THRÜNTAN 27
27
Isaknü Jakob Müngühjihkhi
1Küyimki Isak ashinbuhrü kamkheanü, api mükbo thrimthrimde müngükhukde, apinü atsührü azopü Esau ji, “I tsah-a.” Tüsho apinü alo, “I ha ching lah.” 2Tüsho apinü tha, “Kheaküa I shina lah tüsho I ashepü nimung inü mümükheah. 3Jumonü kheakü muzhobah nü thsühnukbo, hühzopung tüsho sanglüh luang, tüsho mükeak ching I khilim shih yanang. 4Tüsho I khilim tsühyungpü akebe, inü akünkhi mozümodobah lude arang, junangde inü atsühbah tüsho I müsheyide inü nü müngühjihbah.”
5Kheakü Isaknü atsührü Esau ki thachoki Rebekanü anide alakheah. Tüsho Esaunü shih laksah-a lubah arüpü mükeak ching yü. 6Jumonü Rebekanü atsührü Jakob ki tha, “Nü buhnü nü khiung Esau ki thakhi inü sodo, 7‘I kilim shih laksah-a lude arang tüsho tsühyungpü akebe mozümodoang, junangde inü tsühbah I müsheyide Atungpuh miki nü müngühjihbah.’ 8Jumonü I tsah-a, inü nü ki thiyukhüm jihkhi yande nünü mihyuaniang. 9Kheakü mihnu boto lung yübah amokhitkhi anunu 2 I kilim lubah arang, tüsho apinü akünkhi nangde inü jurünü nü buh khilim tsühyungpü akebe mozümodobah. 10Jushu nünü ju nü buh kilim lude yübah apinü atsühbah, tüsho api müsheyide nü müngühjihbah.” 11Tüsho Jakobnü abe Rebeka ki tha, “Kheahang, I khiung Esau a nam kihkhi mihtsürü ah, tüsho I a küp-shahshahkhi mihtsürü ah. 12Khükia I buhnü I qiubah, tüsho I ju api mülapyukrü nangde alabah; tüsho inü müngühmühi yungde muthrumünean I kheak hande arübah.” 13Tüshe abenü api ki tha, “Nü muthrumünean I kheak lashang, I tsah-a; I yu lang aniang, tüsho yübah jurü I kilim lude arang.” 14Apinü yü tüsho jurü yima lubah abe kilim arü, tüsho abuhnü akünkhi nangde abenü tsühyungpü akebe mozümodo. 15Jushu Rebekanü atsührü azopü Esau khimmih amokhitkhi thüyam ching anihbe ki lakhi lu, tüsho jurü atsührü akheambuh Jakob kheak khümjih. 16Tüsho alibenü mihnu nunu küpbo akhahbo le ahung shahshahbo kheak yihkihjih. 17Jushu anihbenü mozümodokhi tsühyungpü akebe tüsho yikhap atsührü Jakob khah ching yukjih.
18Jumonü apinü abuh kilim yü tüsho tha, “Abuh”; tüsho apinü alo, “I ha ching lah. Nü shepü a, I tsah-a?” 19Jakobnü abuh ki tha, “I nü tsührü adüjibuh Esau ah; nünü I ki thakhi nangde inü rhimodo; muzhobah asürübah binang tüsho inü alaksahkhi tsühang, junangde nünü I müngühjang.” 20Tüshe Isaknü atsührü ki tha, “Küde thsah nünü ha nahnahde angükhea, I tsah-a?” Apinü alo, “Tümütüsho Atungpuh nü Thrünpuhnü ha I kilim lude arü.” 21Judüki Isaknü Jakob ki tha, “Muzhobah I thüninde arang, I tsah-a, junangde nü atsütsü I tsührü Esau a shi yungnü nü muzhua kheahanü.” 22Jumonü Jakobnü abuh Isak thüninde yü, tüsho apinü anihbuh muzhubah tha, “Düsheak a Jakob düsheak ah, tüshe khahbo a Esau khahbo ah.” 23Apinü anihbuh mümütsankhit, tümütüsho akhahbo ju akhiung Esau khahbo nangde nambo lakheah; jumonü apinü anihbuh müngühjih. 24Judüki apinü tha, “Atsütsü nü I tsührü Esau a de?” Tüsho apinü alo, “I ah.” 25Isaknü tha, “I kilim thüninde lubah arang, tüsho I tsührünü alaksahkhi inü tsühanü, junangde inü nü müngühjihbah.” Jumonü apinü anihbuh thüninde lude arü, tüsho apinü tsüh; apinü anihbuh kilim yukhu handarü, tüsho apinü yung. 26Judüki abuh Isaknü api ki tha, “Kheakü I thüninde arang tüsho I müthsüpang, I tsah-a.” 27Apinü thüninde arü tüsho api müthsüp; Isaknü api khimmih münimakheah, tüsho api müngühjihde tha: “Tsükjide I tsührü rhüm a Atungpuhnü müngühjihkhi mütüm rhüm ruk ah. 28Jumonü Thrünpuhnü nü kilim thüning ayinke, alo müdang, tüsho suhdahkhi hi tüsho yukhu jihshang. 29Mihtsürübonü nü tankihshang, tüsho trükshihbonü nü ki mükhümshang. Nü keoniorü alala kurungkheak aputungrü thsang, tüsho nü be tsührübonü nü ki mükhümshang. Nü athrurü muthrumüneanshang, tüsho nü müngühjihrü müngühshang!”
Esaunü Müngühmühi Kheangkhi
30Isaknü api müngühjihkhambah dunglim Jakob abuh mikinü atso akede Esau shihyankhi chingnü alung. 31Apinü she tsühyungpü akebe mozümodobah abuh kilim lude arü, tüsho abuh ki tha, “Abuh asürang tüsho nü tsührünü alaksahkhi tsühang, junangde nünü I müngühjang.” 32Tüsho abuh Isaknü api ki keo, “Nü shepü a?” Apinü alo, “I nü tsührü adüjibuh Esau ah.” 33Judüki Isaknü khide ajan tüsho tha, “Shih laksah-a I kilim lude arübuh thsü she a? Nü marüyide inü ju tsühdo tüsho inü api müngühjihdo–tüsho api müngühmühibah.” 34Küyimki Esaunü abuh yubo sokheanü, apinü khide achangnü tripde abuh ki tha, “I she müngühjang, O abuh!” 35Tüshe apinü tha, “Nü niurünü rük thsüde arübah nü müngühmühi lubah tsoabahdo.” 36Tüsho Esaunü tha, “Api mung Jakob#Jakob amütsan lahzhi zamlokhi (mülapyukkhi). de lungkide jia lah yung de? Apinü I ha mahne ki mülapyukchoh: Apinü I zübekhi-alim ludo, tüsho kheakü apinü I müngühmühi ludo!” Apinü keo, “Nünü I thsungkheak müngühmühi khürü aninga muzojih de?” 37Isaknü Esau ki alo, “Inü api ki nü kurungkheak aputungrü kamshihdo, tüsho api keoniorü alala api yamlarü kamshihdo. Inü api kilim hi tüsho yukhu jihdo. Kheakü inü nü thsungkheak tümü müthsükhuk, I tsah-a!” 38Esaunü abuh ki tha, “Abuh, nü müngühmühi khülang lang lade? Abuh I she müngühjang!” Tüsho Esaunü adüsheak achangnü trip. 39Judüki abuh Isaknü alo tüsho api ki tha:
“Kheahang, nü lapung ju alo müdang kheaknü,
thüning ayinke kheaknü akhinbah alabah.
40Nukshang hode nü labah tüsho nünü nü niurü tankihbah,
tüshe küyimki nünü azhihde wusubanü api sangkap nü hung kheaknü ayihshakbah.”
41Jumonü abuhnü api müngühjihkhi dünkheak Esaunü Jakob lungkhangde kam, tüsho Esaunü amulong ching tha, “I buh dünkheak tüzhopü nimungbo thüninde lah; jushu inü I niurü Jakob laksahbah.” 42Tüsho atsührü azopü Esau yubo Rebeka ki thaa lakheah. Jumonü alibenü thiyia yüshihbah atsührü akheambuh Jakob jidarü tüsho api ki tha, “Tsükjide nü khiung Esaunü nü laksahpü lümde anihbuh mulong shukheamlochoh. 43Jumonü I tsaha, kheakü I yu aniang: Tsahmusubah Haran ching I khiung Laban kilim yüang, 44tüsho nü khiung bukakhiukkhi mükeamyi khiungde api lung nimung anükhüh, 45nü khiung bukakhiukkhi nü kheaknü mutsoyi khiungde, tüsho nünü api ki rhimokhi apinü mümihyi khiungde laang; jushu inü thiyia arüshihbah tüsho nü ju chingnü bedarübah. Tümüde nimung khülang ching nüke chido dükheakshihpü?”
Jakob Laban kilim Yükhi
46Judüki Rebekanü Isak ki tha, “Esau khiungkerü niuberü dünkheaknü I kipathsükdü lang lah. Jakobnü she harü Hit liberü lukhülaa, I ashekhi atsübe labah.”
Currently Selected:
THRÜNTAN 27: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
THRÜNTAN 27
27
Isaknü Jakob Müngühjihkhi
1Küyimki Isak ashinbuhrü kamkheanü, api mükbo thrimthrimde müngükhukde, apinü atsührü azopü Esau ji, “I tsah-a.” Tüsho apinü alo, “I ha ching lah.” 2Tüsho apinü tha, “Kheaküa I shina lah tüsho I ashepü nimung inü mümükheah. 3Jumonü kheakü muzhobah nü thsühnukbo, hühzopung tüsho sanglüh luang, tüsho mükeak ching I khilim shih yanang. 4Tüsho I khilim tsühyungpü akebe, inü akünkhi mozümodobah lude arang, junangde inü atsühbah tüsho I müsheyide inü nü müngühjihbah.”
5Kheakü Isaknü atsührü Esau ki thachoki Rebekanü anide alakheah. Tüsho Esaunü shih laksah-a lubah arüpü mükeak ching yü. 6Jumonü Rebekanü atsührü Jakob ki tha, “Nü buhnü nü khiung Esau ki thakhi inü sodo, 7‘I kilim shih laksah-a lude arang tüsho tsühyungpü akebe mozümodoang, junangde inü tsühbah I müsheyide Atungpuh miki nü müngühjihbah.’ 8Jumonü I tsah-a, inü nü ki thiyukhüm jihkhi yande nünü mihyuaniang. 9Kheakü mihnu boto lung yübah amokhitkhi anunu 2 I kilim lubah arang, tüsho apinü akünkhi nangde inü jurünü nü buh khilim tsühyungpü akebe mozümodobah. 10Jushu nünü ju nü buh kilim lude yübah apinü atsühbah, tüsho api müsheyide nü müngühjihbah.” 11Tüsho Jakobnü abe Rebeka ki tha, “Kheahang, I khiung Esau a nam kihkhi mihtsürü ah, tüsho I a küp-shahshahkhi mihtsürü ah. 12Khükia I buhnü I qiubah, tüsho I ju api mülapyukrü nangde alabah; tüsho inü müngühmühi yungde muthrumünean I kheak hande arübah.” 13Tüshe abenü api ki tha, “Nü muthrumünean I kheak lashang, I tsah-a; I yu lang aniang, tüsho yübah jurü I kilim lude arang.” 14Apinü yü tüsho jurü yima lubah abe kilim arü, tüsho abuhnü akünkhi nangde abenü tsühyungpü akebe mozümodo. 15Jushu Rebekanü atsührü azopü Esau khimmih amokhitkhi thüyam ching anihbe ki lakhi lu, tüsho jurü atsührü akheambuh Jakob kheak khümjih. 16Tüsho alibenü mihnu nunu küpbo akhahbo le ahung shahshahbo kheak yihkihjih. 17Jushu anihbenü mozümodokhi tsühyungpü akebe tüsho yikhap atsührü Jakob khah ching yukjih.
18Jumonü apinü abuh kilim yü tüsho tha, “Abuh”; tüsho apinü alo, “I ha ching lah. Nü shepü a, I tsah-a?” 19Jakobnü abuh ki tha, “I nü tsührü adüjibuh Esau ah; nünü I ki thakhi nangde inü rhimodo; muzhobah asürübah binang tüsho inü alaksahkhi tsühang, junangde nünü I müngühjang.” 20Tüshe Isaknü atsührü ki tha, “Küde thsah nünü ha nahnahde angükhea, I tsah-a?” Apinü alo, “Tümütüsho Atungpuh nü Thrünpuhnü ha I kilim lude arü.” 21Judüki Isaknü Jakob ki tha, “Muzhobah I thüninde arang, I tsah-a, junangde nü atsütsü I tsührü Esau a shi yungnü nü muzhua kheahanü.” 22Jumonü Jakobnü abuh Isak thüninde yü, tüsho apinü anihbuh muzhubah tha, “Düsheak a Jakob düsheak ah, tüshe khahbo a Esau khahbo ah.” 23Apinü anihbuh mümütsankhit, tümütüsho akhahbo ju akhiung Esau khahbo nangde nambo lakheah; jumonü apinü anihbuh müngühjih. 24Judüki apinü tha, “Atsütsü nü I tsührü Esau a de?” Tüsho apinü alo, “I ah.” 25Isaknü tha, “I kilim thüninde lubah arang, tüsho I tsührünü alaksahkhi inü tsühanü, junangde inü nü müngühjihbah.” Jumonü apinü anihbuh thüninde lude arü, tüsho apinü tsüh; apinü anihbuh kilim yukhu handarü, tüsho apinü yung. 26Judüki abuh Isaknü api ki tha, “Kheakü I thüninde arang tüsho I müthsüpang, I tsah-a.” 27Apinü thüninde arü tüsho api müthsüp; Isaknü api khimmih münimakheah, tüsho api müngühjihde tha: “Tsükjide I tsührü rhüm a Atungpuhnü müngühjihkhi mütüm rhüm ruk ah. 28Jumonü Thrünpuhnü nü kilim thüning ayinke, alo müdang, tüsho suhdahkhi hi tüsho yukhu jihshang. 29Mihtsürübonü nü tankihshang, tüsho trükshihbonü nü ki mükhümshang. Nü keoniorü alala kurungkheak aputungrü thsang, tüsho nü be tsührübonü nü ki mükhümshang. Nü athrurü muthrumüneanshang, tüsho nü müngühjihrü müngühshang!”
Esaunü Müngühmühi Kheangkhi
30Isaknü api müngühjihkhambah dunglim Jakob abuh mikinü atso akede Esau shihyankhi chingnü alung. 31Apinü she tsühyungpü akebe mozümodobah abuh kilim lude arü, tüsho abuh ki tha, “Abuh asürang tüsho nü tsührünü alaksahkhi tsühang, junangde nünü I müngühjang.” 32Tüsho abuh Isaknü api ki keo, “Nü shepü a?” Apinü alo, “I nü tsührü adüjibuh Esau ah.” 33Judüki Isaknü khide ajan tüsho tha, “Shih laksah-a I kilim lude arübuh thsü she a? Nü marüyide inü ju tsühdo tüsho inü api müngühjihdo–tüsho api müngühmühibah.” 34Küyimki Esaunü abuh yubo sokheanü, apinü khide achangnü tripde abuh ki tha, “I she müngühjang, O abuh!” 35Tüshe apinü tha, “Nü niurünü rük thsüde arübah nü müngühmühi lubah tsoabahdo.” 36Tüsho Esaunü tha, “Api mung Jakob#Jakob amütsan lahzhi zamlokhi (mülapyukkhi). de lungkide jia lah yung de? Apinü I ha mahne ki mülapyukchoh: Apinü I zübekhi-alim ludo, tüsho kheakü apinü I müngühmühi ludo!” Apinü keo, “Nünü I thsungkheak müngühmühi khürü aninga muzojih de?” 37Isaknü Esau ki alo, “Inü api ki nü kurungkheak aputungrü kamshihdo, tüsho api keoniorü alala api yamlarü kamshihdo. Inü api kilim hi tüsho yukhu jihdo. Kheakü inü nü thsungkheak tümü müthsükhuk, I tsah-a!” 38Esaunü abuh ki tha, “Abuh, nü müngühmühi khülang lang lade? Abuh I she müngühjang!” Tüsho Esaunü adüsheak achangnü trip. 39Judüki abuh Isaknü alo tüsho api ki tha:
“Kheahang, nü lapung ju alo müdang kheaknü,
thüning ayinke kheaknü akhinbah alabah.
40Nukshang hode nü labah tüsho nünü nü niurü tankihbah,
tüshe küyimki nünü azhihde wusubanü api sangkap nü hung kheaknü ayihshakbah.”
41Jumonü abuhnü api müngühjihkhi dünkheak Esaunü Jakob lungkhangde kam, tüsho Esaunü amulong ching tha, “I buh dünkheak tüzhopü nimungbo thüninde lah; jushu inü I niurü Jakob laksahbah.” 42Tüsho atsührü azopü Esau yubo Rebeka ki thaa lakheah. Jumonü alibenü thiyia yüshihbah atsührü akheambuh Jakob jidarü tüsho api ki tha, “Tsükjide nü khiung Esaunü nü laksahpü lümde anihbuh mulong shukheamlochoh. 43Jumonü I tsaha, kheakü I yu aniang: Tsahmusubah Haran ching I khiung Laban kilim yüang, 44tüsho nü khiung bukakhiukkhi mükeamyi khiungde api lung nimung anükhüh, 45nü khiung bukakhiukkhi nü kheaknü mutsoyi khiungde, tüsho nünü api ki rhimokhi apinü mümihyi khiungde laang; jushu inü thiyia arüshihbah tüsho nü ju chingnü bedarübah. Tümüde nimung khülang ching nüke chido dükheakshihpü?”
Jakob Laban kilim Yükhi
46Judüki Rebekanü Isak ki tha, “Esau khiungkerü niuberü dünkheaknü I kipathsükdü lang lah. Jakobnü she harü Hit liberü lukhülaa, I ashekhi atsübe labah.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.