PAWTDAWNA THU 17
17
Suangpi Ah Kipat Tui
(Kis 20.1-13)
1 #
Kis 20.2-13
Sin gamthip ah kipat chun Israel mipi zosia chu Lalpa’n thu a piak dungzui in a ban ban in a kichawn pek ua. Rephidim mun ah a giaknau ah chun dawn ding tui a um ta pua’n.
2Tichun, mipite chun Mosi a kinakpi tau ah, a kiang in, “Ka dawn ding uh tui ei pia’n,” a tiu a. Mosi’n a kiang un, “Bang ding ah ei kinakpi la hiu em? Bang ding ah Lalpa patep la hiu em?” a tia.
3Himaleh, mipite chu tuidu in a dangchâk ta ma mau a; tichun, mipite chu Mosi chung in a phunchiak tau a, a kiang in, “Bang ding ah kei uh leh ka chateu leh ka ganchateu dangchâk ah thi’sak ding ah Aigupta ah kipat lei puidaw a hem?” a tiu a.
4Tichun, Mosi chunle Lalpa a ko ta’n, “Zia mipite hi bang law ding ka hi tam? Suang ah ei seplum dingsa’n a um ziang tau hilam?” a tia.
5 Lalpa chun Mosi kiang in, “Mipite malam in chia pek inla, chuleh, Israel upate lak ah khenkhat le pui inla; chuleh, Nail luipi la khetna tiang kha chawi inla, chun chia in.
6Horeb ah Suangpi chung in la ma-âng ah a la ding di ka hi. Suangpi chu jep in la tin, zia kipat chun mipite dawn ding tui hung pawt ding ahi,” a tia. Zia gual chun, Israel upate mit mu ah chun Mosi’n a bawl tai.
7Zia mun min chu Massah leh Meribah#Messah chu, Patepna mun, ti’na ahi’n; Meribah chu, Kinakna mun, ti’na ahi a sak tai: Israel chate’n ama a kinakpi ziak uh leh, Lalpa I lak ua um a hem, umlo tia a patep ziak un.
Israelte Tawh Amalekte Kidona leh A Zaw’nau
(Thl 14.7; Kis 13.29; 14.25)
8Ziaphatchun, Amalekte a hung ua, Rephidim mun ah chun Israelte a hung do tau a.
9Mosi chun Joshua kiang in, “Mi hun zendok inla, pui inla, Amalekte hi vado un; jing leh ka khut ah Pathian mol hi chawi in, mualvum chung ah chun a la ding ding ka hi,” a tia.
10Tichun, Mosi’n a gen tâk gual in Joshua’n le a bawl ah; Mosi, Aron leh Hur chu mualvum chung ah kaldok in, Amelekte chu a vado tau hi.
11Mosi’n a bân a jak lai sia chu Israelte’n a zo ua; a ban a kiak niam phat leh Amalekte’n a zo ngen sek ua.
12Himaleh, Mosi banthâ a hung kham ta’n; tichun, suang pakhat a hun lau ah, a kichutsak ua. Aron tawh Hur chu a langkhat gêl ah dingin, a khutbân teni chu a dawp piak gêl tau a: Tichun, nitum tiang in a bân chu a jak thei tai.
13Tichun, Joshua’n Amalek leh a mipite chu a chemjam in a that zo tai.
14 #
Dan 25.17-19; 1 Sa 15.2-9 Ziaphatchun, Lalpa chun Mosi kiang in, “Hetzingna dingin zia hi lekhabu khat in zik inla, Joshua het dingin gen kit in: Amalekte chu van nuai ah kipat in nuaimang ding ka hi,” a tia.
15Tichun Mosi’n mâichâm pakhat a siam ah, a min dingin Jehovah Nissi#zia chu, “Lalpa chu ka puanlap ahi,” ti’na ahi ti a sak tai.
16Ama chun, “Lalpa puanlap chu khâisâng un! Lalpa’n a khang a khang in Amalek chu do ding ahi ngal in,” a tia.
Currently Selected:
PAWTDAWNA THU 17: VAIPBSI
Highlight
Share
Compare
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
