MAIPEI PHOUYU 1
1
Israel mai hi Maipei Phou Raikana
1Israel mainou Ejipt teidei thaokhaiwua tapayu po ahai navei khouh ahai vei khoukha ali zhou hai neletao nou Sahpao haopoa buyu Sinai radeiki hinou Mapao nou Moses hi haibüa paoe, 2“Aaron nehai Israel mai hrülaiye puletao vei khü-khü nou ae kihikha alili nou maipei phoukhaio. Poutumai touyu hrülaiye hai 3po kai payu ae süjünou layu mai hrülai hai panou soureih soure donou zhih rüthoulo. 4Khü alili hinou peikhomai chekhei hai nehaiye panou soukhare donou kulo.” 5-16Mai haitao hai nehaiye panou soukha peire donou peikho maitao-e:
| Khü | Peikhona |
|---|---|
| Reuben: | Shedeur nahpoutu Elizur |
| Simeon: | Zurishaddai nahpoutu Shelumiel |
| Judah: | Amminadab nahpoutu Nahshon |
| Issakar: | Zuar nahpoutu Nethanel |
| Zebulun: | Helon nahpoutu Eliab |
| Ephraim: | Ammihud nahpoutu Elishama |
| Manasseh: | Pedahzur nahpoutu Gamaliel |
| Benjamin: | Gideoni nahpoutu Abidan |
| Dan: | Ammishaddai nahpoutu Ahiezer |
| Asher: | Okhran nahpoutu Pagiel |
| Gad: | Deuel nahpoutu Eliasaph |
| Naphtali: | Enan nahpoutu Ahira |
17Zhih peikhai touyu mai haitao kiahai hai Moses ae Aaron nou saloua 18khouh ahai navei khoukha arai zhou mai hrülaiye sü kuve jüloure ae puletaoye khü-khü nou ae kihikha mai alili nou zhih rüloure. Po kai payu ae süjünou layu poutumai hrülaiye sü mai pei phouloua puletao zhih rüloue. 19Mapao nou kharochi peikhai touyu thaifüa Moses nou maikhe mai zhih hai Sinai radeiki hinou rüloure. 20-46Po kai payu ae süjünou la-a buyu mai hrülai hai Jakob nahpoutu tsükhana Reuben zhih hinou rüpoa tayu hai mai haitao-e:
| Khü | Maipei |
|---|---|
| Reuben | 46,500 |
| Simeon | 59,300 |
| Gad | 45,650 |
| Judah | 74,600 |
| Issakar | 54,400 |
| Zebulun | 57,400 |
| Ephraim | 40,500 |
| Manasseh | 32,200 |
| Benjamin | 35,400 |
| Dan | 62,700 |
| Asher | 41,500 |
| Naphtali | 53,400 |
| Mai teitei: | 603,550 |
47Levi maitao hai khü kukhe maitaoye koa maipei phouyu hisü loumoe, 48daiolouzü Mapao nou Moses hi haibüa paoe, 49“Nenou soureih soulou süyu Israel mai kazhou bue tea maipei phouyu phaki, Levi maitaoye phouthouso. 50Anou Levi maitaoye panou Enou buyu Sahpao ae sühi buyu natao panou zhure donou alia sühi panou vah soure donou vahbu thoupeio, ae neletaoye panou Sahpao pehao hinou puletao vei fühao sü soua bulo. 51Israel mainou fühao datayu phaki, Levi maitao nou rathoyu Sahpao nasü hralai, ae puletao nou tave füshee shoyu phaki, Levi maitao nou Sahpao nasü soulai. Mai kukhe taralia Sahpao hisü takou ngheilouzü puhye sü southa-a bailai. 52Israel maitao nou puletao vei Sahpao hai lahkuku vei meme nou haoloua sükhe hinou bulai. 53Ana Levi maitao nou Sahpao vei pehao hinou bulai, sübüa puletao nou mai kukhe maitaoye panou Sahpao ngheiki talou avei lekha soupa peia Enou Israel maiye soushi more donou Levi maitao nou Sahpao nasü kholai.” 54Mapao nou Moses hi kharochi peiyu veishi hai Israel mainou soukhai toupeie.
Currently Selected:
MAIPEI PHOUYU 1: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.