PAWTDAWNA THU 27
27
Hâlmang Thil piak Latna Mâichâm
(Pdt 38.1-7)
1Chun, thinggi thing in mâichâm pakhat tong nga sau, tong nga lian, a ning pali nei hi’n tin; a san dan tong thum in la siam ding ahi.
2A ning palite ah chun a ning bawk la siam ding ahi; a ning bawkte chu a pum tawh sakhat ahi ding ahi, sum-eng la luan khum ding ahi.
3Meivam kholna ding bêlte, vutluakna dingte, khutsawp kuangte, sasutna ding thik satul kâ leh mei koina ding kuangte hawle la siam ding ahi: zia tak ah matchâk ding zosia hi sum-eng ngen ah la bawl ding ahi.
4Chuleh, mâichâm ûmna dingin sum-eng lên siam inla, zia lên chung ah chun sum-eng bil pali, a ning pali ah um dingin siam in.
5Zia lên chu mâichâm nuai ah phâ inla, a mongkai chu mâichâm zawnna bil ah chun bât in; tichun zia lên chun mâichâm kimkhat hun khu to ding ahi.
6Chuleh, mâichâm jawnna ding thinggi thing in mol siam inla, ziate chu sum-eng luan in;
7zia molte chu a bil sung ah chun thunlut hi’ntin; tichun, a jawnna mol chu mâichâm sik tuak gêl ah chun pakhat gêl ah um ding ahi.
8Mâichâm chu thingpêk ngen, a sunghawm ah la siam ding ahi. Tâng ah ka hun etsak gual chet ah khan la siamsak ding ahi.
A Huang leh A ûmna
(Pdt 38.9-20)
9Chun, biakbûk huang ûmna ding la siam ding ahi. Tumlam kâi ah chun puan malngat thuksa kigat, tong za khat ah sau la jak ding ahi;
10a khuam sawm nite leh a tunna ding ah kikhuak sawmnite chu sum-eng ah kisiam ngen ahi ding ahi: Himaleh, a khuam ah kibâtna kuaikâte leh a kildennate chu dangka thik ngen ah la siam ding ahi.
11Zia gual ma chun, a mallam kâi ah puanjak dingin tong za khat ah sau, khuam sawmni tawh a kituana ding ah kikhuak sawmni ma chu sum-eng ah kisiam hi’ntin; a khuam ah kibâtna kuaikâte leh a kildennate chu dangka thik ngen ahi ding ahi.
12Tumlam kâi ah a vailam dâi puanjak ding chu tong sawmnga hi’ntin; a khuam sawmkhat leh a tunna ding ah kikhuak sawmkhat ma a um ding ahi.
13Chuleh, sualam kâi ah a vailam dâi puanjak ding chu tong sawmnga hi’n a.
14Kotkhak sik langkhat lam ah puanjak ding chu tong sawm leh nga sau hi’ntin; a khuam pathum leh a kitunna ding ah kikhuak pathum ma la bawlsak ding ahi.
15Chuleh, kotkhak sik langkhat lam ah puanjak ding chu tong sawm leh nga sau hi’ntin; a khuam pathum leh a kituana ding ah kikhuak pathum ma la bawlsak ding ahi.
16A dâi kotkhak ah jak dingin tong sawmni ah sau, a dum, a sandup leh a sandâng ah kibawl, puanmalngat thuksa kigat, puan jem khui thiam tak in a khui ding ahi; khuam pali tawh a kituana ding ah kikhuak pali le a um ding ahi.
17A huang ûmna dâi khuam mûk zosia chu dangka ti ah tuam ding hi’n tin; kuaikâte chu dangka thik ngen leh, khuam tunna ding kikhuakte chu sum-eng ngen ahi ding ahi.
18A huang sung dung lam chu tong za khat hi’ntin; a vailam chu tong sawmnga hi’n a: A sândan chu tong nga hi’ntin, puan malngat, thuksa kigat puanjak leh a khuam tuana ding ah kikhuak sum-eng thik ah siam ngen hi’ntin.
19Biakbûk ah matchâk nepnawi ding zosia, a kildenna zosia leh a huang ûmna kildenna ding zosia chule sum-eng ngen ahi ding ahi.
Thaumei Etkol Ding dan
(Thp 24.1-4)
20Chun, thaumei chu bangtik lai ah le vâk zing ah koi a hitheina dingin Oliv thau kihek thiang, thautui ding ah hun chawi zing dingin Israelte chu thu la piak ding ahi.
21Kikhopna biakbûk ah, puanjak pawlam ah thuthung thingkuang âng lam ah chun Aron leh a chapate chun, nitâk ah kipat jingkal kit tiang ah Lalpa âng ah mit lo ah kuang zing dingin a guanggal diu ahi. Zia hi Israel chate â ding ah a khang a khang ua, kumtuang ah a bawl zing ding ua ka thuguat det tak chu ahi, a tia.
Currently Selected:
PAWTDAWNA THU 27: VAIPBSI
Highlight
Share
Compare
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
