HONGTHONHOI CHHI 2
2
Asio Onthso Saotsün
1Tilai aopungonyi ajekhaiu nou shin, amonglamhoi nouso chikü aikü athang tsak ko kamshin. 2Nungai alekta aün ainou asheih thsüokü shitsün ngemli shin naiuso nungko ngüso kamnoitsün tsam mean. 3Nungai ngüsoüh in nou lei khekkü pengkü saotsün ep naiuso nungko noitsün khaiunia pungkü da hülut. 4Nungko ngüso chikü Asio Onthso nou mean naiuso Onthso nou shingio-ikü ngüso chikü amaohai ngioko chitejikan.
5Lo goumchi shingkhannio chikü ainou shitsün, don nai paotsangkü tsüojintsün Yihudahai Yirusalemai kihkü noiküla. 6Tilai ngüsoüh nung ngem lula, nungko hoi asong tsak kamshi, ngüso soisoileklek, tititenai khaiunia pungkü nou momo ngioko chitekü ngüsoüh lula. 7Ngüso chikü soisoileklek naiuso ngakü ngiom, “nung ngio chitetsunso apem Galilhai tsüdeso? 8Naito titi thekü sam pungkü nou momo ngioko lulaji? 9Sam Partiahai, Mediahai, Elamhai, Mesopotamiahai, naiuso Yihuda, Kapadokia, Ponta, Asiahai noin. 10Frukia, Pamfulia, Ijip naiuso Kurini lemkü noitsün Libia ajantso ainou, naiuso Yihudahai tsüdekü melemaohai, naiuso Yihudahai don thetsün Rom ainou asailotsünso, 11Kret naiuso Arabiahai, Goa athanga chhi samüh sam ngioko ngüsoüh chitekü luji!” 12Ngüso apem soisoileklek, naiuso yangelatkü tsaküh tsak tü ngiom, “Nung ti athat alat noin?”
13Lüko amaohaiüh lonyaikü ngiom, “Ngüso thengshe nou tokkatiu!”
Peterüh Chite
14Nungai honghoi chekü tsak nouso ongko Peter tsaküta hoi asong nou tü sangh asong nou chimau yachu: “Deisinio Yihudahai naiuso asam Yirusalem nai kihtsünso apem, ngütü anglu naiuso nung ti thaiutha ngioji ngü nung asam hau chiteko. 15Tititenai asamüh yangtsünli nungso tü theng nou tsütok, tiautenai lo lükao baji thatsolu noin. 16Lüko nung thaiutha E-po Yoel tsangkü khapiam ngio chitekü noin:
17‘Goa nou ngiom,
Athon ajekhaiu nai atsüojin thso apem hau jü Onthso kheplutkiu-e.
Naiuso oumhoi nousoüh atsangshei eppe,
naiuso petchehoi nousoüh mea meane.
18Ah, nungso ajekhaiu nai Ngo yathsüotsün nyiuhai naiuso pohai khako Ngo jü Onthso kheplutkiu-e.
19Akhengai aün nai athanga, naiuso akhemai goh ai ii,
nungti she, in naiuso inkhao Ngo han-e.
20Nung asong naiuso niansong Apaou ajekhaiu moshisaokünai,
aje nou nyakhem iulakü naiuso alei nou sheli aseng iulakü khu-e.
21Naiuso nungti noi-e, sauhaiüh Apaou nianko jone ngüso kipsane.’
22“Deisinio Israelhai, nung ngio nouso tü anglu! Goa mongtsamtsün Khaiunia Tsak Nazarethai Yisu, asam tü chhi asong athanga naiuso ii nouso sübao tsangkü Goa nou chhin nung han. 23Goa mongthat naiuso ayang nou Apa thumkü kiukü ngiokhem tsüngekünso pha nou apa paiphu nai lalutkü loat. 24Lüko Goa nou ee oukong sokkü Apa ahkü shi-in, tititenai ee oukong nou Apa thayangau tsüshiokü noiküla. 25Tititenai Davidüh apa thaiutha ngiom,
‘Apaou jükhako ngü asai ep;
ngo tsüangjakü hau apa ngo shimkü noin.
26Nung shioko jümongpem monglengkü noiküla, naiuso jü le monglingat naiuso loüh jüpem eantsün lüko ayangtaiu apa da aalo nai noi-e.
27Tititenai ni jüpem aa ee nok nai tsütaiu-e,
tsüdekünai anyih asio choiankü tsükhu-e.
28Aa yam nouso ni ngü tü han,
ni ngo akhako amongling nou meani-e.’
29“Deisinioso, Poteng David thaiutha apa ee naiuso khanan, naiuso apa etam lonyi saokü samko noin ta ngo asam tü atsüoteng ngioau shio. 30Nungti E-po tsakphe, naiuso apa le ainou tsak apa nokpao noikham nai noi-e ta Goa nou apatü thalotsün ngekü: 31Goa nou khaai ti chhiau noiküla, nung Davidüh ep, nungtiphe apaüh Mesia ahkü shitsün thaiutha chitekü ngiom. 32Nung Yisu Goa nou ahkü shi-in, nung khaiunia mitha sam chikü noin. 33Nungtiphe Goa uai loksankü Asio Onthso thaloutsün Po ainou losanküta, asamüh sübao epji naiuso luji, nung apaüh kheplutkiu-e. 34Tititenai David aün ai tsüsung, lüko apaüh meshen chija ngiom,
‘Apaou nou ngü nou Apaou tü ngiom,
35Ngo ni ün eh ahok khemai motaiukün lektso Ni Ngüko uai anoi.’
36“Nungtiphe nung Yisu sau asamüh paiphu nai lalut, Goa nou apa Apaou naiuso Khrista iula-i ta Israel shingkhan apem nou atsüoteng lüngelo!”
37Tilai ngüsoüh nung lula, ngüso mongpemai pep, naiuso Peter si amao honghoi nouso tü ngiom, “Deisinioso, samüh ti chhi-e?”
38Peterüh ngüsotü ngiom, “Asam angei wan epau thaiutha asam mong lüphokle, naiuso asam khaiunia pungkü Yisu Khrista nianko khiamai lülim, naiuso Asio Onthso paopei asamüh eppe. 39Tititenai asam si asam thsoso, naiuso kumai noitsün apem Apaou sam Goaüh titso apa dongai jone nungtitso thaiutha athalotsün noin.”
40Amao ngio piakü nou apaüh mitha kiu, naiuso ngüso tü lotsüokü ngiom, “nung akaosai vetao khako angja shitsün ainou asamüh asam chija lükipsanlo!” 41Nungaih apa ngio lutsünso limkiu naiuso nungnyi khaiunia haove heng 3, 000 thatso ngüsoko velut. 42Naiuso honghoi nouso achimtsün naiuso jeiaitsün nai, themtsai ngeppekkü misao saokü ngüso thatü mongkü aikü noi.
43Khaiunia pungkü hat naiuso nungko athanga si ii piakü honghoi tsangkü chhin. 44Amonglamhoi apem aikü noi, naiuso jengtsaiu apem aikü ün iula. 45Ngüsoüh momoüh taiu nou jengtsaiu nouso jan, küta khaiunia pungkü momo pohtsün yangkü apem hau sunkiu. 46Ngüso mongyang tsakhau thekü ajekhaiu pungkü amkham tsamai noi. Naiuso amongling nou themtsai ngeppekkü tsamai saitha mongpem nou ngüsoüh heshiu. 47Ngüso tü khaiunia apem nou Goa hau nianlom kiukü meikü yangkiu. Naiuso ajekhaiu tsütokü amonglamtsünso Apaou nou ngüsoko haove nai halut-i.
Currently Selected:
HONGTHONHOI CHHI 2: KHIABSI
Highlight
Share
Copy
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.
HONGTHONHOI CHHI 2
2
Asio Onthso Saotsün
1Tilai aopungonyi ajekhaiu nou shin, amonglamhoi nouso chikü aikü athang tsak ko kamshin. 2Nungai alekta aün ainou asheih thsüokü shitsün ngemli shin naiuso nungko ngüso kamnoitsün tsam mean. 3Nungai ngüsoüh in nou lei khekkü pengkü saotsün ep naiuso nungko noitsün khaiunia pungkü da hülut. 4Nungko ngüso chikü Asio Onthso nou mean naiuso Onthso nou shingio-ikü ngüso chikü amaohai ngioko chitejikan.
5Lo goumchi shingkhannio chikü ainou shitsün, don nai paotsangkü tsüojintsün Yihudahai Yirusalemai kihkü noiküla. 6Tilai ngüsoüh nung ngem lula, nungko hoi asong tsak kamshi, ngüso soisoileklek, tititenai khaiunia pungkü nou momo ngioko chitekü ngüsoüh lula. 7Ngüso chikü soisoileklek naiuso ngakü ngiom, “nung ngio chitetsunso apem Galilhai tsüdeso? 8Naito titi thekü sam pungkü nou momo ngioko lulaji? 9Sam Partiahai, Mediahai, Elamhai, Mesopotamiahai, naiuso Yihuda, Kapadokia, Ponta, Asiahai noin. 10Frukia, Pamfulia, Ijip naiuso Kurini lemkü noitsün Libia ajantso ainou, naiuso Yihudahai tsüdekü melemaohai, naiuso Yihudahai don thetsün Rom ainou asailotsünso, 11Kret naiuso Arabiahai, Goa athanga chhi samüh sam ngioko ngüsoüh chitekü luji!” 12Ngüso apem soisoileklek, naiuso yangelatkü tsaküh tsak tü ngiom, “Nung ti athat alat noin?”
13Lüko amaohaiüh lonyaikü ngiom, “Ngüso thengshe nou tokkatiu!”
Peterüh Chite
14Nungai honghoi chekü tsak nouso ongko Peter tsaküta hoi asong nou tü sangh asong nou chimau yachu: “Deisinio Yihudahai naiuso asam Yirusalem nai kihtsünso apem, ngütü anglu naiuso nung ti thaiutha ngioji ngü nung asam hau chiteko. 15Tititenai asamüh yangtsünli nungso tü theng nou tsütok, tiautenai lo lükao baji thatsolu noin. 16Lüko nung thaiutha E-po Yoel tsangkü khapiam ngio chitekü noin:
17‘Goa nou ngiom,
Athon ajekhaiu nai atsüojin thso apem hau jü Onthso kheplutkiu-e.
Naiuso oumhoi nousoüh atsangshei eppe,
naiuso petchehoi nousoüh mea meane.
18Ah, nungso ajekhaiu nai Ngo yathsüotsün nyiuhai naiuso pohai khako Ngo jü Onthso kheplutkiu-e.
19Akhengai aün nai athanga, naiuso akhemai goh ai ii,
nungti she, in naiuso inkhao Ngo han-e.
20Nung asong naiuso niansong Apaou ajekhaiu moshisaokünai,
aje nou nyakhem iulakü naiuso alei nou sheli aseng iulakü khu-e.
21Naiuso nungti noi-e, sauhaiüh Apaou nianko jone ngüso kipsane.’
22“Deisinio Israelhai, nung ngio nouso tü anglu! Goa mongtsamtsün Khaiunia Tsak Nazarethai Yisu, asam tü chhi asong athanga naiuso ii nouso sübao tsangkü Goa nou chhin nung han. 23Goa mongthat naiuso ayang nou Apa thumkü kiukü ngiokhem tsüngekünso pha nou apa paiphu nai lalutkü loat. 24Lüko Goa nou ee oukong sokkü Apa ahkü shi-in, tititenai ee oukong nou Apa thayangau tsüshiokü noiküla. 25Tititenai Davidüh apa thaiutha ngiom,
‘Apaou jükhako ngü asai ep;
ngo tsüangjakü hau apa ngo shimkü noin.
26Nung shioko jümongpem monglengkü noiküla, naiuso jü le monglingat naiuso loüh jüpem eantsün lüko ayangtaiu apa da aalo nai noi-e.
27Tititenai ni jüpem aa ee nok nai tsütaiu-e,
tsüdekünai anyih asio choiankü tsükhu-e.
28Aa yam nouso ni ngü tü han,
ni ngo akhako amongling nou meani-e.’
29“Deisinioso, Poteng David thaiutha apa ee naiuso khanan, naiuso apa etam lonyi saokü samko noin ta ngo asam tü atsüoteng ngioau shio. 30Nungti E-po tsakphe, naiuso apa le ainou tsak apa nokpao noikham nai noi-e ta Goa nou apatü thalotsün ngekü: 31Goa nou khaai ti chhiau noiküla, nung Davidüh ep, nungtiphe apaüh Mesia ahkü shitsün thaiutha chitekü ngiom. 32Nung Yisu Goa nou ahkü shi-in, nung khaiunia mitha sam chikü noin. 33Nungtiphe Goa uai loksankü Asio Onthso thaloutsün Po ainou losanküta, asamüh sübao epji naiuso luji, nung apaüh kheplutkiu-e. 34Tititenai David aün ai tsüsung, lüko apaüh meshen chija ngiom,
‘Apaou nou ngü nou Apaou tü ngiom,
35Ngo ni ün eh ahok khemai motaiukün lektso Ni Ngüko uai anoi.’
36“Nungtiphe nung Yisu sau asamüh paiphu nai lalut, Goa nou apa Apaou naiuso Khrista iula-i ta Israel shingkhan apem nou atsüoteng lüngelo!”
37Tilai ngüsoüh nung lula, ngüso mongpemai pep, naiuso Peter si amao honghoi nouso tü ngiom, “Deisinioso, samüh ti chhi-e?”
38Peterüh ngüsotü ngiom, “Asam angei wan epau thaiutha asam mong lüphokle, naiuso asam khaiunia pungkü Yisu Khrista nianko khiamai lülim, naiuso Asio Onthso paopei asamüh eppe. 39Tititenai asam si asam thsoso, naiuso kumai noitsün apem Apaou sam Goaüh titso apa dongai jone nungtitso thaiutha athalotsün noin.”
40Amao ngio piakü nou apaüh mitha kiu, naiuso ngüso tü lotsüokü ngiom, “nung akaosai vetao khako angja shitsün ainou asamüh asam chija lükipsanlo!” 41Nungaih apa ngio lutsünso limkiu naiuso nungnyi khaiunia haove heng 3, 000 thatso ngüsoko velut. 42Naiuso honghoi nouso achimtsün naiuso jeiaitsün nai, themtsai ngeppekkü misao saokü ngüso thatü mongkü aikü noi.
43Khaiunia pungkü hat naiuso nungko athanga si ii piakü honghoi tsangkü chhin. 44Amonglamhoi apem aikü noi, naiuso jengtsaiu apem aikü ün iula. 45Ngüsoüh momoüh taiu nou jengtsaiu nouso jan, küta khaiunia pungkü momo pohtsün yangkü apem hau sunkiu. 46Ngüso mongyang tsakhau thekü ajekhaiu pungkü amkham tsamai noi. Naiuso amongling nou themtsai ngeppekkü tsamai saitha mongpem nou ngüsoüh heshiu. 47Ngüso tü khaiunia apem nou Goa hau nianlom kiukü meikü yangkiu. Naiuso ajekhaiu tsütokü amonglamtsünso Apaou nou ngüsoko haove nai halut-i.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.