THRÜNTAN 28
28
1Judüki Isaknü Jakob ji tüsho api müngühjih, tüsho api ki müneahde tha: “Nünü Kanan liberü dülu. 2Tsahmusubah Paddan-aram ching nü be abuh Bethuel yam ching yüang; tüsho ju ching nü kü Laban tsührübebo lung khülang nü niube luang. 3Wuto Thrünpuhnü nü müngühshang, tüsho nü aso asode bushang, junangde nü mihtsürü wüh tode akambah; 4tüsho nü le nü tsühsoniusobo kilim Abraham müngühmühi jihchoh, junangde Thrünpuhnü Abraham kilim jihkhi, nüsa khiungkerü thsüde alakhi lomi nüsa kilim jihbah.” 5Junangde Isaknü Jakob ju Paddan-aram ching Jakob le Esau abe Rebeka akhiung, Aramrü Bethuel tsührü Laban yam ching thiyia yüshih.
Esau Niube Püpü Lukhi
6Isaknü Jakob müngühjihkhi tüsho Paddan-aram ching aniube lushihpü thiyia yüshihkhi, tüsho apinü anihbuh müngühjihde, müneahde, “Nünü Kanan liberü dülu,” de athakhi Esaunü ngü, 7tüsho Jakobnü abuh le abe yu ani; tüsho Paddan-aram lim yü. 8Kanan liberünü abuh Isak kheak masühkhi she Esaunü ngü. 9Jumonü Esaunü Ishmael kilim yü tüsho api niuberübo püpü lungnü, Abraham tsührü Ishmael tsührübe tüsho Nebaioth niurü Mahalath lu.
Bethel ching Jakob Milim
10Jakobnü Beersheba chingnü chamachih tüsho Haran lim yü. 11Junangde api dangpung khürü ching arü tüsho tsüngre amuyung binkheam, tümütüsho ani yüzah-a lakheah. Apinü ju dangpung chingnü lung khülang lu tüsho aku mükham, tüsho ju ching api yap. 12Judüki api milim mi, tüsho kheahang, leak khülang alo kheaknü thüning khiungde kheanga lakheah; tüsho ju kheak Thrünpuh yunirübo yükihla akila de alakheah. 13Tüsho kheahang, ju kumung Atungpuh zhip tüsho tha: “I nü buh Abraham tüsho Isak Thrünpuh Atungpuh ah; nü yapkhi lo inü nü tüsho nü tsühsoniusobo kilim jihbah. 14Nü tsühsoniusobo alo asungthulung nangde alabah; nü aniyüzahlim tüsho aniakhiuklim, dukulim tüsho düjinglim bude ayübah; tüsho nü le nü müjih ching alomi yamkhün alala müngühmühibah. 15Kheahang, I nü lung lah tüsho nü kürü ching yübanü nü aheangbah, tüsho ha lo ching nü belode arübah, tümüde inü nü ki asukkhi mürhimoyi khiungde inü nü müdükhe.” 16Judüki Jakob ayapkhi chingnü asürü tüsho tha, “Tsükjide ha dangpung ching Atungpuh lah, tüsho inü mümükheah-a lah.” 17Api trede alakheah tüsho tha, “Küdükhüh ha dangpung atrebe la! Ha Thrünpuh yam thsüa lah; ha yinmi ripit ah!”
18Judüki Jakobnü yapsu mükikde asürü, tüsho api ku mükhamkhi lung ju lubah mümih-lung thsüde khima zo, tüsho ju ku kheak müdangke bukkih. 19Tüsho apinü ju dangpung mung Bethel#Thrünpuh yam de ji; tüshe ju kiuto mung akhuhlim Luz lakheah. 20Judüki Jakobnü thiyuchihchim khülang thsü, “Thrünpuh I lung lasho, tüsho I yüchoki ha limro ching I aheangsho, tüsho I kilim atsühpü yikhap tüsho aphuyupü khimmih jihsho, 21junangde I mungtsü chingnü I buh yam lim alode arübah, tüsho Atungpuh ju I Thrünpuh thsübah. 22Tüsho inü ha mümih-lung khima zokhi ju Thrünpuh yam thsübah, tüsho nünü I kilim jihkhi alala chingnü inü nü kilim thürü shihcham jihbah.”
Currently Selected:
THRÜNTAN 28: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
THRÜNTAN 28
28
1Judüki Isaknü Jakob ji tüsho api müngühjih, tüsho api ki müneahde tha: “Nünü Kanan liberü dülu. 2Tsahmusubah Paddan-aram ching nü be abuh Bethuel yam ching yüang; tüsho ju ching nü kü Laban tsührübebo lung khülang nü niube luang. 3Wuto Thrünpuhnü nü müngühshang, tüsho nü aso asode bushang, junangde nü mihtsürü wüh tode akambah; 4tüsho nü le nü tsühsoniusobo kilim Abraham müngühmühi jihchoh, junangde Thrünpuhnü Abraham kilim jihkhi, nüsa khiungkerü thsüde alakhi lomi nüsa kilim jihbah.” 5Junangde Isaknü Jakob ju Paddan-aram ching Jakob le Esau abe Rebeka akhiung, Aramrü Bethuel tsührü Laban yam ching thiyia yüshih.
Esau Niube Püpü Lukhi
6Isaknü Jakob müngühjihkhi tüsho Paddan-aram ching aniube lushihpü thiyia yüshihkhi, tüsho apinü anihbuh müngühjihde, müneahde, “Nünü Kanan liberü dülu,” de athakhi Esaunü ngü, 7tüsho Jakobnü abuh le abe yu ani; tüsho Paddan-aram lim yü. 8Kanan liberünü abuh Isak kheak masühkhi she Esaunü ngü. 9Jumonü Esaunü Ishmael kilim yü tüsho api niuberübo püpü lungnü, Abraham tsührü Ishmael tsührübe tüsho Nebaioth niurü Mahalath lu.
Bethel ching Jakob Milim
10Jakobnü Beersheba chingnü chamachih tüsho Haran lim yü. 11Junangde api dangpung khürü ching arü tüsho tsüngre amuyung binkheam, tümütüsho ani yüzah-a lakheah. Apinü ju dangpung chingnü lung khülang lu tüsho aku mükham, tüsho ju ching api yap. 12Judüki api milim mi, tüsho kheahang, leak khülang alo kheaknü thüning khiungde kheanga lakheah; tüsho ju kheak Thrünpuh yunirübo yükihla akila de alakheah. 13Tüsho kheahang, ju kumung Atungpuh zhip tüsho tha: “I nü buh Abraham tüsho Isak Thrünpuh Atungpuh ah; nü yapkhi lo inü nü tüsho nü tsühsoniusobo kilim jihbah. 14Nü tsühsoniusobo alo asungthulung nangde alabah; nü aniyüzahlim tüsho aniakhiuklim, dukulim tüsho düjinglim bude ayübah; tüsho nü le nü müjih ching alomi yamkhün alala müngühmühibah. 15Kheahang, I nü lung lah tüsho nü kürü ching yübanü nü aheangbah, tüsho ha lo ching nü belode arübah, tümüde inü nü ki asukkhi mürhimoyi khiungde inü nü müdükhe.” 16Judüki Jakob ayapkhi chingnü asürü tüsho tha, “Tsükjide ha dangpung ching Atungpuh lah, tüsho inü mümükheah-a lah.” 17Api trede alakheah tüsho tha, “Küdükhüh ha dangpung atrebe la! Ha Thrünpuh yam thsüa lah; ha yinmi ripit ah!”
18Judüki Jakobnü yapsu mükikde asürü, tüsho api ku mükhamkhi lung ju lubah mümih-lung thsüde khima zo, tüsho ju ku kheak müdangke bukkih. 19Tüsho apinü ju dangpung mung Bethel#Thrünpuh yam de ji; tüshe ju kiuto mung akhuhlim Luz lakheah. 20Judüki Jakobnü thiyuchihchim khülang thsü, “Thrünpuh I lung lasho, tüsho I yüchoki ha limro ching I aheangsho, tüsho I kilim atsühpü yikhap tüsho aphuyupü khimmih jihsho, 21junangde I mungtsü chingnü I buh yam lim alode arübah, tüsho Atungpuh ju I Thrünpuh thsübah. 22Tüsho inü ha mümih-lung khima zokhi ju Thrünpuh yam thsübah, tüsho nünü I kilim jihkhi alala chingnü inü nü kilim thürü shihcham jihbah.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.