LUKA 2
2
Jesu Pianna
(Mat 1.18-25)
1Zia hun ah chun, Lengpa Augastas chun gam pumpi Sia dawlna ding ah min zik lut ding thu a pia’n.
2Zia chu Suria gam ah Kurinias gam uk ah a pan lai ah min zikna masa pen chu ahi.
3Mi zosia chu min khum dingin amau khua chiat in a chiau a.
4Joseph le David In sung mi suante lak ah mi ahiziak in, Galili gam ah Nazareth khawpi kipat chun, Judea gam ah David khawpi Beth-lehem in a chia a.
5A ji hualsa Mari chu nauvop, suak vâng vâng ta chu tawh min khum ding chun a chia tau a.
6Zia tak ah a um sung ua chun, a nau nei chu a hung hun ta’n.
7Tichun, a chapa masa pen chu a hung piang ta’n; nau tuamna puan in a tuam a; khualbûk ah mun a awn tâk lo ziakin, gan ankuang in a sial tau hi.
Belampute leh Vansawlchâkte
8Zia tuam ah chun belam chingte lawi khat a um un; amau chu gamtalai ah a belamteu ching ah jan giak a hiu a.
9Lalpa vansawlchâk pakhat a kiang un a hung kilang phut ah, a kîmvêl uh chu Lalpa lopina’n a hun salvâk ta’n; a lau ma ma ziang ua.
10Vansawlchâk chun a kiang un, “Lau kiu inla, ngai tiam un, mi zosia â ding ah chanchin kipak um tak ka hun tut hi.
11Nang uh â dingin tu’ni hin David khawpi ah Hukdampa a hung piang tai, Lalpa Messiah chu.
12Chuleh, zia hi nang uh â dingin tepte’na hi’n a, Nausen puan ah kituam, gan ankuang ah kisial chu vamu’n lau,” a tia.
13Chuleh, thakhat in vansawlchâk kiang ah chun van mite a hung um un, Pathian pâkna La a hun sau a:
14“Chungnung pen ah Pathian chu, lopi tak in um hen la,
lei chung ah a doisak ma ma mihingte kiang hin,
chamna um ta hen!” a tiu a.
15Vansawlchâkte chu van lam ah a chia mang kit phat un, belam chingte chun, “Tu’hin Beth-lehem lam in vachia hitiu in, Lalpa‘n ei hung hil chu va-en hitiu,” a kitiu a.
16Tichun, kin tak in a vachiau a, Mari tawh, Joseph tawh gan an piakna kuang ah nausen lum chu a vamuu a.
17A mu phât un nausen chung thu a kiang ua hiatsak ahi dan uh chu a gen tau a.
18A la hekha taphot chun belam chingte thugen chu lamdang a sa thei ma mau a;
19ahi’n, Mari chun zia thute chu pha tak in a lungthim ah tepte in a ngaitua hi.
20Belamchingte chun vansawlchâk in a hil gual ngei ah bangkim a muu ah, a het ziak un Pathian chawihoi leh pâk kawm in a chia kit tau hi.
Jesu Min Phuakna
21 #
Thp 12.3; Luk 1.31 Nausen chu a zektan hun ding ni, ni giat ni chu a hung tun phatin, ama chu vansawlchâk in a nu sul sung ah a um ma a la genlawk sa ahi ziakin, a min in Jesu a sa tau hi.
Jesu Tempul ah Latna
22Mosi Dan dungzui ah a kisukthian hun a hung tun phat ah chun, Lalpa kiang ah lat dingin Jerusalem ah a hun pui un;
23 #
Pdt 13.2,12 (Lalpa dan ah chun, “Pawsal piang masa pen chu, Lalpa â ding ah a thiangtho ti’ding ahi,” ti ah zik a la hi’n;)
24 #
Thp 12.6-8
Lalpa dan ah kigen dungzui in, vapâl tuak khat a hem, vakhu tuak khat a hem chu kithoina thillat ah a lân tau hi.
25Zia lai ah chun, Jerusalem khua mi pakhat, a min Simeon kiti, mi kipezo tak leh midik tak, Israelte thamuanna ding ngâk in a la um a; ama chu Thagau Thiangtho in a thuam a.
26Lalpa Messiah chu a mu masangsia thilo ding ahi dan, Thagau Thiangtho chun a la hiatsak a.
27Tichun, Thagau pui in tempul sung ah chun a hung lut ah; nausen Jesu chu a nu leh a pa’n dan dungzui ah lat ding ah a hun pui lai ua chun,
28ama chun a la pâi a, Pathian a pâk a,
29“Lalpa, tu’hin la suak hi la thu gual gual in,
thamuang tak ah chiasak ding la hi tai;
30la hukdamna chu ka mit ngei in ka mu tak ziakin;
31mi zosia mu ah la guanggal lawksa chu;
32 #
Isa 42.6; 49.6; 52.10 vâk, Jentelte salvâk ding leh,
la mi Israelte lopina ding chu,” a tia.
33A chung thu zia gual ah a hun gen ziak ah chun, Joseph leh a nu chun mak a sa ma mau a.
34Simeon chun mal a jawl ah, a nu Mari kiang in, “Zia nausen hi Israelte lak ah mi tam takte pûkna ding leh, dindawna ding ah kiguat ahi; ama a gensiat ding uh tepte’na leh,
35mi tam tak lunggil ngaituana chu tâklat in hung um intin; chuleh, nangma hinna ngeile chemjam in hun sunlet in a,” a tia.
36Zia tak ah chun jawlnei numei pakhat, Asher nam ah mi, Phanuel chanu, Anna kiti chule a um ah; a kichen nung ua a pawsal tawh kum sagi a la um khawm ta; a kumle tam tawk ta,
37chuleh kum sawmgiat leh li sung meithâi ah a la khawsa ta, tempul ah kipat pawtdok lo ah, a sun a jan ah anngawl ah pauchap sek ahi’n.
38Zia hun ah chun ama le a hung lut a, Pathian a chawihoi a, Jerusalem tatdawna kinem ah a la ngâk zosia kiang ah chun, zia nausen chanchin chu a hun gen a.
Nazareth ah Kile’kitna
39 #
Mat 2.23
Tichun, Lalpa dan dungzui ah a thillat ding zosiau a latzaw phat un, Galili lam ah Nazareth khua’n a chia kit tau a.
40Zia nausen chu hung khang lian deu deu in, a hung hat deu deu ah, pilna’n a hung dim ah; a chung ah Pathian doisakna a um zing tai.
Naupang Jesu Tempul Ah
41 #
Pdt 12.1-27; Dan 16.1-8 Kum si’n leh Chiakân kût mang ah a nu leh pa chu Jerusalem ah a chia sek un;
42kum sawm leh ni a hung tin phatin, dan ngai gual ah kût mang dingin Jerusalem khua’n a vachiau a.
43Kût a matzaw phat un a hung kit tau a; himaleh, naupang Jesu chu Jerusalem in a la um den ta’n; Joseph leh a nu chun a hepuau a.
44Tichun, a khualzinpiteu lak ah chu um zing hi’n ah a ti ziak un, ni khat lam a chia tau a. A chanauteu leh mêlhette lak chu a hawl tau a,
45a mu lo phat un, ama hawl dingin Jerusalem lam in a chia kit tau a.
46Ni thum nung in tempul sung in a vamudok un; ama chu hotute lak ah chun a la kichu, thu ngaitha leh thu dong in a la um a.
47A thugen hekhate chun a het dan leh a dot dante chu, lamdang a sa ma mau a.
48A vamudaw phat un mak a sa ma mau ah; a nu chun a kiang in, “Ka chapa, bang a tia zia gual ah hi ei bawl la hem? La pa tawh thavai tak in ka hun hawl uh ei ve!” a tia.
49Ama chun a kiang un, “Bangatia ei hawl la hiu em? Ka Pa In ah um ding him ka hi ti helo la hiu em?” a tia.
50Ahi’n la, amau chun a thugen chu a ngaina a he diak puau hi.
51Ziaphatchun, amau chu a zui ah, Nazareth khua a hung tung kit tau ah; a thuu mang tak in a um a; himaleh, a nu chun a thugen zosia chu a tepte zing hi.
52 #
1 Sa 2.26; Tpl 3.4 Tichun, Jesu chu pilna leh taksa lam in a khang tiat tiat ah, Pathian leh mihing doisak in a um deu deu tai.
Currently Selected:
LUKA 2: VAIPBSI
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
LUKA 2
2
Jesu Pianna
(Mat 1.18-25)
1Zia hun ah chun, Lengpa Augastas chun gam pumpi Sia dawlna ding ah min zik lut ding thu a pia’n.
2Zia chu Suria gam ah Kurinias gam uk ah a pan lai ah min zikna masa pen chu ahi.
3Mi zosia chu min khum dingin amau khua chiat in a chiau a.
4Joseph le David In sung mi suante lak ah mi ahiziak in, Galili gam ah Nazareth khawpi kipat chun, Judea gam ah David khawpi Beth-lehem in a chia a.
5A ji hualsa Mari chu nauvop, suak vâng vâng ta chu tawh min khum ding chun a chia tau a.
6Zia tak ah a um sung ua chun, a nau nei chu a hung hun ta’n.
7Tichun, a chapa masa pen chu a hung piang ta’n; nau tuamna puan in a tuam a; khualbûk ah mun a awn tâk lo ziakin, gan ankuang in a sial tau hi.
Belampute leh Vansawlchâkte
8Zia tuam ah chun belam chingte lawi khat a um un; amau chu gamtalai ah a belamteu ching ah jan giak a hiu a.
9Lalpa vansawlchâk pakhat a kiang un a hung kilang phut ah, a kîmvêl uh chu Lalpa lopina’n a hun salvâk ta’n; a lau ma ma ziang ua.
10Vansawlchâk chun a kiang un, “Lau kiu inla, ngai tiam un, mi zosia â ding ah chanchin kipak um tak ka hun tut hi.
11Nang uh â dingin tu’ni hin David khawpi ah Hukdampa a hung piang tai, Lalpa Messiah chu.
12Chuleh, zia hi nang uh â dingin tepte’na hi’n a, Nausen puan ah kituam, gan ankuang ah kisial chu vamu’n lau,” a tia.
13Chuleh, thakhat in vansawlchâk kiang ah chun van mite a hung um un, Pathian pâkna La a hun sau a:
14“Chungnung pen ah Pathian chu, lopi tak in um hen la,
lei chung ah a doisak ma ma mihingte kiang hin,
chamna um ta hen!” a tiu a.
15Vansawlchâkte chu van lam ah a chia mang kit phat un, belam chingte chun, “Tu’hin Beth-lehem lam in vachia hitiu in, Lalpa‘n ei hung hil chu va-en hitiu,” a kitiu a.
16Tichun, kin tak in a vachiau a, Mari tawh, Joseph tawh gan an piakna kuang ah nausen lum chu a vamuu a.
17A mu phât un nausen chung thu a kiang ua hiatsak ahi dan uh chu a gen tau a.
18A la hekha taphot chun belam chingte thugen chu lamdang a sa thei ma mau a;
19ahi’n, Mari chun zia thute chu pha tak in a lungthim ah tepte in a ngaitua hi.
20Belamchingte chun vansawlchâk in a hil gual ngei ah bangkim a muu ah, a het ziak un Pathian chawihoi leh pâk kawm in a chia kit tau hi.
Jesu Min Phuakna
21 #
Thp 12.3; Luk 1.31 Nausen chu a zektan hun ding ni, ni giat ni chu a hung tun phatin, ama chu vansawlchâk in a nu sul sung ah a um ma a la genlawk sa ahi ziakin, a min in Jesu a sa tau hi.
Jesu Tempul ah Latna
22Mosi Dan dungzui ah a kisukthian hun a hung tun phat ah chun, Lalpa kiang ah lat dingin Jerusalem ah a hun pui un;
23 #
Pdt 13.2,12 (Lalpa dan ah chun, “Pawsal piang masa pen chu, Lalpa â ding ah a thiangtho ti’ding ahi,” ti ah zik a la hi’n;)
24 #
Thp 12.6-8
Lalpa dan ah kigen dungzui in, vapâl tuak khat a hem, vakhu tuak khat a hem chu kithoina thillat ah a lân tau hi.
25Zia lai ah chun, Jerusalem khua mi pakhat, a min Simeon kiti, mi kipezo tak leh midik tak, Israelte thamuanna ding ngâk in a la um a; ama chu Thagau Thiangtho in a thuam a.
26Lalpa Messiah chu a mu masangsia thilo ding ahi dan, Thagau Thiangtho chun a la hiatsak a.
27Tichun, Thagau pui in tempul sung ah chun a hung lut ah; nausen Jesu chu a nu leh a pa’n dan dungzui ah lat ding ah a hun pui lai ua chun,
28ama chun a la pâi a, Pathian a pâk a,
29“Lalpa, tu’hin la suak hi la thu gual gual in,
thamuang tak ah chiasak ding la hi tai;
30la hukdamna chu ka mit ngei in ka mu tak ziakin;
31mi zosia mu ah la guanggal lawksa chu;
32 #
Isa 42.6; 49.6; 52.10 vâk, Jentelte salvâk ding leh,
la mi Israelte lopina ding chu,” a tia.
33A chung thu zia gual ah a hun gen ziak ah chun, Joseph leh a nu chun mak a sa ma mau a.
34Simeon chun mal a jawl ah, a nu Mari kiang in, “Zia nausen hi Israelte lak ah mi tam takte pûkna ding leh, dindawna ding ah kiguat ahi; ama a gensiat ding uh tepte’na leh,
35mi tam tak lunggil ngaituana chu tâklat in hung um intin; chuleh, nangma hinna ngeile chemjam in hun sunlet in a,” a tia.
36Zia tak ah chun jawlnei numei pakhat, Asher nam ah mi, Phanuel chanu, Anna kiti chule a um ah; a kichen nung ua a pawsal tawh kum sagi a la um khawm ta; a kumle tam tawk ta,
37chuleh kum sawmgiat leh li sung meithâi ah a la khawsa ta, tempul ah kipat pawtdok lo ah, a sun a jan ah anngawl ah pauchap sek ahi’n.
38Zia hun ah chun ama le a hung lut a, Pathian a chawihoi a, Jerusalem tatdawna kinem ah a la ngâk zosia kiang ah chun, zia nausen chanchin chu a hun gen a.
Nazareth ah Kile’kitna
39 #
Mat 2.23
Tichun, Lalpa dan dungzui ah a thillat ding zosiau a latzaw phat un, Galili lam ah Nazareth khua’n a chia kit tau a.
40Zia nausen chu hung khang lian deu deu in, a hung hat deu deu ah, pilna’n a hung dim ah; a chung ah Pathian doisakna a um zing tai.
Naupang Jesu Tempul Ah
41 #
Pdt 12.1-27; Dan 16.1-8 Kum si’n leh Chiakân kût mang ah a nu leh pa chu Jerusalem ah a chia sek un;
42kum sawm leh ni a hung tin phatin, dan ngai gual ah kût mang dingin Jerusalem khua’n a vachiau a.
43Kût a matzaw phat un a hung kit tau a; himaleh, naupang Jesu chu Jerusalem in a la um den ta’n; Joseph leh a nu chun a hepuau a.
44Tichun, a khualzinpiteu lak ah chu um zing hi’n ah a ti ziak un, ni khat lam a chia tau a. A chanauteu leh mêlhette lak chu a hawl tau a,
45a mu lo phat un, ama hawl dingin Jerusalem lam in a chia kit tau a.
46Ni thum nung in tempul sung in a vamudok un; ama chu hotute lak ah chun a la kichu, thu ngaitha leh thu dong in a la um a.
47A thugen hekhate chun a het dan leh a dot dante chu, lamdang a sa ma mau a.
48A vamudaw phat un mak a sa ma mau ah; a nu chun a kiang in, “Ka chapa, bang a tia zia gual ah hi ei bawl la hem? La pa tawh thavai tak in ka hun hawl uh ei ve!” a tia.
49Ama chun a kiang un, “Bangatia ei hawl la hiu em? Ka Pa In ah um ding him ka hi ti helo la hiu em?” a tia.
50Ahi’n la, amau chun a thugen chu a ngaina a he diak puau hi.
51Ziaphatchun, amau chu a zui ah, Nazareth khua a hung tung kit tau ah; a thuu mang tak in a um a; himaleh, a nu chun a thugen zosia chu a tepte zing hi.
52 #
1 Sa 2.26; Tpl 3.4 Tichun, Jesu chu pilna leh taksa lam in a khang tiat tiat ah, Pathian leh mihing doisak in a um deu deu tai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.