HONGTHONHOI CHHI 1
1
1Atsüojin Theofila: Jüthsam aya nouko Yisuüh apa chhi ayalo taonai chhi nou naiuso atsandetsün apem thaiutha sat 2nung apa aün ai mosungankün ajekhaiuko yangkü. Asio Onthso oukong tsangkü chosankü taiutsün khaiuniahoi apa sahoi hau alotsüo nouso kium. 3Loüh apa ekütün phiai ngüso dongai aopülenyi chikü apa sungkü, Goa nokshing thaiutha ngio chitekü yam piakü nou mitha kiukü meshen chija ngüso tü aa han. 4Ngüsoko aikü kamshikü noinai, apaüh ngüso hau ngiokhem kiukü ngiom, “Yirusalem ainou lakhu, lüko Po nou thaloutsün sübao asamüh ngü ainou lula, nung thaiutha taiukü anoi. 5Tititenai Yohanüh to khiamai limkiu, lüko ajekhaiu piakü mokhukün mongko asam Asio Onthso nai limkiu-e.”
Yisu Aün ai Sunganji
6Tilai ngüso aikü kamshin, ngüsoüh apa tü sangkü ngiom, “Apaou, ni lo Israel hau nokshing nou laokü kiu-emo?”
7Apaüh ngüso tü ngiom, “Ataothat sübao Po nou meshen oukong nai taiukü noin, nungso asamüh ngeau ayam tsünoi. 8Lüko tilai Asio Onthso asam dongai shikü noi-e, asamüh oukong eppe, küta Yirusalem nai, Yihuda si Samaria apemai, naiuso goumchi athon saokü jüthaiutha mitha kiuau asam the-e.” 9Apaüh nung ngio chitekütün phiai, ngüsoüh thapkü noinai, apa aün ai niakü sungan, naiuso ngüso niokuo ainou thengmia nou apa lalokü khuwan.
10Apa khutao ngüso aün ai thaplutkü noinai, ngüso dongko shimkü khaiunia nime ne athaiu tenkü tsa. 11Nungaih ngüneüh ngiom, “Galil hai, asam tiauta aün nai thapkü tsaji? Nung Yisu, sau aün nai niakü sungji titi apa aün ai sungkü ep, nungtilu apa laokü shi-e.”
Yihuda Sali
12Nungaih Olip ta jontsün king ainou ngüso Yirusalemai laokü khu, nung king Yirusalem shimkü mail ayantso tsakeiau yam noiküla. 13Ngüso shiküta ngüso noitsün asongthon tsampai nai sungkü noi. Nungko ngüso Peter, Yohan, Yakob, Andria, Filip, Toma, Bartolomai, Mathi, Alfia thso nou Yakob, Zelot ta jontsün Simon, naiuso Yakob thso nou Yihuda noiküla. 14Ngüso asaita nyiuhai nousoko, naiuso Yisu nyiu Mari si apa niosoko, mongpem tsak thekü misao nai mongkü kamshikü noi.
15Naiuso nungso ajekhaiuko deisinioso ongko Peter tsaküta ngiom, (nungko khaiunia mepem 120 thatso noiküla.) 16“Deisinioso,” “sauüh Yisu thaloutsünso tü yamhan, nung Yihuda thaiutha ti Asio Onthso nou kümi David son tsangkü ngiom, nung Asiongio shinapkü hau noiküla. 17Yihuda Iskariot samhoi ongko khaiunia tsak noiküla, tititenai apa haoson sam chhi nai chosanhakü noiküla.”
18Lo nung khaiunia nou apa angei mai nou goh tsak ep; naiuso khathaothiokü salikü, apa thai lopai, naiuso thaisisai apem ongshian. 19Yirusalem nai noitsünso chikü nou nung thaiutha lula, naiuso ngüsoüh ngüso ngionai nung goh nou tü Akeldama ta jon, nung athat “She Goh.”
20“Tititenai Nianlom Jih Thsam nai nung satkü noin,
‘Apa tsam akeng lü-iula;
nungko sau lakih-i.’
Loüh nungti satkü taim,
‘Apa chhithangko amaohai lüthe-i.’
21“Nungtiphe Apaou Yisu ahkü shitsün mitha au samko tsak haau noin. Nung khaiunia nou Apaou Yisu samko atao apem, 22Yohanüh limkiutsün ngem chimtsün atao ainou Yisu sam ainou aün ai niakü mosungankün ajekhaiu saokü tsakeikü shitsünko hatsün tsak theau noin.”
23Barsaba ta jontsün Yosep (sautü Yusta ta lüko jonkü noiküla) naiuso Mathia ne ngüsoüh chosan. 24Ngüsoüh misao saokü ngiom, “Apem mong ngetsün Apaou, Yihuda sau ayathsüotsün naiuso honghoi chhi ainou salian, apa thangko theau, 25nung chhi lopungau thaiutha nung khaiunia nime ongko ni sau shingsan sam tü ahan.” 26Ngüsoüh ngüne thaiutha phongdenai Mathia theau han. Nungtiphe apa honghoi chekü tsak nouko haove nai velutha.
Currently Selected:
HONGTHONHOI CHHI 1: KHIABSI
Highlight
Share
Copy
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.
HONGTHONHOI CHHI 1
1
1Atsüojin Theofila: Jüthsam aya nouko Yisuüh apa chhi ayalo taonai chhi nou naiuso atsandetsün apem thaiutha sat 2nung apa aün ai mosungankün ajekhaiuko yangkü. Asio Onthso oukong tsangkü chosankü taiutsün khaiuniahoi apa sahoi hau alotsüo nouso kium. 3Loüh apa ekütün phiai ngüso dongai aopülenyi chikü apa sungkü, Goa nokshing thaiutha ngio chitekü yam piakü nou mitha kiukü meshen chija ngüso tü aa han. 4Ngüsoko aikü kamshikü noinai, apaüh ngüso hau ngiokhem kiukü ngiom, “Yirusalem ainou lakhu, lüko Po nou thaloutsün sübao asamüh ngü ainou lula, nung thaiutha taiukü anoi. 5Tititenai Yohanüh to khiamai limkiu, lüko ajekhaiu piakü mokhukün mongko asam Asio Onthso nai limkiu-e.”
Yisu Aün ai Sunganji
6Tilai ngüso aikü kamshin, ngüsoüh apa tü sangkü ngiom, “Apaou, ni lo Israel hau nokshing nou laokü kiu-emo?”
7Apaüh ngüso tü ngiom, “Ataothat sübao Po nou meshen oukong nai taiukü noin, nungso asamüh ngeau ayam tsünoi. 8Lüko tilai Asio Onthso asam dongai shikü noi-e, asamüh oukong eppe, küta Yirusalem nai, Yihuda si Samaria apemai, naiuso goumchi athon saokü jüthaiutha mitha kiuau asam the-e.” 9Apaüh nung ngio chitekütün phiai, ngüsoüh thapkü noinai, apa aün ai niakü sungan, naiuso ngüso niokuo ainou thengmia nou apa lalokü khuwan.
10Apa khutao ngüso aün ai thaplutkü noinai, ngüso dongko shimkü khaiunia nime ne athaiu tenkü tsa. 11Nungaih ngüneüh ngiom, “Galil hai, asam tiauta aün nai thapkü tsaji? Nung Yisu, sau aün nai niakü sungji titi apa aün ai sungkü ep, nungtilu apa laokü shi-e.”
Yihuda Sali
12Nungaih Olip ta jontsün king ainou ngüso Yirusalemai laokü khu, nung king Yirusalem shimkü mail ayantso tsakeiau yam noiküla. 13Ngüso shiküta ngüso noitsün asongthon tsampai nai sungkü noi. Nungko ngüso Peter, Yohan, Yakob, Andria, Filip, Toma, Bartolomai, Mathi, Alfia thso nou Yakob, Zelot ta jontsün Simon, naiuso Yakob thso nou Yihuda noiküla. 14Ngüso asaita nyiuhai nousoko, naiuso Yisu nyiu Mari si apa niosoko, mongpem tsak thekü misao nai mongkü kamshikü noi.
15Naiuso nungso ajekhaiuko deisinioso ongko Peter tsaküta ngiom, (nungko khaiunia mepem 120 thatso noiküla.) 16“Deisinioso,” “sauüh Yisu thaloutsünso tü yamhan, nung Yihuda thaiutha ti Asio Onthso nou kümi David son tsangkü ngiom, nung Asiongio shinapkü hau noiküla. 17Yihuda Iskariot samhoi ongko khaiunia tsak noiküla, tititenai apa haoson sam chhi nai chosanhakü noiküla.”
18Lo nung khaiunia nou apa angei mai nou goh tsak ep; naiuso khathaothiokü salikü, apa thai lopai, naiuso thaisisai apem ongshian. 19Yirusalem nai noitsünso chikü nou nung thaiutha lula, naiuso ngüsoüh ngüso ngionai nung goh nou tü Akeldama ta jon, nung athat “She Goh.”
20“Tititenai Nianlom Jih Thsam nai nung satkü noin,
‘Apa tsam akeng lü-iula;
nungko sau lakih-i.’
Loüh nungti satkü taim,
‘Apa chhithangko amaohai lüthe-i.’
21“Nungtiphe Apaou Yisu ahkü shitsün mitha au samko tsak haau noin. Nung khaiunia nou Apaou Yisu samko atao apem, 22Yohanüh limkiutsün ngem chimtsün atao ainou Yisu sam ainou aün ai niakü mosungankün ajekhaiu saokü tsakeikü shitsünko hatsün tsak theau noin.”
23Barsaba ta jontsün Yosep (sautü Yusta ta lüko jonkü noiküla) naiuso Mathia ne ngüsoüh chosan. 24Ngüsoüh misao saokü ngiom, “Apem mong ngetsün Apaou, Yihuda sau ayathsüotsün naiuso honghoi chhi ainou salian, apa thangko theau, 25nung chhi lopungau thaiutha nung khaiunia nime ongko ni sau shingsan sam tü ahan.” 26Ngüsoüh ngüne thaiutha phongdenai Mathia theau han. Nungtiphe apa honghoi chekü tsak nouko haove nai velutha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.