HABAKKUK 3
3
Habakkuk nou Veachi Paoyu
1Rachi paolawo Habakkuk nou veachi paoyu sü haitaoe:#3.1 Hebrew hi hai jünou larücha loupu hie, süsü dai paowe touyu sümoe.
2Oh Mapao, ne daisou-e tiyu Enou süre,
alia nevei vahso veitao hai sülou-a ngaopi shore.
Nevei vah sütao hai Etao teile hi-a soupu peilai-o,
sütao hai panou Eh vei teile hia sülouo;
Nenou rarou-a lekha bukia zhuvea peikhaio.
3Teman hinou Ramai hai velai,
Sheeyu Puh hai Paran deichi hinou velai.
Puhvei kathe hai nou rakiva hopfüa bue,
alia deiphao teitei hai Puhye paoshoyu nou phoutao-a bue.
4Puhvei ava hai teinghi büe;
Puh bah hinou ava nasü pawe,
ae sühinou puhvei khouko sü kukhai toue.
5Sounou hai Puh nghoujü nou rai-a vewe,
alia rahtayu hai Puhye thaifüa vewe.
6Puhnou chaoyu phaki deiphao hai lüa baiwe;
Puhnou zhuyu phaki tyahrütao hai pingu-a baiwe.
Puhnou daohraiki tayu ludutao hisü lümoa buyu deichi dutao hai pota baire,
alia teisa nou buyu deitao khesü leitare.
7Enou Kushan hi sahpaotao hai vea buyu ngaowe;
Media mai teidei hi sahpao hrakhai tou-a buyu sahtao sü pheirürüa buyu ngaowe.
8Oh Mapao, reidzü nou nevei rarou sourevu?
Reitao nou nevei lekha soupadou?
Molouzü nenou vamoyu hai zai pei hiwu?
Ne sü teihao phao vanou tawe;
teikhai teirü nou nevei rheiluki souwe,
nenou nevei maitao hi veilouyu nasü pove peie.
9Nenou voulou sü paipa loure,
ae voulou hisü loushu khailoure.#3.9 Hai nanou kaoyu phae Nenou...voulou hisü loushu khailoure; Hebrew hi sheesha timoe.
Nenou deiphao sü reidzü nou pa souphewure.
10Deichitao nou neye ngaolouyu phaki, pinguwe;
raki vanou teirü sü rükou baiwe;
zai thou hinou zaidzü khüpa baiwe.
11Nevei loushu kapayu phaki ae nevei heung reiyu ngaolou-a
khouh-teinghi-a lah buh hinou chao baide.
12Rarou-lekha nou pfüa Ne deiphao ta sühaowe;
Nevei rarou hinou tyahrütao ye taikya khaiwure.
13Ne maitao ye khailu loure donou Ne vewe.
Nenou dopa khaitouyu maitaoye khailu loure donou ve-e.
Vah ashi souyu hi süthai-apei maiye southa peie,
phi hinou poa pei hi khete sü soushi peiwure,
alia puletaoye thaipfüyu mai hrülaiye sü souha peiwure.#3.13 Haibüyu phae thaifüyu...souha peiwure; Hebrew hi sheesha moe.
14Soureih souyu mainou Etaoye teikhai raroshi büa soupholai teanou veyu phaki,
alia veahoyu maiye kheikhei sou-a teinou zhaoloulai tea veyu phaki,
Nenou puletaoye pa lah puletao vei loushu nou khelou-e.#3.14 Phoure 14 nahai Hebrew hi sheesha toumoe.
15Nenou rhei pfüa zai hi taipeiyu vanou dzü khü-a lapae.
16Enou haihai chouloua ngaopire:
Kho sü chouloua a mütai pheire,
avei raotao hi tanguyu sü louloure,
a phi-a sülou baire.
Eye ngaoba-a reih souveyu mai hi veahoyu vere teithe nasü E kheikhei soua kho bulai.
17Doushibe nou rashithou shipei moyuma,
Darkhabe nou thoutao moa buyuma,
Oliv be nou thou shipei moa,
dou-rou chilou moa buyuma,
alia kikhaorü hatayuma,
18E Mapao zhih hinou asa-a bubailai;
Eye khailu-apei Ramai zhih hinou asalai.
19Ramai Mapao hai avei khouko-e.
Puhnou a phi hai shuh phi büa soupeie,
Puhnou Eye panou kuyu buh hinou tawe.
Lou süthai-apeio hi poa lou souyu bvü noupu peie.
Currently Selected:
HABAKKUK 3: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.