MAIPEI PHOUYU 7
7
Süthai-apei Maitao nou Posheela Peiyu
1Moses nou rathoyu Sahpao hai soucheloua posheela peiyu thai, puhnou Sahpao nasü theadzü napeie ae sühi buyu na veishi, posheelabu ae paikhao khesü theadzü napeia Ramai bah hi sousheeloua peithoure. 2Süthaisü khü-khü hinou peicho maitao, Israel maiye süthai-apei maitao, maipei phouyu hi süthaisa-a soupeiyu maitao nou 3Mapao hi posheela haitao hai pove peie: choluki arou ae chode kiahai, süthai-apei mai ahai nou choluki ali ae mai alili nou chode chekhei hai pove peie. Puletao nou sütao hai pove sheela peiyu thai, 4Mapao nou Moses hi paoe, 5“Puletao nou pove peiyu na khesü poa Sahpao hi vah soure donou polo ae Levi maitao hi peiwua panou mai alili nou vah soure thaifüa soulo.” 6Südonou Moses nou choluki ae chode khesü Levi maitao hi peiwure. 7Puhnou choluki ahai ae chode adai hai Gershon maitao hi peiwure, 8ae choluki adai alia chode acha hai Merari maitao hi peiwure. Puletao nou soure vah veishi hai Aaron nahpoutu Ithamar vei khakhe hinou soupfülai. 9Ana Moses nou Kohath maitao hi choluki ae chode aliro peimore, daiolouzü puletao nou sheeyu na hai phao hinou pfüta-a bailai.
10Süthai-apei maitao nou posheelabu nasü sousheeloua peithouyu vei khonüh nüre donou posheela khesü pove peie. Puletao nou posheela nakhesü peilai tea posheelabu hi pokou peiyu phaki, 11Mapao nou Moses hi haibüa paoe, “Puletao hi paopeio, süolouzü posheelabu hai sousheeloua Ramai bah hi peithouyu vei posheela hai teithe ali hi süthai-apei mai alili nou posheela peia bailai.”
12-83Puletao nou posheela khesü haizhai büa soulai:
| Teithe | Khü | Süthai-apeio |
|---|---|---|
| Ali zhou | Judah | Amminadab nahpoutu Nahshon |
| Ahai | Issakar | Zuar nahpoutu Nethanel |
| Asü | Zebulun | Helon nahpoutu Eliab |
| Adai | Reuben | Shedeur nahpoutu Elizur |
| Angou | Simeon | Zurishadda nahpoutu Shelumiel |
| Arou | Gad | Deuel nahpoutu Eliasaph |
| Anai | Ephraim | Ammihud nahpoutu Elishama |
| Acha | Manasseh | Pedahzur nahpoutu Gamaliel |
| Akü | Benjamin | Gideoni nahpoutu Abidan |
| Kirou | Dan | Ammishaddai nahpoutu Ahiezer |
| Kiali | Asher | Okhran nahpoutu Pagiel |
| Kiahai zhou | Naphtali | Enan nahpoutu Ahira |
Puletao mai alili nou pove sheela peiyu hai rainono khai-a baie; Sühcho 1.5 nou soukhai touyu shahu khaosao ali ae gram 800 nou soukhai touyu shahu raikhao ali, sühai hisü thoudzü vei posheela peire donou sou hai theadzü thouhrüloua phoutao-a pove peie; sana khao ali gram 110 loua souyu nasü poukai nüvei nou phoutao-e; mah vei posheela peire donou nghitsü ali; chode ahai, zhaotu angou, nghitu angou ae po ali payu zhaotsü angou hai chavei lathoa-a hrüloure vei posheela peire donou pove peie.
84-88Posheelabu nasü sousheeloua Ramai bah hi peithoure donou süthai-apei maitao nou pove sheela peiyu teitei sü haitao-e:
- Shahu nou souyu khaosao kiahai ae shahu nou souyu raikhao kiahai, sütao vei sühcho hai 27.6 bue
- Sana nou souyu khao kiahai, süsü sühyu hai sühcho 1.32 bue, ae khao sütao hi poukai nüvei nou phoutao-a nou peie.
- Chode kiahai, zhaotsü kiahai, po ali payu zhaotu kiahai, thoudzü vei posheela ae meidei-a posheela peiyu noupu peie
- mah vei posheela peire donou nghitu kiahai;
- chavei lathao-a buloure vei posheela peire donou chode kiahai, zhaotsü rairou, nghitu rairou, po ali payu zhaotsü rairou hai pove peie.
89Moses nou Mapao ye chalai tea Sahpao hi talouyu phaki Mapao nou puhye Vo Sübvü pei hinou shouh ahai pfüyu khaona kohinou keayu sü puhnou chou-e.
Currently Selected:
MAIPEI PHOUYU 7: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
MAIPEI PHOUYU 7
7
Süthai-apei Maitao nou Posheela Peiyu
1Moses nou rathoyu Sahpao hai soucheloua posheela peiyu thai, puhnou Sahpao nasü theadzü napeie ae sühi buyu na veishi, posheelabu ae paikhao khesü theadzü napeia Ramai bah hi sousheeloua peithoure. 2Süthaisü khü-khü hinou peicho maitao, Israel maiye süthai-apei maitao, maipei phouyu hi süthaisa-a soupeiyu maitao nou 3Mapao hi posheela haitao hai pove peie: choluki arou ae chode kiahai, süthai-apei mai ahai nou choluki ali ae mai alili nou chode chekhei hai pove peie. Puletao nou sütao hai pove sheela peiyu thai, 4Mapao nou Moses hi paoe, 5“Puletao nou pove peiyu na khesü poa Sahpao hi vah soure donou polo ae Levi maitao hi peiwua panou mai alili nou vah soure thaifüa soulo.” 6Südonou Moses nou choluki ae chode khesü Levi maitao hi peiwure. 7Puhnou choluki ahai ae chode adai hai Gershon maitao hi peiwure, 8ae choluki adai alia chode acha hai Merari maitao hi peiwure. Puletao nou soure vah veishi hai Aaron nahpoutu Ithamar vei khakhe hinou soupfülai. 9Ana Moses nou Kohath maitao hi choluki ae chode aliro peimore, daiolouzü puletao nou sheeyu na hai phao hinou pfüta-a bailai.
10Süthai-apei maitao nou posheelabu nasü sousheeloua peithouyu vei khonüh nüre donou posheela khesü pove peie. Puletao nou posheela nakhesü peilai tea posheelabu hi pokou peiyu phaki, 11Mapao nou Moses hi haibüa paoe, “Puletao hi paopeio, süolouzü posheelabu hai sousheeloua Ramai bah hi peithouyu vei posheela hai teithe ali hi süthai-apei mai alili nou posheela peia bailai.”
12-83Puletao nou posheela khesü haizhai büa soulai:
| Teithe | Khü | Süthai-apeio |
|---|---|---|
| Ali zhou | Judah | Amminadab nahpoutu Nahshon |
| Ahai | Issakar | Zuar nahpoutu Nethanel |
| Asü | Zebulun | Helon nahpoutu Eliab |
| Adai | Reuben | Shedeur nahpoutu Elizur |
| Angou | Simeon | Zurishadda nahpoutu Shelumiel |
| Arou | Gad | Deuel nahpoutu Eliasaph |
| Anai | Ephraim | Ammihud nahpoutu Elishama |
| Acha | Manasseh | Pedahzur nahpoutu Gamaliel |
| Akü | Benjamin | Gideoni nahpoutu Abidan |
| Kirou | Dan | Ammishaddai nahpoutu Ahiezer |
| Kiali | Asher | Okhran nahpoutu Pagiel |
| Kiahai zhou | Naphtali | Enan nahpoutu Ahira |
Puletao mai alili nou pove sheela peiyu hai rainono khai-a baie; Sühcho 1.5 nou soukhai touyu shahu khaosao ali ae gram 800 nou soukhai touyu shahu raikhao ali, sühai hisü thoudzü vei posheela peire donou sou hai theadzü thouhrüloua phoutao-a pove peie; sana khao ali gram 110 loua souyu nasü poukai nüvei nou phoutao-e; mah vei posheela peire donou nghitsü ali; chode ahai, zhaotu angou, nghitu angou ae po ali payu zhaotsü angou hai chavei lathoa-a hrüloure vei posheela peire donou pove peie.
84-88Posheelabu nasü sousheeloua Ramai bah hi peithoure donou süthai-apei maitao nou pove sheela peiyu teitei sü haitao-e:
- Shahu nou souyu khaosao kiahai ae shahu nou souyu raikhao kiahai, sütao vei sühcho hai 27.6 bue
- Sana nou souyu khao kiahai, süsü sühyu hai sühcho 1.32 bue, ae khao sütao hi poukai nüvei nou phoutao-a nou peie.
- Chode kiahai, zhaotsü kiahai, po ali payu zhaotu kiahai, thoudzü vei posheela ae meidei-a posheela peiyu noupu peie
- mah vei posheela peire donou nghitu kiahai;
- chavei lathao-a buloure vei posheela peire donou chode kiahai, zhaotsü rairou, nghitu rairou, po ali payu zhaotsü rairou hai pove peie.
89Moses nou Mapao ye chalai tea Sahpao hi talouyu phaki Mapao nou puhye Vo Sübvü pei hinou shouh ahai pfüyu khaona kohinou keayu sü puhnou chou-e.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.