PAWTDAWNA THU 15
15
Mosi Pâkna La
(Pdt 14.13-14; Sam 78.12-14)
1 #
Tpn 15.3
Ziaphatchun, Mosi leh Israelte chun Lalpa pâk in zia La hi a hun sa tau a:
Lalpa pakna’n La sa’ng ka tin,
lopi tak in gual ei zawsak ta’ngal a:
sakol leh a chung ah chuangte chu,
Tuipi sung in a pai lut tai.
2 #
Sam 118.14; Isa 12.2 Lalpa chu ka hatna leh ka thâ ahi,
ama chu ka hukdamna a hung hi tai:
Zia hi ka Pathian ahi, ama pakcha’ng ka,
ka pa Pathian, ama chu chawisâng ing ka.
3 Lalpa chu galdona hat;
A min Lalpa chu ahi.
4Pharaoh kângtalaite leh a sepaite chu,
Tuipi sung in a pai lut ah;
a sepai doichuam hotute chule,
Tuipi San in a tum tau hi.
5Tui kinawk in amau a chupmang ta’n;
suangtum gual in tui nuai ah chun a tum tau hi.
6Aw Lalpa, la khut changlam chu,
thil hitheina’n a lopi hi!
Aw Lalpa, la khut changlam chun,
mêlmate a mai chimit tai.
7La hatna lopi tak ah chun,
nangma do-te haw chu,
la paitha sik sek tai.
La lungnatna chu la sawldok ah,
zia chun amau haw chu bupawl gual in,
la hâltum tai.
8La nâk khawn git in tuite kaikhawm in a um un,
tuikhang chu bu vum gual in a kitung a;
Tuipi lailung ah chun tui thûknate chu,
sukdet in a um hi.
9Mêlma chun, “Del ing ting, delpha têi ka,
a gâllâk vanteu chu hawm ing ka tin;
a chung ua ka duthusam chu buting in a.
Ka chemjam jukdok ing ka tin,
ka khut in amau chu sumangthai ing ka,” a tia.
10La hui in la mûtsak ah,
Tuipi chun amau a chup mang ta’n;
Tuipi nasa tak ah chun,
ngêntum gual in a tum mang tau hi.
11“Aw Lalpa, kua a hem pathiante lak ah,
nang tawh te’thei ding?
Kua a hem nangma gual ah thianthona ah lopi,
choihoina lam ah lau um leh,
thilmakte bawl?
12La chang lam khut la jak daw leh,
lei in amau chu a val zo tai.
13La tatdawsa la mite chu,
la lainatna’n la puidok ah:
La hatna’n amau chu la chênna,
mun thiangtho tiang in la pui tung a.
14Mipite’n a hiau ah, a kithing tau in;
Philistia ah chêngte chu,
lungngai na’n a chup tai.
15Ziaphat chun, Edom lengte chu a lungkham tau a:
Moab mi hatte chu launa’n a pha ta’n;
Kanaan gam ah chêngte zosia chu,
a tawp gam tau hi.
16Aw Lalpa, la mipite a gâlkâi ma siau,
la chawk dawsa la mipite zosia chu a gâlkâi ma siau in,
launa leh tizatna a chung un a chu ta’n,
la bân thahâtna ziakin,
amau chu suangtum gual in a thip tau hi.
17Aw Lalpa, la chênna ding ah la siamna mun,
Aw Lalpa, la mun thiangtho,
nangma khut in la sukdetna mun ngei ah chun;
nang in amau chu la hun pui lût a,
la tâng ngei ah chun la phut tai.
18 Lalpa’n kumtuang, kumtuang in vaihawm ding ahi,”
a tiu a.
19Pharaoh sakolte chu a sakol kângtalaite tawh, a sakol chungchuang mi sepai honte chu tawh, Tuipi sung ah chun a tai lut zaw phat un, Lalpa’n Tuipi tuite chu amau chung in a luan khumsak tai: himaleh, Israelte chu Tuipi luanna lei hul chung in a chia gâlkâi tau hi.
Miriam Pâkna La
(Kis 26.59)
20Ziaphatchun, jawlneinu Miriam, Aron suapinu chun khuangneu a la’, numei zosia chun khuangneu chawi chiat ah lâm kawm in a hun zui ua:
21Miriam in amau haw dawnhu in La a hun sa’n:
“Lalpa chun lopi tak ah a zaw tâk ziakin,
a min pakcha’n La sau inla;
sakol leh a chung ah chuang mite,
Tuipi sung in a pai lut ta’ngal in,” ti in.
Tuikhâ Sukthumna
22Ziaphatchun, Mosi chun Israelte chu Tuipi San ah kipat chiadok dingin thu a pia’; tichun, Shur gamthip chu a lut tau a. Ni thum lam hial a chia nung un tui a mu zo ta puau a.
23Chuleh, Marah a hung tun phat un, Marah tuite chu a khât bêk ziak in a dawn thei ta puau a. Ziaziak chun, zia mun chu Marah#zia chu, “Kha,” ti’na ahi a sak den tau a.
24Tichun, mipite chu Mosi chung in a phunchiak tau ah, “Bang dawn ding ka hitau em?” a tiu a.
25Ama chun Lalpa a ko ah; chuleh, Lalpa’n thing pakhat a kawkmu ah, zia thing chu tui lakah a se’lut phatin a tui chu a hung thum ta mai a.
Zia mun ah chun Lalpa’n amau â dingin thupiak pakhat tawh, dan pakhat a siam piak ah, zia chun amau chu a enchian tai.
26A kiang un, “Lalpa la Pathian aw chu chingthei tak ah la ngai ua, a mit mu ah thil dik chu la bawl ua, a thupiakte la ngaisak ua, a dante la zop ua ahileh, Aigupta mite chung ah a tunsak hiveite haw hi khat chale la chung un hun tunsak lo ding ka hi: keima hi Lalpa, nanghaw hi’dampa chu ka hi’ngal in,” a tia.
27Chuleh, Tuinâk sawm leh pani tawh, tûmthing sawm sagi umna Elim#zia chu, “Thinglian,” ti’na ahi mun chu a hung tung tau a: Tuipang ah chun a giak tau hi.
Currently Selected:
PAWTDAWNA THU 15: VAIPBSI
Highlight
Share
Compare
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
