YUNIRÜBO RHIMO 24
24
Jihudarünü Paul Müdamkhi
1Nimung phüngü dunglim achangbe amükeambuh Anania lung azothsürü khürü tüsho yakzan mükheahrü khülang Tertulla bebah aki. Arünü Paul azhihde arü lümkhi kovünor miki jih; 2küyimki Paul jiyukkhea, Tertullanü api müdamde athapü tankih:
“Atoashangrü Felix, nü hode isa mungtsü lado tüsho isa lomi thsungkheak amüthrikhi ahihdo rhimodo, 3limro alala tüsho lüpdükhi ching isanü asühde ha leangkhichoh. 4Tüshe nü müpeangshangshihpü, muzhobah isa ki anükhüh anijang de mushuchoh. 5Ha mihtsürü ju thsümütsü-jihrü, Jihudarü alala bolung arhungangüm jihbuh ah de isanü yimkhitdo, tüsho Nazarethrü bolung api aberü ah. 6Apinü arüngyam she amüneanpü mürang, tüshe isanü api ram. 7Tüshe limthobuh Lysia arü tüsho isa khah chingnü jangkhia lubah 8api müdamrübo nü kilim arüpü thiyukhüm jih. Api rükakheahkhi hode isanü api müdamkhi alala nünü amütsanbah.” 9Tüsho Jihudarünü she harü thiyuro ah de lümbah amüdamkhi lung berung.
Paulnü Felix miki Reanglokhi
10Küyimki kovünornü api ki thiyu thapü athsungkheanü Paulnü alo:
“Ha trükshih kurungkheak kam ahihdo mahkhaprü lakheah de mükheahbah, inü asühde reanglode thachoh. 11Inü kingaünpü Jirusalem ching wutukhi nimung thürükheak mahne muhoyi de nünü mütsanlah; 12tüsho arünü I arüngyam yungsho sinagogbo yungsho kiuto ching khürü ki atsangde yungsho boto thurumusude müngü. 13Arünü I azhihde nü ki she amütsan jihkhukpü yung. 14Tüshe arünü yingüh khülang de ajikhi Limro yande yakzan ching lakhi yungsho wukihrübo ching thrütkhi lüpdükhi yande isa jipürü Thrünpuh kingaünkhi inü nü ki alokhichoh. 15Tüsho harü mihtsürübo nangde thiyuro-lungki tüsho mihbukmuyuk chido thsungkheak arhang kamlokhi labah de inü Thrünpuh kheak akin lah. 16Junangde inü Thrünpuh tüsho mihtsürü kilim lümkhi müsühde alapü kamruhroro mürangchoh. 17#Yunir 21.17-28Kam anükhüh dunglim inü I yo trükshih kilim arung tüsho kingaün jihpü arü. 18Inü ha rhimode alachoki Asia ching Jihudarü khürünü boto yungsho arhungangüm mülade arüngyam ching I tsangkhita ngü. 19Arünü I azhihde tümüanü nüsa miki I amülim jihpü ha ching lah. 20Yungsho I kiuthsü-binkiu miki zhipchoki inü amütsü rhimokhi arünü I kheak ngüa lasho ha ching larünü thashang, 21#Yunir 23.6inü arü bolung zhipbah azhikhi khülang ha lang düh, ‘Asherü arhang kamlobah de akinkhi hode nüsa miki I mahkhapkhi ching lah.’ ”
22Tüshe mütsanmükhide Limro mükheahbuh Felixnü akheam thsüde tha, “Küyimki limthobuh Lysia akibanü inü nüsa dünkheak zanzhak jihbah.” 23Apinü atorü ki Paul ju rihyam ching zopü, tüshe api zuzu khürü lapü tüsho api yihnüpü jihpü müyamrübo ki mülüpü thiyukhüm jih.
Felix tüsho Drusilla miki Paul
24Nimung anükhüh dunglim Felixnü aniube Jihudaberü Drusilla bebah arü; apinü Paul jishih tüsho apinü Jisu Khrista kheak akin lakhi thade so. 25Tüsho apinü thiyuro le zangrü danyukkhi tüsho arübe mahkhap atsangachihchoki Felix trede kam tüsho tha, “Kheakü thsungkheak tsoang; küyimki I kim labanü inü nü jibah.” 26Kheaküshe Paulnü api kilim sho jihpü labah de mulonglam. Jumonü apinü alode api jishihbah asukachih. 27Tüshe küyimki kam mahne hokhea, Felix ju Porcia Festanü müthri; tüsho Jihudarü asühshihpü Felixnü Paul ju rihyam ching zo.
Currently Selected:
YUNIRÜBO RHIMO 24: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
YUNIRÜBO RHIMO 24
24
Jihudarünü Paul Müdamkhi
1Nimung phüngü dunglim achangbe amükeambuh Anania lung azothsürü khürü tüsho yakzan mükheahrü khülang Tertulla bebah aki. Arünü Paul azhihde arü lümkhi kovünor miki jih; 2küyimki Paul jiyukkhea, Tertullanü api müdamde athapü tankih:
“Atoashangrü Felix, nü hode isa mungtsü lado tüsho isa lomi thsungkheak amüthrikhi ahihdo rhimodo, 3limro alala tüsho lüpdükhi ching isanü asühde ha leangkhichoh. 4Tüshe nü müpeangshangshihpü, muzhobah isa ki anükhüh anijang de mushuchoh. 5Ha mihtsürü ju thsümütsü-jihrü, Jihudarü alala bolung arhungangüm jihbuh ah de isanü yimkhitdo, tüsho Nazarethrü bolung api aberü ah. 6Apinü arüngyam she amüneanpü mürang, tüshe isanü api ram. 7Tüshe limthobuh Lysia arü tüsho isa khah chingnü jangkhia lubah 8api müdamrübo nü kilim arüpü thiyukhüm jih. Api rükakheahkhi hode isanü api müdamkhi alala nünü amütsanbah.” 9Tüsho Jihudarünü she harü thiyuro ah de lümbah amüdamkhi lung berung.
Paulnü Felix miki Reanglokhi
10Küyimki kovünornü api ki thiyu thapü athsungkheanü Paulnü alo:
“Ha trükshih kurungkheak kam ahihdo mahkhaprü lakheah de mükheahbah, inü asühde reanglode thachoh. 11Inü kingaünpü Jirusalem ching wutukhi nimung thürükheak mahne muhoyi de nünü mütsanlah; 12tüsho arünü I arüngyam yungsho sinagogbo yungsho kiuto ching khürü ki atsangde yungsho boto thurumusude müngü. 13Arünü I azhihde nü ki she amütsan jihkhukpü yung. 14Tüshe arünü yingüh khülang de ajikhi Limro yande yakzan ching lakhi yungsho wukihrübo ching thrütkhi lüpdükhi yande isa jipürü Thrünpuh kingaünkhi inü nü ki alokhichoh. 15Tüsho harü mihtsürübo nangde thiyuro-lungki tüsho mihbukmuyuk chido thsungkheak arhang kamlokhi labah de inü Thrünpuh kheak akin lah. 16Junangde inü Thrünpuh tüsho mihtsürü kilim lümkhi müsühde alapü kamruhroro mürangchoh. 17#Yunir 21.17-28Kam anükhüh dunglim inü I yo trükshih kilim arung tüsho kingaün jihpü arü. 18Inü ha rhimode alachoki Asia ching Jihudarü khürünü boto yungsho arhungangüm mülade arüngyam ching I tsangkhita ngü. 19Arünü I azhihde tümüanü nüsa miki I amülim jihpü ha ching lah. 20Yungsho I kiuthsü-binkiu miki zhipchoki inü amütsü rhimokhi arünü I kheak ngüa lasho ha ching larünü thashang, 21#Yunir 23.6inü arü bolung zhipbah azhikhi khülang ha lang düh, ‘Asherü arhang kamlobah de akinkhi hode nüsa miki I mahkhapkhi ching lah.’ ”
22Tüshe mütsanmükhide Limro mükheahbuh Felixnü akheam thsüde tha, “Küyimki limthobuh Lysia akibanü inü nüsa dünkheak zanzhak jihbah.” 23Apinü atorü ki Paul ju rihyam ching zopü, tüshe api zuzu khürü lapü tüsho api yihnüpü jihpü müyamrübo ki mülüpü thiyukhüm jih.
Felix tüsho Drusilla miki Paul
24Nimung anükhüh dunglim Felixnü aniube Jihudaberü Drusilla bebah arü; apinü Paul jishih tüsho apinü Jisu Khrista kheak akin lakhi thade so. 25Tüsho apinü thiyuro le zangrü danyukkhi tüsho arübe mahkhap atsangachihchoki Felix trede kam tüsho tha, “Kheakü thsungkheak tsoang; küyimki I kim labanü inü nü jibah.” 26Kheaküshe Paulnü api kilim sho jihpü labah de mulonglam. Jumonü apinü alode api jishihbah asukachih. 27Tüshe küyimki kam mahne hokhea, Felix ju Porcia Festanü müthri; tüsho Jihudarü asühshihpü Felixnü Paul ju rihyam ching zo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.