JOHAN 18
18
Jisu Rangcho
(Mat 26.47-56; Mrk 14.43-50; Luk 22.47-53)
1Jisu-nü hütsüta dangkhidangnangpü khanglang, monoti te Kidron yongkhi kehnü wücho. Hütsüba müdümla tbü khüdu licho, ko Jisu ko amonoti hütsüla züducho. 2Kihyochüjübong Judas-nü hütsü müdhe licho, tunüo Jisu-nü amonoti te hütsüla adrongpi shirütacho. 3Achotsü Judas-nü Bebü ayingti ko Farisirü chahnü rothsarü mülung dsibhong ko thsunohrü bipü wücho. 4Jisu-nü abi chah tikehnung lüpcho müdhe licho, hütsünü bekhu chüdu arüh te tsingdhingcho, “Nührü sü yangchiro?”
5Arühnü lalingcho, “Nazaret-rü Jisu yangchire.”
Abinü yocho, “Ih abie.”
Kihyochüjübong Judas mii arüh yola yacho. 6Jisu-nü arüh te, “Ih abie” pü yode, arüh khanglangnü shehli wünü alih la khülucho. 7Anyüpiu Jisu-nü arüh te tsingdhingcho, “Nührü sü yangchiro?”
Arühnü yocho, “Nazaret-rü Jisu yangchire.”
8Jisu-nü yocho, “Ih abie” pü nührü te yopehko. “Nührü Ih yangchirü thsakhang, aparülü tsisohng.” 9(Hiba hi abinü: “Uwa, nühnü I khyang jücho yola süsü müchah pü abinü yocho tikehnung nengdang licho.”)
10Hütsüde, Simon Peter, sü nohsheng khüdu biyacho, abinü hütsü tohcheh Amungthriba bebü kulibong tsalang nangku thsüp-pehjücho. Kulibong neng tsü Malkas thsacho. 11Jisu-nü Peter te yocho, “Nü nohsheng tsü nohtrüp la yohng! I U-nü jüba shing tsü Ihnü müyongnung do?”#Mat 26.39; Mrk 14.36; Luk 22.42
Jisu Anas Bete
12Hütsüpü Roman rothsarü arüh nüchibong zehnü ko Jihudarü anyahrünü Jisu rangnü rahpü, 13Anas yang akhu nowücho. Tunüo abi Kaifas aku ko hütsü kang Kaifas tsü Amungthriba bebü licho. 14Jihudarü langnürüte nyitsarü atümung nengdang nyüh khüdu sünung tsü atsaubaepü thsüchiba tsü Kaifas thsacho.#Jhn 11.49-50
Peter-nü Jisu Münyengchocho
(Mat 26.69-70; Mrk 14.66-68; Luk 22.55-57)
15Simon Peter ko aparü mono khüdunü Jisu khanglang iiwücho. Aparü mono tsü Amungthriba Bebübanü müdhe licho, hütsünü abi Jisu te Amungthriba bebü kekhüm la züducho, 16ta Peter trahtri mihlang yacho. Hütsüde aparü mono tsünü thali chüdu trahtri nyahtpü te tsü chotapü Peter nüyohcho. 17Trahtri nyahtpü tsünü Peter te yocho, “Nühsü hivi mono yola khüdu mahrü ang?”
Peter-nü lalingcho, “Ihlü mah.”
18Thsahchonü kulirüti ko anyahrüti tsü miha michang thsapü hütsü mükang he yacho. Achotsü Peter-nü arüh yola wü mih he yacho.
Amungthriba Bebübanü Jisu te Tsingcho
(Mat 26.59-66; Mrk 14.55-64; Luk 22.66-71)
19Bebü Amungthribanü Jisu te abi monoti ko abi adoba shulüm tsingcho. 20Jisu-nü lalingcho, “Ihnü atümung te lede misha choko; ko I adoba apüm nyitsarü atümung shibülung chah Sinagog ko amübükuh la du docho. Ihnü khodesü rang tusü müyo. 21Khang tuepü Ite tsingdhingro? I yu yuchirü te tsingdhing. Ihnü tu yocho arühnü müdhele, arüh te tsingdhing.”
22Jisu-nü hütsüta yode, anyahrü khüdunü abi chah tangcho ko yocho, “Bebü amungthriba te hütsüta lalingrü mah-o?”
23Jisu-nü abi te yocho, “Ihnü lango chomeh yo likhang, yuzi tsü hila lirü atümung te young. Ta Ihnü yoba tsü athsalang thsakhang, tuepü nühnü I chah tangro?”
24Hütsüpü Anas-nü abi arahshüshü Kaifas Bebü Amungthriba yang müthehcho.
Peter-nü Anyüpiu Jisu Münyengchocho
(Mat 26.71-75; Mrk 14.69-72; Luk 22.58-62)
25Peter hütsüla ade yingcheh mih he yacho. Hütsünü aparünü abi te yocho, “Nühsü hivi mono yola khüdu mahrü ang?”
Ta Peter-nü münyengchonü yocho, “Ihlü mah.”
26Peter-nü anangku thsüp-pehjüba tsutpurü Bebü amungthriba kulirü yola nyüh khüdunü yocho, “Ihnü nüh abi te tbü la müngucho do?”
27Adesü Peter-nü “Mah” pü yocho, ko hütsütade tsü hüna khongcho.
Jisu Pilat Bete
(Mat 27.1-2, 11-14; Mrk 15.1-5; Luk 23.1-5)
28Anyangnyü mütoh arühnü Kaifas kuh lanü Governor yangnü Jisu nowücho. Ko Jihudarü langnürülü kuh yonglang tsü müzüducho, tunüo Phungkhu tsuyong tsuchehnungthsa arühnü mümünyinyücho. 29Achotsü Pilat-nü dongkhu chüdu arüh te tsingdhingcho, “Nührünü hiba nyitsarü tunü mülangjüro?”
30Arühnü lalingcho, “Abinü müthsamehrelang ihrünü nüh yang münorobae.”
31Pilat-nü arüh te yocho, “Khang nührübürünü nowü nührü yuzengnü abi yu khaang.”
Arühnü yocho, “Nyitsarü müpsehnung ihrü yuzengnü mümülare.” 32(Hiba hi Jisu-nü abi khütari asübanü sünung chocho, hütsü tikehnung nengdang.)#Jhn 3.14; 12.32
33Pilat-nü thali yangthsaba pümjilang züducho ko Jisu dsinü tsingdhingcho, “Nüh Jihudarü yangthsaba mah-o?”
34Jisu-nü lalingcho, “Hi nü lümyunü a mahkhang aparünü I nengdang nüte yocho?”
35Pilat-nü lalingcho, “Ih Jihudarü khüdu mah-o? Nührübürü nyitsarü ko bebü ayingtinü nüh I khyang khakhuchüjücho. Nühnü tu nguchicho?”
36Jisu-nü yocho, “I yanglih hiba limih yo mah; I Yanglih hiba limih yoerelang, Jihudarü kheh la Ih müjünung nengdang I mononü khatabae; ta I Yanglih tsü hiba limih yo mah!”
37Hütsünü Pilat-nü abi te tsingdhingcho, “Khang nüh yangthsarü khüdu mah-o?”
Jisu-nü lalingcho, “Ih yangthsabaepü nühnü yore. Ih yujeba nengdang yuzi jünung surocho, ko hütsü nengdang Ih limih la rocho. Sü yuje yo liro abinü I yu nyire.”
38Pilat-nü tsingdhingcho, “Yuje tsü tuo?”
Jisu Süsohcho
(Mat 27.15-31; Mrk 15.6-20; Luk 23.13-25)
Achotsü Pilat-nü thali dongkhu nyitsarüti yanglang chüdu arüh te yocho, “Ihnü abi mülangjünungthsa yuzi tu müngure. 39Ta Phungkhu Thsüti shikhela Ihnü nührü khyang nyitsarü khüdu müthehnung nührü yangthsa khüdu lile. Hütsüeko nührü khyang Jihudarü yangthsaba tsü müthehsohnyürü mah-o?”
40Arühnü abi te züdenü lalingcho, “Abi mah, ta Barabbas!” (Barabbas tsü afüashi thsacho.)
Currently Selected:
JOHAN 18: SANGBSI
Highlight
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
JOHAN 18
18
Jisu Rangcho
(Mat 26.47-56; Mrk 14.43-50; Luk 22.47-53)
1Jisu-nü hütsüta dangkhidangnangpü khanglang, monoti te Kidron yongkhi kehnü wücho. Hütsüba müdümla tbü khüdu licho, ko Jisu ko amonoti hütsüla züducho. 2Kihyochüjübong Judas-nü hütsü müdhe licho, tunüo Jisu-nü amonoti te hütsüla adrongpi shirütacho. 3Achotsü Judas-nü Bebü ayingti ko Farisirü chahnü rothsarü mülung dsibhong ko thsunohrü bipü wücho. 4Jisu-nü abi chah tikehnung lüpcho müdhe licho, hütsünü bekhu chüdu arüh te tsingdhingcho, “Nührü sü yangchiro?”
5Arühnü lalingcho, “Nazaret-rü Jisu yangchire.”
Abinü yocho, “Ih abie.”
Kihyochüjübong Judas mii arüh yola yacho. 6Jisu-nü arüh te, “Ih abie” pü yode, arüh khanglangnü shehli wünü alih la khülucho. 7Anyüpiu Jisu-nü arüh te tsingdhingcho, “Nührü sü yangchiro?”
Arühnü yocho, “Nazaret-rü Jisu yangchire.”
8Jisu-nü yocho, “Ih abie” pü nührü te yopehko. “Nührü Ih yangchirü thsakhang, aparülü tsisohng.” 9(Hiba hi abinü: “Uwa, nühnü I khyang jücho yola süsü müchah pü abinü yocho tikehnung nengdang licho.”)
10Hütsüde, Simon Peter, sü nohsheng khüdu biyacho, abinü hütsü tohcheh Amungthriba bebü kulibong tsalang nangku thsüp-pehjücho. Kulibong neng tsü Malkas thsacho. 11Jisu-nü Peter te yocho, “Nü nohsheng tsü nohtrüp la yohng! I U-nü jüba shing tsü Ihnü müyongnung do?”#Mat 26.39; Mrk 14.36; Luk 22.42
Jisu Anas Bete
12Hütsüpü Roman rothsarü arüh nüchibong zehnü ko Jihudarü anyahrünü Jisu rangnü rahpü, 13Anas yang akhu nowücho. Tunüo abi Kaifas aku ko hütsü kang Kaifas tsü Amungthriba bebü licho. 14Jihudarü langnürüte nyitsarü atümung nengdang nyüh khüdu sünung tsü atsaubaepü thsüchiba tsü Kaifas thsacho.#Jhn 11.49-50
Peter-nü Jisu Münyengchocho
(Mat 26.69-70; Mrk 14.66-68; Luk 22.55-57)
15Simon Peter ko aparü mono khüdunü Jisu khanglang iiwücho. Aparü mono tsü Amungthriba Bebübanü müdhe licho, hütsünü abi Jisu te Amungthriba bebü kekhüm la züducho, 16ta Peter trahtri mihlang yacho. Hütsüde aparü mono tsünü thali chüdu trahtri nyahtpü te tsü chotapü Peter nüyohcho. 17Trahtri nyahtpü tsünü Peter te yocho, “Nühsü hivi mono yola khüdu mahrü ang?”
Peter-nü lalingcho, “Ihlü mah.”
18Thsahchonü kulirüti ko anyahrüti tsü miha michang thsapü hütsü mükang he yacho. Achotsü Peter-nü arüh yola wü mih he yacho.
Amungthriba Bebübanü Jisu te Tsingcho
(Mat 26.59-66; Mrk 14.55-64; Luk 22.66-71)
19Bebü Amungthribanü Jisu te abi monoti ko abi adoba shulüm tsingcho. 20Jisu-nü lalingcho, “Ihnü atümung te lede misha choko; ko I adoba apüm nyitsarü atümung shibülung chah Sinagog ko amübükuh la du docho. Ihnü khodesü rang tusü müyo. 21Khang tuepü Ite tsingdhingro? I yu yuchirü te tsingdhing. Ihnü tu yocho arühnü müdhele, arüh te tsingdhing.”
22Jisu-nü hütsüta yode, anyahrü khüdunü abi chah tangcho ko yocho, “Bebü amungthriba te hütsüta lalingrü mah-o?”
23Jisu-nü abi te yocho, “Ihnü lango chomeh yo likhang, yuzi tsü hila lirü atümung te young. Ta Ihnü yoba tsü athsalang thsakhang, tuepü nühnü I chah tangro?”
24Hütsüpü Anas-nü abi arahshüshü Kaifas Bebü Amungthriba yang müthehcho.
Peter-nü Anyüpiu Jisu Münyengchocho
(Mat 26.71-75; Mrk 14.69-72; Luk 22.58-62)
25Peter hütsüla ade yingcheh mih he yacho. Hütsünü aparünü abi te yocho, “Nühsü hivi mono yola khüdu mahrü ang?”
Ta Peter-nü münyengchonü yocho, “Ihlü mah.”
26Peter-nü anangku thsüp-pehjüba tsutpurü Bebü amungthriba kulirü yola nyüh khüdunü yocho, “Ihnü nüh abi te tbü la müngucho do?”
27Adesü Peter-nü “Mah” pü yocho, ko hütsütade tsü hüna khongcho.
Jisu Pilat Bete
(Mat 27.1-2, 11-14; Mrk 15.1-5; Luk 23.1-5)
28Anyangnyü mütoh arühnü Kaifas kuh lanü Governor yangnü Jisu nowücho. Ko Jihudarü langnürülü kuh yonglang tsü müzüducho, tunüo Phungkhu tsuyong tsuchehnungthsa arühnü mümünyinyücho. 29Achotsü Pilat-nü dongkhu chüdu arüh te tsingdhingcho, “Nührünü hiba nyitsarü tunü mülangjüro?”
30Arühnü lalingcho, “Abinü müthsamehrelang ihrünü nüh yang münorobae.”
31Pilat-nü arüh te yocho, “Khang nührübürünü nowü nührü yuzengnü abi yu khaang.”
Arühnü yocho, “Nyitsarü müpsehnung ihrü yuzengnü mümülare.” 32(Hiba hi Jisu-nü abi khütari asübanü sünung chocho, hütsü tikehnung nengdang.)#Jhn 3.14; 12.32
33Pilat-nü thali yangthsaba pümjilang züducho ko Jisu dsinü tsingdhingcho, “Nüh Jihudarü yangthsaba mah-o?”
34Jisu-nü lalingcho, “Hi nü lümyunü a mahkhang aparünü I nengdang nüte yocho?”
35Pilat-nü lalingcho, “Ih Jihudarü khüdu mah-o? Nührübürü nyitsarü ko bebü ayingtinü nüh I khyang khakhuchüjücho. Nühnü tu nguchicho?”
36Jisu-nü yocho, “I yanglih hiba limih yo mah; I Yanglih hiba limih yoerelang, Jihudarü kheh la Ih müjünung nengdang I mononü khatabae; ta I Yanglih tsü hiba limih yo mah!”
37Hütsünü Pilat-nü abi te tsingdhingcho, “Khang nüh yangthsarü khüdu mah-o?”
Jisu-nü lalingcho, “Ih yangthsabaepü nühnü yore. Ih yujeba nengdang yuzi jünung surocho, ko hütsü nengdang Ih limih la rocho. Sü yuje yo liro abinü I yu nyire.”
38Pilat-nü tsingdhingcho, “Yuje tsü tuo?”
Jisu Süsohcho
(Mat 27.15-31; Mrk 15.6-20; Luk 23.13-25)
Achotsü Pilat-nü thali dongkhu nyitsarüti yanglang chüdu arüh te yocho, “Ihnü abi mülangjünungthsa yuzi tu müngure. 39Ta Phungkhu Thsüti shikhela Ihnü nührü khyang nyitsarü khüdu müthehnung nührü yangthsa khüdu lile. Hütsüeko nührü khyang Jihudarü yangthsaba tsü müthehsohnyürü mah-o?”
40Arühnü abi te züdenü lalingcho, “Abi mah, ta Barabbas!” (Barabbas tsü afüashi thsacho.)
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.