THILSIAM THU 50
50
1Chuleh, Joseph chu kap in, a pa mâi chu si’n a chawp a.
2Joseph in a suak damdawi thiamte chu a pa luang muattheilo ah siam dingin thu a pia’n; damdawi thiamte chun Israel luang chu a muattheilo dingin a siam tau a;
3muattheilo ding ah a luang siamna ah chun ni sawmli a lût a: Ni sawmsagi sung Aiguptate’n ama chu a sûn ui.
4Ama a sûnnau nite chu a hung bei phatin, Joseph in Pharaoh chanaute kiang in, “La doisaknau ka chan ahileh, lungsiat tak in Pharaoh kiang in, ‘Ka pa’n, thi ding ka hita’n.
5 #
Thl 47.29-31
Kanaan gam ah ka thân chawsa, zia tak ngei ah chun ei vui un,’ ti’n thu ei tiamsak ah. ‘Lungsiat in ka pa hi ei hang vuisak in, hung kit pai ziang ing ka,’ a tii ti’n vagen un,” a tia.
6Pharaoh chun, “Thu a hun tiam sak gual ngei chun la pa chu hang vui ta’n,” a ti’n.
7Tichun, Joseph chu a pa vui dingin a chia ta’n; Pharaoh suakte zosia, a sungkuan lak ua a upa pente, Aigupta gam ah upa zosia,
8Joseph chanaute zosia tawh, a suapite leh a pa Inkuan mite zosia’n le a zui un. A chasenteu, a belam gualteu leh a bawng gualteu bep chu Goshen gam in a nusiau a.
9A kiang un kângtalaite, sakol chungchuang mite tawh a chiau a. Honting tak a hiu.
10Jordan lui gâl ah Atad phualjawl a hung tun phat un, zia tak ah chun nasa tak in a kap un, ni sagi sung a pa sûnna a bawl tau hi.
11Zia gam ah Kanaan mite chun Atad phualjawl ah a mithi sûn uh chu a muu in, “Zia hi Aiguptate mithi sûnna nasa tak ahi,” a tiu a. Zia mun min ding chun, Abel-mizraim#zia chu, Aiguptate lusûnna, ti’na ahi a sak tau ah; zia chu Jordan lui gâl ah um ahi.
12Chutichun, a chapate chun a duthusam gual ah chun a bawl piak tau a.
13 #
Nas 7.16
A chapate chun Kanaan gam ah jawn lut in, Abraham in kivuina mun ding ah, Hit mi Ephron lou mun, a lou pum ah a chawkna, Mamre zawn ah Makpelah kawlhawm ah khan a vui tau a.
14Joseph chun a pa a vui zaw in, ama tawh, a suapite tawh a pa vui ah chia zosiate chu Aigupta gam lam in a hung kile’pi kit chiat tai.
Joseph in A Suapite A Ngaidam
15Joseph suapite chun a pau thi chu a ngaitua un, “Joseph hin ei muda in, a chung ah I thil hi’khial zosiau kha a phuba I chung un lâk ding hun gaw ta leh bang I suak ta ding awm!” a kitiu a.
16Zia thu chu Joseph kiang ah gen dingin a vanai tau ah; a kiang in, “La pa khan a thi’ma khan,
17Joseph kiang in: ‘Lungsiat tak in la suapite’n la chung ah thil a la hi’khialnau leh a gitlonau kha ngaidam inla. Ziaziakchun, tu’hin la pa Pathian suakte gitlona hi lungsiat tak in ngaidam in ti’n gen unla,’ a ti hen,” a tiu a. A kiang ah zia thu chu a gen phat un Joseph chu a kap ta mai a.
18Tichun, a suapite chu tawh a kikâ khum tau ah, a ma âng in a bokkhup ua, a kiang in, “La suakte ka hiu,” a tiu a.
19Himaleh, Joseph in a kiang un, “Lau kiu in! Pathian thasâng ah ding ka hia hem?
20Nang un ka chung ah lungthim phalo pu’n ei la bawlsia maleu chinle, Pathian in tu’ni gual ah hin mi tam tak hukhinna dingin, lungthim pha a la nei zaw ahi.
21Chutichun, lau kiu inla, nangmau leh la chateu nêk ding hun pia zing ing ka,” a ti’n. Zia gual ah chun a thamuan ta’n, kam pha tak in a ho ta ahi.
Joseph Hun Nunung Leh A Thi’na
22Chutichun, Joseph chu ama tawh a pa chanaute tawh Aigupta gam ah chun a um den tau ah; Joseph chu kum za leh sawmkhat a dam hi.
23Joseph in Ephraim cha, a tute suan thumna tiang in a mu malam ah: Manasseh chapa Makir chate le Joseph khâlbe’ piang a hiu.
24Joseph in a suapite kiang in, “Thi ding ka hi tai; himaleh, Pathian in hung kantha ngei ngei intin, Abraham, Isak leh Jakob kiang ah kihaksial ah piak ding ah a tiamna gam ah um ding in, zia gam ah kipat hin hung puidok ding ahi,” a ti’n.
25 #
Pdt 13.19; Jos 24.32; Heb 11.22 Chutichun, Joseph in Israel suante chu a kihaksialsak ah, “Pathian in a hun kanthâk phât leh, ka gute hi zia tak ah kipat hin la puak to ngei ngei ding uh ahi,” a ti’n.
26Tichun, Joseph chu kum za leh sawmkhat mi ahi in a thi tai; chuleh, a luang chu muattheilo in a siam un, Aigupta gam ah mithi kuang in a koitup tau hi.
Currently Selected:
THILSIAM THU 50: VAIPBSI
Highlight
Share
Compare
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
