MARK 13
13
Amübükuh Thsangnyangnung Nengdang Chocho
(Mat 24.1-2; Luk 21.5-6)
1Jisu amübükuh pehjüpü tsiyade, amono yola khüdunü yocho, “Dhing, athsingyurü! Lung ko kuh khüta anyemüyangnung!”
2Jisu-nü lalingcho, “Nührünü kuh amülülah hiri ngu mado ang? Hila lung khüdu mii ajojila müjonung; arüh apüm trümnahpehnung.”
Chongcha ko Dhsümthsedhsümloh
(Mat 24.3-14; Luk 21.7-19)
3Jisu Olive zong la amübükuh dükeh pümde, Peter, Jakob, Johan ko Andria abi yanglang rangnü rocho. 4Arühnü abi te tsingdhingcho, “Hi khode tikehnung ko hiri apüm tikehnung becho chii rode amüdhethsa tu linung ihrü te young.”
5Jisu-nü arüh te yocho, “Müzahng ko sü khyangsü nührü tükiyohchüsoh. 6Adrongnü ‘Ih abie’ ko I nengla cho ronung ko adrong kihyochünung. 7Khode amünyeh ko ashula khata yusi yuchinang, müci türohcho. Hiri tikehriri, ta hütsü achangka mah. 8Limih e limihrü khatanung, yanglih khüdunü khüdu mahnung. Apümlang alihyo zingnung, ko yangkongthsükong linung. Hiri tsü akhunga surode akhu mikhungcho kyo linung.
9 #
Mat 10.17-20; Luk 12.11-12 “Nührübürü jangjang kukeng. Nührü rangnung ko yukhajilang nowünung. Sinagog la nührü chah xüpnung; I nengdang arüh te yusi atsa yonung nengdangnü yangthsarü ko yukharü bete nührü yanung. 10Ta achangka nyümong müroede, nyitsarüti atümung te yuse atsa tsü thsingyunungbae. 11Ko khode nührü rangpü yukhajilang nowünang, nührünü tu chonung mah-enü tu lüm tütpahnah; bekhyah achila nührü khyang tuturü jünang, nührünü hütsü choung. Tunüo nühnü choba yu tsü nü yu müthsanung; ta Anbü Amüsa chahnü ronung. 12Jünirünü jünirü ko aunü atsurü süsohnung nengdang khakhuchüjünung. Tsuzarünü tpurü nyüm shemüsunung ko arüh süsohnung. 13#Mat 10.22I thsacholanü atümungnü nührü thrünyinung, ta sünü achangchi rangchonang abi khümchonung.
Athrünyinung Adrünung
(Mat 24.15-28; Luk 21.20-24)
14“Nührünü ‘Athrünyinung Adrünung’#13.14 Athrünyinung adrünung: Yangpirü yangthsarütinü Jerusalem mahchehpü Amübükuh la arüh kyothri müdongpüba te dsire. (Daniel 9.27, 11.31, 12.11 tsü dhing) abi mülinung müdümla ya ngunung.” (Hi tunang akhirütinü nyichehng) Hütsütade sürü Judea la liro arüh azonglang tsieng. 15#Luk 17.31Sü kumungchah liro abinü tu khyünungsü tüjowü. 16Sü luh la liro abinü ashü khyünung kulang tüthali. 17Hütsüri nyümongla khingkurü sürü fü müdengro ko akhunga liba atpati nengdang khüta adrünung thsanung! 18Hiri thsahsüm la mütikehsohnung Tsingrangba te dangkhidangnang! 19#Dan 12.1; Mis 7.14Hütsüri nyümongla achongcha tsü adikehti Tsingrangba-nü limih thripü chünye yingcheh müdhecho tenü amütsau thsanung. Mahkhang khodesü hütsü roh-i mütikehnung. 20Ta Abüdongba-nü hütsüri nyümong kyüpehjüko; hütsüta müthsarelang, süsü mükhümchobae. Athrochehrü khyanglangnü, abinü hütsüri nyümong kyüpehjücho.
21“Hütsütade, khürünü nüte, ‘Dhing, Khrista hila lile, mahkhang, Dhing, abi hütsüla lilepü yokhang, hütsü tüyudsi!’ 22Tunüo arahkheh Khristanti ko arahkheh azikehrüti chüronung. Kohkhang, arühnü athrochehcho nyitsarüti miinü kihyochünung nengdang thsayahiya ko anyemüyangnung nguchinung. 23Nührü kukeng! Ihnü nührü te lüpcho tsehleh yoko.”
Nyitsarü Tsurü Roba
(Mat 24.29-31; Luk 21.25-28)
24 #
Isa 13.10; Ezk 32.7; Joel 2.10, 31, 3.15; Mis 6.12 “Hütsü achongcha nyümongti khupü nyü tsü müpehnung ko chonunü müvipehnung, 25#Isa 34.4; Joel 2.10; Mis 6.13ning chahnü chenghiti trümchonung, ko ningwümla liba taseti arüh lang lanü shehmüinung. 26#Dan 7.13; Mis 1.7Hütsütade Nyitsarü Tsurü nyükhi la tase amülah ko ahechi la ro ngunung. 27Hütsüde, abinü ninglang riwürüti limih jongnah müyülang Tsingrangba-nü throchehrüti alih changka khüulangnü khüulang chii nübülungnung müthehchünung.”
Ngurüsing khu Anyichoba
(Mat 24.32-35; Luk 21.29-33)
28“Ngurüsing chahnü nührü khyang anyichoba khüdu yonung. Khode ajengzati müyah kangnü anu chüro ava thümlangnang nührünü müyü amünyethsa lilepü müdhere. 29Hütsü kyo, khode nührünü hiri tikehcho ngunang, bekhyah tsü amünyethsa rolepü müdheing. 30Yutsatsa Ihnü nührü te yore, hiri atümung mütikehdelü hiba shang mükhutsinung. 31Ning ko alih khutsinung, ta I yu mükhutsinung.”
Nyümong Mahkhang Bekhyah tsü Sünüsü Mümüdhe
(Mat 24.36-44)
32 #
Mat 24.36
“Ta hütsüba nyümong mahkhang bekhyah tsü khode ronungnang sünüsü mümüdhe. Au chah khu Ninglang riwürü nüsü mahkhang Atsurü nüsü mümüdhe. 33Khengyeng, kukeng, tunüo bekhyah tsü khode ronungnang nührünü mümüdhe. 34#Luk 12.36-38Hiba hi nyüh khüdunü kulirüti khyang tase jüpü, ko arüh palu palu nguchi changnah jüpü trahtri nyahba te nyahyanung yopü shitseh wücho kyonung. 35Hütsüeko, khengyeng, tunüo kuh abüdongba tsü khode ronungnang mümüdhe. Hütsü anyüzehlang mahkhang yürüpla mahkhang hünakhongla mahkhang anyangnyü thsanung kohle. 36Abi dhrongyengnü rokhang, abinü nührü yüpseh li müngusohnungbae. 37Ihnü nührü te tu yoro, hütsü nührü atümung te yore: Xengxeng lieng!”
Currently Selected:
MARK 13: SANGBSI
Highlight
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
MARK 13
13
Amübükuh Thsangnyangnung Nengdang Chocho
(Mat 24.1-2; Luk 21.5-6)
1Jisu amübükuh pehjüpü tsiyade, amono yola khüdunü yocho, “Dhing, athsingyurü! Lung ko kuh khüta anyemüyangnung!”
2Jisu-nü lalingcho, “Nührünü kuh amülülah hiri ngu mado ang? Hila lung khüdu mii ajojila müjonung; arüh apüm trümnahpehnung.”
Chongcha ko Dhsümthsedhsümloh
(Mat 24.3-14; Luk 21.7-19)
3Jisu Olive zong la amübükuh dükeh pümde, Peter, Jakob, Johan ko Andria abi yanglang rangnü rocho. 4Arühnü abi te tsingdhingcho, “Hi khode tikehnung ko hiri apüm tikehnung becho chii rode amüdhethsa tu linung ihrü te young.”
5Jisu-nü arüh te yocho, “Müzahng ko sü khyangsü nührü tükiyohchüsoh. 6Adrongnü ‘Ih abie’ ko I nengla cho ronung ko adrong kihyochünung. 7Khode amünyeh ko ashula khata yusi yuchinang, müci türohcho. Hiri tikehriri, ta hütsü achangka mah. 8Limih e limihrü khatanung, yanglih khüdunü khüdu mahnung. Apümlang alihyo zingnung, ko yangkongthsükong linung. Hiri tsü akhunga surode akhu mikhungcho kyo linung.
9 #
Mat 10.17-20; Luk 12.11-12 “Nührübürü jangjang kukeng. Nührü rangnung ko yukhajilang nowünung. Sinagog la nührü chah xüpnung; I nengdang arüh te yusi atsa yonung nengdangnü yangthsarü ko yukharü bete nührü yanung. 10Ta achangka nyümong müroede, nyitsarüti atümung te yuse atsa tsü thsingyunungbae. 11Ko khode nührü rangpü yukhajilang nowünang, nührünü tu chonung mah-enü tu lüm tütpahnah; bekhyah achila nührü khyang tuturü jünang, nührünü hütsü choung. Tunüo nühnü choba yu tsü nü yu müthsanung; ta Anbü Amüsa chahnü ronung. 12Jünirünü jünirü ko aunü atsurü süsohnung nengdang khakhuchüjünung. Tsuzarünü tpurü nyüm shemüsunung ko arüh süsohnung. 13#Mat 10.22I thsacholanü atümungnü nührü thrünyinung, ta sünü achangchi rangchonang abi khümchonung.
Athrünyinung Adrünung
(Mat 24.15-28; Luk 21.20-24)
14“Nührünü ‘Athrünyinung Adrünung’#13.14 Athrünyinung adrünung: Yangpirü yangthsarütinü Jerusalem mahchehpü Amübükuh la arüh kyothri müdongpüba te dsire. (Daniel 9.27, 11.31, 12.11 tsü dhing) abi mülinung müdümla ya ngunung.” (Hi tunang akhirütinü nyichehng) Hütsütade sürü Judea la liro arüh azonglang tsieng. 15#Luk 17.31Sü kumungchah liro abinü tu khyünungsü tüjowü. 16Sü luh la liro abinü ashü khyünung kulang tüthali. 17Hütsüri nyümongla khingkurü sürü fü müdengro ko akhunga liba atpati nengdang khüta adrünung thsanung! 18Hiri thsahsüm la mütikehsohnung Tsingrangba te dangkhidangnang! 19#Dan 12.1; Mis 7.14Hütsüri nyümongla achongcha tsü adikehti Tsingrangba-nü limih thripü chünye yingcheh müdhecho tenü amütsau thsanung. Mahkhang khodesü hütsü roh-i mütikehnung. 20Ta Abüdongba-nü hütsüri nyümong kyüpehjüko; hütsüta müthsarelang, süsü mükhümchobae. Athrochehrü khyanglangnü, abinü hütsüri nyümong kyüpehjücho.
21“Hütsütade, khürünü nüte, ‘Dhing, Khrista hila lile, mahkhang, Dhing, abi hütsüla lilepü yokhang, hütsü tüyudsi!’ 22Tunüo arahkheh Khristanti ko arahkheh azikehrüti chüronung. Kohkhang, arühnü athrochehcho nyitsarüti miinü kihyochünung nengdang thsayahiya ko anyemüyangnung nguchinung. 23Nührü kukeng! Ihnü nührü te lüpcho tsehleh yoko.”
Nyitsarü Tsurü Roba
(Mat 24.29-31; Luk 21.25-28)
24 #
Isa 13.10; Ezk 32.7; Joel 2.10, 31, 3.15; Mis 6.12 “Hütsü achongcha nyümongti khupü nyü tsü müpehnung ko chonunü müvipehnung, 25#Isa 34.4; Joel 2.10; Mis 6.13ning chahnü chenghiti trümchonung, ko ningwümla liba taseti arüh lang lanü shehmüinung. 26#Dan 7.13; Mis 1.7Hütsütade Nyitsarü Tsurü nyükhi la tase amülah ko ahechi la ro ngunung. 27Hütsüde, abinü ninglang riwürüti limih jongnah müyülang Tsingrangba-nü throchehrüti alih changka khüulangnü khüulang chii nübülungnung müthehchünung.”
Ngurüsing khu Anyichoba
(Mat 24.32-35; Luk 21.29-33)
28“Ngurüsing chahnü nührü khyang anyichoba khüdu yonung. Khode ajengzati müyah kangnü anu chüro ava thümlangnang nührünü müyü amünyethsa lilepü müdhere. 29Hütsü kyo, khode nührünü hiri tikehcho ngunang, bekhyah tsü amünyethsa rolepü müdheing. 30Yutsatsa Ihnü nührü te yore, hiri atümung mütikehdelü hiba shang mükhutsinung. 31Ning ko alih khutsinung, ta I yu mükhutsinung.”
Nyümong Mahkhang Bekhyah tsü Sünüsü Mümüdhe
(Mat 24.36-44)
32 #
Mat 24.36
“Ta hütsüba nyümong mahkhang bekhyah tsü khode ronungnang sünüsü mümüdhe. Au chah khu Ninglang riwürü nüsü mahkhang Atsurü nüsü mümüdhe. 33Khengyeng, kukeng, tunüo bekhyah tsü khode ronungnang nührünü mümüdhe. 34#Luk 12.36-38Hiba hi nyüh khüdunü kulirüti khyang tase jüpü, ko arüh palu palu nguchi changnah jüpü trahtri nyahba te nyahyanung yopü shitseh wücho kyonung. 35Hütsüeko, khengyeng, tunüo kuh abüdongba tsü khode ronungnang mümüdhe. Hütsü anyüzehlang mahkhang yürüpla mahkhang hünakhongla mahkhang anyangnyü thsanung kohle. 36Abi dhrongyengnü rokhang, abinü nührü yüpseh li müngusohnungbae. 37Ihnü nührü te tu yoro, hütsü nührü atümung te yore: Xengxeng lieng!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.