MARK 15
15
Jisu Pilat Yang Norocho
(Mat 27.1-2, 11-14; Luk 23.1-5; Jhn 18.28-38)
1Nyajang bebü ayingtinü dhsüdhsa azibarü, yuzeng adorüti ko ashimükhong lümchung külüpcho. Arühnü ixilihnü Jisu xohcho ko Pilat khyang nowü jücho. 2Pilat-nü abi te tsingdhingcho, “Jihudarü yangthsaba tsü nüh ang?”
Jisu-nü lalingcho, “Nühnü yoko.”
3Bebü ayingtinü yuzi adrongnü Jisu mülangjücho, 4hütsünü Pilat-nü abi te thali tsingdhingcho, “Nühnü mülalingnung mah-o? Arühnü mülangjüba tsü nyidhing!”
5Adesü Jisu-nü tu mülalingcho ko Pilat nyemüyangcho.
Jisu Süsohnung Mülangjücho
(Mat 27.15-26; Luk 23.13-25; Jhn 18.39—19.16)
6Phungkhu Thsüti müipi arangyohrü yola khüdu müthehnung Pilat tase licho. 7Hütsüde nyüh khüdu anengnü Barabbas akhangtikuh la anyümrü sürünü amülung yübütade nyitsarü müpsehcho, arüh yola licho. 8Khode amülung shibülung Pilat te lede yah roh-i chingcho, 9abinü arüh te yocho, “Nührünü Jihudarü yangthsaba müthehsohnyürü mah-o?” 10Bebü ayingtinü Jisu tsü mükohdhingchonü abi khyang khakhuchüjüchoepü abinü müdhe licho.
11Ta bebü ayingtinü amülung tsü müjühpü, Pilat te, Barabbas uthring müthehng pü züdesohcho. 12Pilat-nü anyüpiu arüh te yocho, “Khanglü, Jihudarü yangthsaba chah tsü tu nguchisohnyüro?”
13Arühnü züde yocho, “Abi hamkehng!”
14Pilat-nü tsingdhingcho, “Abinü tu thsamehcho?” Ta arühnü alaa züdenü yocho, “Abi hamkehng!”
15Pilat-nü amülung tsü künyangsohnyücho, hütsünü abinü Barabbas tsü müthehcho. Hütsüpü abinü Jisu tsü xüpnahsohcho ko hamkehsohnung khakhuchüjücho.
Rothsarütinü Jisu Münyüjücho
(Mat 27.27-31; Jhn 19.2-3)
16Rothsarütinü Jisu tsü yangthsaba kekhüm lang nozüducho ko amülung tsü müjang dsibülungcho. 17Arühnü Jisu chah anyahrüm shü phakehjüpü zingshünü yangthsarü kuthri khüdu chehpü athah la thrijücho. 18Hütsüpü arühnü abi khyang salüm jo yocho: “Jihudarü yangthsabong, kutsüp lieng!” 19Arühnü janü athah la xüpcho, müjü müchokehjücho ko mükhoh thung abi te mükhukehcho. 20Khode arühnü müthsamünyükacho, arühnü anyahrüm shü tsü khohpehjüpü apu jengki thali khyülisohcho. Hütsüpü arühnü abi hamkehnung nücheh tsicho.
Jisu Hamkehcho
(Mat 27.32-44; Luk 23.26-43; Jhn 19.17-27)
21Langla nyüh khüdu anengnü Simon yanglangnü yangdi lang rochi mütohcho, ko rothsarütinü abi khyang Jisu khala khing dhisohcho. (Simon tsü Syrene lanü ko Alexander e Rufus nyüh au.)#Rom 16.13 22Arühnü Jisu tsü Golgotha pü dsiba khüi adüzü, “Thahrü lih” chii norocho. 23Hütsüla arühnü abi khyang cikih te akha tungrütapü tinung müküpcho, ta abinü hütsü müyongjücho. 24Hütsüpü arühnü abi hamkehcho ko arüh yola abi jengki zii thsadhing changtacho.#N. Khi 22.18 25Anyangnyü, düku bekhyah koh arühnü abi hamkehcho. 26Abi mülangjüba müdhesohba tsü hita thrahcho: “JIHUDARÜ YANGTHSABA!” 27Arühnü Jisu yola afüashi khüdu tsalang ko khüdu fülilang hamkehcho. 28Hütsüta, “Abinü afüashi müngu tsü changtacho” pü yoba Amüsa yu tsü tikehsohcho.#Isa 53.12
29Alahkhurü nyitsarünü arüh ku ngah Jisu mükhimüngu yocho, “ Hai! Amübükuh thsangnyangpü hütsü nyümong asangla thsachehbong!#N. Khi 22.7; 109.25; Mrk 14.58; Jhn 2.19 30Ade khala chah tsünü jürung ko nü jangjang khümchoung!”
31Hütsüroh-i bebü ayingti, yuzeng adorütinü Jisu müthsamünyü khüdunü khüdu te yocho, “Abinü aparülü khümchopü, apulü mükhümchochehre! 32Israelrü yangthsabong, Mesia tsü khala chahnü ade jürokhang, ihrünü abi chah yudsinung.”
Ko abi yola hamkehrü anyüh tsünüsü Jisu mükhimüngucho.
Jisu Sücho
(Mat 27.45-56; Luk 23.44-49; Jhn 19.28-30)
33Nyüthungla limih apümlang rehtseh asang mapehcho. 34Asang bekhyahla Jisu-nü yuva amülahnü züdecho, “Eloi, Eloi, lamasabakthani, khüi adüzü, I Tsingrang, I Tsingrang, tuepü nühnü Ih pehjüro?”#N. Khi 22.1
35Hütsüla lirü khürünü hütsü yuchi yocho, “Nyidhing, abi Elija dsichile!” 36Arüh yola nyüh khüdunü shang wünü, münuhsüp acikih la dhsangpü, tbütphü müle chah rahkehpü Jisu be la nyümjo yocho, “Ying! Khala chahnü abi nüchonung Elija ro a müronang!”#N. Khi 69.21
37Hütsüpü yuva amülah chüro Jisu sücho.
38Amübükuh la kitiba shü, athahlangnü alih chii anyüh kang rehrüpcho.#Nüch 26.31-33 39Rothsarü anüchiba, sü khala yingte yacho, abinü Jisu khüta sücho hütsü ngucho. Abinü yocho, “Hiba nyitsarü hi yuje Tsingrangba Tsurü thsako!”
40Hütsüla khingkurü khürü ashulanü dhingyacho. Arüh yola Mary Magdalin, Jakob azaba e Josef nyüh atpa Mary, ko Salome zehnü licho.#Luk 8.2-3 41Arühnü Jisu Galil la lide abi khanglang iiwücho ko trocho. Abi yola Jerusalem lang rocho aparü khingkurüsü adrong hütsüla licho.
Jisu Dhrürangcho
(Mat 27.57-61; Luk 23.50-56; Jhn 19.38-42)
42Nyüzeh rode Arimathia-rü Josef ro chihcho. Abi ashimükhongla nyitsarü atsa khüdu, abi Tsingrangba yanglih ronung yingrü khüdu thsacho. 43Hi arungnümba nyümong thsacho (Sabath nyümong bekhu), achotsü Josef-nü müci mülahnü Pilat te wü Jisu me chingcho. 44Pilat-nü Jisu sükopü yuchi nyemüyangcho. Abinü rothsarü anüchiba dsi Jisu süpü anyahlicho mah-opü tsingcho. 45Anüchiba yusi tsü yuchipü, Pilat-nü me tsü khyünung Josef khyang mülacho. 46Josef-nü shü anana lihpü, me tsü khyüchocho, ko shünü yühpü lung chiphohcho kong la yohpücho. Hütsüpü azüdujila tsü lung arangcheh zehkeh niitipücho. 47Mary Magdalin ko Josef atpa Mary-rünü Jisu me yohpücho tsü ngucho.
Currently Selected:
MARK 15: SANGBSI
Highlight
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
MARK 15
15
Jisu Pilat Yang Norocho
(Mat 27.1-2, 11-14; Luk 23.1-5; Jhn 18.28-38)
1Nyajang bebü ayingtinü dhsüdhsa azibarü, yuzeng adorüti ko ashimükhong lümchung külüpcho. Arühnü ixilihnü Jisu xohcho ko Pilat khyang nowü jücho. 2Pilat-nü abi te tsingdhingcho, “Jihudarü yangthsaba tsü nüh ang?”
Jisu-nü lalingcho, “Nühnü yoko.”
3Bebü ayingtinü yuzi adrongnü Jisu mülangjücho, 4hütsünü Pilat-nü abi te thali tsingdhingcho, “Nühnü mülalingnung mah-o? Arühnü mülangjüba tsü nyidhing!”
5Adesü Jisu-nü tu mülalingcho ko Pilat nyemüyangcho.
Jisu Süsohnung Mülangjücho
(Mat 27.15-26; Luk 23.13-25; Jhn 18.39—19.16)
6Phungkhu Thsüti müipi arangyohrü yola khüdu müthehnung Pilat tase licho. 7Hütsüde nyüh khüdu anengnü Barabbas akhangtikuh la anyümrü sürünü amülung yübütade nyitsarü müpsehcho, arüh yola licho. 8Khode amülung shibülung Pilat te lede yah roh-i chingcho, 9abinü arüh te yocho, “Nührünü Jihudarü yangthsaba müthehsohnyürü mah-o?” 10Bebü ayingtinü Jisu tsü mükohdhingchonü abi khyang khakhuchüjüchoepü abinü müdhe licho.
11Ta bebü ayingtinü amülung tsü müjühpü, Pilat te, Barabbas uthring müthehng pü züdesohcho. 12Pilat-nü anyüpiu arüh te yocho, “Khanglü, Jihudarü yangthsaba chah tsü tu nguchisohnyüro?”
13Arühnü züde yocho, “Abi hamkehng!”
14Pilat-nü tsingdhingcho, “Abinü tu thsamehcho?” Ta arühnü alaa züdenü yocho, “Abi hamkehng!”
15Pilat-nü amülung tsü künyangsohnyücho, hütsünü abinü Barabbas tsü müthehcho. Hütsüpü abinü Jisu tsü xüpnahsohcho ko hamkehsohnung khakhuchüjücho.
Rothsarütinü Jisu Münyüjücho
(Mat 27.27-31; Jhn 19.2-3)
16Rothsarütinü Jisu tsü yangthsaba kekhüm lang nozüducho ko amülung tsü müjang dsibülungcho. 17Arühnü Jisu chah anyahrüm shü phakehjüpü zingshünü yangthsarü kuthri khüdu chehpü athah la thrijücho. 18Hütsüpü arühnü abi khyang salüm jo yocho: “Jihudarü yangthsabong, kutsüp lieng!” 19Arühnü janü athah la xüpcho, müjü müchokehjücho ko mükhoh thung abi te mükhukehcho. 20Khode arühnü müthsamünyükacho, arühnü anyahrüm shü tsü khohpehjüpü apu jengki thali khyülisohcho. Hütsüpü arühnü abi hamkehnung nücheh tsicho.
Jisu Hamkehcho
(Mat 27.32-44; Luk 23.26-43; Jhn 19.17-27)
21Langla nyüh khüdu anengnü Simon yanglangnü yangdi lang rochi mütohcho, ko rothsarütinü abi khyang Jisu khala khing dhisohcho. (Simon tsü Syrene lanü ko Alexander e Rufus nyüh au.)#Rom 16.13 22Arühnü Jisu tsü Golgotha pü dsiba khüi adüzü, “Thahrü lih” chii norocho. 23Hütsüla arühnü abi khyang cikih te akha tungrütapü tinung müküpcho, ta abinü hütsü müyongjücho. 24Hütsüpü arühnü abi hamkehcho ko arüh yola abi jengki zii thsadhing changtacho.#N. Khi 22.18 25Anyangnyü, düku bekhyah koh arühnü abi hamkehcho. 26Abi mülangjüba müdhesohba tsü hita thrahcho: “JIHUDARÜ YANGTHSABA!” 27Arühnü Jisu yola afüashi khüdu tsalang ko khüdu fülilang hamkehcho. 28Hütsüta, “Abinü afüashi müngu tsü changtacho” pü yoba Amüsa yu tsü tikehsohcho.#Isa 53.12
29Alahkhurü nyitsarünü arüh ku ngah Jisu mükhimüngu yocho, “ Hai! Amübükuh thsangnyangpü hütsü nyümong asangla thsachehbong!#N. Khi 22.7; 109.25; Mrk 14.58; Jhn 2.19 30Ade khala chah tsünü jürung ko nü jangjang khümchoung!”
31Hütsüroh-i bebü ayingti, yuzeng adorütinü Jisu müthsamünyü khüdunü khüdu te yocho, “Abinü aparülü khümchopü, apulü mükhümchochehre! 32Israelrü yangthsabong, Mesia tsü khala chahnü ade jürokhang, ihrünü abi chah yudsinung.”
Ko abi yola hamkehrü anyüh tsünüsü Jisu mükhimüngucho.
Jisu Sücho
(Mat 27.45-56; Luk 23.44-49; Jhn 19.28-30)
33Nyüthungla limih apümlang rehtseh asang mapehcho. 34Asang bekhyahla Jisu-nü yuva amülahnü züdecho, “Eloi, Eloi, lamasabakthani, khüi adüzü, I Tsingrang, I Tsingrang, tuepü nühnü Ih pehjüro?”#N. Khi 22.1
35Hütsüla lirü khürünü hütsü yuchi yocho, “Nyidhing, abi Elija dsichile!” 36Arüh yola nyüh khüdunü shang wünü, münuhsüp acikih la dhsangpü, tbütphü müle chah rahkehpü Jisu be la nyümjo yocho, “Ying! Khala chahnü abi nüchonung Elija ro a müronang!”#N. Khi 69.21
37Hütsüpü yuva amülah chüro Jisu sücho.
38Amübükuh la kitiba shü, athahlangnü alih chii anyüh kang rehrüpcho.#Nüch 26.31-33 39Rothsarü anüchiba, sü khala yingte yacho, abinü Jisu khüta sücho hütsü ngucho. Abinü yocho, “Hiba nyitsarü hi yuje Tsingrangba Tsurü thsako!”
40Hütsüla khingkurü khürü ashulanü dhingyacho. Arüh yola Mary Magdalin, Jakob azaba e Josef nyüh atpa Mary, ko Salome zehnü licho.#Luk 8.2-3 41Arühnü Jisu Galil la lide abi khanglang iiwücho ko trocho. Abi yola Jerusalem lang rocho aparü khingkurüsü adrong hütsüla licho.
Jisu Dhrürangcho
(Mat 27.57-61; Luk 23.50-56; Jhn 19.38-42)
42Nyüzeh rode Arimathia-rü Josef ro chihcho. Abi ashimükhongla nyitsarü atsa khüdu, abi Tsingrangba yanglih ronung yingrü khüdu thsacho. 43Hi arungnümba nyümong thsacho (Sabath nyümong bekhu), achotsü Josef-nü müci mülahnü Pilat te wü Jisu me chingcho. 44Pilat-nü Jisu sükopü yuchi nyemüyangcho. Abinü rothsarü anüchiba dsi Jisu süpü anyahlicho mah-opü tsingcho. 45Anüchiba yusi tsü yuchipü, Pilat-nü me tsü khyünung Josef khyang mülacho. 46Josef-nü shü anana lihpü, me tsü khyüchocho, ko shünü yühpü lung chiphohcho kong la yohpücho. Hütsüpü azüdujila tsü lung arangcheh zehkeh niitipücho. 47Mary Magdalin ko Josef atpa Mary-rünü Jisu me yohpücho tsü ngucho.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.