PAWTDAWNA THU 33
33
Sinai Tâng Pawtsan Ding ah Thupiakna
1 #
Thl 12.7; Thl 26.3; Thl 28.13 Lalpa chun Mosi a ho ah a kiang in, “Chiau inla, Abraham, Isak leh Jakob te kiang ah, ‘La suante kiang ah hun pia ding ka hi,’ ti ah ka la kitiamna gam chu zuan in nangma tawh Aigupta gam ah kipat la hun puidawte hi zia mun ah kipat hin chiadok tau in;
2la ma-âng in vansawlchâk khat hun sawl ing ka tin, Kanaan mite, Amor mite, Hit mite, Periz mite, Hiv mite leh Jebus mite chu hun del daw sak ding ka hi.
3Khuaizu leh bawngnawi ah luang, gampha lam ah chun chia to un; himaleh, la lak ua um in hun kitonpi talo ding ka hi; achutiloleh, lam kâl in hun hi’mangthai malam ziang kha tawl ing ka, nam lu’lul tak la hi’ngal un,” a tia.
4Mipite chun zia kamsuak phalo tak chu a het phat un, a thûm tau a; a kichei nuamle a um ta puau a.
5 Lalpa chun Mosi kiang in, “Israelte kiang in, ‘Nam lu’lul tak la hiu, la lak ua chomkhat um lengle hun sumangthai ziang ding ka hi’ngal hen: ziaziakchun, tu’hin la kicheinateu chu hun lîptha vek un; tichun, nang uh bang hun law ding ka hi em hethei bep ing ka,’ a tii,” ti’n a gen tai.
6Chutichun, Israelte’n a kicheinateu chu Horeb tâng ah kipat chun a lîptha tau a.
Giabuk Pawlam ah Biakbûk Chu
7Tu’hin, Mosi’n biakbûk kha masom jel in, giabuk pawlam ah, gamla deu in a jak sek ah; zia chu Kimutuana Puanbûk min a sak a. Kuale Lalpa hawl nuam taphot chun giabuk pawlam ah kimutuana puanbûk ah chun a vachia sek un.
8Bangtik hun inle Mosi chu biakbûk ah chia ding ah a hung kipatdaw si’n leh mipite zosia chu thodok in, amau puanbûk kotbul chiat in a ding un; Mosi chu biakbûk ah a lut tiang in a en zui pek un.
9Mosi chu biakbûk sung a lut phat leh sûmpi ding chu hung kum suk in, biakbûk kotkhak bul ah chun a hung ding sek ah; tichun, Lalpa chun Mosi chu a hun ho sek a.
10Biakbûk kotbul ah sûmpi ding chu mipi zosia’n a mu phât ua leh, amau puanbûk kotbul chiat ah chun dingin, bokkhup in chibai a bûk chiat sek un.
11Chutichun, mi pakhat in a lawipa a kihopi gual mai in Lalpa’n Mosi chu kimaitua in a kihopi a. Zia zaw chuleh, giabûk lam ah chun a hung kit sek a; himaleh, ama kithuapi Nun chapa tangval Joshua chu biakbûk ah kipat chun a hung pawtdok ngai puai.
Mosi Dotpiakna
12Ziaphatchun, Mosi chun Lalpa kiang in, “Ngaitia, nang in ka kiang in: Zia mite hi vapui to in lei tingal ah; himaleh, ka kithuapi ding ah kua hun sawl ding la hem ti lei hetsak pua hen. Nang in la, ‘La min ka hun hechian hen, ka mittung ah um la hi ti le ka henai,’ la ti ngal in.
13Tu’hin, la mittungna ka hi chun, nangma ka hun hetchian theina ding leh la mittung ah ka um zing theina dingin, tu’ ma ma hin la lampite hi lungsiat tak in ei hetsak ta’n la; chuleh, zia mipite hile nangma mi ngei a hiu ti ngaitua ta’n la,” a tia.
14Tichun, a kiang ah chun, “La lak un um zing ing ka tin, hun chawldamsak ing ka,” a tia.
15Chuleh Mosi chun a kiang in, “Ka lak ua la hung pan lo ding leh zia tak ah kipat hin ei pui to dâ ziang ta’n.
16Keima leh ka mipite hin lei kitonpi lo ngal leh, la mittung ah um ka hiu ti bangti’n hethei ding ka hiu em? Lei chung zosia ah mihingte leh la mipite hin kikhiakna ka nei sun uh chu, nangma ka kiang ua la hung kilâk sek ziak bep hi hilo a hem?” a ti’n.
17 Lalpa chun Mosi kiang in, “La thil dot gual gual chun hun bawl ing ka; ka mit la tung ngal ah, la min le ka hechian ngal hen,” a tia.
18Mosi’n a kiang in, “La lopina chu lungsiat tak in ei musak ta’n la,” a tia.
19 #
Rom 9.15
Chuleh ama chun, “Ka phatna zosia chu la ma-âng ah hun latsak ing ka tin, Lalpa min chu la ma-âng ah puangjak jel ing ka; tichun, ka lungsiat dingte chu lungsiat ing ka tin, ka khawtua dingte chu khawtua ding ka hi.
20Himaleh, ka mêl vang mu thei pua’n la: kuama ka mêl mu ngal ah, dam zing um ngai him him lo ahi ngal in,” a tia.
21Chuleh, Lalpa chun, “En in, zia khin mun pakhat ka kiang in a um hi, suangpi chung ah chun dingin la tin;
22ka lopina’n la ma-âng a hun phâk phat leh, suangpi kêk kâl in hun koi ing ka tin, ka hun chiasan masia ka khut in hun hûm ding ka hi;
23ka khut ka lakdaw phat leh ka nung lam chu mu’n la tin; ka mai ahileh vang mu pua’n la,” a tia.
Currently Selected:
PAWTDAWNA THU 33: VAIPBSI
Highlight
Copy
Compare
Share
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
