LUKA 1
1
Theophilas Kiang ah Tâklatna
1Eimau lak ah thil a la tung ta chanchin chu, mi tam tak in zik a la gaw tau a;
2a lim ah kipat amau mit ngei ah a la mute leh, zia thu nasem ah a la pangte ngei chunle ahi dan gual tak in a la zik tau a.
3Aw, ja um tak Theophilas, keima ngei inle a lim ah kipat in, bangkim kichian tak leh, kizom pek in nang â ding ah zik le pha ka sa hen.
4Zia chu nangma a la hil tâk uh kha a tak tak ahi ti la hiattheina dingin.
Baptispa Johan Pian Ding Thu
5 #
1 Kh 24.10
Judea gam ah Leng Herod lal lai in, Abijah thiampu chi ah mi, thiampu pakhat a min Zekhariah kiti chu a la um a; a ji chu Aron chanute lak ah mi, a min Elizabeth ahi.
6Amau nupân chun Lalpa thupiakte leh sep ding ah umte chu kitûp tak ah a sep ziak un, Pathian mit mu in midik leh demna umlo a hiu a.
7Elizabeth chu chîng ahi ziakin nau a nei puau ah, amau la a têk gêl tau a.
8Chuleh, ama sep hun ahi dungzui ah thiampu na a sepna hun ah chun, Pathian kiang ah nasem in a um a.
9Lalpa munthiang ah lut ah gimtui hâl ding chu, thiampute bawldan ngai gual in, âisân in a têldok sek ui.
10A gimtui hâl sung ah chun mipi zosia In mai ah pauchap in a la um un.
11Gimtui hâlna mâichâm changlam pang ah chun, Lalpa vansawlchâk pakhat ding in a hung kilâk a.
12Zekhariah chun a la mu phât in a lungkham ah, a lau ma ma ziang a.
13Himaleh, vansawlchâk chun a kiang in, “Lau kin, la pauchapna ngaithâk ahi tai; la ji Elizabeth chun chapa pakhat hing intin, a min in Johan la sak ding ahi.
14Kipakna leh lungthim nopna nei in la tin; ama a hung pian in mi tam tak kipak in au.
15 #
Kis 6.3
Ama chu Lalpa ngai in mi lopi hung hi’ntin, ama chun uain leh khamthei him him a dawn lo ding ahi; a pianma kipat Thagau Thiangtho ah dimsa hiding ahi.
16Ama chun Israel suante tam tak a Pathian lam un kiheisak kit in a.
17 #
Mal 4.5,6 Chuleh, pate lungthim chu chate lam ah kiheisak ding leh, thu awilote chu midiktat te pilna lam ah kiheisak ding leh, mipite chu Lalpa â ding ah kisak lawksak dingin, Elijah thagau leh thilhitheina pu’n ama ma-âng ah a la chia masa ding ahi,” a tia.
18Ziaphatchun, Zekhariah chun vansawlchâk kiang ah chun, “Keima ka upa ta’n, ka ji le teksia ahi tai; zia chu bangti’n ka hechian thei diam?” a tia.
19 #
Dnl 8.16; 9.21 Vansawlchâk chun a dawnhu ah, a kiang in, “Keima hi Pathian ma ah ding sek Gabriel chu ka hi; la kiang ah, zia chanchin kipak um tak hi hung gen ding ah sawl ka hi.
20Ngaitia, ka thugente hi a hun tak ah hung tung ding ahi ti la taksan lo ziakin, zia thil chu a hung tun masia pau thei pua’n la,” a tia.
21Mipite chun Zekhariah chu a la ngâk zing un, mun thiangtho sung ah a hung um sawt bêk ziakin mak a sa ma mau a.
22Ama chu a hung pawt daw phatin, a kiang un thu a gen thei ta pua; mun thiangtho sung ah kilâkna mu ahi ti a he ziang tau hi. A paudok thei ta pua’n, a khut in tepte’na a bawl mai tai.
23A nasepna ding huntiam a tin phatin, a In lam in a chia tai.
24Zia nung ah chun, a ji Elizabeth chun nau a hun vop pai ah, tha nga sung chu In sung in a kikulkhup tai.
25Amanu chun, “Lalpa‘n ei doisak ziakin, ka mipite lak ah jachâkna ka la thok ham ham kha ei lâk mang piak a hita hi,” a tia.
Jesu Pian Ding Genlawkna
26Tha guk a hung tin phatin, Galili gam ah khawpi pakhat, Nazareth kiti ah chun Pathian in vansawlchâk Gabriel chu a hun sawl a;
27 #
Mat 1.18
pawsal pakhat, a min Joseph kiti chun a ji ding ah a la khâmsa, David suan ah mi, nungak thiangtho kiang ah chun a hung a. Zia nungak thiangtho min chu Mari ahi.
28Tichun, vansawlchâk chu a kiang in a hung a, “Chibai, nang nasa tak ah doichuam! Lalpa la kiang in a um hi,” a tia.
29Zia thu ziak ah chun a âmtha ziang ta’n, bang chibai bûkna a hita dia aw, ti’n a kingaitua tai.
30Vansawlchâk chun a kiang in, “Mari, lau kin, Pathian doisakna chang la hi.
31 #
Mat 1.21
Ngaitia, nau hun vop in la tin, a min in JESU la sak ding ahi.
32 #
2 Sa 7.12,13,16; Isa 9.7 Ama chu milopi hung hi’ntin, Chungnung pen Chapa ti hung hi ding ahi; chuleh, Lalpa Pathian in a pa David lalchutpha chu ama hun pia ding ahi.
33Jakob suante chung ah kumtuang in vaihawm intin, a gam in tawp ni nei ta pua’n a,” a tia.
34Mari’n vansawlchâk kiang ah chun, “Nungak thiangtho ka hingal in, zia gual chu bang ti’n um thei ding a hem?” a tia.
35Vansawlchâk chun a kiang in, “Thagau Thiangtho la chung in hung tung intin, Chungnung pen thilhitheina chun hun liakhu intin, ziaziakchun, nau hung piang ding chule Thiangtho ti hi’n a, chuleh, Pathian Chapa ti’n au.
36Chuleh, la chanaunu Elizabeth inle têk nung in nau a vop tai; chîng ahi a ti sek uh kha, tu’tha hi a tha gukna ahi tai.
37 #
Thl 18.14
Pathian â dingin bangma a hi’theilo umlo ahi,” a tia.
38Mari chun, “Lalpa suaknu ka hi, la thu gual gual in ka chung in tung ta hen,” a tia. Tichun, vansawlchâk chun a nusia tai.
Mari’n Elizabeth A ve’na
39Zia hun lai ah chun Mari a kipan ah, thingtâng ah, Judea gam khawpi pakhat ah chun a chia ngal ta’n;
40Zekhariah In ah lut in, Elizabeth chu chibai a bûk a.
41Elizabeth in Mari chibai bûk chu a het het in, a sung ah nausen chu a tawi a; Elizabeth chu Thagau Thiangtho in a hung dim ta’n;
42aw ngai tak in a kiko a, “Nang hi numei lak lak ah vangpha pen la hi; la gil ah ga chule mi hampha ahi.
43Ka Lalpa nu ka kiang ah la hung ziang hi bangtidan a hem?
44La chibai bûk thawm ka nakhang a lut leh lut lo in, ka gilpi sung ah nausen kipak ziakin a kichawm hi.
45A taksangnu le mi hampha ahi, a kiang ah Lalpa‘n thu a gen kha guitung ngei ding ahi ngal a,” a tia.
Mari Pâkna La
46Mari chun zia gual hin a gen a:
47“Ka hinna hin Lalpa a chawihoi ah;
ka thagaule ka Hukdampa Pathian ah chun,
a kipak ma ma hi;
48 #
1 Sa 1.11
a suaknu nam tawm tak hi a ngaisak ah.
Ngaitia, tu’kipat hin khangthak zosia’n,
hampha ei ti ding a hiu.
49Hat Chungnungpa chun kei â dingin thil lopi tak a bawl ta’n;
a min chu thiangtho ahi.
50Ama ki’chate chung ah chun,
a jangaina chu a khang,
a khang inle um zing ta’n a.
51A khutbân in a thahât jia a etsak in,
a lungthim ua kisatheite chu a the’chek tai.
52 #
Job 5.11; 12.19 Mi lopite chu a chutnau ah kipat a sawn tha’n,
mi tawm takte chu a domsâng tai.
53Gilkial chu thilpha’n a hitai in;
mihausa chu khutngawn in a sawl mang tai.
54A jangaina chu a hetmil lo ziakin,
a suak Israelte chu a panpi tai;
55 #
Thl 17.7
#
1 Sa 2.1-10
I puu Abraham leh a suante kumtuang thu ding chu,
a tiam tâk gual in,” ti’n a gen a.
56Mari chu tha thum ding vêl zia tak ah chun a châm ta’n; ziazaw chun a In lam in a chia kit tai.
Baptispa Johan Pianna
57Tichun, Elizabeth chu a nau nei hun a hung hi’phatin, chapa a hun nei tai.
58A Invêngte leh a chanaute zosia chun, a chung ah Lalpa‘n jangaina a latsak chu a het un, a kipakpi ma mau a.
59 #
Thp 12.3
Chuleh, a ni giat tin ni chun, nausen zektansak dingin a hung un; a pa min ma Zekhariah sak ding a guau a.
60Himaleh, a nu chun, “Hilo e! Johan I sak diu ahi,” a tia.
61Amau chun, “La Inkuan sung ua hin zia min pu chule la um ngai ua hem?” a tiu a.
62A pa kiang ah chun, tepte’na mang ah a min dingin bang a dawi em ti a dong tau a.
63Ama chun lekha zikna pek a don a, “A min ding chu Johan ahi,” ti’n a hun zik ah, a leng un mak a sa ma mau a.
64Ziaphatchun, thakhat in a kam a hung kihong ah, a lei chu a hung kitham ta’n; a hung paudok ah, Pathian a hun pâk tai.
65A Inkiangteu zosia chu a lau ma mau a; chuleh, zia thute chu Judea gam thingtâng gam tiang in a kithang suak tai.
66A chanchin a la hekha zosia chun pha tak in a tepteu a, “Zia naupang chu bang gual mi a hung hita bep diam?” a tiu a. Tichun, Lalpa khut chu a chung in a um zing hi.
Zekhariah Thu Genlawk
67Chun, a pa Zekhariah chu Thagau Thiangtho in a hung dim a, thu a hun genlawk a:
68“Lalpa, Israelte Pathian chu pâk in um ta hen;
ama chun a mite a hung kan tha’n,
a hung tandok tangal in.
69A suak David In sung ah kipat in ei uh â di’n,
hukdampa hat tak a hun tungdok tai;
70masang lai pek ah kipat khan,
zia thute hi a jawlnei thiangthote chu mang in,
a la genlawk ta’n,
71eimau ei hawte leh I mêlmateu lak ah kipat,
hukdaw ah I umtheina ding un.
72I pu I pateu kiang ah a jangaina thutiamte leh,
a thuthung thiangtho a het zing ziakin.
73I puu Abraham kiang ah a tiamsa kha,
eimau, mêlmate lak ah kipat ei tatdawsate hin,
74lau lo ah, a na I sepsak theina ding un,
eimau â ding ah a hun phal theina dingin.
75Thiangtho tak leh dik tak ah,
I dam sung siau a ma-âng ah I umtheina ding un.
76 #
Mal 3.1
Ziaziakchun, nang nausen,
Chungnung pen Jawlnei, ti hi’n la tin;
a lampi siamtup ding ah Lalpa ma ah,
a la chia ding la hingal a;
77a mite chu a gitlonau ngaidam ah,
hukdamna chu hiatsak dingin.
78I Pathian jangaina chu hung kilang in,
zia kipat chun chung lam vâk in ei hung kan tha’n tin;
79 #
Isa 9.2
thim lak leh thina lim nuai ah a la chute,
salvâk ding leh thamuanna lampi lam ah,
I kengteu pui dingin,” a tia.
80Tichun, naupang chu a hung khanglian deu deu a, lungthim lam in a hung hat tiat tiat a, Israelte kiang ah a hung kilâk masia chu gamthip in a um zing tai.
Currently Selected:
LUKA 1: VAIPBSI
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
LUKA 1
1
Theophilas Kiang ah Tâklatna
1Eimau lak ah thil a la tung ta chanchin chu, mi tam tak in zik a la gaw tau a;
2a lim ah kipat amau mit ngei ah a la mute leh, zia thu nasem ah a la pangte ngei chunle ahi dan gual tak in a la zik tau a.
3Aw, ja um tak Theophilas, keima ngei inle a lim ah kipat in, bangkim kichian tak leh, kizom pek in nang â ding ah zik le pha ka sa hen.
4Zia chu nangma a la hil tâk uh kha a tak tak ahi ti la hiattheina dingin.
Baptispa Johan Pian Ding Thu
5 #
1 Kh 24.10
Judea gam ah Leng Herod lal lai in, Abijah thiampu chi ah mi, thiampu pakhat a min Zekhariah kiti chu a la um a; a ji chu Aron chanute lak ah mi, a min Elizabeth ahi.
6Amau nupân chun Lalpa thupiakte leh sep ding ah umte chu kitûp tak ah a sep ziak un, Pathian mit mu in midik leh demna umlo a hiu a.
7Elizabeth chu chîng ahi ziakin nau a nei puau ah, amau la a têk gêl tau a.
8Chuleh, ama sep hun ahi dungzui ah thiampu na a sepna hun ah chun, Pathian kiang ah nasem in a um a.
9Lalpa munthiang ah lut ah gimtui hâl ding chu, thiampute bawldan ngai gual in, âisân in a têldok sek ui.
10A gimtui hâl sung ah chun mipi zosia In mai ah pauchap in a la um un.
11Gimtui hâlna mâichâm changlam pang ah chun, Lalpa vansawlchâk pakhat ding in a hung kilâk a.
12Zekhariah chun a la mu phât in a lungkham ah, a lau ma ma ziang a.
13Himaleh, vansawlchâk chun a kiang in, “Lau kin, la pauchapna ngaithâk ahi tai; la ji Elizabeth chun chapa pakhat hing intin, a min in Johan la sak ding ahi.
14Kipakna leh lungthim nopna nei in la tin; ama a hung pian in mi tam tak kipak in au.
15 #
Kis 6.3
Ama chu Lalpa ngai in mi lopi hung hi’ntin, ama chun uain leh khamthei him him a dawn lo ding ahi; a pianma kipat Thagau Thiangtho ah dimsa hiding ahi.
16Ama chun Israel suante tam tak a Pathian lam un kiheisak kit in a.
17 #
Mal 4.5,6 Chuleh, pate lungthim chu chate lam ah kiheisak ding leh, thu awilote chu midiktat te pilna lam ah kiheisak ding leh, mipite chu Lalpa â ding ah kisak lawksak dingin, Elijah thagau leh thilhitheina pu’n ama ma-âng ah a la chia masa ding ahi,” a tia.
18Ziaphatchun, Zekhariah chun vansawlchâk kiang ah chun, “Keima ka upa ta’n, ka ji le teksia ahi tai; zia chu bangti’n ka hechian thei diam?” a tia.
19 #
Dnl 8.16; 9.21 Vansawlchâk chun a dawnhu ah, a kiang in, “Keima hi Pathian ma ah ding sek Gabriel chu ka hi; la kiang ah, zia chanchin kipak um tak hi hung gen ding ah sawl ka hi.
20Ngaitia, ka thugente hi a hun tak ah hung tung ding ahi ti la taksan lo ziakin, zia thil chu a hung tun masia pau thei pua’n la,” a tia.
21Mipite chun Zekhariah chu a la ngâk zing un, mun thiangtho sung ah a hung um sawt bêk ziakin mak a sa ma mau a.
22Ama chu a hung pawt daw phatin, a kiang un thu a gen thei ta pua; mun thiangtho sung ah kilâkna mu ahi ti a he ziang tau hi. A paudok thei ta pua’n, a khut in tepte’na a bawl mai tai.
23A nasepna ding huntiam a tin phatin, a In lam in a chia tai.
24Zia nung ah chun, a ji Elizabeth chun nau a hun vop pai ah, tha nga sung chu In sung in a kikulkhup tai.
25Amanu chun, “Lalpa‘n ei doisak ziakin, ka mipite lak ah jachâkna ka la thok ham ham kha ei lâk mang piak a hita hi,” a tia.
Jesu Pian Ding Genlawkna
26Tha guk a hung tin phatin, Galili gam ah khawpi pakhat, Nazareth kiti ah chun Pathian in vansawlchâk Gabriel chu a hun sawl a;
27 #
Mat 1.18
pawsal pakhat, a min Joseph kiti chun a ji ding ah a la khâmsa, David suan ah mi, nungak thiangtho kiang ah chun a hung a. Zia nungak thiangtho min chu Mari ahi.
28Tichun, vansawlchâk chu a kiang in a hung a, “Chibai, nang nasa tak ah doichuam! Lalpa la kiang in a um hi,” a tia.
29Zia thu ziak ah chun a âmtha ziang ta’n, bang chibai bûkna a hita dia aw, ti’n a kingaitua tai.
30Vansawlchâk chun a kiang in, “Mari, lau kin, Pathian doisakna chang la hi.
31 #
Mat 1.21
Ngaitia, nau hun vop in la tin, a min in JESU la sak ding ahi.
32 #
2 Sa 7.12,13,16; Isa 9.7 Ama chu milopi hung hi’ntin, Chungnung pen Chapa ti hung hi ding ahi; chuleh, Lalpa Pathian in a pa David lalchutpha chu ama hun pia ding ahi.
33Jakob suante chung ah kumtuang in vaihawm intin, a gam in tawp ni nei ta pua’n a,” a tia.
34Mari’n vansawlchâk kiang ah chun, “Nungak thiangtho ka hingal in, zia gual chu bang ti’n um thei ding a hem?” a tia.
35Vansawlchâk chun a kiang in, “Thagau Thiangtho la chung in hung tung intin, Chungnung pen thilhitheina chun hun liakhu intin, ziaziakchun, nau hung piang ding chule Thiangtho ti hi’n a, chuleh, Pathian Chapa ti’n au.
36Chuleh, la chanaunu Elizabeth inle têk nung in nau a vop tai; chîng ahi a ti sek uh kha, tu’tha hi a tha gukna ahi tai.
37 #
Thl 18.14
Pathian â dingin bangma a hi’theilo umlo ahi,” a tia.
38Mari chun, “Lalpa suaknu ka hi, la thu gual gual in ka chung in tung ta hen,” a tia. Tichun, vansawlchâk chun a nusia tai.
Mari’n Elizabeth A ve’na
39Zia hun lai ah chun Mari a kipan ah, thingtâng ah, Judea gam khawpi pakhat ah chun a chia ngal ta’n;
40Zekhariah In ah lut in, Elizabeth chu chibai a bûk a.
41Elizabeth in Mari chibai bûk chu a het het in, a sung ah nausen chu a tawi a; Elizabeth chu Thagau Thiangtho in a hung dim ta’n;
42aw ngai tak in a kiko a, “Nang hi numei lak lak ah vangpha pen la hi; la gil ah ga chule mi hampha ahi.
43Ka Lalpa nu ka kiang ah la hung ziang hi bangtidan a hem?
44La chibai bûk thawm ka nakhang a lut leh lut lo in, ka gilpi sung ah nausen kipak ziakin a kichawm hi.
45A taksangnu le mi hampha ahi, a kiang ah Lalpa‘n thu a gen kha guitung ngei ding ahi ngal a,” a tia.
Mari Pâkna La
46Mari chun zia gual hin a gen a:
47“Ka hinna hin Lalpa a chawihoi ah;
ka thagaule ka Hukdampa Pathian ah chun,
a kipak ma ma hi;
48 #
1 Sa 1.11
a suaknu nam tawm tak hi a ngaisak ah.
Ngaitia, tu’kipat hin khangthak zosia’n,
hampha ei ti ding a hiu.
49Hat Chungnungpa chun kei â dingin thil lopi tak a bawl ta’n;
a min chu thiangtho ahi.
50Ama ki’chate chung ah chun,
a jangaina chu a khang,
a khang inle um zing ta’n a.
51A khutbân in a thahât jia a etsak in,
a lungthim ua kisatheite chu a the’chek tai.
52 #
Job 5.11; 12.19 Mi lopite chu a chutnau ah kipat a sawn tha’n,
mi tawm takte chu a domsâng tai.
53Gilkial chu thilpha’n a hitai in;
mihausa chu khutngawn in a sawl mang tai.
54A jangaina chu a hetmil lo ziakin,
a suak Israelte chu a panpi tai;
55 #
Thl 17.7
#
1 Sa 2.1-10
I puu Abraham leh a suante kumtuang thu ding chu,
a tiam tâk gual in,” ti’n a gen a.
56Mari chu tha thum ding vêl zia tak ah chun a châm ta’n; ziazaw chun a In lam in a chia kit tai.
Baptispa Johan Pianna
57Tichun, Elizabeth chu a nau nei hun a hung hi’phatin, chapa a hun nei tai.
58A Invêngte leh a chanaute zosia chun, a chung ah Lalpa‘n jangaina a latsak chu a het un, a kipakpi ma mau a.
59 #
Thp 12.3
Chuleh, a ni giat tin ni chun, nausen zektansak dingin a hung un; a pa min ma Zekhariah sak ding a guau a.
60Himaleh, a nu chun, “Hilo e! Johan I sak diu ahi,” a tia.
61Amau chun, “La Inkuan sung ua hin zia min pu chule la um ngai ua hem?” a tiu a.
62A pa kiang ah chun, tepte’na mang ah a min dingin bang a dawi em ti a dong tau a.
63Ama chun lekha zikna pek a don a, “A min ding chu Johan ahi,” ti’n a hun zik ah, a leng un mak a sa ma mau a.
64Ziaphatchun, thakhat in a kam a hung kihong ah, a lei chu a hung kitham ta’n; a hung paudok ah, Pathian a hun pâk tai.
65A Inkiangteu zosia chu a lau ma mau a; chuleh, zia thute chu Judea gam thingtâng gam tiang in a kithang suak tai.
66A chanchin a la hekha zosia chun pha tak in a tepteu a, “Zia naupang chu bang gual mi a hung hita bep diam?” a tiu a. Tichun, Lalpa khut chu a chung in a um zing hi.
Zekhariah Thu Genlawk
67Chun, a pa Zekhariah chu Thagau Thiangtho in a hung dim a, thu a hun genlawk a:
68“Lalpa, Israelte Pathian chu pâk in um ta hen;
ama chun a mite a hung kan tha’n,
a hung tandok tangal in.
69A suak David In sung ah kipat in ei uh â di’n,
hukdampa hat tak a hun tungdok tai;
70masang lai pek ah kipat khan,
zia thute hi a jawlnei thiangthote chu mang in,
a la genlawk ta’n,
71eimau ei hawte leh I mêlmateu lak ah kipat,
hukdaw ah I umtheina ding un.
72I pu I pateu kiang ah a jangaina thutiamte leh,
a thuthung thiangtho a het zing ziakin.
73I puu Abraham kiang ah a tiamsa kha,
eimau, mêlmate lak ah kipat ei tatdawsate hin,
74lau lo ah, a na I sepsak theina ding un,
eimau â ding ah a hun phal theina dingin.
75Thiangtho tak leh dik tak ah,
I dam sung siau a ma-âng ah I umtheina ding un.
76 #
Mal 3.1
Ziaziakchun, nang nausen,
Chungnung pen Jawlnei, ti hi’n la tin;
a lampi siamtup ding ah Lalpa ma ah,
a la chia ding la hingal a;
77a mite chu a gitlonau ngaidam ah,
hukdamna chu hiatsak dingin.
78I Pathian jangaina chu hung kilang in,
zia kipat chun chung lam vâk in ei hung kan tha’n tin;
79 #
Isa 9.2
thim lak leh thina lim nuai ah a la chute,
salvâk ding leh thamuanna lampi lam ah,
I kengteu pui dingin,” a tia.
80Tichun, naupang chu a hung khanglian deu deu a, lungthim lam in a hung hat tiat tiat a, Israelte kiang ah a hung kilâk masia chu gamthip in a um zing tai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.