LEVI 2
2
Hi Kingaün
1Mihtsürü khürünü Atungpuh kilim hi kingaün jihsho apinü akhuhde ayikangkang kamde chuthünakang. Apinü ju ching oliv müdangke tüsho rhümthüneabe yukang, 2tüsho Aron tsührü amükeamrübo kilim lubah arüshang. Amükeambuhnü ayikangkang müyikhüh tüsho müdangke le rhümthüneabe alala lubah thiyuchihchimkhi amütsan Atungpuh kilim jihkhi kingaünpung kheaknü taka kingaünbah. Ha taka kingaünkhi rhümnü Atungpuh asühshihchoh. 3Aningkhi ayikangkang ju amükeamrübo yo thsübah; ju Atungpuh kilim monü taka kingaünkhi chingnü alukhi khide amüsüh ah.
4Kingaün ju yinchikuk chingnü akhapkhi yikhap thsüsho, ju ayikangkang atsüdakbe tüsho oliv müdangke yukbah anungkhi phaüm muyukkhi yikhap yungsho phaüm muyukkhi yikhapkheam thsübeah.
5Kingaün ju tak-phuru chingnü akhapkhi yikhap thsüsho, phaüm muyukkhi ayikangkang ching oliv müdangke yukkhi thsübeah. 6Anininü yihthünakbah müdangke bukkihang; ha hi kingaün.
7Kingaün ju keangkihphüh chingnü angüpkhi thsüsho, ayikangkang atsüdak ching müdangke yukkhi thsübeah. 8Jurünü athsükhi yikhap Atungpuh kilim kingaün hanbah arang; tüsho küyimki amükeambuh kilim jihbanü apinü kingaünpung kheak handarübah. 9Amükeambuhnü mümihpü shihcham hi kingaün chingnü ayihkhitbah, tüsho apinü ju kingaünpung kheaknü atakbah. Ha taka kingaünkhi rhümnü Atungpuh asühshihchoh. 10Aningkhi ayikangkang ju amükeamrübo yo thsübah; ha Atungpuh kilim taka kingaünkhi chingnü khide amüsüh ah.
11Nüsanü hi kingaün Atungpuh kilim jihkhibo ching phaüm düyuk; tümüde Atungpuh kilim taka kingaünkhi ching phaüm yungsho mukhuke mahoribeah. 12Nüsanü akhuhde yimlukhi Atungpuh kilim kingaün jihbah, tüshe kingaünpung kheak arhümthüneashihde mütak. 13Hi kingaün aban ching thimi yukang, tümüde thiminü nüsa le Thrünpuh dükeak tangzüng zokhi huhchoh; nüsanü nüsa kingaün alala ching thimi yukang. 14Küyimki nüsanü akhuh yimlukhi hi Atungpuh kilim kingaün handarübanü, angukhi yungsho achukhi jihang. 15Ju ching müdangke tüsho rhümthüneabe yukang; ha hi kingaün. 16Tüsho amükeambuhnü achukhi hi tüsho müdangke chingnü mümihpü shihcham tüsho rhümthüneabebo bede lubah Atungpuh kilim taka kingaünbah.
Currently Selected:
LEVI 2: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
LEVI 2
2
Hi Kingaün
1Mihtsürü khürünü Atungpuh kilim hi kingaün jihsho apinü akhuhde ayikangkang kamde chuthünakang. Apinü ju ching oliv müdangke tüsho rhümthüneabe yukang, 2tüsho Aron tsührü amükeamrübo kilim lubah arüshang. Amükeambuhnü ayikangkang müyikhüh tüsho müdangke le rhümthüneabe alala lubah thiyuchihchimkhi amütsan Atungpuh kilim jihkhi kingaünpung kheaknü taka kingaünbah. Ha taka kingaünkhi rhümnü Atungpuh asühshihchoh. 3Aningkhi ayikangkang ju amükeamrübo yo thsübah; ju Atungpuh kilim monü taka kingaünkhi chingnü alukhi khide amüsüh ah.
4Kingaün ju yinchikuk chingnü akhapkhi yikhap thsüsho, ju ayikangkang atsüdakbe tüsho oliv müdangke yukbah anungkhi phaüm muyukkhi yikhap yungsho phaüm muyukkhi yikhapkheam thsübeah.
5Kingaün ju tak-phuru chingnü akhapkhi yikhap thsüsho, phaüm muyukkhi ayikangkang ching oliv müdangke yukkhi thsübeah. 6Anininü yihthünakbah müdangke bukkihang; ha hi kingaün.
7Kingaün ju keangkihphüh chingnü angüpkhi thsüsho, ayikangkang atsüdak ching müdangke yukkhi thsübeah. 8Jurünü athsükhi yikhap Atungpuh kilim kingaün hanbah arang; tüsho küyimki amükeambuh kilim jihbanü apinü kingaünpung kheak handarübah. 9Amükeambuhnü mümihpü shihcham hi kingaün chingnü ayihkhitbah, tüsho apinü ju kingaünpung kheaknü atakbah. Ha taka kingaünkhi rhümnü Atungpuh asühshihchoh. 10Aningkhi ayikangkang ju amükeamrübo yo thsübah; ha Atungpuh kilim taka kingaünkhi chingnü khide amüsüh ah.
11Nüsanü hi kingaün Atungpuh kilim jihkhibo ching phaüm düyuk; tümüde Atungpuh kilim taka kingaünkhi ching phaüm yungsho mukhuke mahoribeah. 12Nüsanü akhuhde yimlukhi Atungpuh kilim kingaün jihbah, tüshe kingaünpung kheak arhümthüneashihde mütak. 13Hi kingaün aban ching thimi yukang, tümüde thiminü nüsa le Thrünpuh dükeak tangzüng zokhi huhchoh; nüsanü nüsa kingaün alala ching thimi yukang. 14Küyimki nüsanü akhuh yimlukhi hi Atungpuh kilim kingaün handarübanü, angukhi yungsho achukhi jihang. 15Ju ching müdangke tüsho rhümthüneabe yukang; ha hi kingaün. 16Tüsho amükeambuhnü achukhi hi tüsho müdangke chingnü mümihpü shihcham tüsho rhümthüneabebo bede lubah Atungpuh kilim taka kingaünbah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.