MATHIU 12
12
Jisu nou Soteithe Mapaoe
(Mk 2.23-28; Lk 6.1-5)
1Süthaisü phasho khaimoa Jisu nou Soteitheki hinou southou doutao tachopoa tae. Alia puh rozümaitao sü houloure, südonou puletao nou southou kotao sü hailoua toutare. 2Ana Phariseemai taonou süsü ngaolouyu kisü, puletao nou Jisu hi paoe, “Zhukhaio, ne rozümai taonou Soteitheki sounouyu sü soua bure.”
3Jisu nou puletao hi chila peie, “Neletao nou David ea puhmaitao nou houyuki daisousa touyu ko phoukhai mohiwu? 4Puhnou Ramai kihi talouloua, razhai thaifüa puletaoye donou tounoukhaia, ana napaomaitao likheinou toubailaiyu Ramai hi poshee layu raokhao nasü puh ea puhmaitao nou toue. 5Moa neletao nou Moses vei razhai hinou phoumowu süolouzü Soteithe tsühi napaomaitao nou Rathoki hinou Soteithe zhaihai soukho-a bue, sütoukhaia puletaosü mahmoe? 6Enou neletao hi paoe süolouzü Rathoki jünou duyu hali haihi bue. 7Sheeyu larübvü nou paoe, ‘Ewo zhuvea peiyuna züpahie, posheelayuna moe.’ Hainavei kohai neletao sücheche louzü, mah hayu maiye neletao nou paoshiwu paimoe; 8daiolouzü Mai Nahpoutu nou Soteithe vei Mapaowo süe.”
Bah Polo Thaiyu Mailiye Souvei Peiyu
(Mk 3.1-6; Lk 6.6-11)
9Alia Jisu nou buh süsü thaowu-a rathobuh alihi tare. 10Alia zhukhaio, sühisü bah polo thaiyu maili bue. Sühisü Jisu hai vah soumahre tea mah dukhainüyu mai kamai bue, südonou puletao nou puh hinoue, “Soteitheki sou souvei peiyu zhai buwu?”
11Jisu nou chila peie, “Neletao hronou mailivei zhaotu ali bua sünasü Soteitheki kaobvühi delou louzü dailai? Puhnou sünaye keloua vakouhi popalai mowu? 12Alia mai aliwo zhaotu ali jünou daizhozhou muh kouhisa! Südonou Soteitheki vah avei souyu zhaie.” 13Süthaisü puhnou bah polo thaiyu nahi paoe, “Nebah topalo.”
Alia mai sünanou puh bahsü topa loure, alia süsü kukhe alina bütoua veiloure. 14Süthaisü Phariseemai taonou taho Jisu ye southeare donou phoutare.
Ramai nou Dolouyu Kilai
15Alia Jisu nou puh pei hi motouyu donasü sülouyu kisü, buh sühinou tare; alia mai alaonou puhthai fütare. Puhnou lishimai hrülaiye souvei peie 16alia puh vanou kukhehi paokhaiso tea puletao hi kharochi peie. 17Puhnou haibüa souyu hai Isaiah rachi paolawo nou paopawuyu sü panou vetere donoue:
18“Zhukhaio, Enou dolouyu Akilainaye sü,
Arakonou sasho-a buyu Aleshina.
Enou Arakohai puh pei hi seive thoupeilai,
alia puhnou Avei Chikuyu sü
Tahrüh khemai hi paongao peilai.
19Puhwo veiva laimoe moa shusou raolaimoe,
moa maitalinoua puhpaihai dudo khonou choulaimoe.
20Puhnou lelouhomai hisü nasha peilai,
alia vealaimai hisü zhuvea peilai,
puhnou acheche naye panou koloumo koutesü telai;
21alia Tahrüh kukhe mainou puh zhih hinou rei-a bulai.”
Jisu ea Beelzebul
(Mk 3.20-30; Lk 11.14-23)
22Süthaisü mai kamainou Jisu hi rashinou lou-a nghichayu ea lahayu maili save. Jisu nou mai sünaye souvei peire, südonou mai sünasü la phaloure ea ngaoloure. 23Alia maikhemai hrülainou khupaloua paoe, “Puh hai David Nahpoutu laimowu?”
24Ana Phariseemai taonou süsü chouloua paoe, “Mai hainanou rashitaoye hulai payuhai rashitao pei hi aduna Beelzebul nou puh hi sübüa soure khouko peiyu vanoubaie.”
25Puletao nou choyusü Jisu nou süloua puletao hi paoe, “Vedei talia meme soua dadeloua linou lipei hi reih zülouzü phasho bulaimoe. Alia nuhdu tali moa kikhali hai lah memesoua dadeloua linou lipei hi reih zülouzü kaota bailai! 26Südonou Saitan vei vedei hinou me alinou ali pei hi reihzü louzü, süsü meme soua dadere ea thala-a kaotalai! 27Alia Enou rashitaohai Beelzebul khouko vanou hulai palouzü, neletao thaifümaitao hiwo rashitaoye hulai payu khoukohai thaohnou peiwe? Südonou neletao thaifümainou souyu nanou neletao hai mahre touyu vei zhopaoh souwe. 28Moe, haihai Beelzebul nou moe, ana rashitaoye hulai payu khoukohai Ramai Rakonou Ahi peie, alia sünanou neletao pei hi Ramai Vedei veloure touyu vei zhopaoh souwe.
29“Moa kabüa maitalinou khouyumai alikihi dakhao loulouzü, rai-a puhye rainou phukhaiwu moanou puhvei nataosü po-a taloulai? Chechenou sübüa soulouyu thainou puhnou puh kisü vaopoa taloulai.
30“Eye donou moyu maitalisü Eye chechenou motouwe, Eye koa podzükha moyu maitalinou chechenou sourarouwe. 31Südonou Enou neletao hi paowe, mainou mah tali souyu ea Ramaiye paoshiyuwo khaipeilai, ana Rako Mashiye paoshiyuwo khaipei laimoe. 32Alia maitalinou Mai Nahpoutuye paoshiyuwo khaipeilai; ana Rako Mashiye paoshiyu maitaliye chu hrü haina hi-a, vere teisa hrü sünahi-a khaipei laimoe.
Süübe ea sünavei shithou
(Lk 6.43-45)
33“Avei rashi ngaoloure donou neletao nou boh veiyu süübe buvu zülai; neletao vei boh shiyu süübe bulouzü, neletao nou ashi rashi ngaolou bailai; daiolouzü süübe aliye sünavei rashi hinou sheelou baiwe. 34Nghou tyaonah taore, neletao hai shi-a bulukhu kabüa avei chi paoloulai? Daiolouzü lekhe hinou phoupeia buyu hinou münou paopawe. 35Avei mainou puh lekhehi avei podzükhai touyu hinou avei natao popawe; alia ashi mainou puh lekhehi ashi podzükhai touyu hinou ashi natao popawe.
36“Enou neletao hi paowe, Chikuyu Teithe kisü mai hrülainou lah lahnou paopawuyu züdoumoyu chipao pfüphou vanou paloucho sü peilai. 37Daiolouzü nevei chipaotao vanou neye souzü peilai, alia nevei chipaotao vanou neye mah dukhailai.”
Khupa vah Soungaore Khoyu
(Mk 8.11-12; Lk 11.29-32)
38Süthaisü razhai dou-apeimaitao ea Phariseemai kamainou puh hi paoe, “Dou-apeio, Ehnou nehinou shee ali ngaonüwe.”
39Ana puhnou puletao hi chila peie, “Ashi ea khakha chaozüyu maikhanou shee phoue; ana Jonah rachi paolawovei sheena deinou sühisü shee kukhe talia peilai moe. 40Daiolouzü Jonah nou khah aduna pou levai hinou hea asü ea khei asü buyubüa Mai Nahpoutu-a deikhe hinou hea asü ea khei asü bulai. 41Chikuyu Teithe kisü Nineva hi maitao nou maikha hainaye koa hrishuloua neletaoye mah dukhailai, daiolouzü puletao nou Jonah nou ko paodouyu hinou le daloure, alia zhukhaio, Jonah jünou dukouyu hali haihi bue! 42Chikuyu Teithe kisü Sheba teideihi Veopainou maikha hainaye koa hrishuloua neletaoye mah dukhailai, daiolouzü puhnou Solomon vei ratsü keire donou deiphao akhai hinou tave-e, alia zhukhaio, Solomon jünou dukouyu hali haihi bue!
Sheemoyu Rakotao Khaiveyu
(Lk 11.24-26)
43“Sheemoyu rako alinou mai ali hinou tapa louyu kisü, puhnou deikih buhtao hinou tasühaopoa soloure buh phoutawe, ana puhnou buhlia ngaoloumoe. 44Süthaisü puhnou lah puh hi paoe, ‘E leh Enou tapayu Akihi khaivelai.’ Alia puhnou khaiveyu kisü ki sünasü sakhaia vaisheetou khaitoua ea zhaiveitoua ve ngaoloue. 45Süthaisü puhnou vakouhi taloua puh jünou shikouyu kukhe rashi anaiye save loure, alia puletao nou tave sühinou lou buh souloure. Sübüa mai sünavei hrümai nasü raikina jünou shipusho tare. Südonou ashi maikha haina hi-a sübüa palai.”
Jisu Pfü ea Chinamaitao
(Mk 3.31-35; Lk 8.19-21)
46Jisu nou maikhemai hi chi paobebu kinou, zhukhaio, puhpfü ea puh thaihou maitao nou tave vakounou lalou-a puhye chiphare donou noua bue. 47Südonou sühi buyu hrohi kamai nou puh hi paoe, “Zhukhaio, nepfü ea ne thaihou maitao nou vakounou la-a neye chiphare donou noua bue.”
48Ana Jisu nou puh hi chipao-a buyu mai sünahi chila peie, “Apfü thaoh-e? Alia Athaihou maitao thaohmaie?” 49Süthaisü puhnou puh rozümaitaohi bahnou teloua paoe, “Zhukhaio, haihi Apfü ea Athaihou jürai maitao bue! 50Daiolouzü rakibu Apuo vei leli souyu maitali sü Athaihou jürai, Atu ea Apfüe.”
Currently Selected:
MATHIU 12: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
MATHIU 12
12
Jisu nou Soteithe Mapaoe
(Mk 2.23-28; Lk 6.1-5)
1Süthaisü phasho khaimoa Jisu nou Soteitheki hinou southou doutao tachopoa tae. Alia puh rozümaitao sü houloure, südonou puletao nou southou kotao sü hailoua toutare. 2Ana Phariseemai taonou süsü ngaolouyu kisü, puletao nou Jisu hi paoe, “Zhukhaio, ne rozümai taonou Soteitheki sounouyu sü soua bure.”
3Jisu nou puletao hi chila peie, “Neletao nou David ea puhmaitao nou houyuki daisousa touyu ko phoukhai mohiwu? 4Puhnou Ramai kihi talouloua, razhai thaifüa puletaoye donou tounoukhaia, ana napaomaitao likheinou toubailaiyu Ramai hi poshee layu raokhao nasü puh ea puhmaitao nou toue. 5Moa neletao nou Moses vei razhai hinou phoumowu süolouzü Soteithe tsühi napaomaitao nou Rathoki hinou Soteithe zhaihai soukho-a bue, sütoukhaia puletaosü mahmoe? 6Enou neletao hi paoe süolouzü Rathoki jünou duyu hali haihi bue. 7Sheeyu larübvü nou paoe, ‘Ewo zhuvea peiyuna züpahie, posheelayuna moe.’ Hainavei kohai neletao sücheche louzü, mah hayu maiye neletao nou paoshiwu paimoe; 8daiolouzü Mai Nahpoutu nou Soteithe vei Mapaowo süe.”
Bah Polo Thaiyu Mailiye Souvei Peiyu
(Mk 3.1-6; Lk 6.6-11)
9Alia Jisu nou buh süsü thaowu-a rathobuh alihi tare. 10Alia zhukhaio, sühisü bah polo thaiyu maili bue. Sühisü Jisu hai vah soumahre tea mah dukhainüyu mai kamai bue, südonou puletao nou puh hinoue, “Soteitheki sou souvei peiyu zhai buwu?”
11Jisu nou chila peie, “Neletao hronou mailivei zhaotu ali bua sünasü Soteitheki kaobvühi delou louzü dailai? Puhnou sünaye keloua vakouhi popalai mowu? 12Alia mai aliwo zhaotu ali jünou daizhozhou muh kouhisa! Südonou Soteitheki vah avei souyu zhaie.” 13Süthaisü puhnou bah polo thaiyu nahi paoe, “Nebah topalo.”
Alia mai sünanou puh bahsü topa loure, alia süsü kukhe alina bütoua veiloure. 14Süthaisü Phariseemai taonou taho Jisu ye southeare donou phoutare.
Ramai nou Dolouyu Kilai
15Alia Jisu nou puh pei hi motouyu donasü sülouyu kisü, buh sühinou tare; alia mai alaonou puhthai fütare. Puhnou lishimai hrülaiye souvei peie 16alia puh vanou kukhehi paokhaiso tea puletao hi kharochi peie. 17Puhnou haibüa souyu hai Isaiah rachi paolawo nou paopawuyu sü panou vetere donoue:
18“Zhukhaio, Enou dolouyu Akilainaye sü,
Arakonou sasho-a buyu Aleshina.
Enou Arakohai puh pei hi seive thoupeilai,
alia puhnou Avei Chikuyu sü
Tahrüh khemai hi paongao peilai.
19Puhwo veiva laimoe moa shusou raolaimoe,
moa maitalinoua puhpaihai dudo khonou choulaimoe.
20Puhnou lelouhomai hisü nasha peilai,
alia vealaimai hisü zhuvea peilai,
puhnou acheche naye panou koloumo koutesü telai;
21alia Tahrüh kukhe mainou puh zhih hinou rei-a bulai.”
Jisu ea Beelzebul
(Mk 3.20-30; Lk 11.14-23)
22Süthaisü mai kamainou Jisu hi rashinou lou-a nghichayu ea lahayu maili save. Jisu nou mai sünaye souvei peire, südonou mai sünasü la phaloure ea ngaoloure. 23Alia maikhemai hrülainou khupaloua paoe, “Puh hai David Nahpoutu laimowu?”
24Ana Phariseemai taonou süsü chouloua paoe, “Mai hainanou rashitaoye hulai payuhai rashitao pei hi aduna Beelzebul nou puh hi sübüa soure khouko peiyu vanoubaie.”
25Puletao nou choyusü Jisu nou süloua puletao hi paoe, “Vedei talia meme soua dadeloua linou lipei hi reih zülouzü phasho bulaimoe. Alia nuhdu tali moa kikhali hai lah memesoua dadeloua linou lipei hi reih zülouzü kaota bailai! 26Südonou Saitan vei vedei hinou me alinou ali pei hi reihzü louzü, süsü meme soua dadere ea thala-a kaotalai! 27Alia Enou rashitaohai Beelzebul khouko vanou hulai palouzü, neletao thaifümaitao hiwo rashitaoye hulai payu khoukohai thaohnou peiwe? Südonou neletao thaifümainou souyu nanou neletao hai mahre touyu vei zhopaoh souwe. 28Moe, haihai Beelzebul nou moe, ana rashitaoye hulai payu khoukohai Ramai Rakonou Ahi peie, alia sünanou neletao pei hi Ramai Vedei veloure touyu vei zhopaoh souwe.
29“Moa kabüa maitalinou khouyumai alikihi dakhao loulouzü, rai-a puhye rainou phukhaiwu moanou puhvei nataosü po-a taloulai? Chechenou sübüa soulouyu thainou puhnou puh kisü vaopoa taloulai.
30“Eye donou moyu maitalisü Eye chechenou motouwe, Eye koa podzükha moyu maitalinou chechenou sourarouwe. 31Südonou Enou neletao hi paowe, mainou mah tali souyu ea Ramaiye paoshiyuwo khaipeilai, ana Rako Mashiye paoshiyuwo khaipei laimoe. 32Alia maitalinou Mai Nahpoutuye paoshiyuwo khaipeilai; ana Rako Mashiye paoshiyu maitaliye chu hrü haina hi-a, vere teisa hrü sünahi-a khaipei laimoe.
Süübe ea sünavei shithou
(Lk 6.43-45)
33“Avei rashi ngaoloure donou neletao nou boh veiyu süübe buvu zülai; neletao vei boh shiyu süübe bulouzü, neletao nou ashi rashi ngaolou bailai; daiolouzü süübe aliye sünavei rashi hinou sheelou baiwe. 34Nghou tyaonah taore, neletao hai shi-a bulukhu kabüa avei chi paoloulai? Daiolouzü lekhe hinou phoupeia buyu hinou münou paopawe. 35Avei mainou puh lekhehi avei podzükhai touyu hinou avei natao popawe; alia ashi mainou puh lekhehi ashi podzükhai touyu hinou ashi natao popawe.
36“Enou neletao hi paowe, Chikuyu Teithe kisü mai hrülainou lah lahnou paopawuyu züdoumoyu chipao pfüphou vanou paloucho sü peilai. 37Daiolouzü nevei chipaotao vanou neye souzü peilai, alia nevei chipaotao vanou neye mah dukhailai.”
Khupa vah Soungaore Khoyu
(Mk 8.11-12; Lk 11.29-32)
38Süthaisü razhai dou-apeimaitao ea Phariseemai kamainou puh hi paoe, “Dou-apeio, Ehnou nehinou shee ali ngaonüwe.”
39Ana puhnou puletao hi chila peie, “Ashi ea khakha chaozüyu maikhanou shee phoue; ana Jonah rachi paolawovei sheena deinou sühisü shee kukhe talia peilai moe. 40Daiolouzü Jonah nou khah aduna pou levai hinou hea asü ea khei asü buyubüa Mai Nahpoutu-a deikhe hinou hea asü ea khei asü bulai. 41Chikuyu Teithe kisü Nineva hi maitao nou maikha hainaye koa hrishuloua neletaoye mah dukhailai, daiolouzü puletao nou Jonah nou ko paodouyu hinou le daloure, alia zhukhaio, Jonah jünou dukouyu hali haihi bue! 42Chikuyu Teithe kisü Sheba teideihi Veopainou maikha hainaye koa hrishuloua neletaoye mah dukhailai, daiolouzü puhnou Solomon vei ratsü keire donou deiphao akhai hinou tave-e, alia zhukhaio, Solomon jünou dukouyu hali haihi bue!
Sheemoyu Rakotao Khaiveyu
(Lk 11.24-26)
43“Sheemoyu rako alinou mai ali hinou tapa louyu kisü, puhnou deikih buhtao hinou tasühaopoa soloure buh phoutawe, ana puhnou buhlia ngaoloumoe. 44Süthaisü puhnou lah puh hi paoe, ‘E leh Enou tapayu Akihi khaivelai.’ Alia puhnou khaiveyu kisü ki sünasü sakhaia vaisheetou khaitoua ea zhaiveitoua ve ngaoloue. 45Süthaisü puhnou vakouhi taloua puh jünou shikouyu kukhe rashi anaiye save loure, alia puletao nou tave sühinou lou buh souloure. Sübüa mai sünavei hrümai nasü raikina jünou shipusho tare. Südonou ashi maikha haina hi-a sübüa palai.”
Jisu Pfü ea Chinamaitao
(Mk 3.31-35; Lk 8.19-21)
46Jisu nou maikhemai hi chi paobebu kinou, zhukhaio, puhpfü ea puh thaihou maitao nou tave vakounou lalou-a puhye chiphare donou noua bue. 47Südonou sühi buyu hrohi kamai nou puh hi paoe, “Zhukhaio, nepfü ea ne thaihou maitao nou vakounou la-a neye chiphare donou noua bue.”
48Ana Jisu nou puh hi chipao-a buyu mai sünahi chila peie, “Apfü thaoh-e? Alia Athaihou maitao thaohmaie?” 49Süthaisü puhnou puh rozümaitaohi bahnou teloua paoe, “Zhukhaio, haihi Apfü ea Athaihou jürai maitao bue! 50Daiolouzü rakibu Apuo vei leli souyu maitali sü Athaihou jürai, Atu ea Apfüe.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.