APUNG ANYIM 35
35
Yakob Bethel nai Ouk Kiuji
1Goa nou Yakob tü ngiom, “Tsaloukü Bethel nai lükhu, küta nungaih lükih. Nungai ni adei Esau ainou khulükhuntsün taoko niko phetetsün Goa Ngo, hau nungko asio amthang tsak lüshan.”
2Nungtiphe Yakobüh apa tsammongso naiuso apako hakü noinso apem tü ngiom, “Asamüh taiutsün melemao sotsom goa nouso lüwannan, asam losioküta neshe ayan lütholo. 3Goa sau ngo khutsün apemai asai hakü noiküla, ngo angja taoko sauüh ngo hachu, apa hau ngo amthang tsak lahkiuau sam nung wankü Bethel nai khuau noin.” 4Nungtiphe ngüsoüh melemao sotsom goa, ngüsoüh taiutsün chikü kiuwan naiuso loüh ngüsoüh taotsün noutao lokamkü ta kiuwan. Apaüh nungso Shekem shimkü lampai khem nai khanan.
5Tilai Yakob naiuso apa thsoso nung athang wankü khuau tsalou, nung shimkü noitsün noksong nouso khako ahat asong tsak shin, küta ngüsoüh ngüso tü tsükom. 6Yakob, Kanan goumchi nai apa khaiuniaso apem hakü Luz ai, lo tisübao tü Bethel ta jonji, nungai shin. 7Apaüh nungai asio amthang tsak shan küta nung athang nou tü Bethel ta jon, tiautenai Goa Yakob ko apa dei ainou khulükhuntsün tao nungko phetekü noiküla. 8Rebeka tü paotsangtsün Debora ean küta Bethel tü ajepekki nai lampai khemko khanan. Nungtiphe nungtü, “Ashaptsün Lampai” ta jon.
9Tilai Yakob Mesopotamia ainou laokü shin, Goa nou apa dongai sungkü apa ouk kiu. 10Goa nou apa tü ngiom, “Anian Yakob noin, lüko lo nai yakü nung Israel” ta noi-e, nungti Goa nou apa Israel ta niankiu. 11Naiuso Goa nou apa tü ngiom, “Ngo Akongting Goa noin. Chetsinyimkü singkü lükhu. Mele piakü ni ainou nyimsane, naiuso ni nokpao nouso paoteng noi-e. 12Ngo Abraham naiuso Isak ne hau kiutsün goumchi ni hau kiu-e, naiuso ngo loüh aphiai chetsinyimtsün athsao- sithsoso hau lüko kiu-e.” 13Nungphiai Goa nou apa wankü khuwan. 14Nungko, Goa apako chitetsün athang ko, Yakobüh ayangshitsün lung tsak kitaiu küta theng naiuso Olip khiam thsalutkü losiokü taiu. 15Apaüh nung athang nou tü Bethel ta jon.
Rachel Ean
16Yakob naiuso apa tsammong- soüh Bethel wankü khu, naiuso tilai ngüso Efrat athang ainou loüh ajette intso noishiküla, Rachelüh methso chettao atao saojikan, naiuso apa methso chet taoko akhemloau chekkü noiküla. 17Tilai apa methso chetloau thaikiatsün tsaokü iulawan, methso chet tao paotsangtsün nou apa tü ngiom, “Lahatkü lünoi, Rachel, nung loüh melothso noin.” 18Lüko apa ean tao noiküla, küta apa iilo athonting khako, apaüh melothso nou Benoni ta niankiu, lüko apa poüh apa nian Benjamin ta niankiu.
19Tilai Rachel ean, apa Efrat ai khutsün yam dongko khanan, lo nung tü Betlehem ta jonji. 20Yakobüh nungko ayangsanao lung tsak kitaiu, naiuso nung lonyi saokü Rachel etam ta ii noin. 21Yakob kha ai tsülaokü khuküta Eder ehüpuo ta la-ekü athang tsak ko apaüh apa nejenkhio lahsan.
Yakob Thsoso.
(1 Ateng 2:1-2)
22Yakob nung goumchi nai kihkü noitsün taoko, Reubenüh sua menyiu tsamki Bilha ko emsaikü noiküla, Yakobüh nung thaiutha lulakü thatü mongmat sungh.
Yakob thso melo chekü nime noiküla: 23Lea thsoso Reuben (thso yamchong,) Simeon, Levi, Yihuda, Isakar, naiuso Zebulun. 24Rachel thsoso: Yosep naiuso Benjamin, 25Rachel ün sua menyiu Bilha thsoso: Dan naiuso Naptali. 26Lea ün sua menyiu Zilpa thsoso: Gad naiuso Asher. Nungso melothso nouso Mesopotamia nai kih taoko chet.
Isak Ean
27Yakob, Abraham naiuso Isak kihtsün Hebron shimkü Mamre tsamei nai apa po Isak dongai khu. 28Isak aakihlaiu pon 180 sunkü kihküta ean, 29naiuso apa thso Esau naiuso Yakobüh apa khanan.
Currently Selected:
APUNG ANYIM 35: KHIABSI
Highlight
Share
Copy
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.
