YUNIRÜBO RHIMO 25
25
Festa miki Paul
1Küyimki Festa api lomi ching arükhea, nimung mahsam dunglim Kaesarea chingnü Jirusalem lim wutu. 2Amükeam putungrübo tüsho Jihudarü adungto mihtsürübonü Paul azhihde api ki thiyusheak jih; tüsho arünü api ki mushude, 3limro ching jimde binbah api laksahpü mihtsürü ju Jirusalem lim yüshihpü tha. 4Paul ju Kaesarea ching zolah, tüsho api she nahde ju ching yüpü lümlah de Festanü alo. 5Apinü tha, “Jumonü, nüsa bolung adungto mihtsürübo I lung akishang, tüsho mihtsürübo dünkheak tümüanü amülim lasho, arünü api müdamshang.”
6Apinü arü lung nimung tizheah yungsho thürü mung dunglim Kaesarea lim yüki; tüsho ashidopü apinü mahkhap binkiu kheak binbah Paul bede arüpü thiyukhüm jih. 7Tüsho küyimki api arükhea, Jirusalem chingnü arükhi Jihudarünü api mükamdoa zhipbah arünü mümütsankhukkhi ahihdonü Paul azhihde atsang. 8Tüshe Paulnü api chilode tha, “Inü Jihudarü yakzan, yungsho arüngyam, yungsho Kaesar azhihde amülim tümü mürhimo.” 9Tüshe Festanü Jihudarü asühshihpü mulungde Paul ki tha, “Nünü Jirusalem lim wutubah harü dünkheak I miki mahkhapshihpü mulongla shi?” 10Paulnü tha, “I a I mahkhappü lakhi Kaesar mahkhappung kheak zhiplah. Nünü tsüde mükheahlah, inü Jihudarü ki amülim tümü mürhimo. 11I amülim rhimorü thsübah ashepü thülünde lakmihkhülaa, inü ashe tsokhipü müyim tüshe mihtsürübonü I müdamkhi ching tümü mülasho, shenü she I arü kilim müjihkhuk. Inü Kaesar ki mushuchoh.” 12Judüki Festanü kiuthsü-binkiu ki asukachihbah alo, “Nünü Kaesar ki mushudo; nü Kaesar kilim yübah.”
Agrippa le Berni miki Paul
13Küyimki nimung anükhüh hokhea, kiulongthsüpuh Agrippa le Berni büne Festa leangkhipü Kaesarea khiung. 14Küyimki arü ju ching nimung ahihkhüh mungkhea, Festanü Paul dünkheak kiulongthsüpuh ki tha: “Felixnü aramrü thsüde alashihkhi mihtsürü khülang lah; 15tüsho küyimki I Jirusalem ching lakhea, amükeam putungrü tüsho Jihudarü azothsürübonü api azhihde amüdamkhibo hande arü tüsho api bahyukpü I ki keokhi. 16Tüshe mihtsürü khülang ju api müdamrü mironü miro shorubah api azhihkhi matsangyikia jihabahpü Rom yakzan müla de inü arü ki tha. 17Küyimki arü I lung ha ching arükhea, inü ju dünkheak mashu, tüshe ashidopü mahkhappü ji tüsho mihtsürü ju bede azahpü thiyukhüm jih. 18Küyimki amüdamrü zhipkhea, inü mükkin thsükhi arünü api azhihde amütsü mütha. 19Tüshe arünü api ki atsangpü lakhi ju arü kingaün tüsho Paulnü rhangdung lah de athakhi shea lakhi Jisu dünkheak lakheah. 20Harü dünkheak keokhikeorapü inü mukukde kam; jumonü Jirusalem ching yübah harü dünkheak mahkhap ching zhippü mulongnahnü inü api ki keokhi. 21Tüshe küyimki kiulongthsüpuhnü mütsanmükhishihpü Paulnü rihyam ching zopü mushukhea, inü api Kaesar kilim müyüshihyi khiungde lashih.” 22Tüsho Agrippanü Festa ki tha, “Inü ha mihtsürü ki aniakheahnelah.” Apinü alo, “Nünü api shido anibah.”
23Ashidopü Agrippa le Berni bünenü tsüde thsakhambah arü tüsho atorübo le kiuto ching azo mihtsürübo bebah boto khiungshak ching yüzah. Festanü thiyukhüm jihbah Paul bede azah. 24Tüsho Festanü tha, “Kiulongthsüpuh Agrippa tüsho isa lung berü alala, Jirusalem tüsho ha ching Jihudarü mihtsürü athrünkhinü api kheaküa mülashihbeah de I ki zhikhi mihtsürü ha kheahang. 25Tüshe api ashepü thülünde tümü mürhimokhi inü yimkhit; tüsho api küdahnü kiulongthsüpuh ki mushukhi nangde inü api kilim yüshihpü pungkhi. 26Tüshe inü api dünkheak I tungpuh kilim thrütpü tümü mütsande müla. Jumonü inü adungto thsüde api ju nü, kiulongthsüpuh Agrippa miki bede arükheah, junangde isanü api yimakheah dunglim, inü athrütpü tümükhüh labah. 27Tümütüsho api azhihkhi mümütsanmükhide aramrü khülang yüshihpü ju alungki yung de inü lümlah.”
Currently Selected:
YUNIRÜBO RHIMO 25: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
YUNIRÜBO RHIMO 25
25
Festa miki Paul
1Küyimki Festa api lomi ching arükhea, nimung mahsam dunglim Kaesarea chingnü Jirusalem lim wutu. 2Amükeam putungrübo tüsho Jihudarü adungto mihtsürübonü Paul azhihde api ki thiyusheak jih; tüsho arünü api ki mushude, 3limro ching jimde binbah api laksahpü mihtsürü ju Jirusalem lim yüshihpü tha. 4Paul ju Kaesarea ching zolah, tüsho api she nahde ju ching yüpü lümlah de Festanü alo. 5Apinü tha, “Jumonü, nüsa bolung adungto mihtsürübo I lung akishang, tüsho mihtsürübo dünkheak tümüanü amülim lasho, arünü api müdamshang.”
6Apinü arü lung nimung tizheah yungsho thürü mung dunglim Kaesarea lim yüki; tüsho ashidopü apinü mahkhap binkiu kheak binbah Paul bede arüpü thiyukhüm jih. 7Tüsho küyimki api arükhea, Jirusalem chingnü arükhi Jihudarünü api mükamdoa zhipbah arünü mümütsankhukkhi ahihdonü Paul azhihde atsang. 8Tüshe Paulnü api chilode tha, “Inü Jihudarü yakzan, yungsho arüngyam, yungsho Kaesar azhihde amülim tümü mürhimo.” 9Tüshe Festanü Jihudarü asühshihpü mulungde Paul ki tha, “Nünü Jirusalem lim wutubah harü dünkheak I miki mahkhapshihpü mulongla shi?” 10Paulnü tha, “I a I mahkhappü lakhi Kaesar mahkhappung kheak zhiplah. Nünü tsüde mükheahlah, inü Jihudarü ki amülim tümü mürhimo. 11I amülim rhimorü thsübah ashepü thülünde lakmihkhülaa, inü ashe tsokhipü müyim tüshe mihtsürübonü I müdamkhi ching tümü mülasho, shenü she I arü kilim müjihkhuk. Inü Kaesar ki mushuchoh.” 12Judüki Festanü kiuthsü-binkiu ki asukachihbah alo, “Nünü Kaesar ki mushudo; nü Kaesar kilim yübah.”
Agrippa le Berni miki Paul
13Küyimki nimung anükhüh hokhea, kiulongthsüpuh Agrippa le Berni büne Festa leangkhipü Kaesarea khiung. 14Küyimki arü ju ching nimung ahihkhüh mungkhea, Festanü Paul dünkheak kiulongthsüpuh ki tha: “Felixnü aramrü thsüde alashihkhi mihtsürü khülang lah; 15tüsho küyimki I Jirusalem ching lakhea, amükeam putungrü tüsho Jihudarü azothsürübonü api azhihde amüdamkhibo hande arü tüsho api bahyukpü I ki keokhi. 16Tüshe mihtsürü khülang ju api müdamrü mironü miro shorubah api azhihkhi matsangyikia jihabahpü Rom yakzan müla de inü arü ki tha. 17Küyimki arü I lung ha ching arükhea, inü ju dünkheak mashu, tüshe ashidopü mahkhappü ji tüsho mihtsürü ju bede azahpü thiyukhüm jih. 18Küyimki amüdamrü zhipkhea, inü mükkin thsükhi arünü api azhihde amütsü mütha. 19Tüshe arünü api ki atsangpü lakhi ju arü kingaün tüsho Paulnü rhangdung lah de athakhi shea lakhi Jisu dünkheak lakheah. 20Harü dünkheak keokhikeorapü inü mukukde kam; jumonü Jirusalem ching yübah harü dünkheak mahkhap ching zhippü mulongnahnü inü api ki keokhi. 21Tüshe küyimki kiulongthsüpuhnü mütsanmükhishihpü Paulnü rihyam ching zopü mushukhea, inü api Kaesar kilim müyüshihyi khiungde lashih.” 22Tüsho Agrippanü Festa ki tha, “Inü ha mihtsürü ki aniakheahnelah.” Apinü alo, “Nünü api shido anibah.”
23Ashidopü Agrippa le Berni bünenü tsüde thsakhambah arü tüsho atorübo le kiuto ching azo mihtsürübo bebah boto khiungshak ching yüzah. Festanü thiyukhüm jihbah Paul bede azah. 24Tüsho Festanü tha, “Kiulongthsüpuh Agrippa tüsho isa lung berü alala, Jirusalem tüsho ha ching Jihudarü mihtsürü athrünkhinü api kheaküa mülashihbeah de I ki zhikhi mihtsürü ha kheahang. 25Tüshe api ashepü thülünde tümü mürhimokhi inü yimkhit; tüsho api küdahnü kiulongthsüpuh ki mushukhi nangde inü api kilim yüshihpü pungkhi. 26Tüshe inü api dünkheak I tungpuh kilim thrütpü tümü mütsande müla. Jumonü inü adungto thsüde api ju nü, kiulongthsüpuh Agrippa miki bede arükheah, junangde isanü api yimakheah dunglim, inü athrütpü tümükhüh labah. 27Tümütüsho api azhihkhi mümütsanmükhide aramrü khülang yüshihpü ju alungki yung de inü lümlah.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.