MATHIU 13
13
Thoutai Vuyu vei Nada
(Mk 4.1-9; Lk 8.4-8)
1Jisu nou teithe süzhounou ki sünasü thaowu-a zaipehi tahore ea sühinou doupeire donou kou butare. 2Puhye sühao-a buyu maikhemaisü pouleyu donou puhnou sakhao alihi talouloua buloure; alia maisouwo louzü zaipenou la-a bue. 3Alia puhnou puletao hi nada hinou chi alaosou doupeia haibüa paoe:
“Teile lihi mailinou thoutai vure donou tapae. 4Puhnou thoutai süsü douhi vuthouyu phakisü, kamaisü luduhi dekoure, alia raohoutao nou zhaoveloua kotou loure. 5Kamai sü deivei moyu chuhrao sayu buh hi dekou loure, alia deivei moyu vanou thoutaitao sü thala-a paopare. 6Ana teinghinou payu kisü, sütaoye sü teinainou deire; alia sütaosü maa thoua chüloumoyu vanou thala-a thaitare. 7Thoutai kamaisü raishu hrohi deloure, alia raishu taonou dupaloua sütaoye boutheare. 8Ana thoutai kamaiwo louzü dei avei buh hi deloure, alia sütaosü shi shiloua kamainou shi kaih, kamainou rairou ea kukhenou shirou shiloure.”
9Alia Jisu nou akhai soua paoe, “Südonou neletao hai nou pfülouzü keilo.”
Nada Paoyu vei Matsü
(Mk 4.10-12; Lk 8.9-10)
10Süthaisü rozümaitao nou Jisu hi tave loua puh hinou noue, “Daidonou nenou puletao hi nadanou paowe?”
11Alia puhnou puletao hi chila peie, “Raki Vedei vei kheitsü hai neletao hiwo peiwure, ana puletao hiwo peimoe. 12Daiolouzü buyu puh hisü peipulai, sübüa puhnou alaosou buloulai; ana hazheiyu puh hinou puh hi daotu buyu koute-a pota bailai. 13Enou puletao hi chi paoyu ki nada seiyu sünavei qowo louzü puletao nou zhu-a ngaomoe, alia keikhai-a choumoe moa sümoe. 14Südonou Isaiah vei rachi hinou haibüa paoyu sü puletao hi vetere:
‘Mai haitaonou keikhai keikhailai,
ana sükhai laimoe;
puletao nou zhukhai zhukhailai,
ana ngaolaimoe,
15daiolouzü puletao lehai kaorou tare,
alia puletao nou sü vaongiwure,
ea puletao nghisü mailoure.
Molouzü puletao nghinou ngaolou shulai,
puletao nounou choulou shulai,
puletao lenou sülou shulai alia puletao nou Ahi dakhai veloua
Enou puletaoye souveipei shulai,
tea Ramai nou paoe.’
16“Ana neletaowo daizhozhou rako veisa! Neletao nghithounou ngaoloure ea neletao nounou chouloure. 17Enou neletao hi chekhao-a paowe, rachi paolamai taoli ea achechemai taolinou neletao nou ngaoyu sü ngaonüshoa zhie, ana süsü ngaolou more, alia neletao nou chouyu sü chounüshoa zhie, ana süsü choulou more.
Jisu nou Thoutai Vuyu vei Nada Paoshee Peiyu
(Mk 4.13-20; Lk 8.11-15)
18“Sükuyu thaisü keikhaio, alia thoutai vuyuvei kosü süloukhaio. 19Vedei vei chipao chouloua süsü sülou moyu puletao sü luduhi dekouyu thoutaitao büe. Puletao lethouhi vuthoukhai touyu taosü Ashinanou taveloua shaopoa tare. 20Chuhraohi dekou louyu thoutaitao nou chipao nasü choulou bükhaie sasa-a polouyu mai sütao kue. 21Ana sünanou lekhehi maa chülou moyu vanou phaso bukhai more. Alia chipao süna vanou souvea-souchoyu moa souvea-souhoyu daoyu kisü puletao nou thala-a süsü thaowure. 22Raishu hrohi dekou louyu thoutai taonou chipao süna choulouyu maitao kue; ana deiphao hrü haina donou leki-ledayu ea kiniye leshiyu sünanou chipao sünaye boutheare, alia puletao sü shi shikhai more. 23Alia deivei buh hi vuthou khaitouyu thoutai taonou chipao süna chouloua sülouyu maitao kue: puletao nou shi shiloue, kamainou kaih koute, kukhenou rairou, alia kukhetaonou shirou shiloue.”
Kha vei Nada
24Jisu nou kukhe nadali hinou puletao hi paoe: “Raki Vedei hai puh douhi thoutai avei vuthouyu mai sünaye pao nadalou veie. 25Ana naili kheisü, mai hrülainou zhitakhaiyu kisü, puh vei ngaobamai sünanou taveloua southou hrohisü kha vuthou peiwu-a tare. 26Roube taonou dupaloua shi shiyu kisü khatao-a zhu shipare. 27Alia paopu sünavei kilaitaonou puh hi taveloua paoe, ‘Dou-apeio, nenou ne dou hi thou tai aveinou vuthou mowu? Sükulouzü kabüa kha taosü veloue?’ 28Puhnou puletao hi chila peie, ‘Haisü ngaobamai kamainou soue!’ Kilaitaonou puh hi paoe, ‘Sükulouzü Eletaoye panou taho khataoye paipayu ne züpawu?’ 29Ana puhnou paoe, ‘Moe; daiolouzü neletao nou khataoye podzüyu kisü sütaoye koa southou kamai paipawu shulai. 30Cha chimo koutesü panou southou ea khataoye koa paoa buwo; alia cha chiyu phakinou Enou cha chiyumai taohi rai-a khataoye paipawuwo ea sütaosü khu khunou khuloua meihi pothou deiwo, ana southouwo louzü podzüloua Avei thoupaohi pove khaiwuwo; tea paolai.’”
Javu Thoutai vei Nada
(Mk 4.30-32; Lk 13.18-19)
31Jisu nou puletao hi kukhe nadali paoe: “Raki Vedeihai mai alinou javu thouli poloua puh douhi vuthouwuyu sünaye kheihaoe. 32Thoutai sünahai thoutai kukhe veishi jünou taikayu nasüe, ana sünanou paopa louyu kisü, poube veishi jünou duloure ea sünanou süübeli daloua teihi raohoutao nou zhaoveloua sünavei botao hinou puletao vei phe mealoure.”
Kheih vei Nada
(Lk 13.20-21)
33Süthai-a Jisu nou nada kukheli puletao hi paopeie: “Raki Vedeihai naotumai alinou sou hai phou asühi thouloua souke teitei lapamosa pothou hükhai touyu kheih büe.”
Jisu nou Nadatao Seiyu
(Mk 4.33-34)
34Chi haitao pfüphouhai Jisu nou nada sei-a maisouhi paopeie; chechenou puhnou nada seimoa puletao hi hatalia paomoe. 35Haisü Isaiah rachi paolawo nanou paokhai touyu sü panou vetere donoue:
“Enou puletao hi chi paoyu kisü nada seilai;
Enou puletao hi deiphao soushu rainou sümoyu chitaosü paongaolai.”
Jisu nou Khavei Nada Paoshee Peiyu
36Jisu nou maisouye thaowu-a kikhahi talouyu kisü, puh rozümaitao nou puh hi taveloua paoe, “Ehye douhi khataovei nada navei kosü paosheengao peio.”
37Jisu nou chila peie, “Avei thoutai vuthouyu mai nasü Mai Nahpoutue; 38dou nasü deiphaoe; avei thoutai nasü Vedei vei maikhe maitaoe; khataosü Ashina vei mai khemaitaoe; 39alia khatao vuthou peiyu ngaobamai nasü Rashi nasüe. Cha chiyu sünasü deiphao vei akhai teile sünasüe, alia cha chiyumai taosü rakivamaitaoe. 40Khataoye podzüloua meihi pothou deiwuyu büa akhai teithe kia sübüa palai: 41Mai Nahpoutu nou puh vei Vedei hinou maikhe maiye mah southou peiyu maitao ea kukhe vahshi souyumai hrülaiye podzü loure donou puh vei rakivamaiye seitalai, 42alia puletao nou mai sütaoye meifühi polai thouwu-a sühinou puletaosü kralai ea puletao huh sü veikükülai. 43Süthaisü acheche maitaosü puletao Puo Vedei hinou teinghi büa valai. Südonou neletao hai nou bulouzü keiloukhaio!
Kukhaiyu Kini vei Nada
44“Raki Vedeihai douhinou kukhai touyu kiniye kheihaoe ea süsü mai alinou ngaoloua popaowure; süthaisü puhnou le sasholoua taho puhvei buyu veishi sü zhowu-a dakhaive dou sünasü hrüloue.
Muhtei Sana vei Nada
45“Süthaia, Raki Vedeihai veishoyu muhtei sana phoutayu husoumai aliye kheihaoe, 46alia puhnou muhtei shoyu sana ali ngaolouyu kisü, taho puhvei buyu teitei zholoua sana sünasü hrüloue.
Khahbe vei nada
47“Süthaia, Raki Vedei hai zaihi laithouyu ea khah tyatyali sülouyu khahbe aliye kheihaoe. 48Khahbe nasü lou phoupei louyu kisü, khahphou mainou süsü zaipehi süpa loure ea kou buloua khah avei taosü khahbohi luthoure ana ashi taosü polaiwure. 49Südonou akhai teitheki-a sübülai; rakivamaitao nou tapaloua maishitaoye acheche maitao hinou lupawulai, 50alia puletaoye sü meifühi polai thouwulai; sühinou puletaosü kralai ea puletao huh sü veikükülai.”
Acheche Ashuna ea Akuna
51Jisu nou puletao hi noue, “Haikhemai teiteihai neletao sükhai louremoe?”
Puletao nou chila peie, “Ovai, süloure.”
52Alia puhnou puletao hi paoe, “Südonou, raki Vedei vei rozümai soulouyu razhai dou-apeimai talihai puhvei ki hinou ashu ea aku natao popayu ki paopumai aliye kheihaoe.”
Nazareth hinou Jisu ye Aetou moyu
(Mk 6.1-6; Lk 4.16-30)
53Alia Jisu nou nadataohai paochewuyu kisü, buh sühinou tare, 54alia lah puh vei nuhduhi khaiveloua puhnou puletaoye puletao vei rathobuh hinou doupeie, alia puh chi choulouyu maitao nou khupaloua paoe, “Daikinou mai hainanou haibüyu ratsü ea khupavah haitaosü ngaolousa? 55Puh hai süüshasüwona nahpoutu mowu? Puh pfühai Meri mowu, alia puh thaihoumai taosü Jems, Josef, Simon ea Judas mowu? 56Alia puh tumaitao hrülai-a puhye koa bumowu? Sükulouzü daikinou mai hainanou haitao teitei hai ngaolouwe?” 57Alia sübüa puletao nou puhye popei bare.
Ana Jisu nou puletao hi paoe, “Rachi paolamai aliye hai lah puh nuh ea puh kikhamai likheihi deinou buh kukhe talihiwo louzü tsükhou moyu hae.” 58Alia puletao nou louche moyu vanou puhnou sühisü khupa vah alaosou soukhai more.
Currently Selected:
MATHIU 13: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
MATHIU 13
13
Thoutai Vuyu vei Nada
(Mk 4.1-9; Lk 8.4-8)
1Jisu nou teithe süzhounou ki sünasü thaowu-a zaipehi tahore ea sühinou doupeire donou kou butare. 2Puhye sühao-a buyu maikhemaisü pouleyu donou puhnou sakhao alihi talouloua buloure; alia maisouwo louzü zaipenou la-a bue. 3Alia puhnou puletao hi nada hinou chi alaosou doupeia haibüa paoe:
“Teile lihi mailinou thoutai vure donou tapae. 4Puhnou thoutai süsü douhi vuthouyu phakisü, kamaisü luduhi dekoure, alia raohoutao nou zhaoveloua kotou loure. 5Kamai sü deivei moyu chuhrao sayu buh hi dekou loure, alia deivei moyu vanou thoutaitao sü thala-a paopare. 6Ana teinghinou payu kisü, sütaoye sü teinainou deire; alia sütaosü maa thoua chüloumoyu vanou thala-a thaitare. 7Thoutai kamaisü raishu hrohi deloure, alia raishu taonou dupaloua sütaoye boutheare. 8Ana thoutai kamaiwo louzü dei avei buh hi deloure, alia sütaosü shi shiloua kamainou shi kaih, kamainou rairou ea kukhenou shirou shiloure.”
9Alia Jisu nou akhai soua paoe, “Südonou neletao hai nou pfülouzü keilo.”
Nada Paoyu vei Matsü
(Mk 4.10-12; Lk 8.9-10)
10Süthaisü rozümaitao nou Jisu hi tave loua puh hinou noue, “Daidonou nenou puletao hi nadanou paowe?”
11Alia puhnou puletao hi chila peie, “Raki Vedei vei kheitsü hai neletao hiwo peiwure, ana puletao hiwo peimoe. 12Daiolouzü buyu puh hisü peipulai, sübüa puhnou alaosou buloulai; ana hazheiyu puh hinou puh hi daotu buyu koute-a pota bailai. 13Enou puletao hi chi paoyu ki nada seiyu sünavei qowo louzü puletao nou zhu-a ngaomoe, alia keikhai-a choumoe moa sümoe. 14Südonou Isaiah vei rachi hinou haibüa paoyu sü puletao hi vetere:
‘Mai haitaonou keikhai keikhailai,
ana sükhai laimoe;
puletao nou zhukhai zhukhailai,
ana ngaolaimoe,
15daiolouzü puletao lehai kaorou tare,
alia puletao nou sü vaongiwure,
ea puletao nghisü mailoure.
Molouzü puletao nghinou ngaolou shulai,
puletao nounou choulou shulai,
puletao lenou sülou shulai alia puletao nou Ahi dakhai veloua
Enou puletaoye souveipei shulai,
tea Ramai nou paoe.’
16“Ana neletaowo daizhozhou rako veisa! Neletao nghithounou ngaoloure ea neletao nounou chouloure. 17Enou neletao hi chekhao-a paowe, rachi paolamai taoli ea achechemai taolinou neletao nou ngaoyu sü ngaonüshoa zhie, ana süsü ngaolou more, alia neletao nou chouyu sü chounüshoa zhie, ana süsü choulou more.
Jisu nou Thoutai Vuyu vei Nada Paoshee Peiyu
(Mk 4.13-20; Lk 8.11-15)
18“Sükuyu thaisü keikhaio, alia thoutai vuyuvei kosü süloukhaio. 19Vedei vei chipao chouloua süsü sülou moyu puletao sü luduhi dekouyu thoutaitao büe. Puletao lethouhi vuthoukhai touyu taosü Ashinanou taveloua shaopoa tare. 20Chuhraohi dekou louyu thoutaitao nou chipao nasü choulou bükhaie sasa-a polouyu mai sütao kue. 21Ana sünanou lekhehi maa chülou moyu vanou phaso bukhai more. Alia chipao süna vanou souvea-souchoyu moa souvea-souhoyu daoyu kisü puletao nou thala-a süsü thaowure. 22Raishu hrohi dekou louyu thoutai taonou chipao süna choulouyu maitao kue; ana deiphao hrü haina donou leki-ledayu ea kiniye leshiyu sünanou chipao sünaye boutheare, alia puletao sü shi shikhai more. 23Alia deivei buh hi vuthou khaitouyu thoutai taonou chipao süna chouloua sülouyu maitao kue: puletao nou shi shiloue, kamainou kaih koute, kukhenou rairou, alia kukhetaonou shirou shiloue.”
Kha vei Nada
24Jisu nou kukhe nadali hinou puletao hi paoe: “Raki Vedei hai puh douhi thoutai avei vuthouyu mai sünaye pao nadalou veie. 25Ana naili kheisü, mai hrülainou zhitakhaiyu kisü, puh vei ngaobamai sünanou taveloua southou hrohisü kha vuthou peiwu-a tare. 26Roube taonou dupaloua shi shiyu kisü khatao-a zhu shipare. 27Alia paopu sünavei kilaitaonou puh hi taveloua paoe, ‘Dou-apeio, nenou ne dou hi thou tai aveinou vuthou mowu? Sükulouzü kabüa kha taosü veloue?’ 28Puhnou puletao hi chila peie, ‘Haisü ngaobamai kamainou soue!’ Kilaitaonou puh hi paoe, ‘Sükulouzü Eletaoye panou taho khataoye paipayu ne züpawu?’ 29Ana puhnou paoe, ‘Moe; daiolouzü neletao nou khataoye podzüyu kisü sütaoye koa southou kamai paipawu shulai. 30Cha chimo koutesü panou southou ea khataoye koa paoa buwo; alia cha chiyu phakinou Enou cha chiyumai taohi rai-a khataoye paipawuwo ea sütaosü khu khunou khuloua meihi pothou deiwo, ana southouwo louzü podzüloua Avei thoupaohi pove khaiwuwo; tea paolai.’”
Javu Thoutai vei Nada
(Mk 4.30-32; Lk 13.18-19)
31Jisu nou puletao hi kukhe nadali paoe: “Raki Vedeihai mai alinou javu thouli poloua puh douhi vuthouwuyu sünaye kheihaoe. 32Thoutai sünahai thoutai kukhe veishi jünou taikayu nasüe, ana sünanou paopa louyu kisü, poube veishi jünou duloure ea sünanou süübeli daloua teihi raohoutao nou zhaoveloua sünavei botao hinou puletao vei phe mealoure.”
Kheih vei Nada
(Lk 13.20-21)
33Süthai-a Jisu nou nada kukheli puletao hi paopeie: “Raki Vedeihai naotumai alinou sou hai phou asühi thouloua souke teitei lapamosa pothou hükhai touyu kheih büe.”
Jisu nou Nadatao Seiyu
(Mk 4.33-34)
34Chi haitao pfüphouhai Jisu nou nada sei-a maisouhi paopeie; chechenou puhnou nada seimoa puletao hi hatalia paomoe. 35Haisü Isaiah rachi paolawo nanou paokhai touyu sü panou vetere donoue:
“Enou puletao hi chi paoyu kisü nada seilai;
Enou puletao hi deiphao soushu rainou sümoyu chitaosü paongaolai.”
Jisu nou Khavei Nada Paoshee Peiyu
36Jisu nou maisouye thaowu-a kikhahi talouyu kisü, puh rozümaitao nou puh hi taveloua paoe, “Ehye douhi khataovei nada navei kosü paosheengao peio.”
37Jisu nou chila peie, “Avei thoutai vuthouyu mai nasü Mai Nahpoutue; 38dou nasü deiphaoe; avei thoutai nasü Vedei vei maikhe maitaoe; khataosü Ashina vei mai khemaitaoe; 39alia khatao vuthou peiyu ngaobamai nasü Rashi nasüe. Cha chiyu sünasü deiphao vei akhai teile sünasüe, alia cha chiyumai taosü rakivamaitaoe. 40Khataoye podzüloua meihi pothou deiwuyu büa akhai teithe kia sübüa palai: 41Mai Nahpoutu nou puh vei Vedei hinou maikhe maiye mah southou peiyu maitao ea kukhe vahshi souyumai hrülaiye podzü loure donou puh vei rakivamaiye seitalai, 42alia puletao nou mai sütaoye meifühi polai thouwu-a sühinou puletaosü kralai ea puletao huh sü veikükülai. 43Süthaisü acheche maitaosü puletao Puo Vedei hinou teinghi büa valai. Südonou neletao hai nou bulouzü keiloukhaio!
Kukhaiyu Kini vei Nada
44“Raki Vedeihai douhinou kukhai touyu kiniye kheihaoe ea süsü mai alinou ngaoloua popaowure; süthaisü puhnou le sasholoua taho puhvei buyu veishi sü zhowu-a dakhaive dou sünasü hrüloue.
Muhtei Sana vei Nada
45“Süthaia, Raki Vedeihai veishoyu muhtei sana phoutayu husoumai aliye kheihaoe, 46alia puhnou muhtei shoyu sana ali ngaolouyu kisü, taho puhvei buyu teitei zholoua sana sünasü hrüloue.
Khahbe vei nada
47“Süthaia, Raki Vedei hai zaihi laithouyu ea khah tyatyali sülouyu khahbe aliye kheihaoe. 48Khahbe nasü lou phoupei louyu kisü, khahphou mainou süsü zaipehi süpa loure ea kou buloua khah avei taosü khahbohi luthoure ana ashi taosü polaiwure. 49Südonou akhai teitheki-a sübülai; rakivamaitao nou tapaloua maishitaoye acheche maitao hinou lupawulai, 50alia puletaoye sü meifühi polai thouwulai; sühinou puletaosü kralai ea puletao huh sü veikükülai.”
Acheche Ashuna ea Akuna
51Jisu nou puletao hi noue, “Haikhemai teiteihai neletao sükhai louremoe?”
Puletao nou chila peie, “Ovai, süloure.”
52Alia puhnou puletao hi paoe, “Südonou, raki Vedei vei rozümai soulouyu razhai dou-apeimai talihai puhvei ki hinou ashu ea aku natao popayu ki paopumai aliye kheihaoe.”
Nazareth hinou Jisu ye Aetou moyu
(Mk 6.1-6; Lk 4.16-30)
53Alia Jisu nou nadataohai paochewuyu kisü, buh sühinou tare, 54alia lah puh vei nuhduhi khaiveloua puhnou puletaoye puletao vei rathobuh hinou doupeie, alia puh chi choulouyu maitao nou khupaloua paoe, “Daikinou mai hainanou haibüyu ratsü ea khupavah haitaosü ngaolousa? 55Puh hai süüshasüwona nahpoutu mowu? Puh pfühai Meri mowu, alia puh thaihoumai taosü Jems, Josef, Simon ea Judas mowu? 56Alia puh tumaitao hrülai-a puhye koa bumowu? Sükulouzü daikinou mai hainanou haitao teitei hai ngaolouwe?” 57Alia sübüa puletao nou puhye popei bare.
Ana Jisu nou puletao hi paoe, “Rachi paolamai aliye hai lah puh nuh ea puh kikhamai likheihi deinou buh kukhe talihiwo louzü tsükhou moyu hae.” 58Alia puletao nou louche moyu vanou puhnou sühisü khupa vah alaosou soukhai more.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.