ZEPHANIAH 2
2
Ledaloure donou Kuyu
1Tavelo, tave jülo, Oh haohayu tyahrütao, 2neletaoye thouba chelaiyu büa hulaimo jünou, Mapao vei lekha-rarou sü neletao hi vemo jünou, Mapao vei rapayu teithe vemo jünou tavelo. 3Teidei haihi nataiyu mai hrülai, Mapao vei kharochi züa buyu mai, Puhye phoulo; acheche nasü phoulo, tainou souyu nasü phoulo; sükulouzü Mapao vei lekha-rarou payu teithe neletaoye poku peishulai.
Israel mai Pehao hi buyu Tyahrütao ye Souhalaiyu
4Gaza nuhdu nasü thaowua tabailai, alia Ashkelon hai-a soushi-a thao bailai, Ashdod hi buyu maiye sü hea nou hulai bailai, alia Ekron maiye puletao vei nuhdu hinou hulai bailai. 5Oh zai pe hinou hrüa buyu maitao, Kereth tyahrü, neletao dai vea soulaisa! Oh Philistin maitaore, Mapao nou neletao hi aetou moyu bure. Puhnou neletaoye mai ali-a shopei moa nou souhakhai bailai. 6Zai pe hi buyu maitaore, neletao vei teidei sü panou zhaotu alia nghitu khaiyu heiphao souwulai. 7Zai pe hi buyu teideitao sü panou shokhai tiyu Judah kihikhamai vei soulai alia sühinou pa puletaoye chokhaorü kilai, alia Ashkelon mai ki hinou puletaoye pa bulai. Daiolouzü puletao Ramai Mapao nou puletaoye licho peilai ae puletaoye panou sava-a hrüda khailai.
8Khoukhoulai Mapao nou paoe, “Moab ae Ammon mainou Avei maitaoye ngaophou moa konüyu Enou chouloure, alia khaosou sho-a teidei shaoloulai teanou puletao nou bure.” 9Khoukhoulai Mapao, Israel maivei Ramai nou paoe, “Eh hriyu thaifüa Moab maiye Sodom büa soupeilai, alia Ammon maiye sü Gomorrah büa soupeilai. Puletao vei teidei sü panou raishu hrüyu ae taike hrüyu dei souwulai, alia teisa nou shi-a buyu teidei soupeiwulai. Shokhai tiyu Amaitao nou puletao vei kini sü pa shaoloulai, alia hri-a buyu Avei tyahrütao nou puletao vei teidei sü panou polou bailai.”
10Puletao nou khaosouyu vanou haihai ve daolai, daisounou tiyuo puletao nou Khoukhoulai Mapao vei maitaoye ngaophou moa konüyu donoue. 11Mapao nou puletao hi ngaopi shoyu soupeilai, Puhnou deiphao hi rah kukhe buyu teiteiye souhawulai, alia lahkuku buh hinou tyahrü hrülai nou Puhye nakou tholai.
12Oh Ethiopia maitao, neletao-a Mapao nou khoche nou daotha khailai.
13Puhnou reilova hrüa buyu Assaria mai hi bah thaipa souha khaiwulai, alia Nineveh mai-a deikiyu ali büa soushi peilai. 14Zhaokhome ae resou tyatyali nou buh sühisü ve dazülai, khebo ae raohou khenou nuhdu sühisü ve phe soubulai; tuturu ae voka nou deka hinou ra-a bulai. Leche khenou tai hinou bulai; puletao vei sedar süü khesü polaiwulai. 15“Eh baie, mai kukhemai lia ha-e” teanou ngaopiyu liaha-a khaosou sho-a buyu nuhdu nasü haibüa bailai. Buh sünasü soushi khaituwua panou rekhaona nou ve buyu buh souwulai. Nuhdu süna tacho tayu mai hrülai nou ngaopi sho-a tayu soulai.
Currently Selected:
ZEPHANIAH 2: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.