THIAMPUTE LEKHABU 5
5
Bawlkhial Kithoina Thillat
(Thp 7.1-7)
1Vaihawmna mai ah thu dot ding ah ko la hi ah, la thil mu a hem, la thil hiatsa a hem le ahi gual tak ah la gen nop lo chun, a mawpaw ding la hi.
2Chuleh, kuale thil buak him him, gamsa thiang lo saluang a hem, gan thiang lo luang a hem, a bok ah vâk ganhing thiang lo luang a hem, chanpal ah la suk khak chun, la kisubuak ta’n, thiamlo chang ding la hi.
3Ahiloleh, mi a buak pêt a hem, mi buak a hitheina ding ah kisubuak kha a hem, chanpal ah la sukkhak chun, la hun hetdaw phat leh, thiamlo chang hi’ngâl ding la hi.
4Chuleh, kua hileh thilpha leh phalo hilehle tup nei ah kipau tiamna a nei chun, kipau tiamna kam a thâdaw lam he’pha talo maleh, a hung hetdaw phat leh thiamlo chang sa ahi ngâl hi.
5Zia gual ah thiamlo a channa chu a hung kihiatdaw phat leh, a thil bawlkhial chu kipuanna a bawl ding ahi.
6A thil bawlkhialna ziak ah kithoina ding ah lat dingin: gan hon lak ah belampi a hem, kelpi a hem khat Lalpa kiang ah lat dingin a hun kai ding ahi; tichun, thiampu’n a gitlona chung thu ah kitatna hun bawl piak in a.
7Belam la nei zaw lo chun, Lalpa kiang ah gitlo thoina ding ah a thillat dingin vakhu pani a hem, vapâl pani a hem a hun ken ding ahi; pakhat zaw chu gitlo thoina ding hi’ntin; a khat zaw chu hâlmang thillat ding hi’n a.
8Thiampu kiang ah hun chawi intin, ama’n gitlo thupha choina a bawl zaw phat leh a gawl tanthatheng lo in hêk tan intin;
9gitlo thoina thisan neukhat mâichâm pang ah the’ intin; chun, a thisan dang cheng chu mâichâm bul in a vat kangsak ding ahi: zia chu gitlo thoina thillat ahi.
10Chun, a pakhat zaw chu a dan dungzui in hâlmang thillat dingin pia ta’n a. Tichun, thiampu’n a thil hi’khialna ziak ah kitatna hun bawl piak intin, ngaidam hita’n la.
11Ahi’n la, vakhu pani a hem, vapâl pani a hem a nei zaw lo chun, a gitlo thoina dingin chângbuang nêl dim diam, ephah te’na mun sawm ah khen mun khat hun chawi in, sathau la buak khum lo ding, begaw le a sunkhum lo ding ahi, gitlo thoina thillat ahiziak in.
12Thiampu kiang ah hun chawi intin, ama’n hetzingna dingin a khut dim khat hamdok intin, mâichâm chung ah Lalpa â ding ah mei ah thillat hi dingin hâltum in ah: zia chu gitlo thoina ahi.
13Chutichun, thiampu’n bang pen hiziang leh le a gitlona chung thu ah kitatna bawl piak intin, ngaidam hita’n a. An thillat gual ah khan, a dang cheng chu thiampu chan ding ahi tai, ti’n gen in, a tia.
Hi’khial Ngaidam Dotna
14Mosi kiang ah Lalpa chun:
15La lak ua kua a hem khat in Lalpa thilzek thiangtho a hi’buak khâk chun, a thil hi’buakna kithoina dingin Lalpa kiang ah belam a chal pakhat demna bei, gan hon lak ah kipat in pakhat a hun piak ding ahi: zia chu a man dingle hisap thei tho intin, mun thiangtho shekel tawh kituk dangka le a pethei hi; zia chu gitlo thoina thillat ahi.
16Chun, thil thiangtho chung ah a thil hi’khialsate hidik kitna dingin, a mun nga ah khen, a mun khat thiampu kiang in a piak ding ahi; chun, thiampu’n belamchal in a thil hi’khial thoina hun bawl piak intin, ngaidam hita’n a.
17 Lalpa‘n bawl lo ding ah thu a piakte lak ah khat ziang le la hi’khial pal ahi chun, helo lechinle, thiamlo la chang ta tho tho ah, la kituplona maw la paw ding ahi.
18Belam hon lak ah a chal khat demna bei, kilawm lasak hun tawk, hi’khial thoina dingin thiampu kiang in hun kai in; tichun, thiampu’n la het lo kâl ah la hi’khelna thu in ngaidam hun dot piak intin, ngaidam hita’n la.
19Zia chu hi’khial thoina ahi: Lalpa ma ah thiamlo chang la hita ngâl ah, ti’n a gen a.
Currently Selected:
THIAMPUTE LEKHABU 5: VAIPBSI
Highlight
Copy
Compare
Share
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.