Ranehlö 36
36
Mikūönö Isô
(1 Kinṙöt 1.34-37)
1Chā-a yin vē kūön Isô (angā-aṅ ang Ētöm). 2Kē pīhöre ang Isô tö kikānö kūön aṅ Kanā-an; tö Ātā kikānö kūön Ēlön aṅ Hitāit, Ahōlipamā inrē kikānö kūön Āna ök kikānö kūön Sipīön aṅ Hivāit; 3Pasĕmat inrē kikānö kūön Ismael, kanānö Nepayòt 4Kayôḵnyö kūön Isô ang Āta tö Elifas; kayôḵnyen Rūel ang Pasĕmat; 5Kayôḵnyen Yi-eus ang Ahōlipamā, Yalam, Kōra inrē: cha-a yin vē kikōnyö kūön Isô, tökayôḵnyu nö im panam Kanā-an.
6Kē yik pīhöre ang Isô, tö yik kikōnyö kūönre, yik kūönre kikānö inrē, ṙòkhöre inrē yik tarik aṅ patī ò, nuk nuā ò, ṙòkhöre nuk töṙeūla inrē, ṙòkhöre nuk chehen ò, nuk hamūllö ò nö ip panam Kanā-an; kiröönngöre ngaich angā-aṅ nö marôvat tök kahëmre Yāköp. 7Pò nuk inlānen cha nö yāha ṙôken lökten cha nö ötkô nö holtöṙahre; ngaich ngam panam chūök cha nö rahëichtaṙen nö iyöng nö ötkô tö cha tökūö nuk nuā cha. 8Iyöng kui ök rôngö Sē-ir ngaich ang Isô: Ētöm ön kòl Isô.
9Vē yin kūön Isô ök kikōnyö yöng yik aṅ Ētöm ikui ök rôngö Sē-ir. 10Në nun minë-eny yik kikōnyö kūön Isô: Elifas ök kikōnyö kūön Āta ök pīhö Isô, Rūel ök kikōnyö kūön Āta ök pīhö Isô, Rūel ök kikōnyö kūön Pasĕmat ök pīhö Isô. 11Tēman, Omar, Sĕfu, Katam, Kēnas inrē, kikōnyö kūön Elifas. 12Timnā ök hayōmken Elifas kikānö, ök kikōnyö kūön Isô; ngaich kayôḵnyö kūön Elifas angā-aṅ tö Amālek: achā-a yin vē kikōnyö kūön Āta ök pīhö Isô. 13Vē kikōnyö kūön Rūel; Nahat, Sīra, Sāma, Misa inrē; chā-a yin vē kikōnyö kūön Pasĕmat ök pīhö Isô. 14Vē yin kikōnyö kūön Ahōlipamā; ök kikānö kūön Āna, ök kikānö kūön Sipīön pīhö Isô: kayôḵnyö kūön Isô angā-aṅ tö Yi-eus, Yalam, Kōra inrē.
15Cha-a yin vē mā vē kikōnyö kūön Isô: yik kikōnyö kūön Elifas ök lanòh Isô; mā Tēman, mā Omar, mā Sēfu, mā Kēnas, 16Mā Kōra, mā Katam, mā Amalek inrē: chā-a yin vē mā lamöknyö in Elifas ip panam Ētöm; achā-a yin vē kikōnyö kūön Āta. 17Vē yin kikōnyö kūön Rūel ök kikōnyö kūön Isô; mā Nahat, mā Sīra, mā Sāma, mā Misā: chā-a yin vē mā lamöknyö in Rūel nö ip panam Ētöm; achā-a yin vē kikōnyö kūön Pasĕmat ök pīhö Isô. 18Chā-a inrē vē kikōnyö kūön Ahōlipamā ök pīhö Isô; mā Yi-eus, mā Yalam, mā Kōra: chā-a yin vē mā lamöknyö in Ahōlipamā ök kikānö kūön Ana, pīhö Isô. 19Chā-a yin vē kikōnyö kūön Isô, achā-a vē mā cha: angā-aṅ ngòh Ētöm.
Mikūönö Sēr
(1 Kinṙöt 1.38-42)
20Chā-a yin vē kikōnyö kūön Sē-ir ök aṅ Hōr. Aṅ ngam panam; Lōtān, Sòpal, Sipīön, Āna inrē; 21Tisòn, Eser, Tisān inrē: chā-a yin vē mā lamöknyö in Hōr; ök kikōnyö kūön Sē-ir, i panam Ētöm. 22Vē yin inrē kūön Lōtān, Hōri, Hēman; Timnā inrē kanānö Lōtān. 23Vēyin inrē kūön Sòpal; Alvan, Manahat, Epal, Sēfu, Onan inrē. 24Vē yin inrē kūön Sipīön; Ayā, Āna inrē; angā-aṅ ön ngòh Āna tökôtökūö tö nup tö ṙāich töhëmlö mak ël tönyalnyi, hē ò nö ha-aṅlö nuk köttö Sipīön ök yöng ò kikōnyö. 25Chā-a yin vē inrē kūön Āna: Tisòn, Ahōlipāmā, ök kikānö kūön Āna. 26Chā-a yin vē inrē kūön Tisòn; Hamtan, Espan, Ittram, kiran inrē. 27Chā-a vē kūön Eser: Pilhan, Savan, Akan inrē, 28Chā-a yin vē kūön Tisan; Hus, Aran inrē. 29Chā-a yin vē mā lamöknyö in Hōr; mā Lōtān, mā Sòpal, mā Sipīön, mā Āna, 30Chā-a yin vē mā lamöknyö in Hōr; sā minā-aṅ cha nö im panam Sē-ir.
Yik Rācha Aṅ Ītöm
(1 Kinṙöt 1.43-54)
31Vē yin rācha inrē mahayöng nö im panam Ētöm, urĕh tö e nö hayöngö tö yik kūön Israĕl nö rācha. 32Hayöng ang Pēla ök kikōnyö kūön Pī-ôr nö i Ētöm; Tinhapā minënyi ök el panam ò. 33Kapah ngaich Pēla, ngaich hayöng ang Yōpāp nö ṙënngen ò ök kikōnyö kūön Sīrā aṅ Pòsra. 34Kapah ngaich Yōpāp, ngaich hayöng ang Husam nö ṙënngen ò ök aṅ ngam panam Tēman. 35Kapah ngaich Husam, ngaich Hatat ök kikōnyö kūön Pētat nö hayöng nö ṙënngen ò, ök famël yik aṅ Mitiā nö el töngāṙö i Môap: Avit minënyi ök elpanam ò. 36Kapah ngaich Hatat, ngaich Samla nö hayöng nö ṙënngen ò ök aṅ Masreka. 37Kapah ngaich Samla, ngaich Sa-ul nö ranghö öp Tahël. 38Kapah ngaich Sa-ul, ngaich Pē-alhanan nö hayöng nö ṙënngen ò, ök kikōnyö kūön Akpōr. 39Ngaich ang Pē-alhanan ök kikōnyö kūön Akpōr nö kapah, ngaich Hatar nö hayöng nö ṙënngen ò: Pa-u minënyi ök panam ò; Mehetapel minënyi ök pīhö ò, ök kikānö kūön Matret, ök kikānö kūön Mesahap.
40Në nun minënyö yik mā lamöknyö in Isô, sā tum mupīhö cha, i nup panam cha, i minë-eny cha; mā Timnā, mā Alva, mā Yetet; 41Mā Aholipamā, mā Ella, mā Pinòn; 42Mā Kēnas, mā Tēman, mā Mispar; 43Mā Mektiel, mā Irām: chā-a yin mā aṅ Ētöm, nö asā elyöngöre ip panam amin cha. Angā-aṅ ön ngòh Isô kikōnyö yöng yik aṅ Ētöm.
Currently Selected:
Ranehlö 36: CANIBSI
Highlight
Share
Copy
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
