THRÜNTAN 26
26
Gerar ching Isak Lakhi
1Akhuhlim Abraham kim ching lakhi khümzung kheaknü püpü khümzung lomi ching lakheah. Tüsho Isaknü Gerar ching Filistia kiulongthsüpuh Abimelek kilim yü. 2Judüki Atungpuh api ki akhiuk tüsho tha, “Ijip lim düyüki; inü nü ki thapü lakhi lomi ching laang. 3Ha lomi ching lacholang, tüsho I nü lung labah tüsho nü müngühjihbah; tümüde inü nü le nü tsühsoniusobo kilim harü lobo alala jihbah, tüsho nü buh Abraham ki thiyuchihchimkhi dünjishihbah. 4Tüsho inü nü tsühsoniusobo ju thüning ching chiningbo nangde abushihbah; inü nü tsühsoniusobo kilim harü lobo alala jihbah; tüsho nü müjih ching alomi trükshih alala müngühmühibah; 5tümütüsho Abrahamnü I yu ani tüsho I yakzanbo le thiyukhümbo alala zo.”
6Jumonü Isaknü Gerar ching la. 7Küyimki ju ching lakhi mihtsürübonü aniube dünkheak keokhikheanü, apinü alibe ju api niurü ah de tha. Apinü alibe ju aniube ah de athapü tre tümütüsho ju ching lakhi mihtsürübonü Rebeka dünkheaknü api laksahpü labah de lüm, tümüde alibe akheahpü atsü lakheah. 8Küyimki Isak ju ching kim ashang lakheanü, Filistia kiulongthsüpuh Abimeleknü ayinripit chingnü abinkhia kheah tüsho Isak le aniube Rebeka büne muzhoachihde ngü. 9Jumonü Abimeleknü Isak ji tüsho tha, “Dükde anihbe nü niube ah! Tümüde nünü ‘I niurü ah’ de athakhea?” Isaknü api ki alo, “Tümütüsho anihbe dünkheaknü I rhangdung dükheakpü labah de inü lüm.” 10Tüsho Abimeleknü tha, “Nünü isa ki rhimokhi ha tümü a? I mihtsürü khürünü nahde nü niube lung müyambah, tüsho nünü isa kheak amülim hande arüpü lakheah.” 11Jumonü Abimeleknü api mihtsürü alala ki thiyukhüm jih: “Shepünü ha mihtsürü yungsho aniube qiubanü tsükjide asheshihbah.”
12Judüki Isaknü ju lo ching mükhean, tüsho ju kam chinü alü thsüde yimlu; tüsho Atungpuhnü api müngühjih. 13Mihtsürü ju alarü kam, tüsho api khide mülakhityi khiungde lakihde yü. 14Api mihnu boto le moshi boto tüsho yamlarübo khide hihde alakhinü Filistiarünü api kheak mükthsü. 15Jumonü abuh Abraham kim ching api yamlarübonü akiukhi kekhip Filistiarünü alonü dangabahjih. 16Tüsho Abimeleknü Isak ki tha, “Isa kheaknü akhinde tsoang; isa kheaknü nü khide wulakhi kamdo.”
17Judüki Isaknü ju chingnü chamachih tüsho Gerar dükhün ching api khimyam thsübah ju ching la. 18Isaknü abuh Abraham kim ching kekhipbo kiubah api sheshu Filistiarünü atukloshihkhibo kiulo. Apinü jurübo abuhnü ajihkhi mungbonü ji. 19Isak yamlarübonü jindükhün ching kekhip kiu, tüsho arünü ju ching ke amüsüh kekhip khülang kiukhit. 20Tüshe Gerar moshi neakrünü Isak moshi neakrü kheak rukachihde tha, “Ke ha isa yo ah.” Jumonü apinü kekhip mung ju Esek#Rukachihkhi de ji, tümütüsho arünü api kheak rukachih. 21Jushu arünü kekhip püpü kiu, tüsho arünü ju thsungkheak she rukachih. Jumonü apinü ju mung Sitna#Mükthsükhi de ji. 22Tüsho apinü ju chingnü akhinbah kekhip püpü kiu, tüsho arünü ju thsungkheak a bede murukachih. Jumonü apinü ju mung Rehoboth#Khiungshak yungsho zuzu. de ji, tümütüsho apinü tha, “Tümüde kheakü Atungpuhnü isa thsungkheak khiungshak thsüjihdo, tüsho isa lomi ching aso asode alabah.”
23Judüki apinü ju chingnü Beersheba lim wutu. 24Ju tsüngre Atungpuh api ki akhiuk tüsho tha, “I nü buh Abraham Thrünpuh ah; dütre, tümüde I nü lung lah. Inü I yamlarü Abraham thsülimnü nü müngühjihbah tüsho nü tsühsoniusobo bushihbah.” 25Jumonü apinü ju ching kingaün sadam khülang thsü tüsho Atungpuh mung ji, tüsho apinü ju ching anihbuh khimyam thsü; tüsho Isak yamlarübonü ju ching kekhip khülang kiu.
Isak le Abimelek dükeak Thiyuchihchim
26Judüki Abimeleknü api lung amüyamrü Ahuzzath tüsho api bonungrü limthobuh Phikol bebah Gerar chingnü arü. 27Tüsho Isaknü arü ki tha, “Nüsanü I thraneande nüsa kheaknü thiyia tsoshihbah tümü thsüpü I kilim arükhea?” 28Tüshe arünü tha, “Atungpuh nü lung lah de isanü tsükjide ngüdo. Jumonü isanü thachoh, nü tüsho isa dükeak thiyuchihchim khülang lashihanü, tüsho isanü nü kheak tangzüng khülang thsanü, 29jude thsüsho lang isanü nü kheak müqiude atsü rhimobah mungtsü ching thiyia tsoshihkhi nangde nünü isa ki amütsü müthsüde alabah. Nü a kheakü Atungpuhnü müngühjih-a lah.” 30Jumonü apinü arü khilim tsühyungpü thsakhamjih, tüsho arünü tsühyung. 31Jushu arünü yapsu mükikde asürü tüsho khülangnü khülang ki thiyuchihchim lu; Isaknü arü thiyia tsoshih, tüsho arünü mungtsü chingnü api kheaknü chamachih. 32Ju nimung Isak yamlarübonü arü tüsho arünü akiukhi kekhip dünkheak api ki tha, “Isanü kekhip ngüdo.” 33Jumonü apinü ju ki Sheba#Thiyuchihchim yungsho thüne. de ji. Jumonü khihni khiungde kiuto ju Beersheba de jichoh.
Esau Khiungkerü Niuberübo
34Küyimki Esau kam 40 azorü lakheanü, apinü niuberübo, Hitrü Beeri tsührübe Judith tüsho Hitrü Elon tsührübe Basemath lu. 35Tüsho arübo ju Isak le Rebeka mulong kimishihbe lakheah.
Currently Selected:
THRÜNTAN 26: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
THRÜNTAN 26
26
Gerar ching Isak Lakhi
1Akhuhlim Abraham kim ching lakhi khümzung kheaknü püpü khümzung lomi ching lakheah. Tüsho Isaknü Gerar ching Filistia kiulongthsüpuh Abimelek kilim yü. 2Judüki Atungpuh api ki akhiuk tüsho tha, “Ijip lim düyüki; inü nü ki thapü lakhi lomi ching laang. 3Ha lomi ching lacholang, tüsho I nü lung labah tüsho nü müngühjihbah; tümüde inü nü le nü tsühsoniusobo kilim harü lobo alala jihbah, tüsho nü buh Abraham ki thiyuchihchimkhi dünjishihbah. 4Tüsho inü nü tsühsoniusobo ju thüning ching chiningbo nangde abushihbah; inü nü tsühsoniusobo kilim harü lobo alala jihbah; tüsho nü müjih ching alomi trükshih alala müngühmühibah; 5tümütüsho Abrahamnü I yu ani tüsho I yakzanbo le thiyukhümbo alala zo.”
6Jumonü Isaknü Gerar ching la. 7Küyimki ju ching lakhi mihtsürübonü aniube dünkheak keokhikheanü, apinü alibe ju api niurü ah de tha. Apinü alibe ju aniube ah de athapü tre tümütüsho ju ching lakhi mihtsürübonü Rebeka dünkheaknü api laksahpü labah de lüm, tümüde alibe akheahpü atsü lakheah. 8Küyimki Isak ju ching kim ashang lakheanü, Filistia kiulongthsüpuh Abimeleknü ayinripit chingnü abinkhia kheah tüsho Isak le aniube Rebeka büne muzhoachihde ngü. 9Jumonü Abimeleknü Isak ji tüsho tha, “Dükde anihbe nü niube ah! Tümüde nünü ‘I niurü ah’ de athakhea?” Isaknü api ki alo, “Tümütüsho anihbe dünkheaknü I rhangdung dükheakpü labah de inü lüm.” 10Tüsho Abimeleknü tha, “Nünü isa ki rhimokhi ha tümü a? I mihtsürü khürünü nahde nü niube lung müyambah, tüsho nünü isa kheak amülim hande arüpü lakheah.” 11Jumonü Abimeleknü api mihtsürü alala ki thiyukhüm jih: “Shepünü ha mihtsürü yungsho aniube qiubanü tsükjide asheshihbah.”
12Judüki Isaknü ju lo ching mükhean, tüsho ju kam chinü alü thsüde yimlu; tüsho Atungpuhnü api müngühjih. 13Mihtsürü ju alarü kam, tüsho api khide mülakhityi khiungde lakihde yü. 14Api mihnu boto le moshi boto tüsho yamlarübo khide hihde alakhinü Filistiarünü api kheak mükthsü. 15Jumonü abuh Abraham kim ching api yamlarübonü akiukhi kekhip Filistiarünü alonü dangabahjih. 16Tüsho Abimeleknü Isak ki tha, “Isa kheaknü akhinde tsoang; isa kheaknü nü khide wulakhi kamdo.”
17Judüki Isaknü ju chingnü chamachih tüsho Gerar dükhün ching api khimyam thsübah ju ching la. 18Isaknü abuh Abraham kim ching kekhipbo kiubah api sheshu Filistiarünü atukloshihkhibo kiulo. Apinü jurübo abuhnü ajihkhi mungbonü ji. 19Isak yamlarübonü jindükhün ching kekhip kiu, tüsho arünü ju ching ke amüsüh kekhip khülang kiukhit. 20Tüshe Gerar moshi neakrünü Isak moshi neakrü kheak rukachihde tha, “Ke ha isa yo ah.” Jumonü apinü kekhip mung ju Esek#Rukachihkhi de ji, tümütüsho arünü api kheak rukachih. 21Jushu arünü kekhip püpü kiu, tüsho arünü ju thsungkheak she rukachih. Jumonü apinü ju mung Sitna#Mükthsükhi de ji. 22Tüsho apinü ju chingnü akhinbah kekhip püpü kiu, tüsho arünü ju thsungkheak a bede murukachih. Jumonü apinü ju mung Rehoboth#Khiungshak yungsho zuzu. de ji, tümütüsho apinü tha, “Tümüde kheakü Atungpuhnü isa thsungkheak khiungshak thsüjihdo, tüsho isa lomi ching aso asode alabah.”
23Judüki apinü ju chingnü Beersheba lim wutu. 24Ju tsüngre Atungpuh api ki akhiuk tüsho tha, “I nü buh Abraham Thrünpuh ah; dütre, tümüde I nü lung lah. Inü I yamlarü Abraham thsülimnü nü müngühjihbah tüsho nü tsühsoniusobo bushihbah.” 25Jumonü apinü ju ching kingaün sadam khülang thsü tüsho Atungpuh mung ji, tüsho apinü ju ching anihbuh khimyam thsü; tüsho Isak yamlarübonü ju ching kekhip khülang kiu.
Isak le Abimelek dükeak Thiyuchihchim
26Judüki Abimeleknü api lung amüyamrü Ahuzzath tüsho api bonungrü limthobuh Phikol bebah Gerar chingnü arü. 27Tüsho Isaknü arü ki tha, “Nüsanü I thraneande nüsa kheaknü thiyia tsoshihbah tümü thsüpü I kilim arükhea?” 28Tüshe arünü tha, “Atungpuh nü lung lah de isanü tsükjide ngüdo. Jumonü isanü thachoh, nü tüsho isa dükeak thiyuchihchim khülang lashihanü, tüsho isanü nü kheak tangzüng khülang thsanü, 29jude thsüsho lang isanü nü kheak müqiude atsü rhimobah mungtsü ching thiyia tsoshihkhi nangde nünü isa ki amütsü müthsüde alabah. Nü a kheakü Atungpuhnü müngühjih-a lah.” 30Jumonü apinü arü khilim tsühyungpü thsakhamjih, tüsho arünü tsühyung. 31Jushu arünü yapsu mükikde asürü tüsho khülangnü khülang ki thiyuchihchim lu; Isaknü arü thiyia tsoshih, tüsho arünü mungtsü chingnü api kheaknü chamachih. 32Ju nimung Isak yamlarübonü arü tüsho arünü akiukhi kekhip dünkheak api ki tha, “Isanü kekhip ngüdo.” 33Jumonü apinü ju ki Sheba#Thiyuchihchim yungsho thüne. de ji. Jumonü khihni khiungde kiuto ju Beersheba de jichoh.
Esau Khiungkerü Niuberübo
34Küyimki Esau kam 40 azorü lakheanü, apinü niuberübo, Hitrü Beeri tsührübe Judith tüsho Hitrü Elon tsührübe Basemath lu. 35Tüsho arübo ju Isak le Rebeka mulong kimishihbe lakheah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.