MAK AbEng jetthuk
AbEng jetthuk
Mak ma raangwah Nginkongsen ko “Joban Chha Jisu Krista junma Nginkongsen pa bângraang eka.” Areko Jisu pa amoatte ngale atenâng jôba chaan ahâng etonga ngama khesok eka. Ate ngewah chaan ahângpa atema hethô junko, ngale atema juchhih junloat junko, ngale atema mihnyan nyuchha pap map tâkoh junko kheki. Jisu ma atedede a Mihnyan Chha, ngale ate roandông kohlahma mihnyan heh pap khenwah pesietrãng kaerâng ngama thôeka.
Mak ma Jisu nginkongpa nãngnâng senthemthem jetthuk ehi, erepa ate jabkhab junko ledang atema moatlem molahma khesok eka erejunko raangeka. Jon Baptis ngin roanche chha raangreka, erediko Jisu baptijem kep ngin ngale ate hungtôan ngin heh roanchechha raang, erediko Mak ma lemlienma Jisu ma khoanchet mesiet moatlem ngale atema Joban ngin phoangthôtah ngin heh raangeka. Lele Jisu dijunte hehma ate senthemthem lepjet wakwah, rohkomin Jisu lelatnâng dângte hehma nyahrãng cheili mitchek wah. Athôan kowah nyapkha pumma are hahtokkhoh kowah Jisu roandôngko athôan kowah haptako chenni dangtah a erengin heh raangeka, ajahthem pejô ate bãngphak ko rittek ngin ngale ate ngakhînwâng ngin heh raangeka.
Nginkongsen kowah athôanwah nyapkhako wannii thôanraang lahma khe ekipa aretitab raangte Mak ma raangwah dangmah.
Arekowah heh aroh phenraang eka
Khebengthôan Nginkongsen (1.1-13)
Jisu ma Galili wah mihnyan heh tânâng Joban moatlem moat nginkong (1.14—9.50)
Galili wah Jeroselem nâng kat nginkong (10.1-52)
Athôan haptako Jeroselem, ngale Jeroselem kêanâ nâng (11.1—15.47)
Jisu ngakhîn nginkong (16.1-8)
Aritwah ngakhînte Teso hôngloat ngale ate rangkhethung nâng wãng nginkong (16.9-20)
Currently Selected:
MAK AbEng jetthuk: NOKTBSI
Highlight
Share
Copy
Want to have your highlights saved across all your devices? Sign up or sign in
Nokte Naga NT - NIEMNYAN
© The Bible Society of India, 2014.
Used by permission. All rights reserved worldwide.