MARK 14
14
Jisu Nyüm Arah
(Mat 26.1-5; Luk 22.1-2; Jhn 11.45-53)
1 #
Nüch 12.1-27
Ade Phungkhu Thsüti ko Bhüpza müyohba Hümdhse thsüti chihnung nyümong anyüh licho. Bebü ayingti ko yuzeng adorütinü rangnü Jisu rangnung ko süsohnung nengdang lang yangchicho. 2Arühnü yocho, “Hütsü Ihsanü thsüti bekhyah münguchinungbae, mahkhang nyitsarütinü nyüm yamüsunung.”
Bethany la Jisu Müyühjücho
(Mat 26.6-13; Jhn 12.1-8)
3 #
Luk 7.37-38
Jisu Bethany la mübhira chüroba Simon-rü kuh la pümcho. Ko Jisu yangtsu pümde, khingkurü khüdunü nard#14.3 Nard: Greek-rü jümü vakhala “Spikenard” pü thrah licho ngunung. Hiba axümlichi tuji tsü singdong “Nard” pü dsiba ara lanü nyehchehre. Hiba sing tsü India la du ngunung. müdhsengnü külüpcho amii athsah axümlichi tuji alabaster#14.3 Alabaster Füh: Lihshenü thseh tang külüpcho füh. Ahi bekhyah axümlichi kehba moi ko tuji tsü alihfüh la dengding chingti münatipücho. Ko khode dhsütahnang, hütsüde du abong tsü müprüp-pü khyücheh bichicho. füh khüdu jeng bipü rocho. Abükyünü hütsü müprüp Jisu thah chah tungkehjücho. 4Hütsüla nyitsarü khürülü zichüro khüdunü khüdu te yocho, “Axümlichi kehba tuji tsü müzangnung tu adhsütah-o? 5Hütsü denari thsih asang chah kehnü ipü ailümrü khyang jüba thsako!” Ko arühnü abükyü khatacho.
6Ta Jisu-nü yocho, “Abükyü yah pehjüng! Tuepü abükyü longmüziro? Abükyünü Ite nguchi atsa nguchiko. 7#Azk 15.11Ailümrü nührü te lede linung, ko nührünü tronyüde arüh trochehle. Ta Ihlü nührü te lede mülinung. 8Abükyünü tu kohcho hütsü nguchiko; abükyünü Ih dhrürangnung becho müchie Ifü la axümlichi müyühjüko. 9Ade, Ihnü nührü te yore, limih apümlang khüdederü yuse atsa thsingyunang, abükyünü tu nguchicho hütsü lümcheh chonung.”
Judas-nü Jisu Kihyochünung Nyengchocho
(Mat 26.14-16; Luk 22.3-6)
10Hütsüpü Judas Iskariot, mono dhüreanyüh yola khüdu, bebü ayingti yang Jisu kihyochüjünung nengdang wücho. 11Abinü tu yocho hütsünü arüh künyangcho, ko abi khyang thsi jünung nyengchocho. Hütsünü Judas-nü arüh khyang Jisu khakhuchüjünung thsatsa yangchicho.
Jisu-nü Monoti te Phungkhu Thsüti Tsucho
(Mat 26.17-25; Luk 22.7-14, 21-23; Jhn 13.21-30)
12Bhüpza müyohba Hümdhse Thsüti adikeh nyümong, kangchehnung thsüti nengdang sanzati müpseh nyümong, monotinü abi te tsingdhingcho, “Kangchehnung thsüti tsunungthsa ihrünü nü nengdang khüde wü rungnümsohnyüro?”
13Achotsü, Jisu-nü arüh yolanü nyüh anyüh müthehnü yocho: “Yangdi la tsü züdung, ko nyüh khüdu kih shinga hipü nühjünü mütohnung. Abi iiwüng 14ko abi züduba kuh abüdongrü te tsü young: ‘Athsingyubanü yore, Ih ko I monoti Phungkhu Thsüti tsunung kuh chongshah tsü khüdeo?’ 15Hütsüde abinü arungnümcho amungthri chongsah amülah khüdu nührü te thongunung, hütsüla nührünü Ihsa nengdang adhangpi rungnüm.”
16Monotinü pehjüpü yangdi lang tsü züducho, ko adhangpi Jisu-nü yocho roh-i ngucho; ko arühnü Phungkhu Thsüti tsü rungnümcho.
17Khode nyüzehcho, Jisu-nü mono dhüreanyüh yola rocho. 18#N. Khi 41.9Ko arüh tsingthsang chah yangtsu pümde, Jisu-nü yocho, “Ihnü nührü te yore, Nührü yola Ite yangtsurü khüdunü Ih kihyochüjünung.”
19Monoti tsü longyüpehcho ko abi te khüdu khanglang khüdunü tsingdhingcho, “Hütsü Ih mah-o?”
20Jisu-nü lalingcho, “Hütsü nührü dhüreanyüh yola khüdu, sü hümdhse I tbhü la dhsangnang abi thsanung. 21Nyitsarü Tsurü tsü Azengtachonü yocho roh-i abi sünung; tanye sünü Nyitsarü Tsurü kihyochonang, hütsüba nyitsarü nengdang khüta ahohah! Hütsüba nyitsarü tsülü müsurojungcho atsau thsako!”
Abüdongba Thsüti
(Mat 26.26-30; Luk 22.14-20; 1 Kor 11.23-25)
22Arüh yangtsu yade, Jisu-nü hümdhse khyüpü anengse jücho, chenahcho ko amonoti khyang jücho. Abinü yocho, “Hi khyüng, hi I füe.”
23Hütsüpü abinü shing khüdu khyücho, Tsingrangba khyang anengse jücho, ko arüh khyang jücho; ko arüh atümungnü hütsü lanü yongcho. 24#Nüch 24.8; Jer 31.31-34Jisu-nü yocho, “Hiba hi I shüh khüiba adrong nengdang khatohcho, I shüh khüinü Tsingrangba azengtacho shingkehre. 25Ihnü nührü te yore, Tsingrangba yanglih la cikih asi müyongde Ihnü khodesü hiba cikih thali müyongnung.”
26Hütsüpü arühnü khi khüdu thsapü Olive zonglang tsicho.
Peter-nü Münyengchonung Jisu-nü Yojungcho
(Mat 26.31-35; Luk 22.31-34; Jhn 13.36-38)
27 #
Zek 13.7
Jisu-nü arüh te yocho, “Nührü atümungnü Ih pehjüpü tsikhangnung, tunüo Azengtachonü yore, ‘Tsingrangba-nü san nyahba tsü müpsehnung, ko san apüm tsipitsizanung.’ 28#Mat 28.16Ta Ih kangli ropü khanglang, Ih nührü müngu Galil lang wünung.”
29Peter-nü lalingcho, “Aparü atümungnü nüh pehjünye, Ihnülü nüh khodesü müpehjünung!”
30Jisu-nü Peter te yocho, “Ihnü nüte yore, shomülang hünanü anyüpili mükhongde, nühnü Ih asangpili münyengchonung.”
31Peter-nü khüsha zii yocho, “Ih nüte asünung thsanye, hütsü khodesü Ihnü müyonung!”
Ko mono aparü atümungnü hütsü roh-i du yocho.
Jisu-nü Gethsemane la Dangkhidangnangcho
(Mat 26.36-46; Luk 22.39-46)
32Arühnü Gethsemane dsiba müdüm yang rocho, ko Jisu-nü amonoti te yocho, “Ih dangkhidangnangde nührü hila püm.” 33Abinü Peter, Jakob ko Johan abi te nücho. Abi chah khütang chongcha ko lümtoh rocho. 34Ko abinü arüh te yocho, “I lasih la alongri tsü dirachonü Ih asünung roh-i due. Hila Ite lümkang lieng.”
35Abinü azachah wüpü apu jangjangthsa alih la hapkehcho, ko kohkhang hütsü chongcha bekhyah tsü abi chah mütikehsohnung kihchicho. 36Abinü yocho, “Uwa, nü nengdanglü apüm akohnung du. Hiba chongcha shing hi I chahnü khyümüing. Ta I lümcho mah, nü lümcho thsaang.”
37Hütsüpü abi thali rode mono asang tsü yüpseh ngucho. Abinü Peter te yocho, “Simon, nüh yüpseh lirü ang? Nührünü rehtseh khüdu mii lümkang mülichehrü ang?” 38Ko abinü arüh te yocho, “Nührü athsadsüla mülongnung khengyeng ko dangkhidangnang. Anbülü longphile, ta shutsa la re müzeh.”
39Abinü anyüpili wünü yu sako tsü yo dangkhidangnangcho. 40Hütsüpü abi mono yanglang thali rocho ko arüh yüpseh ngucho; arühnü arüh nah trah mülichehcho. Ko arühnü abi te tu lalingnungnang mümüdhecho.
41Khode abi asangpiu thali rocho, abinü arüh te yocho, “Nührü ade yingcheh kyahshangnü yüpjorü ang? Kükyüko! Bekhyah tsü chipehko: Dhing, Nyitsarü Tsurü münyirü kheh la khakhuchüjünung. 42Shemüsung, Ihsanü wünung. Dhing, Ih kihyochübong tsü hila lile!”
Jisu Rangcho
(Mat 26.47-56; Luk 22.47-53; Jhn 18.3-12)
43Jisu-nü choyade, Judas mono dhüreanyüh yola khüdu ro chihcho. Bebü ayingti, yuzeng dorüti ko azibarütinü müthehcho mülung amülah khüdu nohsheng ko singdümpi bipü abi yola rocho. 44Ihnü müthsüpba nyitsarü tsü nührünü yangchiba tsüe. “Abi rang ko dhingyeh notsieng.”
45Judas ro chihyeng, abinü Jisu yang wüpü yocho, “Athsingyurü” ko abi be müthsüpcho. 46Hütsüde arühnü Jisu rangcho ko rahcho. 47Ta hütsüla yarü yola nyüh khüdunü anohsheng tohcheh amungthriba bebüba kulirü nangku thsüp-pehjücho. 48Hütsüde Jisu-nü arüh te yocho, “Ih yuzeng thsangnyangrü khüdu kyo Ih rangnung nohsheng ko singdümpi bipü ronungthsa kangcho ang? 49#Luk 19.47; 21.37Amübükuh la Ih nührü te nyümong jingnyüh müthe thsingyu licho, ko nührünü Ih mürang. Ta Azengtacho tsü yuje tikehnungbae.”
50Hütsüde monoti atümungnü abi pehjüpü tsipehcho.
51Dhrezarü khüdu, shü ajengpa müpipü Jisu khanglang iiwücho. Arühnü abisü rangnung müküpcho, 52ta ashü mii pehjüpü atbhüdeng shangyoh tsicho.
Jisu Ashimükhong Bete
(Mat 26.57-68; Luk 22.54-55, 63-71; Jhn 18.13-14, 19-24)
53Hütsüpü Jisu tsü bebü amungthriba kuh yang, bebü ayingti, yuzeng adorüti ko azibarüti shibülung lichola nowücho. 54Peter-nü bebü amungthriba kuhbe chiinü ahongkoh thü-thü iiwücho, ko hütsüla roshengrü yola mih henü pümcho. 55Bebü ayingti ko ashimükhong apümnü Jisu süsohnung nengdang abi nyüm yuzi khürü yangchicho, ta arühnü tusü müngucho. 56Adrongnü Jisu nyüm arahkheh yuzi jücho, ta arüh yuzi yube mütrümcho.
57Hütsüde khürünü shemüsu Jisu nyümnü yocho: 58#Jhn 2.19“Ihrünü yuchinü abinü yocho, ‘Ihnü nyitsarünü thsacho amübükuh hi lohnyangpü, nyümong asang khanglang nyitsarünü müthsaba khüdu thsanung.’ ” 59Hütsüsü arüh yuzi mümüjangcho.
60Bebü amungthribanü arüh atümung bete shemüsu Jisu te tsingdhingcho, “Arühnü nüh nyüm yuzi jübala tsü nüh alalingba tu mülirü ang?”
61Ta Jisu-nü ciisü müthsa ko tu müyocho. Anyüpiusü abi te tsingdhingcho: “Müwajübong Tsingrangba Tsurü Mesia tsü nüh mah-o?”
62 #
Dan 7.13
Jisu-nü lalingcho, “Ih-e.” “Ko nührü atümungnü Nyitsarü Tsurü akohba tsalang pümpü ninglang nyükhi la rocho ngunung!”
63Bebü amungthribanü afükhüm rehnah yocho, “Ihsanü yuzi alaa tu müdhsütah! 64#Lev 24.16Abinü Tsingrangba müthsamünyücho nührünü yuchiko. Nührü alümcho tuo?”
Arüh atümungnü, abi thsamehko ko abi sünung alengepü mülangjücho.
65Khürünü Jisu chah müjü müchohkehjümüsucho, ko arühnü anah rümjücho ko abi chah xüpcho. Arühnü yocho, “Nü chah xüpba tsü süo?” Ko anyahrütinü abi nowücho ko tangnahcho.
Peter-nü Jisu Münyengchocho
(Mat 26.69-75; Luk 22.56-62; Jhn 18.15-18, 25-27)
66Peter ade yingcheh jowünü kekhüm la tsü pümde kulilarü khüdu rocho. 67Peter mih he püm ngu, abi chah dhingkeh yocho, “Nüh mii Nazaret-rü Jisu te lichoe.”
68Ta abinü hütsü münyengchocho, “Ihnü mümüdhe, nüh tu nengdang chorünang Ihnü münyicheh” ko kubelang chüducho. Hütsüde hüna khongcho.
69Kulilatpü tsünü hütsüla abi ngunü müshüm yarüte thali yocho, “Hivi hi arüh yola khüdue!” 70Ta anyüpiusü Peter-nü münyengchocho.
Azachah lipü, shündhün yarütinü thali Peter mülangjünü yocho, “Nühsü arüh yola khüdu mah pü nühnü mürichehnung, tunüo nühsü Galil lanüe.”
71Hütsütade Peter-nü yocho, “Ihnü yuje yuchüm yore! Ihnü arahkheh chokhang Tsingrangba-nü Ih chokehcholang! Nührünü yoba nyitsarü nengdang tsü Ihnü mümüdhe!”
72Hütsüde hüna anyüpiu khongcho, ko Peter-nü Jisu-nü abi te khüta yocho hütsü lümchehcho, “Hünanü anyüpi mükhongde nühnü Ih mümüdhepü asangpili yonung.” Ko alasih thsangnyangnü tracho.
Currently Selected:
MARK 14: SANGBSI
Highlight
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
MARK 14
14
Jisu Nyüm Arah
(Mat 26.1-5; Luk 22.1-2; Jhn 11.45-53)
1 #
Nüch 12.1-27
Ade Phungkhu Thsüti ko Bhüpza müyohba Hümdhse thsüti chihnung nyümong anyüh licho. Bebü ayingti ko yuzeng adorütinü rangnü Jisu rangnung ko süsohnung nengdang lang yangchicho. 2Arühnü yocho, “Hütsü Ihsanü thsüti bekhyah münguchinungbae, mahkhang nyitsarütinü nyüm yamüsunung.”
Bethany la Jisu Müyühjücho
(Mat 26.6-13; Jhn 12.1-8)
3 #
Luk 7.37-38
Jisu Bethany la mübhira chüroba Simon-rü kuh la pümcho. Ko Jisu yangtsu pümde, khingkurü khüdunü nard#14.3 Nard: Greek-rü jümü vakhala “Spikenard” pü thrah licho ngunung. Hiba axümlichi tuji tsü singdong “Nard” pü dsiba ara lanü nyehchehre. Hiba sing tsü India la du ngunung. müdhsengnü külüpcho amii athsah axümlichi tuji alabaster#14.3 Alabaster Füh: Lihshenü thseh tang külüpcho füh. Ahi bekhyah axümlichi kehba moi ko tuji tsü alihfüh la dengding chingti münatipücho. Ko khode dhsütahnang, hütsüde du abong tsü müprüp-pü khyücheh bichicho. füh khüdu jeng bipü rocho. Abükyünü hütsü müprüp Jisu thah chah tungkehjücho. 4Hütsüla nyitsarü khürülü zichüro khüdunü khüdu te yocho, “Axümlichi kehba tuji tsü müzangnung tu adhsütah-o? 5Hütsü denari thsih asang chah kehnü ipü ailümrü khyang jüba thsako!” Ko arühnü abükyü khatacho.
6Ta Jisu-nü yocho, “Abükyü yah pehjüng! Tuepü abükyü longmüziro? Abükyünü Ite nguchi atsa nguchiko. 7#Azk 15.11Ailümrü nührü te lede linung, ko nührünü tronyüde arüh trochehle. Ta Ihlü nührü te lede mülinung. 8Abükyünü tu kohcho hütsü nguchiko; abükyünü Ih dhrürangnung becho müchie Ifü la axümlichi müyühjüko. 9Ade, Ihnü nührü te yore, limih apümlang khüdederü yuse atsa thsingyunang, abükyünü tu nguchicho hütsü lümcheh chonung.”
Judas-nü Jisu Kihyochünung Nyengchocho
(Mat 26.14-16; Luk 22.3-6)
10Hütsüpü Judas Iskariot, mono dhüreanyüh yola khüdu, bebü ayingti yang Jisu kihyochüjünung nengdang wücho. 11Abinü tu yocho hütsünü arüh künyangcho, ko abi khyang thsi jünung nyengchocho. Hütsünü Judas-nü arüh khyang Jisu khakhuchüjünung thsatsa yangchicho.
Jisu-nü Monoti te Phungkhu Thsüti Tsucho
(Mat 26.17-25; Luk 22.7-14, 21-23; Jhn 13.21-30)
12Bhüpza müyohba Hümdhse Thsüti adikeh nyümong, kangchehnung thsüti nengdang sanzati müpseh nyümong, monotinü abi te tsingdhingcho, “Kangchehnung thsüti tsunungthsa ihrünü nü nengdang khüde wü rungnümsohnyüro?”
13Achotsü, Jisu-nü arüh yolanü nyüh anyüh müthehnü yocho: “Yangdi la tsü züdung, ko nyüh khüdu kih shinga hipü nühjünü mütohnung. Abi iiwüng 14ko abi züduba kuh abüdongrü te tsü young: ‘Athsingyubanü yore, Ih ko I monoti Phungkhu Thsüti tsunung kuh chongshah tsü khüdeo?’ 15Hütsüde abinü arungnümcho amungthri chongsah amülah khüdu nührü te thongunung, hütsüla nührünü Ihsa nengdang adhangpi rungnüm.”
16Monotinü pehjüpü yangdi lang tsü züducho, ko adhangpi Jisu-nü yocho roh-i ngucho; ko arühnü Phungkhu Thsüti tsü rungnümcho.
17Khode nyüzehcho, Jisu-nü mono dhüreanyüh yola rocho. 18#N. Khi 41.9Ko arüh tsingthsang chah yangtsu pümde, Jisu-nü yocho, “Ihnü nührü te yore, Nührü yola Ite yangtsurü khüdunü Ih kihyochüjünung.”
19Monoti tsü longyüpehcho ko abi te khüdu khanglang khüdunü tsingdhingcho, “Hütsü Ih mah-o?”
20Jisu-nü lalingcho, “Hütsü nührü dhüreanyüh yola khüdu, sü hümdhse I tbhü la dhsangnang abi thsanung. 21Nyitsarü Tsurü tsü Azengtachonü yocho roh-i abi sünung; tanye sünü Nyitsarü Tsurü kihyochonang, hütsüba nyitsarü nengdang khüta ahohah! Hütsüba nyitsarü tsülü müsurojungcho atsau thsako!”
Abüdongba Thsüti
(Mat 26.26-30; Luk 22.14-20; 1 Kor 11.23-25)
22Arüh yangtsu yade, Jisu-nü hümdhse khyüpü anengse jücho, chenahcho ko amonoti khyang jücho. Abinü yocho, “Hi khyüng, hi I füe.”
23Hütsüpü abinü shing khüdu khyücho, Tsingrangba khyang anengse jücho, ko arüh khyang jücho; ko arüh atümungnü hütsü lanü yongcho. 24#Nüch 24.8; Jer 31.31-34Jisu-nü yocho, “Hiba hi I shüh khüiba adrong nengdang khatohcho, I shüh khüinü Tsingrangba azengtacho shingkehre. 25Ihnü nührü te yore, Tsingrangba yanglih la cikih asi müyongde Ihnü khodesü hiba cikih thali müyongnung.”
26Hütsüpü arühnü khi khüdu thsapü Olive zonglang tsicho.
Peter-nü Münyengchonung Jisu-nü Yojungcho
(Mat 26.31-35; Luk 22.31-34; Jhn 13.36-38)
27 #
Zek 13.7
Jisu-nü arüh te yocho, “Nührü atümungnü Ih pehjüpü tsikhangnung, tunüo Azengtachonü yore, ‘Tsingrangba-nü san nyahba tsü müpsehnung, ko san apüm tsipitsizanung.’ 28#Mat 28.16Ta Ih kangli ropü khanglang, Ih nührü müngu Galil lang wünung.”
29Peter-nü lalingcho, “Aparü atümungnü nüh pehjünye, Ihnülü nüh khodesü müpehjünung!”
30Jisu-nü Peter te yocho, “Ihnü nüte yore, shomülang hünanü anyüpili mükhongde, nühnü Ih asangpili münyengchonung.”
31Peter-nü khüsha zii yocho, “Ih nüte asünung thsanye, hütsü khodesü Ihnü müyonung!”
Ko mono aparü atümungnü hütsü roh-i du yocho.
Jisu-nü Gethsemane la Dangkhidangnangcho
(Mat 26.36-46; Luk 22.39-46)
32Arühnü Gethsemane dsiba müdüm yang rocho, ko Jisu-nü amonoti te yocho, “Ih dangkhidangnangde nührü hila püm.” 33Abinü Peter, Jakob ko Johan abi te nücho. Abi chah khütang chongcha ko lümtoh rocho. 34Ko abinü arüh te yocho, “I lasih la alongri tsü dirachonü Ih asünung roh-i due. Hila Ite lümkang lieng.”
35Abinü azachah wüpü apu jangjangthsa alih la hapkehcho, ko kohkhang hütsü chongcha bekhyah tsü abi chah mütikehsohnung kihchicho. 36Abinü yocho, “Uwa, nü nengdanglü apüm akohnung du. Hiba chongcha shing hi I chahnü khyümüing. Ta I lümcho mah, nü lümcho thsaang.”
37Hütsüpü abi thali rode mono asang tsü yüpseh ngucho. Abinü Peter te yocho, “Simon, nüh yüpseh lirü ang? Nührünü rehtseh khüdu mii lümkang mülichehrü ang?” 38Ko abinü arüh te yocho, “Nührü athsadsüla mülongnung khengyeng ko dangkhidangnang. Anbülü longphile, ta shutsa la re müzeh.”
39Abinü anyüpili wünü yu sako tsü yo dangkhidangnangcho. 40Hütsüpü abi mono yanglang thali rocho ko arüh yüpseh ngucho; arühnü arüh nah trah mülichehcho. Ko arühnü abi te tu lalingnungnang mümüdhecho.
41Khode abi asangpiu thali rocho, abinü arüh te yocho, “Nührü ade yingcheh kyahshangnü yüpjorü ang? Kükyüko! Bekhyah tsü chipehko: Dhing, Nyitsarü Tsurü münyirü kheh la khakhuchüjünung. 42Shemüsung, Ihsanü wünung. Dhing, Ih kihyochübong tsü hila lile!”
Jisu Rangcho
(Mat 26.47-56; Luk 22.47-53; Jhn 18.3-12)
43Jisu-nü choyade, Judas mono dhüreanyüh yola khüdu ro chihcho. Bebü ayingti, yuzeng dorüti ko azibarütinü müthehcho mülung amülah khüdu nohsheng ko singdümpi bipü abi yola rocho. 44Ihnü müthsüpba nyitsarü tsü nührünü yangchiba tsüe. “Abi rang ko dhingyeh notsieng.”
45Judas ro chihyeng, abinü Jisu yang wüpü yocho, “Athsingyurü” ko abi be müthsüpcho. 46Hütsüde arühnü Jisu rangcho ko rahcho. 47Ta hütsüla yarü yola nyüh khüdunü anohsheng tohcheh amungthriba bebüba kulirü nangku thsüp-pehjücho. 48Hütsüde Jisu-nü arüh te yocho, “Ih yuzeng thsangnyangrü khüdu kyo Ih rangnung nohsheng ko singdümpi bipü ronungthsa kangcho ang? 49#Luk 19.47; 21.37Amübükuh la Ih nührü te nyümong jingnyüh müthe thsingyu licho, ko nührünü Ih mürang. Ta Azengtacho tsü yuje tikehnungbae.”
50Hütsüde monoti atümungnü abi pehjüpü tsipehcho.
51Dhrezarü khüdu, shü ajengpa müpipü Jisu khanglang iiwücho. Arühnü abisü rangnung müküpcho, 52ta ashü mii pehjüpü atbhüdeng shangyoh tsicho.
Jisu Ashimükhong Bete
(Mat 26.57-68; Luk 22.54-55, 63-71; Jhn 18.13-14, 19-24)
53Hütsüpü Jisu tsü bebü amungthriba kuh yang, bebü ayingti, yuzeng adorüti ko azibarüti shibülung lichola nowücho. 54Peter-nü bebü amungthriba kuhbe chiinü ahongkoh thü-thü iiwücho, ko hütsüla roshengrü yola mih henü pümcho. 55Bebü ayingti ko ashimükhong apümnü Jisu süsohnung nengdang abi nyüm yuzi khürü yangchicho, ta arühnü tusü müngucho. 56Adrongnü Jisu nyüm arahkheh yuzi jücho, ta arüh yuzi yube mütrümcho.
57Hütsüde khürünü shemüsu Jisu nyümnü yocho: 58#Jhn 2.19“Ihrünü yuchinü abinü yocho, ‘Ihnü nyitsarünü thsacho amübükuh hi lohnyangpü, nyümong asang khanglang nyitsarünü müthsaba khüdu thsanung.’ ” 59Hütsüsü arüh yuzi mümüjangcho.
60Bebü amungthribanü arüh atümung bete shemüsu Jisu te tsingdhingcho, “Arühnü nüh nyüm yuzi jübala tsü nüh alalingba tu mülirü ang?”
61Ta Jisu-nü ciisü müthsa ko tu müyocho. Anyüpiusü abi te tsingdhingcho: “Müwajübong Tsingrangba Tsurü Mesia tsü nüh mah-o?”
62 #
Dan 7.13
Jisu-nü lalingcho, “Ih-e.” “Ko nührü atümungnü Nyitsarü Tsurü akohba tsalang pümpü ninglang nyükhi la rocho ngunung!”
63Bebü amungthribanü afükhüm rehnah yocho, “Ihsanü yuzi alaa tu müdhsütah! 64#Lev 24.16Abinü Tsingrangba müthsamünyücho nührünü yuchiko. Nührü alümcho tuo?”
Arüh atümungnü, abi thsamehko ko abi sünung alengepü mülangjücho.
65Khürünü Jisu chah müjü müchohkehjümüsucho, ko arühnü anah rümjücho ko abi chah xüpcho. Arühnü yocho, “Nü chah xüpba tsü süo?” Ko anyahrütinü abi nowücho ko tangnahcho.
Peter-nü Jisu Münyengchocho
(Mat 26.69-75; Luk 22.56-62; Jhn 18.15-18, 25-27)
66Peter ade yingcheh jowünü kekhüm la tsü pümde kulilarü khüdu rocho. 67Peter mih he püm ngu, abi chah dhingkeh yocho, “Nüh mii Nazaret-rü Jisu te lichoe.”
68Ta abinü hütsü münyengchocho, “Ihnü mümüdhe, nüh tu nengdang chorünang Ihnü münyicheh” ko kubelang chüducho. Hütsüde hüna khongcho.
69Kulilatpü tsünü hütsüla abi ngunü müshüm yarüte thali yocho, “Hivi hi arüh yola khüdue!” 70Ta anyüpiusü Peter-nü münyengchocho.
Azachah lipü, shündhün yarütinü thali Peter mülangjünü yocho, “Nühsü arüh yola khüdu mah pü nühnü mürichehnung, tunüo nühsü Galil lanüe.”
71Hütsütade Peter-nü yocho, “Ihnü yuje yuchüm yore! Ihnü arahkheh chokhang Tsingrangba-nü Ih chokehcholang! Nührünü yoba nyitsarü nengdang tsü Ihnü mümüdhe!”
72Hütsüde hüna anyüpiu khongcho, ko Peter-nü Jisu-nü abi te khüta yocho hütsü lümchehcho, “Hünanü anyüpi mükhongde nühnü Ih mümüdhepü asangpili yonung.” Ko alasih thsangnyangnü tracho.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.