MAIPEI PHOUYU 8
8
Meivabvüa Khaibu
1 Mapao nou Moses hi paoe, 2“Aaron hi paopeio, süolouzü puhnou meivabvü anaitao hai taoloua meivabvü khaibu hi khaiyu phaki, panou nghoujülo vapoa koure donou khailo.” 3Aaron nou paochi züa meivabvütao hai nghoujülo rei-a meivabvü khaibu hisü khaipeie. 4Mapao nou Moses hi paopeiyu zhai büa meivabvü khaibu nahai pei hinou poa teihi koute hai sana veitya nou souloue.
Levi Maitaoye Soushee Peiyu ae Poa Peithouyu
5 Mapao nou Moses hi paoe, 6“Levi maitaoye Israel mai hrohinou poku paloua puletaoye soushee peio. 7Puletaoye haibüa soushee peio: Soushee khaitouyu dzü nou puletaoye kavu peio, ae puletao vei pfüphao veishi hai panou mai sailaio alia puletao vei sabanü khesü dzü shaowua panou lahkuku soushee-a bulo. 8Süthaisü puletaoye panou chode ali ae theadzü thouhrü khaitouyu sou hai thoudzü posheela peire donou pa polo; ae nenou chode ali nahai mah vei posheelare donou polo. 9Süthaisü Israel maisou hai kupoa vejülo alia Levi maitao hai Enou buyu Sahpao nghoujü hisü sakou lalo. 10Israel mainou Levi maitao pei hisü bah deiloulai, 11süthaisü Aaron nou Levi maitaoye sü Israel maitao hrohinou popa Mapao hi posheela peilai, sübüa puletaoye panou avei kuvah hai soulai. 12Levi maitao nou süthai hai chode ahai pei hi bah deiloulai; chode ali nahai mah vei posheela soua peilai, ae ali nanou meideia posheela peilai. Haizhai büa Levi maitaoye soushee peiyu naanou hai soulai.
13“Levi maitaoye soushee peiwua puletaoye panou Aaron ae puh nahpoutu maitaoye baboua vah soulai. 14Haibüa Levi maiye sü Israel maitao hrohinou poku paloua panou avei mai soulai. 15Nenou Levi maitaoye soushee loua poa peithouyu thai, puletao hai Sahpao hi talou vah soutalai. 16Israel maivei nahpoutu naraio maitao thaosü Enou Levi maitao hai avei soua khaloure, puletao hai avei mai soure. 17Ejipt hinou nah narai mai hrülai hai Enou southa khaitouyu teile hinou, Israel mai kikha hinou nahpoutu naraio hrülai ae kikhaorü toukou raikayutao hai Enou soushee peiwure. 18Chuo Enou Israel maivei nahpoutu naraio hrülai thaosü Levi maiye nou poloure. 19Israel mai hrülai hrohinou Levi maiye panou Israel maitao thaosou puletao vei mahmo khailoure vei posheela peire vah hai panou Sahpao hinou soulai tea Enou puletaoye Aaron ae puh nahpoutu maitao hi peiwure, sübüa Israel mainou rathoyu Sahpao hi tanghi kouyu phaki, puletao hisü panou rahta-rahvu velai moe.”
20 Mapao nou Moses hi kharochi peikhai touyu thaifüa Moses, Aaron ae Israel mai hrülai nou Levi maiye sousheeloua popeiwure. 21Levi maitao hai linaonao nou soushee loure ae puletao vei sabanü hai dzü shaoloure ae Aaron nou puletaoye sü sousheeloua nou poa Mapao hi sheela peiwure. Aaron nou puletaoye sousheeyu vei naanou soua posheela peie. 22Mapao nou Moses hi Levi maitao donou kharochi peikhai touyu teitei hai Israel mainou soupeie. Südonou Levi maitao hai Aaron ae puh nahpoutu maitao vei khakhe hinou Sahpao hisü talou vah soutare.
23 Mapao nou Moses hi paoe, 24“Po kaingou payu Levi mai hrülai hai Enou buyu Sahpao hinou vah hai soulai; 25ae po raingou pare toulouzü puletao hai vah soumoa soyu ngaoloulai. 26Süthai hai neletao nou puletao vei thaihou jürai maivei vah hai soukha-a bailai, ana puletao hai lah puletao vei vah sü soulai moe, haizhai büa neletao nou Levi maiye vah hai peilai.”
Currently Selected:
MAIPEI PHOUYU 8: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
MAIPEI PHOUYU 8
8
Meivabvüa Khaibu
1 Mapao nou Moses hi paoe, 2“Aaron hi paopeio, süolouzü puhnou meivabvü anaitao hai taoloua meivabvü khaibu hi khaiyu phaki, panou nghoujülo vapoa koure donou khailo.” 3Aaron nou paochi züa meivabvütao hai nghoujülo rei-a meivabvü khaibu hisü khaipeie. 4Mapao nou Moses hi paopeiyu zhai büa meivabvü khaibu nahai pei hinou poa teihi koute hai sana veitya nou souloue.
Levi Maitaoye Soushee Peiyu ae Poa Peithouyu
5 Mapao nou Moses hi paoe, 6“Levi maitaoye Israel mai hrohinou poku paloua puletaoye soushee peio. 7Puletaoye haibüa soushee peio: Soushee khaitouyu dzü nou puletaoye kavu peio, ae puletao vei pfüphao veishi hai panou mai sailaio alia puletao vei sabanü khesü dzü shaowua panou lahkuku soushee-a bulo. 8Süthaisü puletaoye panou chode ali ae theadzü thouhrü khaitouyu sou hai thoudzü posheela peire donou pa polo; ae nenou chode ali nahai mah vei posheelare donou polo. 9Süthaisü Israel maisou hai kupoa vejülo alia Levi maitao hai Enou buyu Sahpao nghoujü hisü sakou lalo. 10Israel mainou Levi maitao pei hisü bah deiloulai, 11süthaisü Aaron nou Levi maitaoye sü Israel maitao hrohinou popa Mapao hi posheela peilai, sübüa puletaoye panou avei kuvah hai soulai. 12Levi maitao nou süthai hai chode ahai pei hi bah deiloulai; chode ali nahai mah vei posheela soua peilai, ae ali nanou meideia posheela peilai. Haizhai büa Levi maitaoye soushee peiyu naanou hai soulai.
13“Levi maitaoye soushee peiwua puletaoye panou Aaron ae puh nahpoutu maitaoye baboua vah soulai. 14Haibüa Levi maiye sü Israel maitao hrohinou poku paloua panou avei mai soulai. 15Nenou Levi maitaoye soushee loua poa peithouyu thai, puletao hai Sahpao hi talou vah soutalai. 16Israel maivei nahpoutu naraio maitao thaosü Enou Levi maitao hai avei soua khaloure, puletao hai avei mai soure. 17Ejipt hinou nah narai mai hrülai hai Enou southa khaitouyu teile hinou, Israel mai kikha hinou nahpoutu naraio hrülai ae kikhaorü toukou raikayutao hai Enou soushee peiwure. 18Chuo Enou Israel maivei nahpoutu naraio hrülai thaosü Levi maiye nou poloure. 19Israel mai hrülai hrohinou Levi maiye panou Israel maitao thaosou puletao vei mahmo khailoure vei posheela peire vah hai panou Sahpao hinou soulai tea Enou puletaoye Aaron ae puh nahpoutu maitao hi peiwure, sübüa Israel mainou rathoyu Sahpao hi tanghi kouyu phaki, puletao hisü panou rahta-rahvu velai moe.”
20 Mapao nou Moses hi kharochi peikhai touyu thaifüa Moses, Aaron ae Israel mai hrülai nou Levi maiye sousheeloua popeiwure. 21Levi maitao hai linaonao nou soushee loure ae puletao vei sabanü hai dzü shaoloure ae Aaron nou puletaoye sü sousheeloua nou poa Mapao hi sheela peiwure. Aaron nou puletaoye sousheeyu vei naanou soua posheela peie. 22Mapao nou Moses hi Levi maitao donou kharochi peikhai touyu teitei hai Israel mainou soupeie. Südonou Levi maitao hai Aaron ae puh nahpoutu maitao vei khakhe hinou Sahpao hisü talou vah soutare.
23 Mapao nou Moses hi paoe, 24“Po kaingou payu Levi mai hrülai hai Enou buyu Sahpao hinou vah hai soulai; 25ae po raingou pare toulouzü puletao hai vah soumoa soyu ngaoloulai. 26Süthai hai neletao nou puletao vei thaihou jürai maivei vah hai soukha-a bailai, ana puletao hai lah puletao vei vah sü soulai moe, haizhai büa neletao nou Levi maiye vah hai peilai.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.