NASEPTE 6
6
Nêk leh Dawn Nasem Ding ah Mi Pasagi A Têlnau
1Nungzuite chu a hung tam deu deu phat un, a nisi’n an hawmnau ah a meithâiteu a ngaisak zaw lo ziak un, Grikpau mangte chu Hebraite chung in a hung phun tau a.
2Sawm leh nite chun nungzuite zosia chu a ko khawm un a kiang un, “Kei un Pathian thu genna ngainêp hial ah dawkân ka ngâk ding uh chu a dik puai;
3Ziaziakchun, suapite haw, la lak ua mi minpha pasagi, Thagau leh pilna ah dim chiat hun têldok unla, amau chu zia nasem ding ah hin hun namdet ing kau.
4Kei uh ka hiu leh, pauchapnate leh thu nasepna’n kipia’ng kau,” a tiu a.
5A thu gen uh chu a leng un pha a sau a; tichun, ginna leh Thagau Thiangtho ah dim, Stephen, Philip, Prokora, Nikanor, Timon, Parmena leh Antiok ah Juda phungkâi Nikolai, amau cheng chu a têldok tau a.
6Ziate chu apostolte ma’n a din sak ua, amau chu a pauchap ua, a chung un khut a nga tau a.
7Pathian thu chu a kizak jel ah; Jerusalem ah nungzuite chu nasa tak in a pung tau ah; thiampute tam tak inle ginna chu a pom tau hi.
Stephen A Matnau
8Chun, Stephen, hepina leh thilhitheina ah dim chun, mipite lak ah chun thilmak leh tepte’na thupi takte a bawl a.
9Ziaphatchun, lawi khat, Zalente sunagog (zia gual ah chu a ti sek uh ahi’n) ah kipat khenkhat, Kurini khua mite, Aleksandria mite leh Kilikia leh Asia gam ah mite chu a hung kipan ua, Stephen chu a hun kinialpi tau a.
10Himaleh, pilna leh Thagau ah thu a gen chu a nial dong thei him him puau a.
11Ziaphatchun, mi khenkhat, “Mosi leh Pathian a gensiatna thuu ka hia’i,” ti dingin a golgu tau a.
12Tichun, mipi leh upate leh lekhazikte chu a hun tîlsia tau a; chun, ama chu a hung man ua, vaihawmte ma ah a hun pui lût tau a.
13Hiatpitu lêm a hung dinsak kawm ua, “Zia pa hin, zia munthiangtho hi tawh Dan chu chawl lo in a gensia’n;
14Nazareth Jesu’n zia mun hi hun susia’n tin, Mosi ei piak chawndante le hun sudanglam ding ahi, a ti ka hiau hi,” a tiu a.
15Vaihawmna kichu zosia chun ama chu a hun ensâl tau ah; ahi’n, a mâi chu vansawlchâk mai tawhbang in a hun mu tau hi.
Currently Selected:
NASEPTE 6: VAIPBSI
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
