LIPOH 36
36
Esau Chahnü Trahchochoti
(1 Roh 1.34-37)
1Hiri hi Esau süte Edom püsü dsicho, abi chahnü trahchocho. 2Esau-nü Kanan-larü hiri khyücho: Hit-rü Elon tsulatpü Ada, ko Hiv-larü Oholibama Anah tsulatpü ko Zibeon shümtsurü.#Lip 26.34 3Adesü Ishmael tsulatpü Nebaiot nirü Basemat. 4Ada-nü Elifaz surojücho, Basemat-nü Reuel surojücho, 5ko Oholibama-nü Jeush, Jalam ko Kora nümüsucho. Esau tsurü hiri apüm Kanan lih la nümüsucho.
6Hütsüpü Esau-nü anitpürüti, atsurüti, atsularüti ko abi kuh la lirü atümung, kanglungrü ko Kanan lih la khyübülungcho kuthsi apüm hipü ani Jakob tenü za limih palang tsicho. 7Anyüh liba limih la tsü anyüh müthangcho, tunüo anyüh kanglungrü drongra kangcho ko hütsü khu anyüh müjang linung mükohcho. 8Hütsünü Esau-nü wü azonglih Edom la licho.
9Hiri hi Edomrü jümürü Esau chahnü trahchochoti: 10Esau nitpü Ada chahnü adhrerü khüdu Elifaz licho ko Elifaz chahnü atsurü münga licho: 11Teman, Omar, Zefo, Gatam ko Kenaz. 12Ko anitpü apa khüdu Timna chahnü adhrerü khüdu Amalek licho.
13Esau nitpü Basemat-nü Reuel nümüsujücho, ko Reuel chahnü atsurü müyü licho: Nahat, Zera, Shama, ko Mizza.
14Esau nitpü Oholibama, Zibeon tsurü Anah tsulatpünü azarü asang nümüsujücho: Jeush, Jalam ko Kora.
15Hiri hung hi Esau chahnü trahchocho. Esau tsurü aukhuba Elifaz tsü hung hiri jümürü kangcho: Teman, Omar, Zefo, Kenaz, 16Kora, Gatam ko Amalek. Hiri apüm Esau nitpü Ada chahnü trahchocho.
17Esau tsurü Reuel tsü hung hiri jümürü kangcho: Nahat, Zera, Shama, ko Mizza. Hiri apüm Esau nitpü Basemat chahnü trahchocho.
18Hung hiri Esau nitpü Anah tsulatpü Oholibama chahnü trahchocho: Jeush, Jalam ko Kora. 19Hung hiri apüm Esau chahnü trahchocho.
Seir Chahnü Trahchochoti
(1 Roh 1.38-42)
20-21Edom la alih abüdongrü tsü ahung-ahung changnahcho ko hiri tsü Hor-rü, Seir chahnü trahchochoti: Lotan, Shobal, Zibeon, Anah, Dishon, Ezer, ko Dishan.
22Lotan tsü Hori ko Heman-rü tsutpu jümürü. (Lotan ani khingkurü Timna licho.)
23Shobal tsü Alvan, Manahat, Ebal, Shefo ko Onam-rü tsutpu jümürü.
24Zibeon tsurü adhrerü anyüh licho, Aiah ko Ana. (Ana hinü au gadu nyah rachide lipilih la kihdhsa kihna nguchehcho.) 25-26Ana tsü Dishon au ko abi tsü Hemdan, Eshban, Ithran ko Cheranrü tsutpu jümürü licho. Ana tsurü yola khingkurü khüdu Oholibama licho.
27Ezer tsü Bilhan, Zavan ko Akan-rü tsutpu jümürü licho.
28Dishan tsü Uz ko Aran-rü tsutpu jümürü licho.
29-30Hiri hi Edom la Hor hung licho: Lotan, Shobal, Zibeon, Ana, Dishon, Ezer ko Dishan.
Edom la Yangthsarüti
(1 Roh 1.43-54)
31-39Israel la yangthsarü süsü müchürode, Edom la yangthsarü hirinü mülita yangthsa rocho:
Dinhaba lanü Beor tsurü Bela
Bozra lanü Zera tsurü Jobab
Teman lih lanü Husham
Avith lanü Bedad tsurü Hadad
(abinü Moab la khatade Midian-rü kohcho)
Masreka lanü Samla
Eufrates yongkhi shündhün
Rehoboth lanü Shaul,
Akbor tsurü Baal Hanan,
Pau lanü Hadad (anitpü tsü Mehetabel,
Matred tsulatpü ko Mezahab shümtsurü)
40-43Esau tsü Edomrü hiri jümürü thsacho: Timna, Alvan, Jethet, Oholibama, Elah, Pinon, Kenaz, Teman, Mibzar, Magdiel ko Iram. Hiri hung papa licho müdüm tsü arüh hung nengnü dsicho.
Currently Selected:
LIPOH 36: SANGBSI
Highlight
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
