.